ޚަބަރު / ލޯކަލް ކައުންސިލްތަކުގެ އިންތިޚާބު 2020

މާލޭ ހަ ދާއިރާއެއްގެ ވޯޓު އަލުން ގުނަން އެމްޑީޕީން އެދިއްޖެ

މިދިޔަ ހޮނިހިރު ދުވަހު ބޭއްވި ލޯކަލް އިންތިހާބުގައި އޮފިޝަލުންތަކެއް ވޯޓު ފޮއްޓެއް ބަންދު ކުރަނީ.-- ފޮޓޯ: ނިޝާން އަލީ /މިހާރު

އާސިމާ ނިޒާރު، މިހާރު

14 އެޕްރީލް 2021 - 21:10

17 comments

ލޯކަލް ކައުންސިލް އިންތިހާބުގައި އިދިކޮޅު ޕީޕީއެމުން އަޣުލަބިއްޔަތު ހޯދާފައިވާ މާލޭގެ ސިޓީ ކައުންސިލްގެ ހަ ދާއިރާއެއްގެ ވޯޓު އަލުން ގުނަން ވެރިކަންކުރާ އެމްޑީޕީން އިލެކްޝަންސް ކޮމިޝަން (އީސީ) ގައި މިއަދު އެދިއްޖެ އެވެ.

އެ ޕާޓީން ބޭއްވި ނިއުސް ކޮންފަރެންސެއްގައި ޗެއާޕާސަން ހަސަން ލަތީފު ވިދާޅުވިގޮތުގައި މިިދިޔަ ހޮނިހިރު ދުވަހު ބޭއްވި އިންތިހާބާ ގުޅިގެން އަލުން ގުނަން އެދުނީ މެދު ހެންވޭރު ދާއިރާ އާއި ހެންވޭރު ދެކުނު ދާއިރާ އާއި ހެންވޭރު ހުޅަނގު ދާއިރާ އާއި މައްޗަންގޯޅި އުތުރު ދާއިރާ އާއި މާފަންނު އުތުރު ދާއިރާ އަދި މާފަންނު ހުޅަނގު ދާއިރާގެ ވޯޓު ފޮށިތަކެވެ.

ހަސަން ވިދާޅުވީ އަލުން ވޯޓު ގުނަން އެދުނީ، ކުރި ހޯދާފައިވާ ކެންޑިޑޭޓާއި އެމްޑީޕީ ކެންޑިޑޭޓް ދެމެދުގައި ހުރި ފަރަގަށް ވުރެ ބާތިލް ވޯޓު ގިނަވުމުން ކަމަށެވެ.

މިހާތަނަށް އެމްޑީޕީން ސުޕަ މެޖޯރިޓީ ހޯދަމުން އައި މާލޭ ކައުންސިލްގެ ގިނަ ގޮނޑިތަކެއް މި ފަހަރު އެ ޕާޓީ އަށް ވަނީ ގެއްލިފަ އެވެ. މާލޭގެ މޭޔަރުކަން ޕީޕީއެމްގެ ޑރ. މުހައްމަދު މުއިއްޒު ކާމިޔާބުކުރެއްވުމުގެ އިތުރުން ކައުންސިލްގެ 18 ގޮނޑީގެ ތެރެއިން 12 ގޮނޑި ޕީޕީއެމުން ކާމިޔާބުކޮށްފައިވާ ކަމަށް މިހާތަނަށް ލިބިފައިވާ ނަތީޖާތަކުން ދައްކަ އެވެ.

ހަސަން ވިދާޅުވިގޮތުގައި އަލުން ވޯޓު ގުނަން އެދުނު ދާއިރާތަކުގައި އެއްވަނައިގައި އުޅޭ ކެންޑިޑޭޓާއި އެމްޑީޕީގެ ކެންޑިޑޭޓާ ދެމެދު ހުރި ފަރަގަށް ވުރެ ބާތިލް ވޯޓު ވަރަށް ބޮޑަށް އިތުރެވެ. އޭނާ ވިދާޅުވީ 2009 ވަނަ އަހަރުން ފެށިގެން ބޭއްވި އިންތިހާބުތަކުގައި އެ ދާއިރާތަކުގެ ބާތިލް ވޯޓުގެ އަދަދުތަކަށް ބެލިއަސް މި އަހަރުގެ ބާތިލް ވޯޓު މާ ގިނަ ކަމަށެވެ.

ހަ ދާއިރާގެ ވޯޓުގެ ތަފްސީލްތައް:

1. މެދުހެންވޭރު ދާއިރާ: އެމްޑީޕީ އާއި ޕީޕީއެމް ކެންޑިޑޭޓް ދެމެދު 47 ވޯޓުގެ ތަފާތެއް، ބާތިލް 82 ވޯޓު

2. ހެންވޭރު ދެކުނު ދާއިރާ: 23 ވޯޓުގެ ތަފާތެއް، ބާތިލް 93 ވޯޓު

3. ހެންވޭރު ހުޅަނގު ދާއިރާ: 57 ވޯޓުގެ ތަފާތެއް، ބާތިލް 103 ވޯޓު

4. މައްޗަންގޯޅި އުތުރު ދާއިރާ: 14 ވޯޓުގެ ތަފާތެއް، ބާތިލް 69 ވޯޓު

5. މާފަންނު އުތުރު ދާއިރާ: 49 ވޯޓުގެ ތަފާތެއް، ބާތިލް 180 ވޯޓު

6. މާފަންނު ހުޅަނގު ދާއިރާ: 47 ވޯޓުގެ ތަފާތެއް، ބާތިލް 124 ވޯޓު

ހަސަން ވިދާޅުވިގޮތުގައި އަލުން ވޯޓު ގުނާ އިރު ކެންޑިޑޭޓުންނާއި ޕާޓީތައް ބައިވެރިކޮށްގެން އަމާންކަމާ އެކު އެކަން ކުރިއަށް ގެންދަން އެމްޑީޕީން ވާނީ އިލެކްޝަންސް ކޮމިޝަންގައި އެދިފަ އެވެ.

އެމްޑީޕީ އިލެކްޝަންސް ކޮމިޝަން އެމްޑީޕީގެ ޗެއާޕާސަން ހަސަން ލަތީފް ލޯކަލް ކައުންސިލްތަކުގެ އިންތިޚާބު 2020

17 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަރާމުންހަރާން

15 April 2021

ހަސަނާ . ކަލޯ ހަސަނާ، ވަގަކައް ހާސް ، ވެރިއަކައް 1 ދުވަސް.. މީ ހަރުބަހެއް،، ވަރައް ސަލާން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމަ

15 April 2021

ވޯޓް އަލުން ކަމުއޮށިގެންވާ މީހުންގެ ހާޒިރުގައި ގުނުން ރަނގަޅު މިފަހަރު ވޯޓް ކަރުދާސް ހުރިގޮތުން އަދި ބަތިލް ވާ އުޞޫލަށް ގެނައި ބަދަލާއެކު ބަތިލްގެ އަދަދު މައްޗައް ހިގައިދާނެ އެންމެ ބޮޑުމައްސަލައަކީ ކަމަށް އެކަށީގެންނުވާ މީހުންނަށް ވޯޓްފޮށިތައް ހަވާލުކުރުން އީސީއިން އެކަން އެހެން ކުރީ މަސައްކަތް ކުރާނެ މީހުން ނުވެގެންކަންނޭގެ އެއްވެސް ވަރަކަށް މިކަހަލަކަމެއްގެ ތަޖްރިބާ ނެތްމީހުން އެބަހުރި ވަރަށް ގިނަދާއިރާ ހިމެނޭ ތަންތަނަށް ފުނުވާފަ ވަރައް ދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލް11

15 April 2021

ބާތިލް ވޯޓު ފަރަގަށް ވުރެ ގިނަ ވުމުން އަލުން ވޯޓުލުން ރަނގަޅު ގޮތަކީ. 180 ވޯޓު ބާތިލްވާނީ ކިހިނެތް؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަގުޑިބޭ

15 April 2021

ތިކިޔާއެއްޗެއް ހަމައެއް ނުޖެހޭ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާގައި

15 April 2021

ޑިކްޓޭޓަރުން ކުރާ ހުރިހާ ކަމެއް މިމީހުން ކުރާނެ. ރައްޔިތުންގެ ނިންމުން ގަބޫލުނުކުރަން ބަހަނާ ދައްކާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަގުޑިބޭ

15 April 2021

ޑިކްޓޭޓަރުން ވޯޓެއް ނުލާނެ. ތިހުރީ އޮޅިފަ. 80 ގެ އަހަރުތަކުގައި ރަށު ކަތީބު އޮންނާނެ ވޯޓުފޮށިމަތީގައި ބަނޑުއަޅައިގެން. އެއީ ޑިކްޓޭޓަރުން އުޅުން ގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

15 April 2021

ޑިކްޓޭޓަރުން ވޯޓު ވެސް ލާނެ. ވޯޓު ބަދަލު ކުރަން ބާ ޖަމާލުއްދީނަށް ވެސް ދާނެ. ވާނުވާގައި ވާހަކަ ދައްކަން އުޅޭތި އަދި ވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިންވާން

15 April 2021

މީ އެމްޑީޕީ އިން ކުރިޔަސް ވ ހަޑީ ކަމެއް. ނާކާމިޔާބީގައި ފިއްތާލާފަ ކަންކަން ރަނގަޅު ކުރީމަ ނިމުނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކޮއި

15 April 2021

އެތަށް ޝަކުވާއެއް 2013 ގެ ރިޔާސީ އިންތިޚާބާގުޅިގެން ޕީޕީއެމް/ޕީއެންސީ އިން ހުށައަޅާފައި އޮއްވާ އަދި ފައިސަލާއަށް ހުށައެޅިފައި ވަނިކޮށް، ވޯޓްކަރުދާސް ނައްތާލުމުގެ ޤާނޫނީ މުއްދަތު ހަމަނުވަނީސް އީސީ އިން ވޯޓްކަރުދާސްތައް ނައްތާލި ނައްތާލުން ހަނދާން ވޭބާ؟ ބަލަ މިހާރު އީސީގެ ދޮންފުތު ޕާޓީ އެމްޑީޕީ ޝަކުވާ ހުށައެޅުމުން ދެފުށުން ފިރުމާފައި ތިޔަ އުޅެނީ ކޮން އެއްޗެއް ހަދަން ހެއްޔެވެ؟ އިލްހާމު ބުނާހެން "ވަޓިސް ދިސް"! ޖާބިރު ބުނުއްވާހެން ތިޔަކަންކަން "ވަޤްތުން ވަޤްތަށް" ހުއްޓާލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެސީ

14 April 2021

މިއަދު ނޫސްވެރިންގެ ބައްދަލުވުމުގައި ހަސަނު ދެއްކެވީ ހާދަތާކުނަތާކު ނުޖެހޭ ހޯޅި ވާހަކަތަކެކޭ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީ

14 April 2021

މީތޯއާޒް އެބުނާ އެމްޑިޕީއަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަނީ

14 April 2021

ބާތިލް ވޯޓުމިވީ އެމްޑީޕީގެ މިމޮޅު ޑިމޮކްރަސީގައި އޮންނައެއްޗެއްނޫންކަމަށްތަ؟ ކިތަންމެ ގިނަޔަސް ބާތިލްވޯޓެއް ކިހިނެއް ސައްހަވޯޓަކަށް ބަދަލުކުރާނީ؟އަލުން އިލެކްޝަނެއްބާއްވަން ބޭނުންވެގެން އުޅޭހެން ހީވަނީ.ބާއްވާފިއްޔާ އަދި ކުރިއަށް ވުރެ ބޮޑު ބައްޔެއްދެންވާނީ!