ޓްރެކް ސަރަހައްދު މޫދުގައި ނަޖިހުގެ އަސަރު ހުންނާތީ އެތަނަށް އެރުން މަނާކޮށްފި

ފަތާ ޓްރެކް ސަަރަހައްދަށް އެރުން މަނާކަމަށް އަންގައި ޔޫތު މިނިސްޓްރީން ބަހައްޓާފައިވާ ލިޔުން: އަންނަ އާދިއްތަ ދުވަހު ފެތުުމުގެ ގައުމީ މުބާރާތް ބާއްވަން ވަނީ ހަމަޖައްސާފައި.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

14 ނޮވެމްބަރ 2016 - 23:15

20 comments

ފަތާ ޓްރެކް ސަރަހައްދުގެ މޫދު ނަޖިސްވުމުގެ ސަބަބުން އެ ސަރަހައްދަށް އެރުން ވަގުތީގޮތުން މަނާކޮށްފި އެވެ.

ޓްރެކް ބަލަހައްޓަމުން އަންނަ ޔޫތު މިނިސްޓްރީން ބުނީ ރެއިން ފެށިގެން އާއްމުންނަށް ޓްރެކް ބަންދުކުރީ ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ޓެސްޓުތަކެއް ކުރުމަށް ކަމަށެވެ.

ޓްރެކަށް އެރުން މަނާކަމަށް އަންގައި ޔޫތު މިނިސްޓްރީން ވަނީ އެ ސަރަހައްދުގައި ލިޔުމެއް ބަހައްޓައިފަ އެވެ. އެ ލިޔުމުގައި ބުނެފައި ވަނީ ޓްރެކް ސަރަހައްދުގެ ފެންގަނޑުގައި ތެލާއި ގިރިސް އަދި ނަޖިހުގެ އަސަރު ހުރިކަމަށް އެޗްޕީއޭ އަށް ފާހަގަކުރެވިފައިވާ ކަމަށެވެ. އެހެންކަމުން އެކަން ތަހުލީލުކުރަމުން ދާތީ ވަކިގޮތެއް އަންގަންދެން އެ ސަރަހައްދަށް ނޭރުމަށް އަންގާކަމަށް އެ ލިޔުމުގައިވެ އެވެ.

ފަތާ ޓްރެކް ސަަރަހައްދު: އެ ސަރަހައްދަށް އެރުން ވަގުތީގޮތުން ވަނީ މަނާކޮށްފައި.-- ފޮޓޯ: ނިޝާން އަލީ/ މިހާރު

އެ ޓްރެކް ބަންދުކޮށްފައިވަނީ އަންނަ އާދިއްތަ ދުވަހު ފެތުމުގެ ގައުމީ މުބާރާތް ވެސް ފަށަން ހަމަައްސާފައި ވަނިކޮށެވެ. ފެތުމަށް ހާއްސަކޮށް މާލޭގައި ހަދާފައިވާ ހަމައެކަނި ތަން ބޭނުންކުރުން ވަގުތީގޮތުން މަނާކުރުމުން ސްވިމިން އެސޯސިއޭޝަނުން ވެސް ވަނީ ކަންބޮޑުވުން ފާޅުކޮށްފަ އެވެ.

އެ އެސޯސިއޭޝަންގެ ނައިބު ރައީސް އިސްމާއިލް އަލީ ވިދާޅުވީ ފެތުމުގެ ބޮޑު މުބާރާތް ފެށެން ކުޑަ ދުވަސްކޮޅަކަށް ވެފައި ވަނިކޮށް ފެތުންތެރިންގެ ތަމްރީނު ހެދޭނެ ގޮތެއް ވެސް މިހާރު ނެތް ކަމަށެވެ. މިއީ ލިބުނު ބޮޑު ގެއްލުމެއް ކަމަށް އޭނާ ވިދާޅުވި އެވެ.

"މުބާރާތް ކައިރިވެފައި އޮއްވާ ޓްރެކް ބަންދުކުރުމުން ޕްރެކްޓިސް ވެސް މި ޖެހުނީ ހުއްޓާލަން. މުބާރާތް ވެސް ފަސްކުރެވޭކަށް ނެތް. އެއީ ސްކޫލު ބަންދާ ދިމާކޮށް މުބާރާތް ބާއްވާތީ ރަށުން ބޭރަށް ދިއުމަށް އެތައް ބަޔަކު ވަނީ ޓިކެޓު ނަގާފައި. ހުރިހާ ކަމެއް ހުއްޓުން އަރައި ކަހަލަ ގޮތަކަށް މިހާރު އޮތީ،" އިސްމާއިލް ވިދާޅުވި އެވެ.

އޭނާ ވިދާޅުވީ މައްސަލަ ހައްލުކޮށް އަލުން ޓްރެކް ބޭނުންކުރެވޭނެ ގޮތް ހެދުމަކީ ސްވިމިން އެސޯސިއޭޝަންގެ ވަރަށް ބޮޑު އެދުމެއް ކަމަށެވެ.

ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ ގައުމީ ފެތުމުގެ މުބާރާތް ފެތުން ޓްރެކް

20 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްސަދު

15 November 2016

ޓުރެކް ބޭނުން ކުރާ މީހުން އަތުން 25 ޑޮލަރު ނަގަން ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޒިރު

15 November 2016

ތީ ޒިންމާއިން ރެކެން ޖަހާފަ އޮތް އިއުލާނެއް. ދެން މީހަކު ޝަކުވާ އެއް ކޮށްފިޔާ ބުނެވޭނު އޮންނާނޭ މޫދަށް ނޭރެން އަންގާފަ. ތަން ހަޑި ނުވާނެ ގޮތެއް ހަދާކަށް ނުވެސް އުޅޭ. ހަަމަ އެކަނި ތާރީހު ނުޖަހާ އިއުލާނެއް ހަރުކޮށްފަ އިނީ. ސަރުކާރުން އުޅޭ ގޮތުން ބައެއްފަހަރު ހީވޭ ތިތަން ހިއްކަން އުޅޭހެންވެސް މީހުން މޫދަށް އެރުން ފޫހި ކޮށްލާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކުބާޑު

15 November 2016

ޔާމިނަށް މިކަން އެގޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކުސް

15 November 2016

ތި ތަނަށް މޫދައް އެރެނީ ހަމައެކަނި ދިވެހި މީހުން ނެއް ނުން .އިއުލާން ދިވެހިން އިނީމަ ބިދޭސިމިހުން ނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ

15 November 2016

މިތަން ބޭނުން ކުރާ ބައެއް ފަރާތްތަށް ޗައިނީސް، ބަންގާޅީ ، އިނގެރެސިން ، ހިންދީން . ޓެމިލް ، ސިންގަޅަ ، މިބަސް ތަކުން ލިޔުނީމަ ދިވެހިން ނެތަސް އޯކޭވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

15 November 2016

މީކީ އެއްވެސް މައްސަލައެއް ނޫން. އަވަވަށް އަހަރެމެންގެ ލިޓްލް ސިންގަޕޯރ ގެ މަރީނާބޭ ސޭންޑްސް ގައި ހުންނަ އިނފިނިޓީ ޕޫލް ފެންވަރުގެ ރަސްފަންނަށް ހުރިހައި އެންމެން ބަދަލުވެލާ. ނޫނީ މާލެ ކައިރީގައި ދިވެހިންނަށް ދަތުރުދާން ޚާއްސަކޮށްފައި އޮތް އެތައް ސަތޭކަ ރައްރަށުގެ ތެރެއިން ރަށެއްގެ ހިތްގައިމު ނަލަ ބީޗަކަށް ޖެހިލާ. ކުޑަބަނޑޮސް، ކަގި، ފޭދޫދިނޮޅު، ތިލަފުށި ފަދަ އެތައް ރަށެއް އޮންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބޭ

15 November 2016

މިވެސް ހަމަ ސިންގަޕޫރުގެ މަންޒަރެއް ދޯ. ކޮބާ އެންވައިރަމަންޓް ޕްރެޓެކްޝަން އޭޖެންސީ؟ އަދިވެސް މޮޅެތިހާ ނަންނަން ކިޔާފަ އެތަންތަނައް ބޮޑެތިސިންގާ މުސާރަ ދީފަ މީހުން ބައިތިއްބާ. ސާބަހޭ ޔަގީން ޓީމައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ

15 November 2016

ތަޣައްޔަރު ނޫންތޯ ވާނީ!! އެތާފަޅުގައި ސްވިމިންގް ޓެރްކް ކައިރީ ފަޅުތެރޭގައި އަޅާފައި އެވާ ހުރިހާ ފަޅު އޮޑިފަހަރުގައި އުޅޭ އެންމެން އެދިމާއިން މޫދަށްވިއްޔާ ކުޑަކަމުގޮސް ބޮޑުކަމުދަނީވެސް!! ފަޅުއޮޑިފަހަރުގެ ފާޚާނާތައް ހުންނާނީ އެބޭނުންކުރުމުން ސީދާ މޫދަށް ނަޖިސް ބޭރުވާގޮތަށް!! އެހެންވީމަ އެހިސާބުން ފަޅު އޮޑިފަހަރު ނެގިދުވަހަކުން ނޫނީ ތިސްވިމިންގް ޓެރެކަށް އެރެން ހެޔޮނުވާނެ!! ހަމަ އޮންނާނީ ތަޣައްޔަރުވެފަ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުހަންމަދު

15 November 2016

މުތުލަޤަށް ދޮގުހަދަހަދައިގެން އެކިމީސްމީހުން ޓީވީއަށްއަރައި، ވާހަކަދެއްކިދާނެއެވެ. އެކަމަކު މާލެކައިރިއަށް މޫދަށްއެރިއުޅުމަކީ، ރަނގަޅުކަމެއްކަމުގައި ނުދެކެވެއެވެ. އޮއިބާރުއިރެއްގައި، ލޮނުގަނޑު ސާފުވެފައޮތްނަމަވެސް ވަށައިގެންއެނބުރެނީ 2 ލައްކައެއްހައިމީހުން ބޭރުކުރާ ނަޖިހާއި އެކިބާވަތުގެ ކެމިކަލެވެ. ތަޙުލީލުތަކެއް ކުރުމުގެ މާނައެއްނެތެވެ. ހަމަލޮލަށް އެބަފެނެއެވެ. ބުއްދިސަލާމަތުންހުރި އެކަކުވެސް މާލެކައިރިއަށް މޫދަކަށްނޭރޭނެއެވެ. އަދި ދަރިއްކުވެސް ތިޓުރެކަށާ އާޓިފިޝަލްބީޗަށާ ރަސްފަންނަކަށް ނުފޮނުވާނެއެވެ.