ވައިޓް ހައުސްގައި ބޭއްވި ނޫސްވެރިންގެ ބައްދަލުވުމުގައި އޮބާމާ ވާހަކަ ދައްކަވަނީ. --ފޮޓޯ:ބީބީސީ
15 ނޮވެމްބަރ 2016 - 11:13
7 comments
ވޮޝިންޓަން (ނޮވެމްބަރު 15) - އެމެރިކާގެ ރައީސް ކަމަށް ހޮވިވަޑައިގެންނެވި ޑޮނަލްޑް ޓްރަމްޕާ މެދު ކަންބޮޑުވާ ކަންތައްތައް އެބަހުރި ކަމަށާއި އެކަމަކު ރިޔާސީ އިންތިޚާބުގެ ނަތީޖާ ޑިމޮކްރެޓިކުން ހެޔޮ ހިތުން ގަބޫލް ކުރުމަށް ރައީސް ބަރަކް އޮބާމާ އެދިވަޑައިގެންފި އެވެ.
"މިއީ ޑިމޮކްރެސީ މަސައްކަތް ކުރާ ގޮތަކީ،" ވެރިކަމުގައި ހުންނަވައިގެން ގައުމުން ބޭރަށް ކުރައްވާ އެންމެ ފަހު ދަތުރަށް ފުރާވަޑައިގަތުމުގެ ކުރިން ނޫސްވެރިންނާ ބައްދަލު ކުރައްވާ އޮބާމާ ވިދާޅުވި އެވެ.
އޮބާމާ ވިދާޅުވީ ބުރާސްފަތި ދުވަހު ޓްރަމްޕާ އެކު ވައިޓް ހައުސްގައި ބޭއްވި ބައްދަލުވުމުގައި ވަނީ އިންތިޚާބުގެ ތެރޭގައި އުފެދުނު މައްސަލަތަކަށް ފަހު އެއްބައިވަންތަކަމުގެ ސިގްނަލް ދެއްވުމަށް ޓްރަމްޕުގެ ކިބައިން އެދިވަޑައިގެންފައި ކަމަށެވެ.
"ޓްރަމްޕުގެ ކެމްޕޭން ގެންދެވި ގޮތުން އަޅުގަނޑު ވާނީ އެއްބައިވަންތަކަމުގެ އިޝާރާތެއް ދިނުމަށާއި މައިނޮރިޓީ ގްރޫޕްތަކާއި އަންހެނުންނަށް ޚާއްސަކޮށް ހެޔޮ އެދުމުގެ މެސެޖްތައް ދިނުމަށް އެދިފައި،" ވައިޓްހައުސްގައި ވާހަކަ ދައްކަވަމުން އޮބާމާ ވިދާޅުވި އެވެ.
ގްރީސް އަށާއި ޖަރުމަން އަދި ޕެރޫ އަށް ކުރައްވާ ދަތުރުގައި ފުރާވަޑައިގަތުމުގެ ކުރިން އޮބާމާ ވިދާޅުވީ ޓްރަމްޕުގެ ވެރިކަމުގައި އެމެރިކާ އާއި ބައިނަލްއަގުވާމީ ދުނިޔެއާ އޮތް ގުޅުންތައް ދަމަހައްޓާނެ ކަމަށް އުއްމީދު ކުރައްވާ ކަމަށެވެ.
ކެމްޕޭންތެރޭގައި ޓްރަމްޕް ދެއްވި ބަޔާންތަކާ ގުޅިގެން ދުނިޔޭގެ ބައެއް ލީޑަރުން ވެސް ވަނީ ކަންބޮޑުވުން ފާޅުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިރައްޕު
15 November 2016
ކެމްޕޭންތެރޭގައި ޓްރަމްޕް ދެއްވި ބަޔާންތަކާ ގުޅިގެން ދުނިޔޭގެ ބައެއް ލީޑަރުން ވެސް ވަނީ ކަންބޮޑުވުން ފާޅުކޮށްފަ އެވެ. ވީމާ، އެމެރިކާގެ ރައްޔިތުން ބޭނުންވާނީ ދުނިޔެ ކަންބޮޑުކުރަންކަން ނަތީޖާއިން އެބައެނގޭ. އެމެރިކާ ޤަބޫލުކުރާ ގޮތުގައި "ބައިނަލް އަޤްވާމީ މުޖުތަމައަކީ" ޔަހޫދީން ވެރިކަން ކުރާ ނުވަތަ ޔަހޫދީންގެ ބާރުލިބިގެން ވެރިކަން ހިންގާ ޤައުމުތައް.
ވިސްނާލީމާ
15 November 2016
ކިތަންމެ ރަނގަޅު ނަސޭހަތެއްދިނަސް އެވާނީ އެޔަށް! ބަޅެއްގެ ނަގޫ ސަންފާއޮނަކަށްލާފާ ނެގިޔަސް އެއޮންނާނީ ހަމަ އެހެން! ބަދަލެއްނުވާނެ! -އިބްރާހީމް-
ގާހިރު
15 November 2016
ޝަލަފު އަށް އެނގޭތޯ އޮބާމާއާ ދިމާލަށް ތިޔަ ބުނެވޭ އެއްޗެއް. މަލާމާތާއި ޖެއްސުމަށް ކިތަންމެ ކިތަންމެ ވަރަކަށް އެއްޗެހި ކިޔަސް ނުވަތަ ޝަލަފު ގެ ނުކުޅެދުން ތެރި ކަމުންވިއަސް، އޮބާމާ ވައިޓް ހައުސް އިން އެނުކުމެވަޑައި ގަންނަވަނީ އެމެރިކާގެ ޤާނޫނުގައިވާ އެންމެ ދިގުމުއްތަށް ވެރިކަން ކުރައްވާފައި، އެއީ ޖެހިޖެހިގެން 2 ދައުރު. އެެހެންވުމުން އޮބާމާ އެވަޑައި ގަންނަވަނީ އުފަލުން. ޝަލަފުމެން ބޭފުޅުންނަށް ދުނިޔޭ އާދަކާދަ ނޭގުމަކީ ޝަލަފުމެންގެ ހަމަ ހުރި ޤަމާރުކަން .. ފެންނަ ކޮންމެ ލިޔުމަކަށް ކޮމެންޓް ކުރުމުން ތިމާގެ އަގުވެއްޓުން ނޫން ކަމެއް ނުވާނެ.
ޝަލަފު
15 November 2016
ދެން ޓްރަންޕޭ ޕަންޕޭ ނުކިޔަ ތަންމަތިބޮނޑި ބަދެގެން ތިތަނުން ނުކުމޭ. މިހާރު އޮންނާނީ ރަގަޅައް ވެރިކަން ކުރެވިފަ.
އަހައްމަދު ކަލޯ
15 November 2016
އޭ އޮބާމާ ތީ ދެންކޮންވާހަކައެއް! ޓްރަންޕުގެ އެއްވެސް ކަހަލަ މައްސަލައެއް ނެތް! އަހަރެމެންގެ ރައީސް ބުނީ ޓްރަންމްޕްއަށް ވަރަށް ތާއިދު ކުރަމޭ. ސޯ ތިޔަކަހަލަ ވާހަކަ ދެއްކުން ހުއްޓާލާ. ނޫނިއްޔާ އަބުރުގެ ދައުވާއާއި ޓެރަރިޒަމްގެ ދައުވާ ކޮށްފައި10-20 ދެމެދުގެ އަދަދަކަށް ޖަލައްލައިފާނެ. އަހަރެމެންގެ ރައީސް ހުދުކާފޫރެކޭ ބުނެފިއްޔާ އެވާނީ ހަމަ ތެދަކަށް. ވަރަށް ވެދުން
ލޯންސްޓަރ
15 November 2016
ތިވާހަކަ މިހާރު އޮބާމާއަށް އެގިއްޖެ، ތިވާހަކަ ބުނީތީ އަހުމަދު ކަލޯއަށް ވަރަށް ސަލާމްބުނި، އަދި ބުނި ވެރިކަމުން ފައިބާތަނުން ޖަލަށް ނުލަިއިފިއްޔާ ތިފަރާތާ ބައްދަލު ކޮށްލަންވެސް އަންނާނަމޯ މުޅި އާއިލާ ގޮވައިގެން. ދެން މިހާރު އަހުމަދު ކަލޯ ހިތްހަމަ ޖެހިތްޖެދޯ؟
އަހައްމަދު ކަލޯ
15 November 2016
އެހެންތަ؟ އޭނަހަމަ ބުނީ ލޯންސްޓަރަށް ގުޅާފައިތަ ނޫނިއްޔާ އީމޭލުންތަ؟ ދެންފަހަރު އޭނަ ގުޅައިފިއްޔާ ބުނޭ މަނޫޅެމޭ އޭނަޔާ ބައްދަު ނުވެވިގެނެއް. އެކަމަކު ތެންކްސް ފޯދި އޮފަރ އޭ ބުނޭ. އަހައްމަދު ކަލޯ ހިންހަމަ ނުޖެހޭ އަދި ތާކުން މީހަކު ސަލާން ބުނީމަކާއެއް. އެހެންނު މިގަުމުގެ ރައީސް އިސްތިއުފާ ދީފިއްޔާ ވަރަށް އުފާވާނެ. ނިކަން އެވާހަކަ ކޮމިއުނިކޭޓް ކޮށްލަދީބަލަ.