ޓެލެކޮމިއުނިކޭޝަން ސައިންސް އެންޑް ޓެކްނޮލޮޖީ މިނިސްޓަރު މުހައްމަދު މަލީހު ޖަމާލް މަޖިލީހުގެ ޖަލްސާގައި. މަޖިލީހުގެ ރައީސް މުހައްމަދު ނަޝީދު ވިދާޅުވީ މަލީހު ހަގީގަތާ ހިލާފު ވާހަކައެއް ދެއްކެވިތޯ ބަލަން ކޮމިޓީއަށް ފޮނުވާނެ ކަަމަށް.
01 މާޗް 2021 - 13:19
20 comments
ޓެލެކޮމިއުނިކޭޝަން ސައިންސް އެންްޑް ޓެކްނޮލޮޖީ މިނިސްޓަރު މުހައްމަދު މަލީހު ޖަމާލްގެ އިތުބާރުނެތްކަމަށް ރައްޔިތުންގެ މަޖިލީހަށް ހުށަހަޅާފައިވާ މައްްސަލައިގައި، މިއަދުގެ ޖަލްސާގައި ފަހުބަސް ވިދާޅުވަމުން އެމްޑީޕީގެ މެމްބަރުންނަށް ކުރެއްވި ތުހުމަތު މަޖިލީހުގެ އިމްތިޔާޒާ ބެހޭ ކޮމިޓީ އަށް ފޮނުވަން ނިންމައިފި އެވެ.
މަޖިލީހުގައި ސުޕަ މެޖޯރިޓީ އޮންނަ އަދި ވެރިކަން ކުރާ ކޯލިޝަނުގެ މައި ޕާޓީ އެމްޑީޕީގެ ޕާލަމެންޓްރީ ގްރޫޕުން މަޖިލީހަށް ހުށަހެޅި މައްސަލަައިގައި ކުރި ބަހުސްގައި ފަަހުބަސްް ވިދާޅުވާން ލިބިވަޑައިގެންނެވި ފުރުސަތުގައި މަލީހު ވިދާޅުވީ، ރައްޔިތުންގެ މަޖިލީހުން ވަޒީރުންނަށާއި ސަރުކާރަށް ބިރުދައްކަމުންދާ ތަން ފެނިވަޑައިގަންނަވާ ކަމަށެވެ. އޭގެ އެއް މިސާލަކަށް، މި ސަރުކާރު ހިންގާ ކޯލިޝަންގައި ހިމެނޭ ޖުމްހޫރީ ޕާޓީގެ ކައުންސިލް މެމްބަރު މަލީހު ނެންގެވީ ކުރީގެ ޖެންޑާ މިނިސްޓަރު ޝިދާތާ ޝަރީފު މަގާމުން އިސްތިއުފާ ދެއްވުމެވެ. މަލީހު ތުހުމަތު ކުރެއްވި ގޮތުގައި އަދާލަތު ޕާޓީގެ ސްލޮޓެއްގައި ވަޒީރުކަމަށް ވަޑައިގެންނެވި ޝިދާތާ ވެސް އެ ފިޔަވަޅު އެޅުއްވީ "ބިރުދައްކައިގެން" ނެވެ.
އެހިސާބަށް ވާހަކަ ގެންދެވުމުން، އިނގުރައިދޫ ދާއިރާގެ އެމްޑީޕީ މެމްބަރު ހަސަން އަހުމަދު، ނިޒާމާ ބެހޭ މައްްސަލައެއް ނެެންގެވި އެވެ. ނަމަވެސް މަލީހުގެ ތުހުމަތާ ބެހޭ ގޮތުން ހަސަން އެއްޗެއް ވިދާޅެއް ނުވެ އެވެ. އެ އަށް ފަހު މަލީހު ދައްކަވަމުން ގެންދެވި ވާހަކަ ހަނިކުރައްވައި، ވިދާޅުވީ ބައެއް މެމްބަރުން ބިރުދައްކަވާ ކަމަށެވެ.
"ރައްޔިތުންގެ މަޖިލީހުގެ މަދު މެމްބަރުންތަކެއް، ވަޒީރުންނަށް ކަނޑައެޅިގެން ބިރުދައްކަމުން އެބަދޭ،" އޭނާ ވިދާޅުވި އެވެ.
މަލީހު އެގޮތަށް ވާހަކަ ކުރިއަށް ގެންދަވަން ފެއްޓެވުމުން، ނިޒާމާ ބެހޭ ނުކުތާއެއް ނަންގަވައި، އެެމްޑީޕީގެ ޗެއާޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ވިދާޅުވީ، އެ ޕާޓީގެ ސަރުކާރެއްގައި ހުންނެވި ވަޒީރަކު މަޖިލީހުގެ ރަސްޖީ ޖަލްސާއެއްގައި އެހެން ވިދާޅުވާ ނަމަ އޭގެ ތަފްސީލު ދެއްވަން ޖެހިވަޑައިގަންނަވާނެ ކަމަށެވެ. އޭގެ ތަފްސީލަށް އެދިވަޑައިގަންނަވާ ކަމަށް ވެސް ހަސަން ވިދާޅުވި އެވެ.
ރިޔާސަތުން މަޖިލީހުގެ ރައީސް މުހައްމަދު ނަޝީދު، އިތުރު ސުވާލުގެ ގޮތުގައި އެ ސުވާލު މަލީހާ ކުރެއްވި އެވެ. މަލީހު އަނެއްކާވެސް ވިދާޅުވީ، ވަޒީރުންގެ މަސްއޫލިއްޔަތު އަދާކުރަން ތަކުރާރުކޮށް ހުރަސް އަޅުއްވައި ބިރުދައްކަމުންދާތަން ފެނިވަޑައިގަންނަވާ ކަމަށެވެ. ޝިދާތާ އަށް ބިރުދެއްކިކަން ވެސްް އެގޮތުން ފެންނަން އެބަ އޮތް ކަމަށް މަލީހު ވިދާޅުވި އެވެ.
"އިއްޒަތްތެރި ވަޒީރު، ކޮންތާކުންތޯ ފެންނަން އޮތީ ޝިދާތާ އަށް ބިރު ދައްކައިގެން، ޝިދާތާ [އިސްތިފާ ދޭން މަޖުބޫރުކުރިތަން]، އިއްޒަތްތެރި ވަޒީރު އެބަ ވިދާޅުވޭ ފެންނާން އެ އޮތީއޭ، ކޮންތާކުތޯ އޮތީ ސާފުކޮށްލައިދެއްވުން އެދެން،" މަލީހު އެގޮތަށް ވާހަކަ ކުރިއަށް ގެންދަވަން ފެށްޓެވުމުން، ރިޔާސަތުން ނަޝީދު ވިދާޅުވި އެވެ.
މަލީހު ވިދާޅުވީ، ފަހުބަސް ވިދާޅުވާން ލިބިވަޑައިގެންފައި އޮތް 10 މިނިޓުގެ ތެރޭގައި އެ ތަފްސީލަަށް ދާން ވަގުތެއް ނެތް ކަމަށާއި އެކަމާ ބެހޭ ތަހުގީގެއް ކުރާ ނަމަ އެއްބާރުލުން ދެއްވަން ހުންނެވި ކަަމަށެވެ. މަަލީހުގެ ވާހަކަ ނިންމަވައިލައްވަމުން ވެސް ވިދާޅުވީ ގަވައިދުތައް ނުހަދާ ކަމަށް ބުނެ، އޭނާއާ ދެކޮޅަށް ހުށަހެޅި މައްސަލައިގައި ކަނޑައެޅިގެން ދޮގު ހަދާފައިވާ ކަމަށެވެ.
އޭނާ އަށް ފުރަތަމަ ލިބިވަޑައިގެންނެވި ފުރުސަތުގައި ވެސް އެހެން ވިދާޅުވެފައި ވާތީ އެ ގަވައިދުތައް ހެދި ތާރީހެއް ހޯއްދަވަން ގަލޮޅު ދެކު ދާއިރާގެ އެމްޑީޕީ މެމްބަރު މީކާއިލް އަހުމަދު ނަސީމް ސުވާލު ކުރެއްވި އެވެ. ނަމަވެސް މަލީހު އެ ސުވާލަށް ޖަވާބެއް ނުދެއްވަ އެވެ.
ކޮމިޓީ އަށް ހުށަހަޅައިގެން ބަލައި، ދައުވާކުރަން ޖެހޭ ނަމަ ކުރާނަން: ނަޝީދު
ރައްޔިތުންގެ މަޖިލީހުގެ ރައީސް މުހައްމަދު ނަޝީދު ޖަލްސާއެއްގެ ރިޔާސަތު ބަލަހައްޓަވަނީ. އެމަނިކުފާނު ވިދާޅުވީ މަލީހު ހަގީގަތާ ހިލާފު ވާހަކައެއް ދެއްކެވިތޯ ބަލަން ކޮމިޓީއަށް ފޮނުވާނެ ކަަމަށް.
މީކާއިލް ނެންގެވީ ނިޒާމާ ބެހޭ ނުކުތާއެއް ކަމަށް ބަލައިގަންނަވާކަން އިއުލާނު ކުރައްވަމުން، ރިޔާސަތުން މަޖިލީހުގެ ރައީސް ނަޝީދު ވިދާޅުވީ، ވަޒީރެއްގެ ގޮތުގައި ހުންނަވާ މަޖިލީހުގައި ހަގީގަތާ ހިލާާފަށްް ވާހަކަ ދައްކަވާފައި ވޭތޯ ބަލަން އިމްތިޔާޒު ކޮމިޓީ އަށް ފޮނުއްވާނެ ކަމަށެވެ. އެގޮތަށް ވާހަކަ ދައްްކަވާފައި ވާނަ ދައުވާކުރަން ޕްރޮސެކިއުޓާ ޖެނެރަަލްގެ އޮފީހަށް ފޮނުއްވާނެ ކަމަށް ވެސް އެ މަނިކުފާނު ވިދާޅުވި އެވެ.
މިއަދު ލިބިވަޑަައިގެންނެވި ހުރިހާ ފުރުސަތެއްގައި މަޖިލީހުގެ މެމްބަރުންނަށް ފާޑުވިދާޅުވެ، މަލީހު ދެއްކެވި ވާހަކަތަކާ ގުޅިގެން، އޭނާ ފަހު ބަސް ވިދާޅުވެ ނިންމެވުމާ އެކު ބައެއް މެމްބަރުން ނުރުހުން ފާޅުކުރައްވާ އަޑު އިވުނެވެ. ވާހަކަ ދެއްކެވުމަށް ލިބިވަޑައިގެންނެވި ފުރުސަތު ތަކުގައި ވެސް މެމްބަރުން ނުރުހުން ފާޅުކުރެއްވި އެވެ.
އެ ވާހަކަތަކަށް ޖަވާބު ދެއްވަމުން ރިޔާސަތުން ނަޝީދު ވިދާޅުވީ، އެ މަނިކުފާނު ރިޔާސަތުގައި އިންނަވާހާ ހިނދަކު، މަޖިލީހުގެ ގަދަރާއި ހައިބަތު ހިފަހައްޓަވައިދެއްވާނެ ކަމަށެވެ. އެކަމަށްޓަކައި ކުރައްވަން ޖެހިވަޑައިގަންނަވާ ހުރިހާ ކަމެއް ކުރައްވާނެ ކަަމަށާއި ހިންގަވަން ޖެހިވަޑައިގަންނަވާ ކޮންމެ މަގެއްގައި ހިންގަވާނެ ކަަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
02 March 2021
ގަދަރާއި ހައިބަތަކީ ކަލޭމެން ފާސްކުރާ ގާނޫނަކުން ލިބޭ އެއްޗެއް ނޫން. ތިތާކު ނެތް އަޚްލާގެއް އުޅުމެއް ހައިސިއްޔަތެއް ހުރި އެކަކުވެސް. ދިރާގު ބޭރު މީހުންނަށް ވިއްކާލި އަންނި. އިންޓަރނެޓް އަގުހޮޔޮ ނުވަނީ ސްލޯލިހުގެ ސްލޯކަމުން.
ވީޒާ
02 March 2021
ތިޔަ މަޖްލީސް އުވާލަންވީ
ސުންބުލި
02 March 2021
ތިތާ ތިބެންޖެހޭނީ ބޯދިގޭ އަކާ އަނދުނޭއަކާ ބުއްޅަބޭ އަކާ....
20000
02 March 2021
މަޖިލީހުގެ އިމްތިޔާޒޭތޯ ގަދަރޭ ތޯ . ބަލަގަ ވެރިކަން ފެށެނީ ރައްޔިތުން ކިބައިން. އެހެންވީމާ ނޫންތާ ގޭގޭ ފުށުއުދުނު ބިއްދަރުން ތިޔަ ދުވަނީ. އެކަމަކު ރައްޔިތުންގެ ޙާލާ މެދު ވިސްނިންތަ، މަޖިލީސް މެމްބަރުން މުޅި އަހަރު ދުވަހު ސަލާމް ޗުއްޓީގައި ތިއްބެވިޔަ މުސާރަ ބަރާ ބަރު ، ސަރުކާރު މުއައްޒަފުން އެންމެ ދުވަހެއްގައި ނަޔަސް މުސާރަ ކަނޑާލަ. ގޮތެއް ނެތީމާ ސަރުކާރުގެވަޒީފައި މީހުން ތިބި. ޖައްސާ ހާލަށް ބަލާއިރު ހަތަރު ދަމު މަސައްކަތް ކޮށްގެން 5ހާސް ރުފިޔާ
މަހަމަގަބީ
01 March 2021
މީނދަ ގަދަރުވެރި މަޖިލިސް ރައީހެއް!
ބޮޑުވަޒީރު
01 March 2021
ކަލޭމެންގެ ނޯންނާނެ އިމްތިޔާޒެއް، ރައްޔިތުންގެ ނެތް
ކޮން ގަދަރަކާ ހައިބަތެއްބާ
01 March 2021
ނަޝީދޫއެވެ. ތިޔަ ތަނަކީ އެއްވެސް ދުވަސްވަރެއްގަވެސް، އަދި އަމުދުން މިހާރު، އެއްވެސް ގަދަރަކާއި ހައިބަތެއް ހުރި ތަނެއްނޫނެވެ، ރައްޔިތުން އެންމެ ނަފުރަތުކުރާ، އެންމެ އިތުބާރުނުކުރާ އެންމެ ހުތުރު ތަނަކީ ތިއެވެ. ވީމާ ލަދުގެ ކަންފުޅެއް ހުރިނަމަވެސް ތިޔަ ގަދަރަކާ، އިއްޒަތަކާ، ކަރާމާތަކާ، ހައިބަތެއްގެ ވާހަކަ ނުދައްކާށެވެ. ތިޔަ ތަނެއްގަ ދައްްކާ ވާހަކަޔާ، ކުރާ ސައްލާއަކާ، އުޅެހާ ބަޔަކު ޖައްސާހާ ވައްތަރަކާ، ކިޔާހާ އަންބާއެއް މާތް ﷲ އާ ވަކީލެވެ.
ސާބަސް މަލީހު
01 March 2021
ތިޔަ ހިއްވަރަށް ސާބަސް. އެމްޑީޕީގެ ނާގާބިކުކަމާ ގޮތެއްފޮތެއް ނެތުން އެއީ ދުވަސްވީވަރަކަށް ފެންނަމުންދާނެ ގަގީގަތް. މަލީހަށް އެމްޑީފީ ބަގުޑި ސަރުކާރާ ދެކޮޅަށް އެއްޘެއް އަގުހެޔޮނުކޮށް ހިފެހެއްޓޭނެ ނަމަ ތިޔަ ވަޒީފާގަނޑު އަޅުވެތިނުވެ ހިފެހެއްޓުނީސް.
2021
01 March 2021
ކުރާނެ ނުކުރާނެ ކަމެއްނޭގި ތިކަހަލަ ގޮތަކަށް މި 5 އަހަރު ނިންމާލާ، ހެހެ
ސިކުނޑި
01 March 2021
ވައުދު ނުފުއްދުމަކީ ސަރުކާރުގެ ފެއިލިއަރއެއް! ސަރުކާރުގެ ސިޔާސަތުތަކާއި އެއްގޮތަށް ޢަމަލު ނުކުރާ ވަޒީރުން ވަކިކުރާނީ ރައީސް! ހަދާނެ އެއްޗެއް ހަދާފަ ރައްޔިތުންގެ ބޮލަށް ކަނޑާނެ ކަމެއްނެތް! އިންޓަނެޓޭ ކިޔާއިރު އެކަން މިނިސްޓްރީގެ ޒިންމާއަކަށް ހަދާފަ އޮތޯރިޓީއެއް އުފައްދާފަ، ބޭރު ބަޔަކަށް ކުންފުނި ވިއްކާފަ ރައީސް އޮފީހުން ޕޮލިސީހެދީމާ އިންޓަނެޓް އަގުހެޔޮވާނެ ވަރަށް މިއޮތީ ހެޔޮވެފަ! ރައްޔިތުން ގުނބޯހައްދަން ނޫޅޭ! ވ ވެދުން.