15 މާޗް 2021 - 12:06
6 comments
އައްޑޫގެ ދެ އަވަށެއްގައި ރޭ ހިންގި މާރާމާރީތަކާ ގުޅިގެން މިހާތަނަށް އަދި އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން މިއަދު ބުނެފި އެވެ.
ފުލުހުން ގެ މީޑިއާ އޮފިޝަލު ވިދާޅުވީ ހިތަދު އާއި މަރަދޫގައި ތޫނު އެއްޗެހިން ހަމަލާދީ ބަޔަކު ޒަހަމްކޮށްލި ހާދިސާތަކާ ގުޅިގެން މިހާތަނަށް އަދި އެއްވެސް ބަޔަކު ހައްޔަރު ނުކުރި ނަމަވެސް އެ މައްސަލަތައް އިތުރަށް ތަހުގީގުކުރަމުން އަންނަ ކަމަށެވެ.
ދެ މާރާމާރީއާ ގުޅިގެން އަނިޔާވެގެން އައްޑޫ އިކްޓޯރިއަލް ހޮސްޕިޓަލް (އޭއީއެޗް) އަށް ރޭ ގެންދިޔައީ ދެ މީހެކެވެ. އޭގެ ތެރެއިން އެކަކަށް ރޭ އައިސީޔޫގައި ފަރުވާ ދިނުމަށް ފަހު، މިއަދު ހެނދުނު ވަނީ ވޯޑަށް ބަދަލުކޮށްފަ އެވެ. އޭނާ އަކީ މަރަދޫ މާރާމާރީގައި ތޫނު އެއްޗަކުން ދިން ހަމަލާގައިޒަހަމްވި ދެ މީހުންގެ ތެރެއިން ބޮޑަށް އަނިޔާވި މީހާ އެވެ. ތޫނު އެއްޗަކުން ހަމަލާ ދީފައި ވަނީ އޭނާގެ މެއަށެވެ
ހޮސްޕިޓަލުން ފަރުވާ ދިން އަނެއް މީހާ ވަނީ ދޫކޮށްލައިފަ އެވެ.
ރޭ މާރާމާރީތަކެއް ހިންގި އިރު މިދިޔަ ބުރާސްފަތި ދުވަހު ހަވީރު ފޭދޫގައި އަދި ރޭގަނޑު ހިތަދޫގައި ވެސް މާރާމާރީތަކެއް ހިންގާފައިވެ އެވެ. އެގޮތުން ފޭދޫގައި ގްރޫޕްތަކެއްގެ މެދުގައި ހިންގި މާރާމާރީގައި ހަތް މީހަކަށް އަނިޔާވެގެން ފަރުވާ ވެސް ދިނެވެ. އަދި އެ މައްސަލާގައި ފަސް މީހަކު މިދިޔަ ހޮނިހިރު ދުވަހު ހައްޔަރުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަމަލު
15 March 2021
އަދިވެސް މިއުޅެނީ އައްޑޫގަ ހުޅުޖެހި މީހުން އަތު ނުވެގެން
ޑޮކްޓާރ. ބަނާނާ
15 March 2021
ރާއްޖޭގެ މިހާރު ދިމާވެފައިވާ ގިނަ މައްސަލަރަކަކީ ފާއިތުވެދިޔަ ތަނުގައި ފުރިހަމަޔަށް ގާނޫނޫ ތަންފީޒް ކުރުމުގެ ގާބިލްކަން އިންސިޓްޓިއުޓް ތަކުގައި ނެތުމުގެ ސަބަބުން ދިމާވެފައި ހުރި ގިނަ މއްސަލަތައް. މިކަން ހައްލުކުރެވޭނީ މިކަމަށްގާބިލް ބަޔަކު މިތަންތަނުގައި ތިބެގެން ސިޔާ ސީ ކަންކަމުން ނިއްމާ ނިންމުންތައް އެކަހެރި ކުރެވިގެން، މިހާރު އައްޑު އަތޮޅު އިޖްތިމާއީ' އިގްތިސޯދީ ހާލަތު މިއޮތީ ސޯމާލިޔާގެ ހާލަތަށް ވެއޓިފަ. ޝުކުރިޔްޔާ ޖަޒީރާ ރާއްޖެ.
ގުއްބުއްދީން ހިކްމާތްޔާރް
15 March 2021
މާރާމާރީއަކީވެސް ފާޑެއްގެ އަންބާރާއެއްތަ؟
އޮނަރަބްލް އަފީފު ދީދީ
15 March 2021
އައްޑޫއަކީ ރާއްޖޭގެ އެންމެބޮޑުއާބާދީއޮތްތަން އެތަންބަލަހައްޓާން ފަޅުރަށެއްގައި (ގޭންއެއަރޕޯޓްއޮންނަ ރަށުގައި) މަރުކަޒެއްހަދައި 10 ވަރަކަށް ފުލުހުން ބައިތިއްބައިގެން ސިޓީގެރައްޔިތުންގެ އަމުނާއި ރައްކާތެރިކަން ބަލަހައްޓާކަމަށްބުނުމަކީ ހެއްވާކަމެއް. # މާލޭގައިހުންނަވާ އެސިސްޓަންޓް ކޮމިޝަނަރ ނުވަތަ ޗީޕް ސްޕްރިންޓެންޓްފަދަ މަޤާމެއްގައިހުންނަވާބޭފުޅަކު އައްޑުއަށްދާން ދެކޮޅުނަމަ އެހިސާބުގެމީހަކަށް އެމަޤާމްދީގެންވެސް އެފަދަ ސީނިއަރމީހަކު ބަހައްޓަވާ.
އިކުއިޓޯރިއަލް
15 March 2021
ބަރާބަރު. ޔުނިފޯމް އަޅައިގެން ހަވީރު ފިންޏަށް ވެހިކަލްތައް ދުއްވާން ނިކުމެފަ ތިބޭއިރު ހީވަނީ ތިމާމެންނަކީ މާ މަތީ ބައެއްހެން. އަންހެން ކުދިންނަށް ފަރި ދައްކާން ނިކުންނަ އިރު ހަދާނެއް ނުހުރޭ ހުވައެއް ކޮށްގެން ހުވާ މަތީގައި ހުންނާން ޖެހޭ ކަމާއި މުސާރަ ދެނީ ރައްޔިތުންގެ ޓެކުހުން ކަމެއް. މިމީހުންގެ ކަންކަން ވެސް ބަދަލު ވެގެން ކުށްކުރާ މީހުން ހިފެހެއްޓޭނީވެސް.
ޞީަން
15 March 2021
ތީ ތެދެއް އައްޑޫގަ އުޅޭ ޕޮލިހުން ހީވަނީ ޖަވާބުދާރީވާންޖެހޭ ބަޔަކު ނުތިބެނީހެން ކޮންމެ މީހަކު ދިހަބާރަ ބިޓުން ނަގާ