ލައިފްސްޓައިލް / ޔޫއޭއީ

ދުބާއީ އަކީ "އެންމެ ހިތްފަސޭހަ" ސިޓީއަށް ހަދަން މާސްޓަ ޕްލޭނެއް

މެދުއިރުމަތީގައި މިހާރު ވެސް އެންމެ ކުރިއަރާފައިވާ ސިޓީގެ ގޮތުގައި ފާހަގަކޮށްލެވޭ ޔޫއޭއީގެ ދުބާއީ އަކީ 2040 ހަމައަށް އަންނަ އިރު ދިރިއުޅެން އެންމެ ހިތްފަސޭހަ ސިޓީއަށް ހަދަން ނިންމައި، އެކަމަށް ހާއްސަ މާސްޓަ ޕްލޭން ލޯންޗްކޮށްފި އެވެ.

މިކަން ޓްވިޓާގައި ހާމަކުރައްވައި ޔޫއޭއީގެ ބޮޑުވަޒީރު/ނައީބު ރައީސް ޝެއިޚް މުހައްމަދު ބިން ރާޝިދު އަލް މަޚްތޫމް ވިދާޅުވީ 2040 ގެ ޕްލޭނުގެ ތެރެއިން ދުބާއީގައި އިގުތިސާދީ އަދި ރިއެކްރިއޭޝަނަލް ކަންކަމަށް ހާއްސަކުރާ ތަންތަން މިހާރަށް ވުރެ ދެ ގުނަ އިތުރުވާނެ ކަމަށާއި ކުރިއަށް އޮތް 20 އަހަރު ދުބާއީގެ ޕަބްލިކް ބީޗް އޭރިއާތައް 400 ޕަސަންޓަށް އިތުރުވެގެން ދާނެ ކަމަށެވެ.

"ހަމަ މިއާ އެކު ދުބާއީގެ ފަސްދޮޅަސް ޕަސެންޓް ހާއްސަވާނީ ނޭޗާ [ގުދުރަތީ] ރިޒާވްތަކަށް،" ޝެއިހް މުހައްމަދު ވިދާޅުވި އެވެ.

ދުނިޔޭގެ އެންމެ ހިތްފަސޭހަ ސިޓީ އަށް ދުބާއީ ހަދަން އަމާޒު ހިފާފައިވާ އިރު އެތަނުގެ އިންފްރާސްޓްރަކްޗާތައް މިހާރަށް ވުރެ ބޮޑަށް ވަރުގަދަކޮށް އިގުތިސާދީ ހަރަކާތްތައް ވަރަށް ބޮޑަށް ފުޅާކުރަން ހާއްސަ ސަމާލިކަމެއް ދޭނެ އެވެ.

"މިކަމުގެ ސަބަބުން ދުބާއީގައި ދިރިއުޅޭ ރައްޔިތުންގެ އިޖުތިމާއީ އިގުތިސާދީ ހާލަތު ވަރަށް ބޮޑަށް އިތުރު ދިރިއުޅުމުގެ ވައްޓަފާޅި އަށް ވެސް ބޮޑު ބަދަލެއް ގެނުވާނެ،" ޝެއިޚް މުހައްމަދު ވިދާޅުވި އެވެ.

އޭނާ ވިދާޅުވި ގޮތުގައި އެންމެ ބޮޑު އަމާޒަކީ އުފާވެރި ހަމަޖެހޭ ތަނަވަސް ދިރިއުޅުމަކަށް މަގުފަހިކޮށްދޭނެ ތަނަކަށް މުޅި ދުބާއީ ހެދުމެވެ. އަދި އެ ވިސްނުމާއި ފިކުރަކީ މިއަދުގެ ޚިޔާލެއް ނޫން ކަމަށާއި އެއީ 1960 ގެ އަހަރުތަކުން ފެށިގެން ވެސް ދުބާއީގެ އަމާޒު ކަމަށް މުހައްމަދު ވިދާޅުވި އެވެ.

ޔޫއޭއީގެ ތަރައްގީގެ ބާނީ އަކީ އަވަހާރަވެފައިވާ ޝެއިޚް މުހައްމަދުގެ ބައްޕާފުޅު ޝެއިޚް ރާޝިދު ބިން ސައީދި އަލް މަޚްތޫމެވެ. އެ ގައުމު މިހާރު މި ދެކޭ ތަރައްގީގެ ފެށުމަކީ އެ މަނިކުފާނުގެ ދުރު ވިސްނުންފުޅެވެ. އެހެންވެ ދަރިކަލުން މުހައްމަދު ވެސް ހުންނެވީ ބައްޕާފުޅުގެ އެ މަސައްކަތުގައި ސާބިތުވެ އެވެ.

ދެހާސް ސާޅީހާ ހަމައަށް އަންނަ އިރު ދުނިޔޭގެ އެންމެ ހިތް ފަސޭހަ ސިޓީއަކަށް ދުބާއީ ހަދަން އެކުލަވާލި މާސްޓަ ޕްލޭނަކީ ޔޫއޭއީ ތަރައްގީކުރަން 1960 ގެ ފަހުން އެކުވަލާލި ހަތް ވަނަ މާސްޓް ޕްލޭނެވެ. އެގޮތުން ގައުމުގެ އާބާދީ އިތުރުވަމުން އަންނަ ނިސްބަތަށް ރިއާޔަތްކޮށް ތަރައްގީގެ ބޮޑެތި މަޝްރޫއުތައް ހިންގައި މެދުއިރުމަތީގެ އެންމެ ވަރުގަދަ އެއް ގައުމުގެ ގޮތުގައި ޔޫއޭއީ އަންނަނީ ސާބިތުކަން ދައްކަމުންނެވެ.

"އާ ޕްލޭންގެ ދަށުން މިހާރު ދުބާއީގައި ހުރި އެތައް ވަސީލަތެއް ތަރައްގީކުރެވި ނެތް އެތައް ވަސީލަތްތަކެއް ގާއިމުކުރެވި ތަރައްގީގެ މަގުގައި ބޮޑެތި ކުރިއެރުންތަކެއް ހޯދާނެ. އަދި މިކަންކަން ކުރިއަށް ގެންދާނީ ދެމެހެއްޓެނިވި ތަރައްގީގެ ވިސްނުމާ އެއްގޮތަށް،" މުހައްމަދު ވިދާޅުވި އެވެ.

ދުބާއީގެ ތަރައްގީގެ އާ ޕްލޭންގެ ދަށުން އިތުރު އިތުރު ސްކޫލްތާއި ހޮސްޕިޓަލްތަކާއި މަގުތަކާއި ސާވިސް ސެންޓަރުތަކާއި ލެޝާ އަށް ހާއްސަ އެތައް ތަނެއް ވަސީލަތެއް ތަރައްގީކުރެވިގެން ދާނެ އެވެ. އެގޮތުން ވަކިން ހާއްސަކޮށް އާ މާސްޓަ ޕްލޭންގެ ދަށުން ދުބާއީގެ ފަރުބަދަމަތީގެ ސަރަހައްދެއް ކަމަށްވާ ހައްޓާ އަށް ހާއްސަ އިސްކަމެއް ދީގެން "ހައްޓާ ޑިވެލޮޕްމަންޓް ޕްލޭން" ގެ ތެރެއިން އެތަކެއް ވަސީލަތެއް ތަރައްގީކުރާނެ އެވެ.

ނުވަ މިލިއަނަށް ވުރެ ގިނަ މީހުން ދިރިއުޅޭ ޔޫއޭއީ އަކީ ވަރަށް މަސްހުނި އާބާދީއެއް އޮންނަ ގައުމެކެވެ. އެ ގައުމުގެ އާބާދީގެ 60 ޕަސަންޓަކީ އެކި ގައުމުތަކަށް ނިސްބަތްވާ މީހުންނެވެ.

1 ކޮމެންޓް, 3 ރިއެކްޝަންސް

icon happy icon happy 0%
icon sad icon sad 0%
icon angry icon angry 67%
icon wow icon wow 0%
icon inlove icon inlove 33%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ށަވިޔަނި

16 March 2021

ބޭކާރު ޚަރަދު. މުސްލިމު އެތައް ބަޔަކު ބަޑުހައިހޫނުކަމުގައި އުޅޭއިރު ކުރުން ހެޔޮވާވަރުގެ ކަމެއްނޫން. މިދުނިޔެއަކީ ފަނާވާނެ ތަނެއް. ތި ޕްލޭންގެ ވެރިޔާ ޝައިޚު ރާޝިދު އާލް މަކްތޫމު މިއަދު ކޮބާ. ޔޫރަޕްގެ ގައުމެއްގައި މަހުޖަނުންނަށް ޚާއްސަ އަވަށަކަށް ދެވި އެތަން ފެނުމުން މަގޭ ހިތަށް އެރީ މިތާ އުޅޭ މީހުން އާޚިރަތް ދުވަސް ހަދާން ނުވާނެއޭ. ކޮންމެ މީހަކު ބޭނުންވާނީ ކޮންމެ އަގެއް ދީފަވެސް މިތާ އުޅޭށޭ.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454