ރައީސް އޮފީހުން އިއްޔެ ބޭއްވި ނިއުސް ކޮންފަރެންސްގައި ތަރުޖަމާނު މަބްރޫކް އަޒީޒް ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
01 އެޕްރީލް 2021 - 13:04
21 comments
ހިޔާ ފްލެޓު ލިބޭ މީހުންގެ ލިސްޓާ ގުޅޭ ގޮތުން ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައާ ބެހޭ ކޮމިޓީން ދިން ލަފައާ ގުޅިގެން އިތުރަށް ކަންކަން ބަލަމުން އަންނަ ކަމަށް ރައީސް އޮފީހުގެ ތަރުޖަމާނު މަބްރޫކް އަޒީޒް އިއްޔެ ވިދާޅުވެއްޖެ އެވެ.
ރައީސް އޮފީހުން ބޭއްވި ނިއުސް ކޮންފަރެންސްގައި، ނޫސްވެރިއެއްގެ ސުވާލަކާ ގުޅިގެން މަބްރޫކް ވިދާޅުވީ ފްލެޓަށް މީހުން ވަނުމުގެ ކުރިން ކުރަން ޖެހޭ މަސައްކަތްތައް ކުރަމުން އަންނަ ކަމަށެވެ. އޭގެ ތެރޭގައި، ކުރީގެ ރައީސް އަބްދުﷲ ޔާމީންގެ ސަރުކާރުން އިމާރާތްކުރަން ފެށި ފްލެޓުތައް ލިބޭނެ މީހުންގެ ލިސްޓާ ގުޅޭ ގޮތުން ދިން ލަފާ ވެސް ހިމެނޭ ކަމަށް ވިދާޅުވި އެވެ.
ހުޅުމާލޭގެ ދެ ވަނަ ފިޔަވަހީގައި އިމާރާތްކުރަން ފެށި ފްލެޓުތަކަށް ކުރިމަތިލާފައިވާ މީހުންގެ ފޯމުތައް މި ސަރުކާރުގެ ފްލެޓް ކޮމިޓީން މުރާޖައާކުރިއިރު ދިރިއުޅުމުގެ ހާލަތު ވަޒަންކުރީ ފުރިހަމައަށް ނޫން ކަމަށާއި ދާއިމީ ލިސްޓުގައި ހިމެނުނީ ފްލެޓުތައް ލިބޭ ހައްގުވެރިންނަށްތޯ އަލުން ކަށަވަރުކުރަން އެ ކޮމިޓީން ވަނީ ސަރުކާރަށް ލަފާދީފަ އެވެ.
މަބްރޫކް ވިދާޅުވީ ފްލެޓް ކޮމިޓީން އިތުރަށް ބަލަން ބުނެފައި ހުރި ކަންކަން ބަލައި އޭގެ ތެރޭގައި ބޮޑު ބައެއް މިހާރު ފައިނަލްކޮށްފައިވާ ކަމަށެވެ. އެކަމަކު އިތުރަށް ސުވާލު އުފެދޭ ކަންތައްތައް، އެ ކަމާ ގުޅޭ މުއައްސަސާތަކުން ލިބެން ޖެހޭ މައުލޫމާތާއި އެއްޗެހި ކަށަވަރުކުރަން ދުވަސްތަކެއް އެބަ ނަގާ ކަމަށް ވިދާޅުވި އެވެ.
"ކުރިއަށް އޮތް މަހުގެ ތެރޭގައި ހަމަ އަޅުގަނޑުމެންނަށް ވަރަށް ޔަގީންކަން އެބަ އޮތް، އިރާދަކުރެއްވިއްޔާ މީހުންނަށް ފްލެޓުތަކުގެ ތަޅުދަނޑި ހަވާލުކުރެވޭނެ ހިސާބަށް ދާނެ. އެޗްޑީސީން މިހާރު ވެސް މަސައްކަތްކުރޭ އެޕާޓްމަންޓު ދިނުމުގެ ގުރުއަތު ނެގުމަށް ހަދަން ޖެހޭ އިންތިޒާމްތައް،" ވާޗުއަލްކޮށް ބޭއްވި ޕްރެސް ކޮންފަރެންސްގައި މަބްރޫކް ވިދާޅުވި އެވެ.
ހިޔާ ފްލެޓަށް ޑައުންޕޭމަންޓާއި މަހަކު ދައްކަން ޖެހޭ އަދަދެއް އަދި ސަަރުކާރުން ހާމައެއް ނުކުރެ އެވެ.
މަބްރޫކް ވިދާޅުވީ ކެބިނެޓުގައި ވެސް އެކަމާ ގުޅޭ ގޮތުން ވަރަށް ބޮޑަށް މަޝްވަރާކޮށްފައިވާ ކަމަށެވެ. އަދި މި މަހުގެ ކުރީކޮޅު އެކަމާ ގުޅޭ މައުލޫމާތު ޔަގީންކަމާ އެކު ހާމަކުރެވޭނެކަން ވެސް އޭނާ ފާހަގަކުރެއްވި އެވެ.
ސަރުކާރުން މީގެ ކުރިން ބުނެފައިވަނީ މިދިޔަ މާޗު މަސް ނިމުމުގެ ކުރިން ހިޔާ ފްލެޓުގެ ތަޅުދަނޑި ހަވާލުކުރެވޭ ވަރު ވާނެ ކަމަށެވެ.
ހިޔާ މަޝްރޫއުގެ 7،000 ފްލެޓު ބެހުމުގައި އަމަލުކޮށްފައިވާ ގޮތް މި ސަރުކާރުން އަލުން ރިވިއުކުރި ގޮތާ މެދު ގިނަ ބަޔަކު ކަންބޮޑުވުން ފާޅުކުރި އެވެ. ހިޔާ ފްލެޓު ދިން ގޮތާއި މި ސަރުކާރުގެ ބޯހިޔާވެހިކަމުގެ ސިޔާސަތު ރާވާފައިވާ ގޮތް ދިރާސާކުރަން މަޖިލިހުގެ ތަރައްގީ އާއި ތަރިކަ ކޮމިޓީން ފެށީ ފެބްރުއަރީ 28 ގަ އެވެ.
ފްލެޓު ކޮމިޓީން ފޯމުތައް އަލުން ރިވިއު ކުރިއިރު ޝަރުތު ހަމަނުވާ މީހުން ވެސް ފްލެޓް ލިބޭ މީހުންގެ ދާއިމީ ލިސްޓުގައި ހިމެނިފައިވާ އިރު ޝަރުތު ހަމަވާ ގިނަ ބަޔަކު ދާއިމީ ލިސްޓުން އުނިވިކަމުގެ ޝަކުވާ ލިބިފައިވާ ކަމަށް ވެސް ކޮމިޓީގެ ރިޕޯޓުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯހަލާކުތަކުރު
02 April 2021
ތި ކޮމެޓީ އެކުލަވާލީ ކުރިންދިން ގޮތް އިންސާފުވެރި ނުވެގެނޭ ކިޔާފަ. މިހާރު ތިބުނަނީ ތި ކޮމެޓީންވެސް ހަމަ އެހެންނޭ ކަންތަށް ކުރެވުނީ. އެނގޭ ކަމަކީ ތި ކޮމެޓީ މީހުނަށްވެސް ބޮޑު މުސާރަދިންކަން. ރައްޔިތު މީހާ ގަނަ ތެޅެންވީ އެތަންތަން ވިރާނާވާ އިރުވެސް
އޮނަރަބްލް އަފީފު ދީދީ
01 April 2021
ދައުލަތުގެ އެހީގައި ދިރިއުޅުމުގެ ކަންކަން ވަކިން ޙާއްސަކޮށް ބޯހިޔާވަހިކަމުގެ އެހީތެރިކަމަށް އެދޭ މީހާއަށް ދައުލަތުން އޭނާގެ ބޮލުގައި 4 ނުވަތަ 6 މިލިޔަން ރުފިޔާގެ ދަރަނި އެޅުވުމަކީ ކޮށްގެން ވާނެ ކަމެއްނޫން. # ކ.އަތޮޅު މާލޭމީހާއަށާއި، ތުރާކުނާއި، ވ.ތިނަދޫ، ލ. ގަން އަދި ފުވައްމުލަކާއި އައްޑޫސިޓީ ކަމުގައިވިޔަސް ސޯޝަލް ހައުސިން ސްކީމަށް އެމީހުނަށް ދޭންޖެހޭ ފްލެޓް ދޭންވާނީ އެމީހުންގެ ތަނަވަސްކަމާއި އެއްވަރުގެ ރަށްރަށުން. މާލެއަކީ އެފަދަ ތަނެއްނޫނޫން.
އޮނަރަބްލް އަފީފު ދީދީ
01 April 2021
ތަފާތުކުރުމެއްނެތި ކ.އަތޮޅު މާލެ ސަރަހައްދުގައި ވިޔަފާރި އުސޫލުން ތަރައްޤީކުރާ ފްލެޓްތައް ގަތުމަށް ހުރިހާ ދިވެހިންނަށް ފުރުސަތު ދިނުމަށްފަހު
ދޮންކުޑޭ
01 April 2021
މީހުން ދިރުއުޅެންވެސް ހެޔޮނުވާވަރު ކޮތަރުކޮށިތަކާހެދި މިހިރަ ވާގޮތެއް. ތިކަން ސާފުވާނީ ވޯޓުން
އޮނަރަބްލް އަފީފު ދީދީ
01 April 2021
ދައުލަތުގެއެހީގައި ބޯހިޔާވަހިކަންބޭނުންވާނީ ނުވަތަ ދޭންޖެހޭނީ ހަމައެކަނި ކ.އަތޮޅު މާލޭމީހާއަކަށްނޫން. # ޤާނޫނުހަދާމަޖިލީހުން އިންސާނީހައްޤުތަކާއިހިލާފު މި ރޭސިސްޓްފިކުރަށް ނިމުންގެންނާން ޕްރޮޕަޓީޤާނޫނެއް ވުޖޫދުކޮށް ފުރަތަމަ ބިމާއިފްލެޓް ޓެކްސް ފްރީވެފައި 2 ވަނަ ބިމާއިފްލެޓަށް %50 ޓެކްސް އަދި އިތުރަށްހޯދާ ފްލެޓާއި ބިމަށް %100 ޓެކުހެއްނަގާން ޤާނޫނުން ލާޒިމްކޮށް ސޯޝަލް ހައުސިންގ ސްކީމަށް ދޮގުމައުލޫމާތުދިނުމަކީ ޖިނާއީ ކުށެއްކަމަށް ކަޑައަޅުއްވާ.
ތަކުރުފާނު.
01 April 2021
ތިކަމެއް ނުކުރާނެ. މަޖިލީހުގެ ކުރީ ގޮނޑި ބަރީގައި ތިބީ ކ.އަތޮޅު މާލޭ މީހުން. އެމީހުނާއި އެމީހުންގެ އާއިލާ ތަކަކީ ކުލިން ދިރިއުޅޭ ބައެއް. ދައުލަތުން އެމީހުނަށް ކުލި ލިބޭނެ ވަސީލަތް ޤާއިމް ކޮސްދޭން ޖެހޭނެ ކަމަސް އެމީހުން ޤަބޫލު ކުރަނީ.
ކުދުބެއްޔާ
01 April 2021
އޭޕްރީލް ދިހައެއް އަންނަށްދެން ތިވާހަކާނީ ކުރިޔަށް. ވޯޓްލާ ނިމުނީމަ އެގޭނީ އަސްލު ވާހަކަ. މީހަމަ ހުސް ކެމްޕޭނު ބޯޅަ!!!@@!!! ވަރަށް ވެދުން
އަހުމަދުބޭ
01 April 2021
ރައްޔިތުން ތިޔަ ހިޔާފުލެޓްގެ އުއްމީދު ކަނޑައިލައިފިއެވެ، ދެ އަހަރު ބައި އިން ނުވިކަމެއް ދެން ވަކިވާނެހެއްޔެވެ، 2 އަހަރު ވަންދެން ފޯމްތަށް ސައްހަތޯ ބަލަން ބޮޑުކޮމެޓީއެއް ނަގައިގެން ދައުލަތުން އެތަށް ޚަރަދެއް ކޮށްގެން ނެރުނު ލިސްޓް ކަމުނުދިޔައިމާ ދެން ވަކި ރައްޔިތުން އިތުބާރު ކުރާނެހެއްޔެވެ، ކަމެއް ކުރެވޭނެ ވަރުގެ ސުޓްރެންތެއް ނެތް މިނިސް ޓުރީތަކެއް މިއަދު ފެންނަމުން މިދަނީ ވަކި މިނިސްޓްރީ އެއް ކިޔާނެކަމެއްނެތް
އޮނަރަބްލް އަފީފު ދީދީ
01 April 2021
ކ.އަތޮޅު މާލޭމީހުން ބޯހިޔާވާނެތަނެއްނެތްކަމަށް މާލޭސަރުކާރު ހިންގާންތިބި މީހުންބުނަނީ ސައްޙަ ސާފުހިސާބު އަކުރުތަކުން އެކަން ނުވަތަ އެހެންތިބިމީހުން ފެންނާންނެތްޙާލެއްގައި ހީއަކަށް ނުވަތަ "މަކަރާއިހީލަތުގެ ބޮޑުއޮޅުވާލުން ގަޑެއްގެތެރޭގައިކަން" ޔަޤީން. # މިކަމުގެހެއްކަކަށް "ސޯލިޙް ވެރިކަމާއިޙަވާލުވުމަށްފަހު ސަރުކާރުއޮފީސްތަކާއި ދައުލަތާއި ދައުލަތްޙިއްސާވާ ކުންފުނިތަކުގެބޭނުމަށް" ބޮޑު ކުލީގައި މާލޭބިންވެރިންގެއިމާރާތް ކުއްޔަށްނަގާފައިވާއަދަދު ފުދޭނެ.
އޮނަރަބްލް އަފީފު ދީދީ
01 April 2021
ސާފު ސީދާ ހިސާބު އަކުރުން ސާބިތުވާން ނެތް އަސާސެއްނެތް ކަމެއްގެ މައްޗަށް "ހީއަކަށް" މިގޮތަށް ދައުލަތުގެ ޙަޒާނާ ބަޔަކު މީހުން "އާމްދަނީ ހޯދާނެ ތެޔޮވަޅު ތަކެއްގެ ގޮތަށް" ވެދުން ކުރުމަކީވެސް އެންމެހާ ޤާނޫނީ ހަމަތަކާއި ހިލާފު ޙިޔާނާތެއް ނުވަތަ ވައްކަމެއް. # ދައުލަތުގެ ފްލެޓަށް އެދޭ މީހާ ފްލެޓަށް އެދި ހުށަހަޅާ ފޯމްގައި ދޮގު މައުލޫމާތު ދިނުމާއި އެފަދަ ކަމަކަށް އެހީތެރިވިމީހާވެސް އެކުރަނީ "ޖިނާއީ ކުށެއްކަމަށް" ފޯމްގައި ނުލިޔަނީ ކީއްވެ؟!
އޮނަރަބްލް އަފީފު ދީދީ
01 April 2021
ނޫން..! ތިއަށްވުރެން ހަމަޖެހޭ ގޮތަކަށް ތިކަން ކުރާން ވާނެ. ވުޖޫދުގައިނެތް އަދި ފަހުންވެސް ނުވެސް އަންނާނެ އެއްޗެއްގެ ވާހަކަ ދައްކާ މީހުން ޖޯކަރުންނަށް ހަދާން އައްޑޫ ހިސާބުގައި "އިރަށް ދަރާ ތޮށަލި ގަނޑު" ހޯދަންވެސް މީހުން ފޮނުވާ އުޅޭ. ސޯލިޙްގެ ސަރުކާރުންވެސް ތިއުޅެނީ އެފަދަ "ތޮޑަލިގަނޑެއް" ގެ ވާހަކަ ނެރެގެން. # ޑޮކްޓަރުންނަށާއި ނަރުހުންނަށް ލިބިފައިވާފްލެޓް ޙަވާލުކޮށް ތަނަވަސްފްލެޓް އަޅާފައި ފަހުން އެތަންތަން ބޭނުން ފަރާތްތަކަށް އެފުރުސަތު ދެއްވާ.