ބަލި ގަބޫލުކޮށްފިން، މާލޭގެ ރައްޔިތުންގެ ތާއީދު ހޯދަން އެމްޑީޕީގެ ސްޓްރެޓެޖީ ބަދަލުކުރަންޖެހޭ: އަނަސް
އަނަސް: ބޮޑު ނާކާމިޔާބީއަކާ ކުރިމަތިވި.
11 އެޕްރީލް 2021 - 00:44
67 comments
މާލޭގެ ރައްޔިތުންގެ ތާއީދު ހޯދުމަށްޓަކައި އެމްޑީޕީގެ ސްޓްރެޓެޖީ ބަދަލުކުރަންޖެހޭ ކަމަށް އެ ޕާޓީގެ ޓިކެޓުގައި މާލޭގެ މޭޔަރުކަމަށް ވާދަކުރެއްވި އަނަސް އަބްދުއްސައްތާރު ވިދާޅުވެ، ބަލި ގަބޫލު ކުރައްވައިފި އެވެ.
މި ސަރުކާރާއި ރައްޔިތުންގެ މަޖިލީހުގެ ސުޕަ މެޖޯރިޓީގެ އެހީތެރިކަމާއެކު، ކުރި ބޮޑު ކެމްޕެއިންގައި އިދިކޮޅު ކެންޑިޑޭޓް ޕީޕީއެމްގެ ޑރ. މުހައްމަދު މުއިއްޒުގެ އަތުން އަނަސް އަށް ނާކާމިޔާބުވީ ބޮޑު ތަފާތަކުންނެވެ. އަނަސް އަށް 5،500 ވޯޓު ހޯއްދެވުނުއިރު، އޭނާގެ ޓީމުން އެންޓި ކެމްޕެއިން އަމާޒުކުރި، ކުރީގެ ހައުސިން މިނިސްޓަރު ޑރ. މުއިއްޒަށް 9،300 އަށް ވުރެ ގިނަ ވޯޓު ލިބިވަޑައިގަތެވެ.
އެ ބޮޑު ނާކާމިޔާބީއަށް ފަހު އަނަސް ކުރެއްވި ޓްވީޓުގައި ވިދާޅުވީ މާލޭގެ ރައްޔިތުން ބަސް އިއްވާފައިވާ ކަމަށެވެ. އިންތިހާބުގެ ނަތީޖާ ގަބޫލުކުރައްވައި އަނަސް ވަނީ މޭޔަރުކަން ހޯއްދެވި ޑރ. މުއިއްޒަށް މަރުހަބާ ވިދާޅުވެފަ އެވެ.
People of Malé have spoken. I accept the outcome of the election results and congratulate @MMuizzu on his victory. MDP has to look in to tonight’s results and re-strategize its approach to win over the people of Malé.
— Anas Abdul Sattar (@anasabdulsattar) April 10, 2021
Alhugandah vote dhevvi rayyithunnah varah bodah shukuriyyaa!
އަނަސްގެ ޓުވީޓް
އޭނާ ވިދާޅުވީ ވޯޓުގެ ނަތީޖާއަށް ބަލައި، މާލޭގެ ރައްޔިތުންގެ ތާއީދު ހޯދަން ބޭނުން ނަމަ އެމްޑީޕީގެ ސްޓްރެޓެޖީ ބަދަލުކުރަންޖެހޭ ކަމަށެވެ.
"އަޅުގަނޑަށް ވޯޓު ދެއްވި ރައްޔިތުންނަށް ވަރަށް ބޮޑަށް ޝުކުރިއްޔާ،" ޓްވީޓު ނިންމަވާލައްވަމުން އެމްޑީޕީގެ ކުރީގެ ސެކްރެޓަރީ ޖެނެރަލް އަނަސް ވިދާޅުވި އެވެ.
ލާމަރުކަޒީ ގާނޫނު ވުޖޫދުވި ފަހުން އިއްޔެ ބާއްވާފައިވަނީ ހަތަރު ވަނަ ލޯކަލް އިންތިހާބެވެ. މިއީ، މާލޭގެ މޭޔަރުކަމާއެކު އެ ސިޓީ ކައުންސިލްގެ ސުޕަ މެޖޯރިޓީ ވެސް އެމްޑީޕީއަށް ގެއްލުނު ފުރަތަމަ ފަހަރެވެ. އޭގެ އިތުރުން، އެމްޑީޕީން "ރަސްކަން" ކުރަމުން ދިޔަ އައްޑޫ ސިޓީ ކައުންސިލްގެ ސުޕާ މެޖޯރިޓީ ވެސް އެ ޕާޓީ އަށް ގެއްލިފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮގީ
11 April 2021
ރައީސް ޔާމީން ނުވަތަ މައުމޫންގެ އަނިޔާވެރިކަން ކަހަލަ ވާހަކަތަކުގެ ޗަސްބު ގޮއްސަ އޮތީ މިއިންތިޚާބާ ހަމައަށް އައިއިރު. އެމްޑީޕީ އޮތީ ހުސް މައިދާނެއްގަ ހުރިހާ ދިމާލަކުން ވަރަށް ރީއްޗަށް އެކްސްޕޯޒްވެފަ. ވެރިކަމުގަ ކުރަމުން ދިއަހާ ކަންކަން އެއީ ދުވަސްތައް ގުނަމުން ދިއައިރު މީހުން މާކްސް ދެމުން ދިއަ ކަންކަން. އެކަންކަން އެހެން ބައެއްގެ ބޮލުގަ އަޅުވާނެ ކުނޑިފުކެއްވަރުގެ ޗާންސެއްވެސް މިފަހަރު ނެތް. މިފަހަރު އަމިއްލަ އަމަލުތަކުގެ ހިސާބު ބެލެވުނު ފަދަ.
ކިނބޫ
11 April 2021
ދެންވެސް ދަންނާތި! ކެމްޕޭން ކުރުމަކީ ވާދަވެރިޔާއަށް ހަޑިހުތުރު އެއްޗިހި ގޮވާ ފާޑުފާޑު ނަންނަން ކިޔައި އަބުރާ ބެހި ހެދުން ނޫންކަން. ކެމްޕޭނަކީ ތިމާ ކިބައިގަ ހުރި ގާބިލުކަމެއް ރައްޔިތުންނަށް ގަބޫލު ކުރެވޭ ބީދައަކުން ހާމަކޮށްދީ ރީތި އަޚްލާގާއި ވާދަވެރިންނަށް އިހްތިރާމް ކުރުމާއެކު ކުރަން ޖެހޭ ކަމެއްކަން.
ގޮހޮރޭ
11 April 2021
ކުރިޔަސް ނުވާނެ ފުރަތަމަ ކަލޭ ބުނެބަލަ މި ވީ ތިން އަހަރު ރައްޔަތުންނައް ކޮއްދެވުނީ ކޮންކަމެއް ރައީސް ޔާމީން އަޅާނިމިފަ ހުރި ފުލެޓު ހަވާލު ނުކުރެވުނު ކަލޭ ތިކަނީ
ޔާސިރު
11 April 2021
ފުރަތަ،ަ ރަނގަޅު ކުރަންވީ ސްޓެރެޓެޖީއަކީ ލާދީނީ ނުވުން. އިސްލާމް ދީނާ ބެހިގެން މިތަނުގަ އަބަދު ކާމިޔާބު ހޯދޭނެ ކަމަށް ހީނުކުރާތި
ބުރުގާ
11 April 2021
ކޮން ޓްރެޓްރެޖީ އެކޭކިޔާކައް.... ކަލޭމެނަކީ މުޅި މިރާއްޖޭގެ ހަލާކު. އިސްތުއިފާދީފަ މިގައުމު ކުރިން ތަރައްގީ ކުރަމުންދިޔަ ސަރުކާރާ ހަވާލުކުރޭ.
ހުތްއާދަނު
11 April 2021
ވެރިކަމަށް ހުރީ ކާކުކަން ރައްޔިތުންނަށް އޮޅުން ، ކަމެއް ނުކުރެވި ވާހަކަ ގިނަވުން ، ޝިފާ،
މަންދު އިބުރާ
11 April 2021
ރަގަޅު ކުރަންވީ ކަންކަން: 1. އެކެއްގެ ނުވަތަ އެއް އާއިލާއެއްގެ ބާރު ޕާޓީގެ ތެރޭގައި މާބޮޑަށް ގަދަވުން. ވަކިން ހާއްސަކޮށް ޕާޓީގެ އޮފީސް ތެރޭގައި ކަލްޓެއް ގޮތައް މަސައްކަތް ކުރުން. 2. ޖުޑިޝަރީ ރިފޯމް ނުކޮށް އަމިއްލަ އަތްމަތްޗަށް އެބާރުތައް ޖަމާކޮށްގެން ހުރުން. 3. ސަރުކާރު ތެރޭގައި ޕަވަރ ހައިރާކީއެއް ނެތުމުން ސިޔާސަތުތަކާއި ސިޔާސަތު ތަންފީޒްކުރުމުގައި ވާންވީގޮތް ނޭގުން.
މަންދުގެ ބަދުރު
11 April 2021
ފައްޔާޒު ހުރެގެން ސަރުކާރު ކުންފުނިތަށް ދަވާ ނުލުން! އެމްޑީޕީ އާއްމު މެންބަރުން އެއްމެ ރުޅިއަންނަ އެއްސަބަބަކީ ފައްޔާޒު އަދި އިބޫގެ އާއިލާ ސަރުކާރު ކުންފުނިތަކާއި މެދު ސަދަގާތް ފައުންޑޭޝަނުން ކަންކުރިގޮތަށް ކަންކުރިމެވެ.
ކޮތަރުގެ އަސަރު
11 April 2021
މަނިކުފާނު ފޮނި ބޮޑުވެ ރައްޔިތުން ބައްދަލުކުރަން އައީމައި ފިއްލަވައިގެން ޕާޓީ އޮފީސްތެރޭގައި ފޯނާއި ކުޅުއްވަން އިންނެވީ ކޮން ސްޓެރެޓެޖީއެއް ނެތިގެން ތޯ؟ މަނކުފާނު ފޮނި ބޮޑުވެ މަނިކުފާނާއި ކެމްޕޭންތެރޭގައި ގުޅުއްވި އެމްޑީޕީ މެމްބަރުން އަވީގައި މަޑުކުރުވާފައި މަނިކުފާނު މޭޔަރަކަށް އެމީހުން ވޯޓް ދޭނެކަމަށް ހީކުރުންވާނީ މޮޔަކަމަކަށެވެ. މަނިކުފާނު ޖެހެނީ އެމްޑީޕީގެ ޒިންމާދާރު މަޤާމެއްގައި ހުރިނަމަ އިސްތިއުފާދޭންވީއެވެ.
މުހައްމަދު އެމް
11 April 2021
ޕާޓީ ފަޅިފަޅި އަރު ވާލީމަ ވާނެ ހަޔެތި ތިއޮތީ ވެފަ. ޢަންނި ހީކުރީ އޭނަ އަނަސް ކިހިލީގަ ޖަހަގެން ނުކުތީމަ ހޮ ވޭނެ ކަމަށް.
ކައުސަރު
11 April 2021
އަންނިއެއްނޫން މައްސަލައަކީ، މި އަނަސް ކެމްޕެނު ކުރިއިރުވެސް މީނާއާއި ބައްދަލުކުރެވެނީ އެޕޮއިންޓްމަންޓް ހައްދައިގެން ކަމަށް މީނާގެ ކެމްޕޭނުގެ އިސްކޮށް ހަރާކާތްތެރިވި މީހުން ބުނަމުން ދިޔައީ! ބަޔަކު މޮޔަވެގެން އެބައުޅޭތަ؟؟ އެމްޑީޕީގެ އާއްމު މެމްބަރުން ނޫޅޭ ދޮޅުރޯނާވެގެން!
ޚިޔާލުން 5
11 April 2021
ބަދަލުކުރަންޖެހޭ ކަންތައްތައް: 5 * މޮޅެތި ވާހަކަ އަޑުއިވިއިވި އޭގެމަތިން ފޫހިވުން (ޢަމަލުން އެކަމެއް ނުފެނުން) * އަމަލާއި ބަހާއި ދިމާނުވުން (ކަމެއް ކޮށްނިމޭއިރު ބުނި އެއްޗަކާއި ދިމާނުވުން ނޫނީ ފޮރުވިފައިއޮތް މާނައެއް އޭގައި ހިމެނުން) * ކަންކަން އޮޅުންބޮޅުންވެ ވާނުވާ ނޭގުން (މިސާލު: ފުލެޓުތަކައް ވާނެގޮތެއް އަދިވެސް ނޭނގޭ. ސަރުކާރާއި މަޖިލީހުންވެސް އެކަމަށް ގޮތް ކަނޑައެޅުން)