ނިންމުން ބަދަލުކޮށްފައި މި ވަނީ ރެސްޓްރޯރަންޓް ވިޔަފާރިކުރާ މީހުން އިހުތިޖާޖުކުރާނެ ކަމުގެ އިންޒާރު ދީފައި ވަނިކޮށް
މަލޭގައި ހިންގާ ރެސްޓޯރެންޓެއް: ކެފޭ/ރެސްޓޯރެންޓުތަކުން ހިދުމަތް ދެވޭ ވަގުތުތަކަށް ވަނީ ބަދަލުގެނެސްފައި-- ފޮޓޯ: އަހުމަދު އަވްޝަން/މިހާރު
21 މާޗް 2021 - 13:19
39 comments
މާލެ ސަރަހައްދުގައި ކާބޯތަކެތީގެ ހިދުމަތްދޭ ތަންތަނުން ޑައިން-އިން ގެ ހިދުމަތް ދިނުން މަނާކުރުމުން ވިޔަފާރިއަށް ގެއްލުންވާ ކަމަށް ބުނެ އެ ވިޔަފާރީގައި އުޅޭ މީހުން ހަޅުތާލުކުރާނެ ކަމުގެ އިންޒާރު ދީފައި ވަނިކޮށް މިއަދުން ފެށިގެން ކެފޭ/ރެސްޓޯރަންޓުތަކުން ރޭގަނޑު 10:30 އާ ހަމައަށް ހިދުމަތް ދެވޭ ގޮތަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ނިންމައިފި އެވެ.
މާލެ ސަރަހައްދުގައި ކޮވިޑް-19 ފެތުރުން ކޮންޓްރޯލް ކުރުމަށް އެޗްޕީއޭ އިން އެޅި ފިވަޅުތަކުގެ ތެރޭގައި މި ސަރަހައްދުގައި ހިންގާ ކެފޭ/ރެސްޓޯރެންޓުފަދަ ކެއުންބުއިމުގެ ހިދުމަތް ދޭ ތަންތަނުން ރޭގަނޑު 8:00ގެ ފަހުން ޑެލިވަރީ އާއި ޓެކްއަވޭގެ ހިދުމަތް ނޫން ހިދުމަތްތައް ދިނުން ވަނީ މަނާ ކޮށްފަ އެވެ. މި ނިންމުމާ ގުޅިގެން މިފަދަ ތަންތަން ހިންގާ ފަރާތްތަކުން އަންނަނީ ކަންބޮޑުވުން ފާޅުކުރަމުންނެވެ.
އެޗްޕީއޭ އިން ރޭ ނެރުނު އިއުލާނެއްގައި ބުނީ ކުރިން އަޅާފައިވާ ފިޔަވަޅުތައް އިތުރު އެއް ހަފުތާއަށް އިތުރުކުރާ ކަމަށް އަންގައިފަ އެވެ. ނަމަވެސް މިއަދު އެ ނިންމުން ބަދަލުކޮށް ރޭގަނޑު 10:30 ވަންދެން، ރެސްޓޯރެންޓުތަކުގެ އެތެރޭގައި ތިބެގެން ކެއިން ބުއިމުގެ ހިދުމަތް ހޯދޭ ގޮތަށް އާ އިއުލާނެއް ވަނީ ނެރެފަ އެވެ.
ރެސްޓޯރެންޓު އެސޯސިއޭޝަން އޮފް މޯލްޑިވްސް (ރެމް) އިން ބުނެފައިވާގޮތުގައި ރޭގަނޑުގެ ވަގުތަކީ ރެސްޓޯރެންޓުތަކަށް އެންމެ ބޮޑު އާމްދަނީއެއް ލިބޭ ވަގުތަށް ވާއިރު އެޗްޕީއޭ އިން އެޅި ފިޔަވަޅުތަކުގެ ސަބަބުން ގިނަ ތަންތަނަށް ވަނީ ގެއްލުމެވެ. އެހެންކަމުން އެޗްޕީއޭގެ ގައިޑްލައިންތައް ބަދަލުކޮށް ރެސްޓޯރެންޓުތަކަށް ރޭގަނޑު ހިދުމަތް ދެވޭ ފުރުސަތު ދިނުމަށް މިދިޔަ ހަފުތާގައި އެ އެސޯސިއޭޝަނުން ވަނީ އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުތްއާދަނު
22 March 2021
ބަޔަކު މުޒާހަރާ ކުރާނެކަމަށް ބުނީމައި ލުއި ދެންޏާ ތި ބަލީގެ އެއްވެސް ސީރިއަސްކަމެއް ނެތް. ދެން ހުރިކަންކަންވެސް ދޫކޮށްލަން ފެނޭ
ޑިޑިން
22 March 2021
ސައިކަލުވެސް ދުއްވޭ ގޮތް ހަދަންވީ
ކޮވެލި
21 March 2021
އާޚިރުގައި މިކަމުގައިވެސް ގޯސްވާނީ އެޗްޕީއޭ. ޝައްކެއްވެސްނެތް މިއީ ބަލިފެތުރުމަށް ހުޅުވިގެންދާ ފުޅާ ދޮރެއް. ދުނިޔޭގެ ހުރިހާ ތަނެއްގައިވެސް މި ބަލި ކޮންޓްރޯލް ކުރަން ކުރާ ކަމަކީ މީހުންގެ މޫވްމަންޓްސް ކޮންޓްރޯލްކުރުން. ދެން އަބަދު ކޮފީމޭޒުތައް ދޮށުން ދުވާ މީހުން މިބަލި މުޅި މާލޭގައި ފަތުރާލާނެއެވެ. އެހިސާބުން އެޗްޕީއޭ ގޯސްވާނެއެވެ. ސަކުވާތައް ގިނަވާނެއެވެ.
ބުންބާ
21 March 2021
އެޗުޕީއޭ އިން މިޖަހާ ސަކަރާތުން ސަރުކާރު ދެކެ މީހުން ރުޅި އަންނަނީ..އާހިރު ނަތީޖާ އަކީ މޑޕ ދެކެ ފޫހިވުން ނާގާބިލު ކަން އިހުސާސް ކުރެވުން...ހުރިހާ މޮޅެއް އިދިކޮޅަށް...
ވާނުވާ
21 March 2021
މިހާރަކު ނޯވޭ އެމް.ޑީ.ޕީން މި ހިންގާ ސަރުކާރުންކުރާ ގޯސް އެއްކަމެއްވެސް. މިނިސްޓްރީ ތަކުން ހިންގާ ޖަރީމާވެސް އެތަނުގެ މުވައަޒަފުން ހިންގާ ޖަރީމާ. ދައުލަތުގެ އެހެން ތަނަކުންވިޔަސް އެމީހުން ހިންގާ ޖަރީމާ. އެހެން ބަޔަކު ވެރިކަމުގަ ތިބިއްޔާ މީހަކު މޫދަށް ގޮސް ގެނބުނަސް ރައީސަކަށް ހުންނަ މީހާ ޒިންމާ ނަގަންޖެހޭ. މިއޮތީވާ ވެެރިކަމެއް.
އާރީ
21 March 2021
ޓެކްސިތަކާއި ފިކަފް ތަކަށް ވެސް ފުރުސަތުދީ
ބޯފޮޅި
21 March 2021
ވަރަށްވެސް އުފާވެރި ހުރިހާ ޝުކުރެއް ހައްގުވަނީ ކުދި ކެފޭތަކާ ސައިހޮޓާތަކުގެ ވެރިންނަށް ހާއްސަކޮށް މިފަހުން ކުރިއަށް ގެންދިޔަ ފުރިހަމަ މާސް ކެމްޕޭނަށް
އިރުއަލި
21 March 2021
ބޮޑުވަޒީރު ދެކެ ބިރުން އުސޫލު ބަދަލުކޮށްލީއެވެ.
ނިރު
21 March 2021
އަމާބުނީތީ ފަރަށްދާ އުސޫލުން ހުއްދަ އެދިނީ
ރަދީފްއޮފިޝިއަލް
21 March 2021
ކެފޭ ހޮޓާ ރެސްޓޯރެންޓްތަކުގެ ވެރިން ބާޒާރުން 2.50 ރުފިޔާއަށް ގަންނަ އޮރެންޖުން ޖޫސްތައްޓެއް ހަދާފަ 55 ރުފިޔާއަށް ވިއްކާއިރު ލަދު ކޮބާ؟؟
ނައީމަ
21 March 2021
ތަނުގެ ކުލި، މުވައްޒަފުގެ މުސާރަ، އިށީންދެ އިންނަ ގޮޑި މޭޒު، ބަދިޖޭ ސާމާނު އަދި ބިލުތަކުގެ ހަރަދުދޭނީ ކާކުބާ؟ ބާޒާރުން 2.50 އަށް ތިޔަ އޮރެންޖުގަނެގެން ގޭގައި ޖޫސް ބޯލަންވީނުންތޯ؟
ބޯގަޅިން
21 March 2021
އެ ޖޫސްތަށިހަދާފަދެނީ ތިބާ މަހުން މަހަށް ކުލި/ކަރަންޓް ފެން ބިލް ދައްކާ ތަނެއްގަތޯ؟ އޮރެންޖް ޖޫސްތައްޓަށް އޯޑަރ ކުރަނީ ތިބާ މުސާރަދޭ މުވައްޒަފަކަށްތޯ؟ ތިބާ އެއަރކޯން ތެރޭ ނޫނީ ފަންކާ ދަށުގެ ފޯނާކުޅެން އިންނަނީ ތިބާ އިންޓީރިޔާއަށް ބޮޑުހަރަދުކޮށްފަ ހަދާފަހުރި ތަނެއްގަތޯ؟
ޕިންކީ ބަނާނާ
21 March 2021
ކެފޭ ރެސްޓޯރަންޓުން 55 ރުފިޔާ އަށް ވިއްކާ ޖޫސް ނުބޮއެ ބާޒާރުން 2.50 އަށް އޮރެންޖު ގަނެގެން ގޭގަ އިނދެ ޖޫސް ބޮވޭނެ އެންނު ؟ މަޖުބޫރުންތަ އެމީހުން ޖޫސް މީހުންނަށް ބޯންދެނީ ؟ ނުވަތަ ތިމާމިހާ ޖޫސްތައްޓެއް ހެދޭ ވަރަށް ވުރެން ކަންނެތީތަ؟
ރަދީފްއޮފިޝިއަލް
22 March 2021
ރެސްޓޯރެންޓް ތަކުގެ އޯނަރުން ނިކުމެ ރައްދުދޭނެކަމެއް ނެތް.އެންމެ އޮރެންޖް ޖޫސް ތައްޓަކުން ހުރިހާ ހަރަދެއް ކަވާކުރަން އުޅުނީމަ އަހަރުމެން މިގޮތަށް ކޮމެންޓްކުރާނަން.ކަލޭމެންގެ ލަދު ކޮބާ؟؟ ވ.ވެދުން
ކަންޖޫސް 2/2
21 March 2021
އެޗްޕީޢޭގެ ކަންތައް ހުންނަ ގޮތުގެ ވާހަކަ ރަނގަޅުވާ ނީ ވޮއް އަލިވާ ހިސާބުގަ ނުދެއްކިއްޔާ. ގޭގަ ހައިރިސްކް މީހެއް އުލޭޓީ އެއްތަނެއްގަ އުޅޭ މީހެއް ޕްޒިޓިވް ވެގެން އެ ބޭފުޅާ ގެންގޮސްދޭން 20 ފަހަރު އެދެ ވިއްޖެ. ކޮންމެ ފަހަރަކުވެސް ހަމަ އެއް މައުލޫމާތެއް ނަގާފަ ހަބަރެއް ވެލާނަމޭ ބުނެފަ ދެން ބަހަބަރު. ގުޅެނީ އެހާވަރުން. ބިލިއަނުން ރުފިޔާ ނަންގަވައިގެން މިވަރު ކަމެއް ކޮށްނުލެވޭ. ދެން މިވަރު ކަމެއްގަވެސް ވީތޯ ސިޔާަސީ ބޭފުޅެއް ކައިރީ އާދެސް ދަންނަވަން.?
ސްޕީކަރ
21 March 2021
އިހްތިޖާޖުކުރާނެކަމުގެ ޓްވީޓެއް ކޮށްލާ. ތިގޭ އެންމެން މިއަދުން ފެށިގެން ގެއިން ނުނިކުންނާނަމޭ ކިޔާފަ. އޭރުން އޭނަ ގޭގަ ބަހައްޓާފަ ތިގޭ އެންމެން ގެންދާނެ. ސިއްހީ ޚިދުމަތުގަ ސިޔާސީ ކުލަ ޖެހުނީމަ މިހެން އެވަނީ.
އިސްޕީކަރު
21 March 2021
ރައްޔިތު މީހާ ޒިންމާދާރު ވާށޭ ކިޔާ އިރު ކޮބާ ތޯ އެޗްޕީއޭގެ ޒިންމާ... . އާދައިގެ ނިކަމެތި ރައްޔިތު މީހާ ތިޔަ ބާވަތުގެ ކަންކަމާ އުޅުނަސް ތިޔަ އެޗް.ޕީ.އޭ ކަހާތަން ހިރުވާވެސް ނުލާނެ. ދެރަ ކަމެއް ދިމާވާ ދުވަހު އާއިލާއަށް ތައުޒިޔާ ކިޔާ މެސެޖެއް ވައިބަރ ގަ ޖަހާލާފަ ނިންމާލާނީ ބޮޑު ވަރަކަށް ވެސް..