އިއްޔެ އަކީ މިހާތަނަށް އެންމެ ގިނަ މީހުން ވެކްސިން ޖެހި އެއް ދުވަސް، މިއަދު އިއްޔެ އަށް ވުރެ ގިނަ މީހުން ވެކްސިން ޖަހާނެ ކަމަށް ބެލެވޭ.
ކޮވިޑް ވެކްސިން ޖަހަން ސޯޝަލް ސެންޓަރު ބޭރުގައި އެތައް ސަތޭކަ ބަޔަކު ކިއޫގައި. -- ފޮޓޯ:މިހާރު/އަހްމަދު އަވްޝަން
11 މާޗް 2021 - 10:09
41 comments
ކޮވިޑް-19 އިން ރައްކާތެރިވާން ވެކްސިން ޖަހަން އެހެން ދުވަސްތަކާ ޚިލާފަށް މިއަދު ގިނަ ބަޔަކު ގޮސް ކިއޫތައް އެތައް ސަތޭކަ ފޫޓަކަށް ދަމާލައިފި އެވެ.
އުމުރުން 18 އަހަރުން މަތީގެ އެންމެންނަށް މިހާރު ވެކްސިން ދެމުން އަންނައިރު މާލޭގައި ކޮންމެ ދުވަހަކު 2000-3000 އެއްހާ މީހުން އެވްރެކޮށް ވެކްސިން ޖަހަ އެވެ. އަދި ކޮންމެ ބުރާސްފަތި ދުވަހަ މި އަދަދު އިތުރުވެ އެވެ.
ނަމަވެސް ވެކްސިންގެ ފުރަތަމަ ޑޯޒް ޖެހުން އަންނަ ހޯމަ ދުވަހުން ފެށިގެން މެދުކަނޑާލާނެ ކަމަށް ބުނުމާ އެކު ވެކްސިންޖަހާ މީހުން ވަނީ އިތުރުވެފަ އެވެ. އަދި މިއަދަކީ ބުރާސްފަތި ދުވަހަށް ވުމުން މީހުން އިތުރަށް ގިނަވީ ކަމަށް ބެލެވެ އެވެ.
މާލޭގައި 8 ސެންޓަރެއްގައި ވެކްސިން ޖަހައިދެމުން އަންނައިރު ހުރިހާ ތަނެއްގައިވެސް މިއަދު މީހުން ގިނަ އެވެ. ގިނަ ބަޔަކު ވެކްސިން ޖަހަންދާ، ސޯޝަލް ސެންޓަރު ބޭރުގައި ހަދާފައިވާ ކިއޫ ހިރިޔާ ސްކޫލާ ހިސާބަށް ވެސް އޮތެވެ.
ކޮވިޑް ވެކްސިން ޖަހަން ސޯޝަލް ސެންޓަރު ބޭރުގައި އެތައް ސަތޭކަ ބަޔަކު ކިއޫގައި. -- ފޮޓޯ:މިހާރު/އަހްމަދު އަވްޝަން
އިއްޔެ މާލެ ސަރަހައްދުން 4،459 މީހުން ވެކްސިން ޖެހި ރަށްރަށުގައި 3،522 މީހަކު ވެކްސިން ޖެހި އެވެ. އެހެންވެ އިއްޔެ 9،781 މީހަކު ވެކްސިން ޖަހާފައި ވާތީ މިއީ ވެސް މިހާތަނަށް އެންމެ ގިނަ ބަޔަކު ވެކްސިން ޖެހި ދުވަހެވެ. މިއަދު އެ އަދަދަށް ވުރެ ވެސް އިތުރުވާނެ ކަމަށް ބެލެވެ އެވެ.
ވެކްސިން ޖަހަން ގޮސް ތިބި މީހުންގެ ތެރޭގައި ދިވެހިންގެ އިތުރުން ގިނަ އަދަދެއްގެ ބިދޭސީން ވެސް އެބަ ތިއްބެވެ.
ބުރާސްފަތި ދުވަހު ވެކްސިން ޖަހާ މީހުން ގިނަަވަނީ ވެކްސިންގެ ސައިޑް އިފެކްޓްސް ބައެއް މީހުންނަށް ކުރިމަތިވާތީ، ހަފުތާ ބަންދާ ދިމާވާ ގޮތަށް ވެކްސިން ޖެހުމުން ވަޒީފާއަށް ނުކުތުމަށް ހުރަހަކަށް ނުވާނެތީ އެވެ.
މިހާތަނަށް މުޅި ރާއްޖެއިން 175،456 މީހުން ވެކްސިން ޖަހާފައި ވެ އެވެ. އޭގެ ތެރެއިން 99،829 މީހުން ވެކްސިން ޖަހާފައި ވަނީ މާލެ ސަރަހައްދުންނެވެ. ވެކްސިން ޖެހުމުގެ މަސައްކަތް އަށް ސެންޓަރަކާއި ދެ މޯބައިލް ޓީމުން މާލެ ސަރަހައްދުގައި ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުރަތަމަ
11 March 2021
ވެކްސިންގެ ވަކި ޑޯޒެއްވިއަސް ވަކި ދުވަހެއްގެ ފަހުން ހުއްޓާލާނެކަމަށް ބުނުމަކީ އަސާސީ ހައްގަކަށް އަރައިގަތުން ކަހަލަ ކަމެއް. ވެކްސިންޖެހުމަކީ އިންސާނީ ހައްގެއް މިހާރު. ވަކި ދުވަހެއްގެ ފަހުން ހުއްޓާލާނަމޭ ސަރުކާރަކަށް އަސްލު ނުބުނެވޭނެ. ވެކްސިނަކީ ބައްޔެއްގެ ފަރުވާއެއްގެ ގޮތުގަ ބަލާކަމެއްނަމަ އެ ހުއްޓާލުމަކީ އިންސާނީ ހައްގަކަށް އަރައިގަތުން.
ފެންސު
11 March 2021
ކޮންމެ ކަމެއްގައިވެސް ހައްދެއް އޮންނާނެ. އެމީހަކު ޖަހާނެހާދުވަހަކުން ޖަހަން ބާއްވަބަލަ ނިކަން. ދުވަހަކުވެސް މިކަމެއް ނުނިމޭނެ. ދެން އެހެންނޫނަސް އެންމެނަށް އެނގޭ އެއްޗެއް އެއީ ފަހުން ހުޅުވާލާނެކަން. އިންސާނީ ހައްގޭ ކިޔައިގެން ވާހަކަ ނުދައްކާ. އެތާތިބޭ ޚިދުމަތްތެރިންގެވެސް ހައްޤެއް އޮންނާނެ.
އެވެކްސިން
11 March 2021
ރަނގަޅު ވާހަކައެއް ތިބުނީ. އެކަމަކު ދެވަނަ ޑޯޒް ޖަހަންވެސް އެބަޖެހޭ. މުޅި ދުނިޔެ ވެކްސިނަށް ޖެހިފަ އޮތްއިރު ޑޯޒް ހޯދަން ފަސޭހައެއްނުވާނެ.
އެނގިއްޖެ؟
12 March 2021
ޚިދުމަތްތެރިންގެ ޚިދުމަތުގެތެރޭ ހިމެނޭ ކަމެއް ވެކްސިން ދިނުމަކީ. ޚިދުމަތުގެ ބޭރުން ހެޔޮފުޅުކަމުން ކުރާ ކަމެއް ނޫން.
ޙަނިމާ
11 March 2021
4459 އާއި 3522 އާ އެއްކުރީމާ 9781 އަންނަނީ ކޮން ގޮތަކުންބާ؟ އެއްޗެއް ލިޔާއިރު، ދިމާވޭތޯ ވެސް ބަލާލަންވާނެދޯ؟
ޖައިސާމް
11 March 2021
ދިވެހިން ދިވެހިންގެ ގޮތުގަ.
ނަވާރަ
11 March 2021
ދިވެހިންނަކީ ކިޔުގައިޖެހިގެން ކަންކަން ކުރަން ވަރަށް ގަޔާވާ ބައެއް. މިއޮތްހާދުވަހު އެއްވެސް ދަތިކަމެއްނެތި ވެކްސިންޖެހެން އޮތްވައި "ކަހާތަން ހިރުވާލާހެންވެސް ހީނުވެ" ތިބީ. މުއްދަތު ހަމަވާން ކާރިވީމަ އެއްމެން އެކުގައި ނިކުތީ. ކޮވިޑާވާ ކޮވިޑް. ގައިދުރުކަމެއް، ސެނެޓައިޒާއެއް، މާސްކެއް ބަލާނެކަމެއްނެތް. ވެކްސިން ޖެހެނިކޮށް ވީތާ!
އަށާރަ
11 March 2021
ވެކްސިންޖަހަން ގޮސް އެހެން ތިއްބާ ވެކްސިނާ ކޮވިޑާ އެއްކޮށް ޖެހުނަސް ނޭނގޭނެ ދެން.
ކޯވިޑުބޭ
11 March 2021
މާސިންގާ ކިއޫ އެެއްގައި ޖެހިގެން ގަޑި ދެގަޑި އިރުން ލިބުނު ނަންބަރުގަ އިން ކިއުއާރު ކޯޑު ސްކޭން ކޮށްލާ އިރަށް ކިއުލައިންގެ ހުރިހާ ތަފްސީލެއް އެހެރީ ފެންނާށެވެ. ހިތަށް އެރިއެވެ. އޮންލައިނުކޮށް ކިއު ނަންބަރު ނެގޭ ގޮތް ނަހަދާ އިނީ ހަމަ މީހުން އެއްކުރުވަން ނޫން އެހެން ކޮން ކަމެއްގަ ހެއްޔެވެ؟
އޯވިޑް
11 March 2021
ހަމަ ނާގާބިލްކަން.
އައްޔަ ބޮޑޭ
11 March 2021
ނުޖަހަން ފޫދައްކާފަ ތިބިގޮތައް ތިބެބެލަ ނުދާނެ ފަހަތަކުން ވެކްސިން ޖަހަން އަންނާށޭ ގޮވަމުން އާދޭސްކުރާކައައް!
ލޮލްލްް
11 March 2021
އަދިވެސް ނުޖަހާނަން. އާދޭސްކުރިއަސް.
ޙަބީބު.
11 March 2021
ހަމަފުރަތަމަ ދުވަހުވެސް އޮޅުވާލާފަ ބުނިނަމަ ފުރަތަމަ ވެކްސިން ފުރިހަމަ ކުރާތާ 3 މަސްތެރޭ ހުއްދަ ދޭނަމޭ ތދަތުރުފަތުރު ކުރުމައް އެހެންނަމަ މަސްދުވަސް ތެރޭ ޖަހާ ނިންމާލެވުނިސް ހުރިހާމީހުން ޖެހީމަ ދެންއަނެއްކާ ބުނާނީ ދެވަނަޑޯޒު ޖަހައިގެން ދެހަފްތާ ފަހުންނޭ ޑަބްލިޔުއެޗްއޯބުންނޭ ހުއްދަ ދޭންވާނީ މީގަ ކުޑަކޮން ދޮގުވެސް ހަދަންޖެހޭ އެހެންނޫނީ ލިބޭނީ ތިކަހަލަ ލަނޑެއް
ޣަމާރުން
11 March 2021
ވެކްސިން ޖަހަން ގޮސް ކިޔުގަ ތިބޭއިރު ކައިރި ކައިރީގަ ފިތި ބާރުވެގެން. އެކަމަކު 5 މީހުނަށް ވުރެ ގިނައިން އެށްވުން މަނަލޯ! ވީ މަސްޓް ބީ ދަ ކަންޓްރީ ވިތު ދަ ލޮވަސްޓް އައިކިޔޫ އިން ދަ ވޯލްޑް!
ޙުއްބުލް ވަތަނޭ
11 March 2021
ދެބަސް އެއްކޮށްގެން އަދި ވަކީން ހާއްސަކޮށް އިނގިރޭސި ބަސް ތާނަ އަކުރުން ލިޔުމަކީ އައިކިއު މަތި ކަމުގެ އަލާމާތެއް ކަމަށްވަނީ
އޅު
11 March 2021
އިންޑީޑް ވީ އާރ!
ވަތަނޭ
11 March 2021
ހުއްބުލްއަށް ނޭނގުނަސް މި ނޫހުގަ ކޮމެންޓްޖެހުމާ ނުޖެހުމަށްވެސް ވަރަށް އަސަރުކުރޭ އިނގިރޭސިން ދެތިން ބަހެއް ވައްޓާލާއިރަށް.
ގަރާޖަކަށް 70 ވެހިކަލް
11 March 2021
ދޭތި ޖެހީމަ ރަށްރަށަށް ދެވޭތީ
ޑޮކްޓާރ. ބަނާނާ
11 March 2021
ސޯލިހުބެ ވިދާޅުވިހެން އިންޖިކްސަން ޖައްސަވާ އަވަހަށް ޖައްސަވާ ދެޑޯޒް ފުރިހަމަކުރައްވާ ނިއްމަވާ. ތިޔާ ކަންނިމިގެންވައުދު ފުއްދަވާ ގައުމު މަސައްކަތާއިގެން ކުރިޔަށް ގޮސް ހަމަޔަކަށް އެޅުވޭނީ!