ރައްޔިތުންގެ މަޖިލީހުގެ ޖަލްސާއެއްގައި މެމްބަރުން ބައިވެރިވެވަަޑައިގަންނަވަނީ. ޑޮލަރު ރާއްޖޭގައި ހިފަހައްޓަން ގޮވާލައި މިއަދު މަޖިލީހަށް ގަރާރެއް ހުށަހެޅި.
07 މާޗް 2021 - 16:55
69 comments
ރައްޔިތުންގެ މަޖިލީހުގެ މެމްބަރުން، ޖަލްސާތަކަށާއި ކޮމިޓީ ބައްދަލުވުންތަކަށް ވަޑައިނުގެން، އެއްވެސް ހައްދެއް ނެތި ސަލާމުގައި ނުތިއްބެވޭ ގޮތަށް ރައްްޔިތުންގެ މަޖިލީހުގެ ގަވައިދު އިސްލާހުކުރަން ގަލޮޅު ދެކުނު ދާއިރާގެ މެމްބަރު މީކާއީލް އަހުމަދު ނަސީމް މިއަދު ހުށަހަޅުއްވައިފި އެވެ.
މަޖިލީހުގެ ގަވައިދަށް މީކާއީލް ހުށަހެޅުއްވި އިސްލާހުގައި ވާގޮތަށް ގަވައިދު ބަދަލުކޮށްފި ނަމަ މެޑިކަލްް ސެޓްފިކެޓް ހުށަނާޅުއްްވައި، ސަލާމުގައި ތިއްބެވޭނީ އަހަރަކު 15 ދުވަހު އެވެ. އެއަށް ވުރެ އިތުރުވާ ނަމަ މެޑިކަލް ސެޓްފިކެޓް ގެންދަވަން ޖެހިވަޑައިގަންނަވާއިރު އެގޮތަށް ވެސް ނެންގެވޭނީ އަހަރަކު 15 ދުވަހެވެ. އެގޮތުން މެމްބަރުންނަށް ސަލާމް ވިދާޅުވެގެން ތިއްބެވޭނީ އަހަރަކު ޖުމްލަ 30 ދުވަހު އެވެ.
އެމްސީ ހުށަހަޅުއްވަަން ޖެހިވަޑައިގަންނަވާ ގޮތަށް ގަވައިދު އިސްލާހުކުރިޔަސް ހާއްސަ ހާލަތްތަކުގައި މެމްބަރުންނަށް ލުއި ލިބިވަޑައިގަންނަވާނެ އިސްތިސްނާއެއް ވެސް އެ އިސްލާހުގައި އެބަ އޮތެވެ. އެއީ ބޮޑު ބައްޔަކަށް ފަރުވާ ކުރައްވަން ޖެހިވަޑައިގެންނެވުން ނުވަތަަ އެކްސިޑެންޓެއްގެ ސަބަބުން އަނިޔާވުމެވެ.
މަޖިލީހުގެ ކޮމިޓީ ބައްދަލުވުމެއްގައި މީކާއީލް ބައިވެރިވެވަޑައިގަންނަވަނީ. މެމްބަރުންނަށް ސަލާމް ބުނެވޭ ދުވަސްތަކުގެ އަދަދު ކަނޑައަޅަން އޭނާ ހުށަހެޅުއްވި
އެނގިފައިވާ ގޮތުގައި އަހަރަކު 30 ދުވަހަށް ވުރެ އިތުރަށް ސަލާން ނުބުނެވޭ ގޮތަށް ގަވައިދު ބަދަލުކުރަން އެމްޑީޕީގެ ޕާލަމެންޓްރީ ގްރޫޕްގެ ބައެއް މެމްބަރުން ވަރަށް ދެކޮޅެެވެ. ރައްޔިތުންގެ މަޖިލީހުގެ ސުޕަ މެޖޯރިޓީ އޮންނަ އެމްޑީޕީގެ ޕީޖީ ގްރޫޕްގެ ވަޓްސްއެޕްް ގްރޫޕްގައި ބައެއް މެމްބަރުން ވަނީ އިސްލާހު ހުށަހަޅުއްވާތީ މީކާއިލް އަށް ވަަރަށް ބޮޑަށް ފާޑުވިދާޅުވެފަ އެވެ.
އެ އިސްލާހާ ދެކޮޅު ބައެއް މެމްބަރުން ވިދާޅުވެފައިވާ ގޮތުގައި މެމްބަރުންނަކީ ރައްޔިތުން އިންތިހާބުކުރާ ބަޔަކަށް ވާތީ ސިވިލް ސާވިސްގެ އޮނިގަނޑާ އެއްވަރަށް "ނިކަމެތިވުމަކީ" ހައިރާކީ އަށް އަރައިގަތުމެވެ. އެހެން މެމްބަރަކު ވިދާޅުވީ ކުންފުނިތަކުގެ އިސް ބޭފުޅުން ވެސް އުޅުއްވަނީ މެމްބަރުންނަށް ވުރެ ކުރީގައި ކަމަށެވެ.
"ވަޒީރުުންނަށް ދިދަޖެހި ކާރުގައި ބޭނުން ގަޑިއަކު އުޅެވޭ. އެމްޕީން ވީމާ ބަންދުގައި،" އެެހެން މެމްބަރަކު ވިދާޅުވި ކަމަށް، "މިހާރު" އަށް މައުލޫމާތު ދެއްވި މެމްބަރަކު ވިދާޅުވި އެވެ.
އެހެން މެމްބަރަކު އެ އިސްލާހު ސިފަކުރެއްވީ އޭނާ ވިދާޅުވި ގޮތުގައި، ސަރުކާރު ދެކެ ރުޅި އައިސްގެން، މެމްބަރުންނަށް ދަތިކުރަން ހުށަހެޅުއްވި އެއްޗެއްގެ ގޮތުގަ އެވެ.
މަޖިލީހުގެ ޖަލްސާތަކަށް މެމްބަރުން ވަޑައިނުގެން ގިނަ ދުވަސްތަކެއް ވަންދެން ތިއްބަވާ މައްސަލައިގައި ރައްޔިތުންގެ މަޖިލީހުގެ ރައީސް މުހަައްމަދު ނަޝީދު ދާދިފަހުން ވެސް ކަންބޮޑުވުން ފާޅުކުރެއްވި އެވެ. ޖަލްސާތަކަށް ވަޑައިނުގެން ތިއްބަވާ ނަމަ މުސާރައިން ކެނޑޭ ގޮތަށް ގަވައިދު އިސްލާހުކުރަން ވެސް އެމަނިކުފާނު ކުރިން ވާހަކަ ދެއްކެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙުމަދު ހަސަން
08 March 2021
ކޮން ހައިރާކީއެއް، ރައްޔިތުމީހާ ހޮވާފައި ތިހުރީރައްޔިތުންގެ އަޑު ތިތަނުގައި އިއްވަން. ރިޝްވަތާއި ކޮރަޕްޝަންގެ ތެރެއިން އައިސް ތިބުމަކީ އެކަމާ މީހާ މާ ބޮޑާވެ ކިބުރުވެރިވާންވީ ކަމެއްނޫން. ތިޔައީ ރައްޔިތުންގެ މަންދޫބުން، ތިމާގެ އެޤާބިލްކަން ނެތިއްޔާ ވަކިވެސްކުރަންވީ. ވަކިވަރަކަށް ހަޒިރުނުވާނަމަ.
މެމްބަރުންގެ ނަން ހާމަ ކުރޭ
08 March 2021
ތިޔަ ބިލާއި ދެކޮޅު މެމްބަރުންގެ ނަން ހާމަކޮއްލަބަލަ! އޭރުންތާ އެނގޭނީ ދެން އޮތް އިންތިހާބެއްގައި އެމީހުންނައް ވޯޓު ނުލާން
ނީރާ
08 March 2021
އަލިފުޅު3. ހަމައެކނި އެހެންވެގެނެއްނޫން. މުއްސަނދިންގެ އަތުން ދާބައިވަރު މަދުކުރަންވެގެން ކަންނެލި ދޯނިފަހަރުން ދިވެހިންނަށް ޖާަގައެއް ނުދޭ. ރިސޯޓް އޯނަރުންގެ އަންބޮޑި ބޮޑުކުރަންވެގެން ކުޑަ މުސާރައަށް ބިދޭސީންނަށް އިސްކަންދެނީ. ކޮސްގޮވީމަަ ކަމަކު ނުދާނެ
ފޫހި
08 March 2021
ތިޔަ ތަން އުވާލާ. ހެޔޮނުވާނެ މިމީހުން މާ ހައިބަތުބޮޑުވެގެން އުޅެންޏާ އެތަން އުވާލުމަށް ރައްޔިތުންނުކުންނަންވީ. ކީއްކުރާތަނެއް. ކޮންމެ ފަސްއަހަރަކުން އެއްފަހަރު ދުވަހުމުސާރައަށް ކޮށްލަންވީކަމެއް. ހުރިހާ އިމްތިޔާޒަކާ ބިޔަބޮޑުމުސާރަނަގައިގެން މިކުރަނީ.
ައަލީ
08 March 2021
ދޮގެއްވެސް ނޫން
ނީރާ
08 March 2021
ކަންބޮޑުވާންވީ މެންބަރުން ސަލާންބުނާތީއެއްނޫން. ހިތުހުރިވަރަކަށް މުއައްސަސާތަކުން ބޭރުމީހުންނަށް ވަޒީފާނުދެވޭނެ އުޞޫލެއް ހަމަޖައްސަންވީ. ރަށްރަށުގެ ދަނދުވެރިކަން ކުރުމަށާއި މަސްވެރިކަމުގައި އޮޑިދޯނިފަހަރުގައިވެސް ވަކި އުޞޫލެއް ވަކި ހަމައެއްގެ ބޭރުމީހުންނަށް ވަޒީފާ ލިބޭގޮތް ހަމަޖައްސަންވީ. ހަމައެކަނި މުއްސަނދިން މުއްސަނދިވާން ފުރުޞަތު ނުދީ ފަޤީރު ނިކަމެތި ދިވެހި މީހާއަށްވެސް ފުދުންތެރި ދިރިއުޅުމެއް ހޯދައިދޭން ޤާނޫނުތައް ހަދަންވީ.
އަލިފުޅު3
08 March 2021
ފަގިރު ނިކަމެތި މީހާ ވޯޓު ވިއްކާ މީހާ، އަދި އަތުގަ ހުރި ކޮންމެ އެއްޗެއް ވިއްކާ މީހާ ހެދުނު އެދުން ތެދުވެގެން ކަމަކާ އުޅޭހާ ހިތްވަރެއް ނެތީމާ އެތަންމިތަނުން މީހުން ގެނެސްގެން މަސައްކަތް ކުރުވަން ޖެހެނީ! ދެން މީގެ ސަބަބުން އަންނަ ނުރައްކާތެރިކަން ވިސްނައިގެން ތިބޭތި. ތަފާސް ހިސާބު ބަލާލާ!. ވޭތުވެ ދިޔަ 3 އަހަރު ދިވެހި ފިރިހެނުން އެންމެ ގިނައިން ކައިވެނި ކުރީ ކޮން ގައިމެއްގެ އަންހެނުންާ ކަންް އިނގޭތޯ؟
ަްއަޖައިބު
08 March 2021
ތިކުދިން ނޫންތޯ ސެޓްފިކެޓް އާ ނުލައި 15 ދުވަހަށް ވުރެ އިތުރަށް ސަލާން ނުބުނެވޭނެ ގޮތް ހަދާ ދުއްތުރާގެ ބިންގާ އަޅައި ދެއްވީ. ތިކުދިން އަބަދު ސަލާމުގައި ތިބީމަ ދެން އަޅުގަނޑުމެން ނިކަމެތިންނަށް ޖެެއްސުން ކުރަނީ ކޮންބައެއްތޯ؟
ރަންދެލި
08 March 2021
ތީ ގޭމެއް. ތީގެ އިތުރުން އިސްލާހު ކުރަންވީ ކަމަކީ މެމްބަރުން މަޖިލީހަށް ހާޒިރުވެ ޚިދުމަތް ކުރާ ގަޑިއަށް އުޖޫރަ ދޭންވީ! އަދި މެމްބަރެއްގެ މަހު އުޖޫރަ ގިނަވެގެން 20000 ރ އަށްވުރެ ކުޑަ ކުރަންވީ. އަދި އޮފި-އެލޭ ގަހެއް ހެން މަޖިލިސް ބޮޑުވަމުން، މެމްބަރުން އިތުރު ވަމުން ނުދާ ގޮތެއް ހަދަންވީ! އަދި ކޮބާ މެމްބަރުންގެ ސައިފޮދު، އާސިޔާން ގައުމަކުން (ސިންގަޕޫރު ކަމަށް ބޮޑަށް ބެލެވެނީ) ބޭސް ފަރުވާ އަދި ރިޓާޔަރމެންޓް ޕެކެޖް! ނޫނޭ ކަލޭމެން ވާ ލަދު ކުޑަ!!!
ޚިދުމަތްތެރިން
08 March 2021
"ސިވިލް ސާވިސްގެ އޮނިގަނޑާ އެއްވަރަށް "ނިކަމެތިވުމަކީ"".... ޤައުމުގެ ޚިތުމަތް ތެރިންނަކީ ނިކަމެތި ދަށް ބައެއްކަމަށް ދެކޭބަޔަކު ދެން ރަތްޔިތުން ނުހޮވުން އެދެން. ތީ ހަޤީޤަތުގައި ރައްޔިތުންގެ ޚާދިމުން. އެކަން ހަނދާންކުރާތި.
މަލީހު
08 March 2021
އެހެން މަގާމްތަކަށް އޮންނަ ފަސޭހަތަކާ އިނާޔަތްތަކުގެ ވާހަކަ ދައްކާ މެމްބަރުން އިސްތިއުފާދޭން ރަގަޅުވާނެ. ރައްތިތުން މެމްބަރުކަމަށްހޮވަނީ ގޭގަ ނިދާފަ އޮއްވައެއްނޫން. ފައިބުޑަށްގޮސް އާދޭސްކުރާވަރުން. މަޖިލީހަށްނުގޮސް އަބަދު ގޭގައޮންނާކަށްނޫން.