ރޭ ކުރި ވިއްސާރާގައި މާލޭގެ ބައެއް ގަސްތައް ހުރީ މުލުން ލުހިފައި. އަދި ބައެއް ގޭގޭގެ ފުރާޅު ވެސް އެއްލައިލި. ރާއްޖޭގެ ބައެއް އެހެން ރަށްރަށަށް ވެސް ގެއްލުންތައް ދަނީ ލިބެމުން.
ޕްލޭނިން މިނިސްޓްރީ ކައިރި ހުރި ގަހެއް، މޫތަކާއި އެކު ނެއްޓިފައި -- ފޮޓޯ: އަހުމަދު އަވްޝަން އިލްޔާސް/ މިހާރު
29 މާޗް 2021 - 13:30
10 comments
ރާއްޖެއަށް ކުރަމުން ދާ ވިއްސާރައިގެ ގަދަ ވަޔާ އެކު މާލޭގެ އެތައް ގަހެއް ވެއްޓި ގެއްލުންތަކާ ކުރިމަތިވުމާ އެކު ރައްކާތެރިކަމުގެ ފިޔަވަޅުތައް އަޅަން މާލެ ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފު މިއަދު ވިދާޅުވެއްޖެ އެވެ.
ޝަމާއު "މިހާރު" އަށް ވިދާޅުވީ ކުރިން ވެސް މާލޭގެ ބައެއް ހިސާބުތަކުން ގަސްތައް ވެއްޓޭ ކަމަށާއި ނަމަވެސް މި ފަހަރުގެ ގަދަ ވައިގައި ގަސްތައް ހުރީ މުލުން ލުހިފައި ކަމަށެވެ. އަދި ބައެއް ގޭގޭގެ ފުރާޅު އެއްލައިލުން ފަދަ ހާދިސާތަކުގެ ރިޕޯޓް ވެސް ލިބިފައިވާ ކަމަށް ވިދާޅުވި އެވެ.
It’s windy out there , be sure your property is secure.
— Male' City Council (@MaleCitymv) March 29, 2021
♦️ Remove any loose roofing materials and objects in roofs, balconies, or construction sites that could blow away.
♦️Shutter windows securely and brace outside doors.
މޫސުން ގޯސްވުމުން ރައްކާތެރިކަމުގެ ފިޔަވަޅު އަޅަން އެދި މާލެ ސިޓީ ކައުންސިލުން ކުރި ޓްވީޓެއް
އޭނާ ވިދާޅުވި ގޮތުގައި ކައުންސިލުން އަންނަނީ ވިއްސާރައިގައި މާލެއަށް ލިބުނު ގެއްލުންތަކުގެ ތަފުސީލު ހޯދަމުންނެވެ. އެކަމަކު ގަަސްތައް ވެއްޓުމުން ވެހިކަލްތަކަށް ބޮޑެތި ގެއްލުން ލިބިފައި ހުރި ކަމަށް ޝަމާއު ވިދާޅުވި އެވެ.
ވެއްޓުނު ގަސްތަކާއި އޭގެ ސަބަބުން އެފެދުނު ކުނިތައް ނެގުމުގައި ސިޓީ ކައުންސިލްގެ މުވައްޒަފުންގެ އިތުރުން ފުލުހުންނާއި ހައުސިން މިނިސްޓްރީން ވެސް އަންނަނީ ބައިވެރިވަމުންނެވެ.
ގަދަ ވައިގައި މާލޭގައި ގަސްތަކެއް ވެއްޓިފައި: ބައެއް ގޭގޭގެ ފުރާޅު ވެސް އެއްލައިލި -- ފޮޓޯ: އަހުމަދު އަވްޝަން އިލްޔާސް/ މިހާރު
"ކޮންސްޓްރަކްޝަން މަސައްކަތްކުރާ ސައިޓުތަކަށް ވެސް ގެއްލުންވެފައިވާކަމުގެ ރިޕޯޓްތައް އެބަ ލިބޭ،" ޝަމާއު ވިދާޅުވި އެވެ.
"ގަވާއިދާ އެއްގޮތަށް [ކޮންސްޓްރަކްޝަން] މަސައްކަތްކުރަމުން އައި ތަންތަނަށް ވެސް ގެއްލުން ވެފައި އެބަ ހުރި ވައި ޖެހުނުލެއް ބާރުކަމުން."
މާދަމާ ވެސް މޫސުން ގޯސްވެ، ވައި ގަދަވާނެ ކަމަށް މެޓް އޮފީހުން ލަފާކޮށްފައިވާތީ، ޝަމާއު އެދިވަޑައިގަތީ ކޮންމެ މީހަކު ވެސް އަމިއްލައަށް ރައްކާތެރިކަމުގެ ފިޔަވަޅުތައް އެޅުމަށެވެ. ޓިނު ފަދަ ތަކެތި ފަސޭހައިން ވަޔާ ނުދާނެ ގޮތަށް ހަރުކުރުމާއި، ކުޑަދޮރު ފަދަ ތަންތަން ލައްޕާފައި ބެހެއްޓުން ފަދަ ފިޔަވަޅުތައް އެޅިދާނެ ކަމަށް އޭނާ ވިދާޅުވި އެވެ.
މާލޭގެ ރާއްޖޭގެ ބައެއް އެހެން ސަރަހައްދުތަކަށް ވެސް ވިއްސާރައިގެ ގެއްލުން ދަނީ ކުރިމަތިވަމުންނެވެ. އެގޮތުން ދެކުނުގެ ބައެއް ރަށްރަށުގައި ވަނީ ފެން ބޮޑުވެފަ އެވެ. ބައެއް ގޭގެއަށް ފެން ވަދެ، ފުރާޅު މައްޗަށް ރުއްގަސް ވެއްޓުމުގެ އިތުރުން ހިފާ ގެންގުޅޭ ތަކެއްޗަށް ވެސް ގެއްލުން ލިބެމުން ދާ ކަމުގެ ރިޕޯޓްތައް ލިބެ އެވެ.
ރާއްޖޭގެ ކަނޑުތައް ވެސް ފެންނަނީ ވަރަށް ގަދަކޮށެވެ. އޭގެ ސަބަބުން ބައެއް އުޅަނދުފަހަރު ބަންޑުން ޖަހާލުން ފަދަ ހާދިސާތައް ހިނގާ ކަމަށް، އެމްއެންޑީއެފުން ބުނެ އެވެ.
މިއަދު މެންދުރު 2:00ގެ ނިޔަލަށް ބ. އަތޮޅުން ފެށިގެން އައްޑުއާ ހަމައަށް މެޓް އޮފީހުން ވަނީ ރީނދޫ އެލާޓް ވެސް ނެރެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1828
30 March 2021
ކީއްވެތެ 'މާލެ'ވަކިން މިލިޔަނީ؟ މާލެއެއީ ރަށެއް ނޫންތަ؟
ފަތައްސީލާ
29 March 2021
ކުރީގެ ރައީސް ނަސީދޫ! މެޓުން ބުނީ ވައިގަދަ ނުވާނެކަމަށް. އެމީހުން ބުނާ އެއްޗެއް ދިމާވާ ދުވަހެއް މަދު. އެއޮފީސް އުވާލާފައި މަށަށް ރަނގަޅު ފޯނަކާ އިންޓަނެޓާ ދީ. މަހުވާ އެމީހުންނަށްވުރެ ދިމާވާ ގޮތަށް ލަފާކޮށްފައި ބުނާނަން. ދައުލަތުން ކިހާ ބޭކާރު ހަރަދެއް ސަލާމަތް ކުރެވޭނެ. މިކަމާ އުޅެއްޗޭ ނަސީދުގެ އިތުރުން އެހެން މީހުން ވެސް.
އަސްލުނޫން
30 March 2021
މެޓުން ބުނި ވައިގަދަވާނެ ވާހަކަ. އެކަމު ގަސްތައް ވެއްޓޭ ވަރުގެ ގަދަ ވައިޖެހޭނެ ކަމަށް ނުބުނާތީ އޮޅުން އެރީ. މިވެނި މޭލެއްގެ ބާރުމިނުގަ ވައިޖެހޭއިރު ވާނެ ގޮތްގޮތުގެ މައުލޫމާތު ދޭ ނަމަ ވައިގެ ބާރުމިނަށް މީހުން ހޭލުންތެރިވާނީ.
ޤާޞުޞް
29 March 2021
މިލިޔުން ލިޔުނު ލިޔުންތެރިޔާ. ތިވަރުގެގަހެއް ބަހުގެހަމައިން ބަލާއިރު ނުނެއްޓޭނެ. ލުހޭނީ.
ނާޑުވާ
29 March 2021
މޫސުން ލަފާކުރާ އެޕްތަކާ ސެޓެލައިޓް ފޮޓޯތަކުން އެނގޭތީ މިއަދު މޫސުން ގޯސްވާނެ ކަމަށް އާންމުންގެ ބަޔަކު ބުނީތީ ހަޖަމްނުވެ މޮޅު އެއްޗެއް މެޓުން ބުނެލީ. މިހާރު މެޓް އޮފީހަކަށް އިތުބާރެއް ނުކުރެވޭ.
ޙަބީބު
29 March 2021
އެކަމަކު ކުރިންދުވަހުބުނި ގަދައެއްނުވާނޭ އާދަޔާ ހިލަފަކައް މިފަހުގެ ތާރީހެއްގަ ގައިމުވެސް ބ އަތޮޅު ރިސޯޓު ތަކައް ނުލިބެހާ ގެއްލުންމިވަނީވެފަ
ގަދަހަސަނު
29 March 2021
މިކަން މަޖުލީހުން ބަލާނެބާ؟ ޔަގީން ބަލާނެ މަޖުލީހުގެ ރައީސަށް މިކަން ހިނގިކަން އެނގިއްޖެނަމަ.
މެޓުމަރުމޯލޮޖީ
29 March 2021
ތިކިޖެހި ތާނަ ނައްތާލާ ން ނުކުތް މީހުން ކުރުން މާރަނގަޅު ކަމެއް އެއީ މެޓު އޮފީހުން ބޭނުން ކުރާ މެޝަރިނ ސިސްޓަމް އިންޓަނޭޝަނަލް ސިސްޓަމަކަށް ފެއްތުން. ވައިގެ ބާރު މިން ބަލަނީ މޭލުން އެކަމަކު ވާރޭ ވެހުނު މިންވަރު ބަލަނީ މިލިމީޓަރުން. ދެން ބަޔަކު 91 ކިލޯ މީޓަރަށް ވައި ގަދަވާނޭ ބުނީމާ ދެލޯ ފުއްކިބަލަށް އަރައިގެން އުޅުމުގެ ބަދަލުގަ އެއީ ކިތައް މޭލުތޯ ބަލާއިރު އެއީ 56 މޭލަށް ވާއިރު އެވަރަކީ ކޮޅިގަނޑުގަ ރާއްޖޭގަ ވައި ގަދަ ވާ މިންގަޑެއް ކަން އެބަ އިނގޭ.
ކޮމަންމޭން
29 March 2021
މިހާރު ން އެހެން ޚަބަރުތައް ގެނެސްދޭއިރު ކުރިން އެކަމަކާމެދު ގެނެސްދީފައިވާ ޚަބަރުތަކުގެ ޚުލާސާ ހިމަނާ. ކީއްވެތޯ މިޚަބަރުގަ މީގެ ދެ ދުވަސް ކުރިން މެޓް އޮފީހުން ބުނީ ވާހަކަތައް ނުގެނެސްދިނީ؟ އެދުވަހު މެޓުން ބުނީ ހޯމަ އާ ހިސާބަށް މޫސުން ރަގަޅުވާނޭ. އަދި އާދަޔާ ޚިލާފަށް ވައި ބާރެއް ނުވާނޭ. މިއީ މީގެ ދެ ދުވަސް ކުރިން މިހާރުގަ ޖަހާފަ ހުރި ސުރުޚީ ތަކެއް. އަނެއްކާ މެޓް އޮފީހުން ނުބުނާ ވާހަކަތަކެއް ތޯ އެއީ؟ ސާފުކޮށްލަދިނުން އެދެން.
އަންކޮމަން މޭން
29 March 2021
ޗަކޮއެ ބުންޏަސް ތިއީ ހަމަ ތެދު ވާހަކައެއް.. އަހަރެން ތާއީދު ތިވާހަކައަށް