ނަޝީދު ވިދާޅުވީ އެމްޑީޕީ އަކީ އެއްވެސް އިންތިހާބަކުން ބަލިވެދާނެ ނުވަތަ އުނދަގޫވެދާނެ ކަމުގެ ވިސްނުމާއި ފިކުރު ގެންގުޅޭ ޕާޓީއެއް ނޫން ކަމަށް
އއ. ރަސްދޫއަށް ވަޑައިގަތުމުގެ ކުރިން ރައީސް ނަޝީދު ވާހަކަ ދައްކަވަނީ--
08 އެޕްރީލް 2021 - 11:03
36 comments
ކުރިޔަށް އޮތް ލޯކަލް ކައުންސިލް އިންތިހާބުގައި ހަތަރު ސިޓީގެ މޭޔަރު ކަމާއި އެހެން ދާއިރާތަކުން 1،000 ގޮނޑި އެމްޑީޕީ ކާމިޔާބުކުރާނެ ކަމަށް ކުރީގެ ރައީސް އަދި ރައްޔިތުން މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ކައުންސިލް އިންތިހާބަށް އެމްޑީޕީން ކުރިޔަށް ގެންދާ "ރަށްވެހި ފަތިސް" ކެމްޕެއިން ނިންމާލުމަށް އެމްޑީޕީގެ މެންބަރުންނާ އެކު އއ. ރަސްދު އަށް ހުޅުމާލޭން ފުރާވަޑައިގަތުމުގެ ކުރިން ނަޝީދު ވިދާޅުވީ މިފަހަރުގެ ކައުންސިލް އިންތިހާބުގެ ކަންކަން ދިގުދެމިގެން ދިޔަ ގޮތުން އިންތިހާބު ނުބޭއްވިދާނެ ކަމުގެ ކަންބޮޑުވުން އޮތް ކަމަށެވެ.
ނަމަވެސް އެމްޑީޕީ އަކީ އެއްވެސް އިންތިހާބަކުން ބަލިވެދާނެ ނުވަތަ އުނދަގޫވެދާނެ ކަމުގެ ވިސްނުމާއި ފިކުރު ގެންގުޅޭ ޕާޓީއެއް ނޫން ކަމަށް ވިދާޅުވި އެވެ. ނަޝީދު ވިދާޅުވީ އެމްޑީޕީން މި އިންތިހާބު ބޮޑުތަނުން ކާމިޔާބުކުރާނެ ކަމަށެވެ.
"މި އިންތިހާބުގައި 1،500 އެއްހާ ގޮނޑިއަށް އެބަ ކުރިމަތިލަން. އަޅުގަނޑަށް ޔަގީން ކަށަވަރު އޭގެ ތެރެއިން 1،000 ގޮނޑި ނަގާނަން،" ނަޝީދު ވިދާޅުވި އެވެ.
ނަޝީދު ވިދާޅުވި ގޮތުގައި ކައުންސިލް އިންތިހާބުގައި ޔަގީނުން ވެސް ކާމިޔާބުކުރާނެ ދާއިރާތަކުގެ ތެރެއިން އެންމެ ބޮޑަށް ފާހަގަކޮށްލެވެނީ ރާއްޖޭގެ ހުރިހާ ސިޓީތަކުގެ މޭޔަރުކަމެވެ.
"އައްޑު އިން ފެށިގެން އައިސް، ކުޅުދުއްފުއްޓަށް، ފުވަމުލަކާއި މާލެ މި ހަތަރު ސިޓީގެ މޭޔަރުކަން އިރާދަކުރެއްވިއްޔާ އެމްޑީޕީން ފަސޭހަކަމާ އެކު ބޮޑުތަނުން ނަގާނަން،" ނަޝީދު ވިދާޅުވި އެވެ.
އިންތިހާބުގެ ތެރޭގައި ބައެއް ފަހަރު މާޔޫސްކަން އިހުސާސް ވިޔަސް ފޯކަސް ގެއްލުވާ ނުލުމަށް ނަޝީދު އެމްޑީޕީ ކެނޑިޑޭޓުން އަރިހުން އެދިވަޑައިގަތެވެ. އަދި އެމްޑީޕީގެ ވިސްނުމާއި މިސްރާބު ގެއްލިގެން ނުވާނެ ކަމަށާއި އިންތިހާބު ނިންމާނީ ކާމިޔާބުކޮށްގެން ކަމަށް ވެސް ވިދާޅުވި އެވެ.
ކެމްޕޭން ނިންމަން "އާވިލުން" ނަމުގައި ރަސްދޫގައި ޖަލްސާ ބާއްވަން މާލޭން ވަޑައިގަންނަވާ ބޭފުޅުން ތިއްބަވާނީ އެ ރަށު ފަޅުތެރޭ އުޅަނދުތަކުގަ އެވެ. އެއީ ކޮވިޑްގެ ބަލިމަޑުކަމާ ހެދި އަޅާފައިވާ ރައްކާތެރިކަމުގެ ފިޔަވަޅުތަކާ ހެދި، ރަށްރަށަށް އަރައި ފޭބުމަށް ހުރި ހުރަސްތަކާ ހެދި އެވެ.
އަންނަ ހޮނިހިރު ދުވަހު ބާއްވާ އިންތިޚާބަކީ މިދިޔަ އަހަރު ބާއްވަން އޮތް އިންތިޚާބެކެވެ. ނަމަވެސް ކޮވިޑްގެ ބަލިމަޑުކަމާ ހެދި އިންތިޚާބު ފަސްކުރަންޖެހި، އާ އިންތިޚާބާ ހަމަޔަށް ވަނީ ކައުންސިލްތަކުގެ ދައުރު ދަންމާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކީއްވެ
09 April 2021
އެވަރަށް ލިބޭނެއޭ ބުނެފަދޯ އޮތީ؟ އެހެންވިއްޔާ ލިބޭނެ.
ބަޑިއެދުރުކަލޭގެފާނު
08 April 2021
ސިޓީތަކުގެ މޭޔަރުކަން އެމްޑީޕީއަށް އޮތުމުން ، މޭޔަރުންނަށް ކަންކަން ފަހިކޮށްދިނުމަށްޓަކައި އެމްޑީޕީގެ ވެރިކަމަކަށް ފުރުސަތުދީ މަޖްލިސްގެ ސްޕަރ މެޖޯރިޓީވެސް އެމްޑީޕީއަށް ދިނުމުން އެކަށީގެންވާ ނަތީޖާއެއް ނެރެދެވިފައި ނުވާތީ އަޖުމަ ބެލެމުގެ ގޮތުންނަވެސް ސިޓީ ކައުންސިލްތަށް ޕީޕީއެމް އަށް ދިނުމަކީ މުހިއްމުކަމެއްކަމުގައި ދެކެމެވެ.
ކަބުލޮ
08 April 2021
ހުރިހާ ގޮދިއެއް ލިބުނަސް ނަށީދު ހުއްޓާ ރައަޔިތުންނަށް ވާނެ ފައިދާއެއް ނޯންނާނެ. އަމިއްލަ އެދުން ބޮޑު ބައެއް ތީ.
ކަލީމް
08 April 2021
1000 ގޮޑިއާއި 500 މޭޒު ދޭކަށް ރައްޔިތުން ބޭނުމެއް ނޫން އެމްޑީޕީގެ ގޮތް ފެނިއްޖެ ޓާޓާ
ނަރުދޫ
08 April 2021
ސޮރީ އެމްޑީޕީ މިފަހަރު އެމްޑީޕީއަށް މެޖޯރެޓީވެސް ލިބޭނެކަމަކަށް އަޅުގަނޑުގެ ސާވޭއަކުން ނުދައްކާ ސަބަބުތައް ބައިވަރު ވޯޓްގެ ފަހުން މިކަން ކަށަވަރުވުމުން ހެދުނު ގޯސްތައް ރަނގަޅު ކުރާނެކަމަށް އުންމީދު ކުރަން
އޮނަރަބުލްޑީޑީ
08 April 2021
ތަމެން ތިޔާ އުޅެނީ ވޯޓްގައި މަކަރާ ހީލަތް ހަދަން ކަން މަމެން ދަންނަމޭ އިންޑިއާ އާއި ގުޅިގެން ތަމެން ބަލި އަރުވާލާނަމޭ އިނގޭތޭ...
ޑިސްއޮނަރަބަލް ޑީޑީ
08 April 2021
ފަހަތަށް ތިޖާހާ ސުމެއްތައް ކަނޑާލާ!
ކަރުނައާދެތަ
08 April 2021
އެމްޑީޕީން ވައުދުވީ ރައްޔިތުންނަށް އުފާވެރިކަން ގެނެސްދެން އެކަމެއް ނުކުރެވުނު ކޮރަޕްޝަން ނުހުއްޓުވުނު ވީ އިތުރު މަރުތަކުގެ ހަޤީގަތް ނުހޯދުނު ސިޔާސީ މަގާމުތަށް ވީ އިތުރު އެހެން ގައުމުތަކާ އެކު ހަދާ އެއްބަސްވުންވީ އިތުރު އަދި ސިއްރު ކުރެވިފައި ދެއްކީ ވާހަކައާ ދިމާ އިދިކޮޅު މިކަންކަން މިހެންހުރި އިރު ތިހާ ގިނަ ވޯޓް އެމްޑީޕީއަށް ލިބެން ނުޖެހޭ
ފޫހި
08 April 2021
ޔާ ﷲ މިބައިމީހުން ލަދުވެތިގޮތަކަށް ބަލި ކުރައްވާދޭވެ.
ވަހުތާން
08 April 2021
އޭރުން އެ މީހުންގެ ނިންމުމަކީ ލޯ ކަނު ނިންމުމެކޭ ކިޔާނެ ބަޔަކުވެސް އުޅޭނެ! އޭގެ މަނައަކީ މިރާއްޖޭގެ މިންިވަންކަން މިރާއްޖޭގެ މީހުން ބޭނުމެއް ނުވެޔޭތާ؟؟؟