ބިދޭސީންތަކެއް މަގުމަތީ މަޑުކޮށްލައިގެން--ފޮޓޯ:މިހާރު
30 މާޗް 2021 - 12:47
12 comments
ރާއްޖެ އެތެރެކުރާ ބިދޭސީންގެ ކޯޓާ ފީ އަށް އަންނަ ޖުލައި މަހުން ފެށިގެން 2،000ރ. ނަގަން ފުރަތަމަ ފަހަރަށް ސަރުކާރުން ހަމަޖައްސައިފި އެވެ.
ދިވެހިރާއްޖޭގައި ބިދޭސީން ވަޒީފާ އަދާކުރުމާ ބެހޭ ގަވާއިދުގައިވާ ގޮތުން ބިދޭސީން ވަޒީފާ އަށް ގެނައުމުގެ ކޯޓާ އަށް އެދި ހުށަހެޅުމުން، ކޯޓާ ފީގެ ގޮތުގައި 12 މަސް ދުވަހުގެ މުއްދަތަށް 2،000ރ. މިނިސްޓްރީ އަށް ނުވަތަ މިނިސްޓްރީން ކަނޑައަޅާ ތަނަކަށް ދައްކަން ޖެހެ އެވެ.
އާ ގަވައިދަށް އަމަލުކުރަން ފެށީ މިދިޔަ އަހަރުގެ ނޮވެމްބަރު 24 ގަ އެވެ. ނަމަވެސް މި ގަވައިދާ އެކު ވިސާ ފީ ދެއްކުމަށާއި ބިދޭސީންގެ ކަންކަން ހަމަޖެއްސުމަށް އާ ސިސްޓަމެއް ބޭނުން ކުރަން ފެށީ މިދިޔަ މަހުން ފެށިގެންނެވެ. އެހެން ކަމުން ވޯކް ޕާމިޓަށް އިތުރުވި ފައިސާ ރަސްމީކޮށް ދައްކަން ފެށީ ފެބްރުއަރީ 15 އިން ފެށިގެންނެވެ. އާ ގަވައިދު އެކުލަވައި ލުމުގެ ކުރިން ވިސާ ފީގެ ގޮތުގައި ނެގީ 250ރ. އެވެ. އެކަމަކު އާ ގަވައިދުގެ ދަށުން 350ރ. ދައްކަން ޖެހެ އެވެ.
އާ ގަވައިދަށް އަމަލު ކުރުމުގެ ކުރިން ކޯޓާ ފީއެއް ދައްކާކަށް ނުޖެހެ އެވެ. އާ ގަވައިދާ ގުޅޭ ގޮތުން ބިދޭސީން ގެންނަ އޭޖެންޓެއް ބުނީ، ކޯޓާ ހޯދުމަށް މިނިސްޓްރީން ހަދާފައިވާ އާ އެކްސްޕެޓް ސިސްޓަމުގެ ތެރެއިން ފައިސާ ދެއްކުމުގައި ވަރަށް ފަސޭހަ ކަމަށެވެ. އާ ސިސްޓަމަށް ބަލަދުވި އިރު ކޮންމެވެސް ވަރެއްގެ އުނދަގޫތަކެއް ހުއްޓަސް އެކަންކަމަށް ލުއިތަކެއް ލިބިފައިވާ ކަމަށް އޭނާ ވިދާޅުވި އެވެ. އޭނާ ވިދާޅުވީ، ވިސާ ފީގެ އިތުރުން ކޮވިޑްގެ މި ހާލަތުގައި ކޯޓާ ފީ ނެގުން އެހާ ރަނގަޅު ނޫން ކަމަށެވެ.
"ކޯޓާ ފީ ދެއްކުން ފަސް ކޮށްދީފިއްޔާ ބޮޑު ފަސޭހައެއް ލިބޭނެ،" އޭނާ ވިދާޅުވި އެވެ.
އެހެން އޭޖެންޓަކު ބުނީ ފީ ދެއްކުމުގައި ކުރިމަތިވި އެންމެ ބޮޑު ދަތި ކަމަކީ ނޮވެމްބަރު މަހުން ފެށިގެން ކޮންމެ މަހަކު ވޯކް ޕާމިޓް ފީއަށް އިތުރުވި 100ރ. އާ އެއްކޮށް ދައްކަން ޖެހުން ކަމަށެވެ. ގިނަ ބިދޭސީން ގެންގުޅޭތީ ކޮންމެ ބިދޭސީއަކަށް ތިން މަހަށް 300ރ. ދެއްކުން އުނދަގޫ ކަމަށް އޭނާ ވިދާޅުވި އެވެ. ނަމަވެސް މިހާރު މިކަން ކަންކަމަށް އިކޮނޮމިކް މިނިސްޓްރީން ލުއިތައް ލިބިފައިވާކަން އޭނާ ފާހަގަކުރެއްވި އެވެ.
ރާއްޖޭގައި ދޮޅު ލައްކައެއްހާ ބިދޭސީން ތިބި ކަމަށް ހިސާބުތައް ދައްކަ އެވެ. އޭގެ ތެރެއިން ގާތްގަނޑަކަށް 60،000 ބިދޭސީންނަކީ ގަވައިދާ ހިލާފަށް އުޅޭ މީހުންނެވެ. މިގޮތަށް ގަވައިދާ ހިލާފަށް ބިދޭސީން އުޅޭ އުޅުމަށް ހައްލުތަކެއް ގެންނަން ސަރުކާރުން އަންނަނީ އެކި ފިޔަވަޅުތައް އަޅަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ އަދުރީސް
30 March 2021
އާޓިފިސަޅް ބީޗުގަ ޕިކަޕެއްގެ ތެރޭގަ ނިދާފަ އެތަނުގަ ހުންނަ ފެންވަރާތަނާއި ފާހާނާތަކާއި ޖޯލިތަކާއި އޮށިއަށި ތަކުގެ ވެރިކަން ކުރަނީ އިރު އަރަންދެން އެމީހުން.. ދެން ހޭލައިގެން ނިކުމެ ތިބެނީ މާލޭގެ އެތަން މިތާ ސަލާން ޖެހަން 20 ރުފިޔާ ދިނަސް ފަހަތުން ހިނގަނީ ކަނީނެތީ ބޮނީ ނެތޭ ގޮވަމުން. މަސައްކަތެއް ދިނަސް ކުރަން ބޭނުންނުވޭ ނުވޭ. ބޭނުންވަނީ ސަލާންޖަހައިގެން ގަވައިދާއި ހިލާފަށް ރާއްގޭގައި އުޅެން. ލާރި ހޯދައިގެން ޑުރަގު ބޯ ބަންގާޅިން މިތަނުގަ ގިނައީ.
ހަސަނު
30 March 2021
މަށަށް މަކުޑަ 2000 ވެސް.. ބިދޭސީން ގެންނަނީ ކުޑަ އަގެއްގަ މަސައްކަތްކުރުވަން.. ދިވެހިންނަށް ވަޒީފާ ނުދެނީ ކުޑަ އަގަކަށް އެކަން ކުރެވެން އޮންނާތީ...
އަހުމަދުބޭ
30 March 2021
ދިވެހީންނަށް ވަޒީފައި އެބައޮތް ބައިވަރު އެކަމަކު ދިވެހީން ކޮންމެ ކޮންމެ ވަޒީފައިއެއް އަދާކުރާކަށް ބޭނުމެއްނޫން، އަދި ވަޒީފައިގައި ދެމިތިބުމާ، ވަޒީފައި އަށް ފަރުވާކުޑަ ކުރުމާ، ކަމަށް ކަމޭހިތައިގެން ވަޒީފައިގައި ދެމިނުތިބުމާ ގަޑިއަށް ވަޒީފައި އަށް އައުމާ، މިފަދަ ކިތައްމެ ކިތައްމެ ކަމެއް ވަޒީފައި ދޭފަރާތަށް ކުރިމަތިވަމުން އަންނާތީ ބޭރު މީހުން ގެނެސްގެން ގެންގުޅެން މަޖްބޫރުވަނީ 5ހާސް ވިސާފީއަށް ނެގިޔަސް ބޭރުމީހުން މަދެއް ނުކުރެވޭނެ،
2000
30 March 2021
ކުދި ވިޔާފަރީތަކަށް ކޯޓާ ކުޑައަގުގައި ފަސޭހައިން ލިބޭނެ ގޮތް ހަދާފައި ބިދޭސީންތައް ދިވެހި ކޮންމެވެސް ވިޔަފާރިއެއްގައި ރަޖިސްޓްރީ ކުރެވޭނެ ގޮތް ހެދުމުން މިއުޅޭ ބޮނދުންގެ ކަންކަން ހަމަ މަގަށް އެޅޭނެ/
ވިކްރަމް863
30 March 2021
ރަނގަޅަށް މީހުންގެންނަ މީހުން އަތުން މިފަދަ ހާލަތެއްގައި މިހާ ބޮޑު އަދަދެއް ނަގާކަށް ނުފެނޭ. ސަރުކުރާުން ރައްޔިތު މީހާ އާއި ދޭތެރޭގައި ވިސްނާނެ ކަމަށް އުއްމީދު ކުރަން. ބޭރުން މީހުން ގެނެސްގެސްގެން މަސައްކަތް ކުރުވަނީ ހަމަ ރާއްޖޭގެ އިގްތިސާދުގެ އެތެރެއިން. ފައިސާ އެނބުރެނީ ރާއްޖޭގައި. ވިސްނާލުން ބުއްދިވެރި.
އަހްމަ
30 March 2021
ފައިސާ އެނބުރެނީ ރާއްޖެއަަކު ނޫން. ޝުކުރިއްޔާ
ޙިނި
30 March 2021
ގުރޫފެއް ހަދައިގެން ވަގައް އުޅޭ ބަންގާޅީން އަތުން 2000ރ ނަގަން ފެނޭ. ސަރުކާރަކުން އަޅަޔެއް ނުލާ އެމީހުން ގަވައިދާ ހިލާފުވެ ފީނުދެއްކިޔަން، އަމިއްލަ ބަޔަކު މިކަން ކުރަން ފަނޭ
ރަދީފްއޮފިޝިއަލް
30 March 2021
ފުރަތަމަ އެކްސްޕެޓް އިގަވަމެންޓް ސިސްޓަމްގެ ފެންވަރު މަތިކުރޭ.އޭގެ ފަހުން ތިނަގާ ފައިސާއެއް ނަގާ.
އަނިއްލް
30 March 2021
މީ މަގޭ ރާއްޖެ. އިސްކަމެއްދެނީ ހުރިހާ ވިޔަފާރިވެރިންވެސް ބިދޭސީން ގެންނަން. އެކަމަކު ފަންނީ ގާބިލު މީހުން މިގައުމުގައިވެސް އެބ ތިބި.
އޭނަ
30 March 2021
މުޅި ވިޔަފާރި ވަނީ ފީ ދެއްކުމާއި ޖުރިމަނާގެ ތެރޭގަ.ވިޔަފަރި ކުރަނީ ފީ ދައްކަން، ފީ ދައްކަނީ ވިޔަފާރި ކުރަން
އިޔެ1
30 March 2021
ބިދޭސީންގެ ބޭސްފަރުވާ އަދި އެހެނިހެން ކަންކަމުން ދައުލަތަށް އުފުލަންޖެހޭ ބުރަޔާއި ބަލާއިރު 2000 ރުފިޔާއަކީ ކުޑައެއްޗެއް. އަލަށް ރާއްޖެ ލޭބަރުން ފިޔަވައި ކޮންމެ ބިދޭސީއެއްގެ އަތުން މުސާރައިގެ ނިސްބަތުން ފީއެއްނަގަން ޖެހޭ. މިސާލަކަށް ރިސޯޓެއްގެ ޖީއެމްގެ އަތުންނަގާ ފީއާއި ލޭބަރެއްގެ ފީ އެއްގޮތް ވުމަކީ ދައުލަތަށް ގެއްލޭ ފައިސާ، އަދި ކިޔަވައިގެންތިބި ޒުވާނުންގެ މުސްތަގުބަލު
ޑޮކްޓަރ ތުއްތު
30 March 2021
ސަރުކާރަށް މަސައްކަތް ކުރެވޭނަމަ ގަވާއިދާއި ޚިލާފަށް އެކަކުވެސް ނޫޅޭނެ