އައްމަޓީ: އޭނާ މިހާރު ވަނީ މާލެ ގެނެސްފައި
24 މާޗް 2021 - 10:25
24 comments
ހުޅުމާލޭގައި ހައުސިން ޔުނިޓްތަކެއް އަޅާނެ ކަމަށް ބުނެ އެތައް ބައެއްގެ އަތުން ބުކިން ފީ އާއި އެޑްވާންސް ފައިސާ ނެގުމަށް ފަހު، އަނބުރާ ނުދިން މައްސަލައިގައި ފުލުހުން ހޯދަމުން ދިޔަ ސީ ލައިފް ގްލޯބަލްގެ މެނޭޖިން ޑިރެކްޓަރު މުހައްމަދު އަހުމަދު މޫސާ (އައްމަޓީ) މިދިޔަ މަހު ސްރީ ލަންކާއިން ހައްޔަރުކޮށް، އެންމެ ފަހުން ރާއްޖެ ގެނެސްފި އެވެ.
އެނގިފައިވާ ގޮތުގައި އޭނާ ރާއްޖެ ގެނައީ ދިވެހި ފުލުހުން ލަންކާއަށް ގޮސްގެންނެވެ.
ހުޅުމާލޭގައި 3،000 ހައުސިން ޔުނިޓް އަޅަން ސީ ލައިފް ގްލޯބަލްއާ ހަވާލުކުރުމުން އެ ތަންތަން ވިއްކުމުގެ ނަމުގައި އެތައް ސަތޭކަ ބައެއްގެ އަތުން ބުކިން ފީ ނެގި އެވެ. އެކަމަކު އެތަނުގެ މަސައްކަތް ކުރިއަށް ނުގޮސް ހުއްޓުމުން ފައިސާ ހޯދަން އުޅުނު ގިނަ ބަޔަކަށް އެ ލިބޭ ގޮތެއް ނުވި އެވެ. އޭނާ ފިލައިގެން ލަންކާގައި އުޅެން ފެށީ އާންމުންގެ ޝަކުވާއާ އެކު ފުލުހުން މައްސަލަ ބަލަން ފެށުމުންނެވެ.
އަންމަޓީ ހައްޔަރުކުރަން އިންޓަޕޮލް މެދުވެރިކޮށް، އޭޕްރީލް 2019 ގައި ރެޑް ނޯޓިސް ނެރުނު ނަމަވެސް، ލަންކާގެ ފުލުހުންނަށް އޭނާ ހައްޔަރުކުރެވުނީ މިދިޔަ މަހު އެވެ.
އެނގިފައިވާ ގޮތުގައި އައްމަޓީ ބަންދުގައި ބަހައްޓައިގެން ތަހުގީގު ކުރިއަށް ގެންދިއުމުގެ ހުއްދަ ހޯދަން މިއަދު މެންދުރުފަހު އޭނާ ކްރިމިނަލް ކޯޓަށް ގެންދާނެ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި 2014 ވަނަ އަހަރު އެޗްޑީސީން އިއުލާންކުރި މަޝްރޫއެއްގައި ސީ ލައިފާ ހަވާލުކުރި ފްލެޓުތައް ނުނިންމުމުގެ ސަބަބުން، ވަރަށް ގިނަ ބަޔަކަށް ގެއްލުންވި އެވެ. އޭގެ ތެރެއިން 203 މީހަކު ކޯޓުގައި ދައުވާކުރުމުން ސަރުކާރުން މައްސަލައިގެ ތެރެއަށް ވަދެ، ދައުވާކުރި މީހުންނަށް 45 މިލިއަން ރުފިޔާގެ ބަދަލެއް ކަނޑައަޅައި އަދި ބޯހިޔާވަހިކަމުގެ މަޝްރޫއަކުން ފްލެޓް ގަތުމަށް އެ މީހުންނަށް ފުރުސަތު ދޭ ގޮތަށް ވަނީ ސެޓްލްމަންޓް އެގްރީމެންޓެއް ހަދައި ކޯޓުން ބޭރުގައި މައްސަލަ ނިންމައިފަ އެވެ.
ސީލައިފްގެ މައްޗަށް ދައުވާ ކުރި މީހުންނަށް ބަދަލުދޭން ފުރަތަމަ ނިންމީ، ދައުލަތުން ސީލައިފްގެ އެހެން ކުންފުންޏަކަށް ދައްކަން އެއްބަސްވި 12 މިލިއަން ޑޮލަރުންނެވެ. އެއީ އެމްޑީޕީގެ ކުރީގެ ވެރިކަމުގައި 80 ހައުސިން ޔުނިޓް އެޅުމަށް އެ ކުންފުންޏާ ހަވާލުކުރުމަށް ފަހު، އެ އެއްބަސްވުން 2011 ގައި އުވައިލުމުން ސީ ލައިފުން ދައުލަތާ ދެކޮޅަށް ކުރި ދައުވާއަކާ ގުޅިގެން 2018 ގައި ހެދި ސެޓްލްމަންޓް އެއްބަސްވުމެއްގެ ދަށުން ލިބޭނެ ކަމަށް ބެލި ފައިސާ އެވެ. ނަމަވެސް ދައުލަތުން އެ ބަދަލު ދޭން ނުޖެހޭނެ ކަމަށް މިދިޔަ އަހަރުގެ ޑިސެމްބަރު މަހު ސިވިލް ކޯޓުން ވަނީ ހުކުމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރުތަ
24 March 2021
އައްމަޓީ ލާރިގަނޑު ހިފައިގެން ފިލީމަ ސަރުކާރުން ރައްޔިތުންނަށް ބަދަލު ދީ ނިންމާލީއުތަ، މުޅިއަކުން ގޯހެއްވެސް ނޫން، އެކަމަކު މީހަކު ހިންގި ޖަރީމާގެ ޒިންމާ ސަރުކާރުން ނަގަން ޖެހުނީ ކީއްވެގެންބާ! ދައުލަތުން ސީލައިފްގެ އެހެން ކުންފުންޏަކަށް ދައްކަން އެއްބަސްވި 12 މިލިއަން ޑޮލަރުވެސް ދައްކަން ނުޖެހޭ އެއްޗެއްގެ ގޮތުގަ އޮތީ ނިންމާފަ............
ޖާބިރު
24 March 2021
ކޮން އިރަކުން ހޭ ދެން އަލީ ވަޙީދު ގެންނަނީ ؟
ޖުނެއިދު
24 March 2021
އޭނަޔަކީ ނުބައިނުލަފާމީހެއް މަކަރުވެރިއެއް އޭނަދޫކުރަންވާނީ މީހުންގެ ހައްގުތަށް ހޯދާފަ
ޝޮކްތެރަޕީ
24 March 2021
އަމްމަޓީ އެމްޑީޕީޔައް ސޮއިކުރީމަ ހުރިހާކަމެއްވެސް ދާނީ އަމްމަޓީ އެދޭގޮތައް.
އަަރީ
24 March 2021
ބަލަން ތިބޭތި ލަސްތަކެއް ނުވެ ދުކޮށްލާނެ.
ބޮޑުމީހާ
24 March 2021
ދެން އޭނަ ހުޅުމާލެ އަމީން އެވެނިއު އެޕާރޓްމަންޓަކަށް ލައި ނިދާ މެޝިނެއް ދީ
އޮނަރަބްލް އަފީފު ދީދީ
24 March 2021
ރާއްޖޭގައި ރިއަލްއެސްޓޭޓް ވިޔަފާރި ހިންގާ ފަރާތްތަކުން އެއްވެސް ކްލައިންޓެއްގެ އަތުން ފައިސާ ނަގާންވާނީ ރާއްޖޭގައި ރެޖިސްޓްރީކޮށްގެން ހިންގާ ބެންކެއް މެދުވެރިކޮށް ކަމުގައި ހަދާންޖެހޭ. # އަދި މިގޮތަށް ފްލެޓް ނުވަތަ ކޮންޑޯ ގަންނަ ފަރާތަށް އިމާރާތް ނުވަތަ ރެޖިސްޓްރީ ހަވާލު ނުކުރާނަމަ މިގޮތުން ޙަވާލުކުރެވޭ ފައިސާ ބެންކުން ޑިވޮލޮޕާރއަށް ދޫކޮށްގެން ނުވާނެ ކަމަށް ކަޑައަޅާ ދެފަރާތުގެ ޙައްޤު ރައްކާތެރިކޮށް ހިމާޔަތް ކުރާންޖެހޭ.
އަރުތަ
24 March 2021
ރަނގަޅު ވާހަކައެއް، އެކަމަކު ތިކަން ތިހެން ނުވާނެ، ރިއަލްސްޓޭޓް ވިޔަފާރީގެ ބިންގާ އަޅަނީވެސް ކްލައިންޓް އަތުން ނަގާ ފައިސާއިން، އެކަމަކު ތިގޮތަށް ތިކަން ކުރެވިއްޖެއްޔާ ކްލައިންޓަށް ވަރަށް އިތުބާރު އޮންނާނެ ރިއަލްއެސްޓޭޓް ވިޔަފާރި ހިންގާފަރާތާ ދޭތެރޭ، އޭރުން އަތުގަ ފައިސާ ހުރެގެން އެވިޔަފާރި ކުރެވޭނީ.
އޮނަރަބްލް އަފީފު ދީދީ
24 March 2021
މިފަދަ ކޮންމެ ކަމަކީ "ފިލާވަޅެއް އަދި އިބުރަތެއް" ކަމުގައި އަހަރުމެން ނުދެކޭނަމަ މިކަހަލަ ވަގުންގެ އަތްދަށުން އެމީހުންގެ ވަކިތަކުން ސަލާމަތް ނުވެވޭނެ. # ދައުލަތުގެ ދައުރެއް އޮންނަ މިފަދަ ޕްރޮޖެކްޓް ތަކާއި ރިއަލްއެސްޓޭޓް ފަދަ އާންމު ރައްޔަތުމީހާއާއި ގުޅުން ހުރި މިފަދަ ކަންކަމުގައި ދެފަރާތުގެ ޙައްޤު ރައްކާތެރިކުރެވޭނެ ގޮތަކަށްމެނުވީ ފައިސާގެ މުއާމަލާތް ހިންގުން މަނާ ކުރާންޖެހޭ.
އޭސީ
24 March 2021
އެއްވެސް ބަޔަކު ޒިއްމާވާކަށް ނުޖެހޭގޮތަށް ސްޕްރީމް ކޯޓް ނިއްމާފައި އަށްމަޓީ އަށް ބަދަލް ދިނީމައި ރަނގަޅުވާނެ. އެއްވެސް ޕްރޮޖެކްޓެއް ނިއްމާނެކަމެއް ނެތް - ހުރިހާ މީހުންވެސް ބިންގާ އަޅަންވީ - މިހެން ކިޔާނެ ކަމެއްނެތް - ކޭޕާރކް، އައިރާ - ޖާހް
ބަގުޑި
24 March 2021
ހުރިހާ ޝުކުރެއް ޔާމީނު ސަރުކާރަށް ... ޝުކުރިއްޔާ ޔާމީނު
ޙައްޤު
24 March 2021
ތިޔައީ ސަރުކާރުން ކުޅޭ ސްޓަންޓެއް، ހުރިހާ ގޯހެއް ހަދާފައިވަނީ އެޗްޑީސީ އިން ކަމަށްވަނީ، އިންތިޙާބުގެ ދުވަސްކޮޅަށް ޖަހާލާ ބެރެއް. ކަތިލާލާ ކަންބަޅިއެއް.
އަރުތަ
24 March 2021
2018ގަ އެޗްޑީސީ އިން އޭރުގެ ސަރުކާރުގެ ކެމްޕޭނަށް ލައްކަ ޚަރަދު ކުރި ކަމަށްވަނީ، އެއީ ތިފަދަ ޖަރިމާތައް ހިންގައިގެން ނަގާފަހުރި "ސުޕާރީ" ގެ ބޭނުން ކުރިގޮތަކީ، އިރުއޮއްސުމާއެކު އެޗްޑީސީ ގެ މުވައްޒަފުންނާ އެތަނުގެ ވެހިކަލް ތައް ޕޕމގެ ފިޔާތޮށި ދިދަ ދަމާ ޕޯސްޓަރު ހަރުކުރުމުގަ އަވަދި ނެތި އުޅުނުތަން އެދުވަސް ވަރު ދުށީމު........