ލިވަޕޫލް އާއި ރެއާލް ރޭ ބައްދަލުކުރި މެޗުގެ ތެރއިން ލިވަޕޫލްގެ ފޯވަޑް ފިރްމީނިއޯ. -- ފޮޓޯ / އޭއެފްޕީ
15 އެޕްރީލް 2021 - 12:09
10 comments
ޗެމްޕިއަންސް ލީގުގެ ކުއާޓާ ފައިނަލްގެ ދެވަނަ ލެގުގައި ރޭ ލިވަޕޫލާއި ރެއާލް މެޑްރިޑް ބައްދަލުކުރި މެޗު ލަނޑެއް ނުޖެހި އެއްވަރުވެ، ލިވަޕޫލް މުބާރާތަށް އަލްވަދާއު ކިޔައިފި އެވެ. އަދި 3-1ގެ އެގްރިގޭޓް ނަތީޖާއަކުން ކުރި ހޯދައި، ރެއާލް އިން ވަނީ ސެމީ ފައިނަލްގެ ޖާގައެއް ހޯދައިފަ އެވެ.
ރެއާލްގެ ދަނޑުގައި ކުޅުނު ފުރަތަމަ ލެގުން 3-1 އިން ރެއާލް މޮޅުވެފައި އޮތުމުން، ދެވަނަ ލެގަށް ނިކުތްއިރު ލިވަޕޫލަށް އޮތީ ލަނޑުތަކެއް ޖެހުމަށް މަޖުބޫރުވެފަ އެވެ. އެހެން ނަމަވެސް، ލިވަޕޫލްގެ ދަނޑުގައި ރޭ ކުޅުނު ދެވަނަ ލެގުގައި ލިވަޕޫލަށް ރެއާލްގެ ޑިފެންސް ފޫއަޅުވާލެވޭ ގޮތެއްނުވި އެވެ.
މުހައްމަދު ސަލާހް އާއި ޖޭމްސް މިލްނާގެ ހަމަލާތައް ރެއާލްގެ ގޯލްކީޕަރު ތީބޯ ކޯޓުއާ ދިފާއުކުރިއިރު، ޖޯޖީނިއޯ ވައިނާލްޑަމް ވެސް ވަނީ ރަނގަޅު ފުރުސަތެއް ބޭކާރުކޮށްލައިފަ އެވެ.
ސެމީ ފައިނަލްގައި ރެއާލްއާ ދެކޮޅަށް ނުކުންނާނީ ޗެލްސީ އެވެ.
"އަހަރަމެންނަށް ސެމީ ޖާގައެއް މި ގެއްލުނީ މި މެޗަކުން ނޫން. މެޑްރިޑްގައި (ފުރަތަމަ ލެގު) ކުޅުނު މެޗުން އަހަރަމެންނަށް ސެމީގެ ފުރުސަތު ގެއްލުނީ،" މެޗަށް ފަހު ލިވަޕޫލްގެ ކޯޗު ޔާގަން ކްލޮޕް ބުންޏެވެ. "މި މެޗުގައި އަހަރަމެން ރަނގަޅަށް ކުޅުނު. ފުރުސަތުތައް ވެސް ހޯދި. އެކަމަކު ދިމާވި މައްސަަލައަކީ ލިބުނު ފުރުސަތުތަކުގެ ބޭނުން ނުހިފުން."'
މިއީ ޗެމްޕިއަންސް ލީގުގެ ސެމީ ފައިނަލުން ރެއާލް ޖާގަ ހޯދި 30 ވަނަ ފަހަރެވެ.
ރެއާލްގެ ކޯޗު ޒިނެދިން ޒިދާން ބުނީ ރެއާލްގެ އަމާޒު ހާސިލްވުމުން ވަރަށް ހިތްހަމަޖެހިއްޖެ ކަމަށެވެ.
"މި މެޗުގައި އަހަރަމެންނަށް އެނގޭ ލިވަޕޫޕުން އަހަރަމެންގެ ޑިފެންސަށް ބާރުބޮޑުކުރާނެކަން. އެކަމަށް ވިސްނައިގެން ތިބެ ކުޅެ، އަހަރެމެން ބޭނުންވި ނަތީޖާ ލިބުމުން ވަރަށް ހިތްހަމަޖެހިއްޖެ. ޗެމްޕިއަންސް ލީގުގެ ކުއާޓާ ފައިނަލްގެ މެޗުތައް ފަސޭހައެއްނުވާނެ،" ޒިދާން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާރީ
15 April 2021
ޒިދާން ބޭނުން ކުރީ މޮރީނިޔޯގެ ބަސްފާކިން ސިސްޓަމް. ރިޔާލުގެ ސަފޯޓަރުން ލަދެއް ނުގަނޭތަ 90 މިނިޓް ތެރޭ ލިވަރފޫލްގޯލަށް އަމާޒް ކޮށް ފޮނުވާ ލެވްނީ އެއްމެ ހަމަލާއެއް. ލިބުނީ އެއްމެ ކޯނަރެއް ތިވަރުން ކިހިނެއް ފައިނަލު ކުޅޭނި
ޕަކަޕަކަ އާދަނު
15 April 2021
ފޫލްއާ ދެކޮޅަށް ކޮމެންޓް ކުރަންވެސް ބިރުގަނޭ. އާނ ފޫލްގެ ރާއްޖެ ސަޕޯޓަރުންގެ ޖަމިއްޔާއިން އަހަރުމެން ގޮވައިގެން ދަ ހޭގަށްވެސް ހިނގައިދާނެ. ޕަކާސް. ޔޫ ވިލް ނޮޓް ޕްލޭ އިން ނެކްސްޓް އިޔާ ޗެމްޕިއަންސް ލީގް. ލުލް
ޖޮހޮރަމް.
15 April 2021
ތެދެއްތަ ލިވަފޫލްގެ އަމާޒަށް ވާސިލްވި ހަމައެކަނި ހަމަލާއަކީ މެޑްރިޑް ބަހަށް ދިން ހަމަލާއޯ އެބެކިޔާ. ކޮބާ ފޫލް ކުދިން ހިތާމައިގަ ދޯ. ކޮމެންޓެއް ކޮށްލާނެ ހިއްވަރެއްވެސް ނެތްދޯ. ޕަކާސް. ދެންދޭ މިއަންނަ ސީޒަންގަ ޔޫރަޕާ ކުޅެން.
ހުތްއާދަނު
15 April 2021
ލވަރޕޫލްކުދިންނަށް ވާނެކަމަކީ ހަމައެކަނި ބަހަށް ގާއުކުން .
ރަދީފްއޮފިޝިއަލް
15 April 2021
ރެއާލް އަދި ސިޓީގެ ފައިނަލެއް ފެނިދާނެކަމުގެ ސިގްނަލްތަކެއް އެ ކްލަބްތަކުގެ ފަރާތުން ފެނޭ. ޔޫސީއެލް ޓްރޮފީ ލޯޑިން ފޯ ސިޓީ.މަގޭ އެކުވެރި @ލެއްގިކޮމިޝަނަރަށް ރޭ ނިދުނުކަމެއް ވެސް ނޭނގޭ.އެ ސޮރު އެއީ ސިޓީއަށް މަރު ދޭ ފޭނެއް.ގުޑް ލަކް ބްރަދާ.ވ.ވެދުން
ޑިކްޝަނަރީ އަންއޮފިޝިއަލް
15 April 2021
ރެއާލް އަންޑަރއެސްޓިމޭޓް ނުކުރޭ.. ހިމަފޮދު ވާރޭގައި ހީކަރުވާހާ ފިނޑި ކުޅުންތެރިންނެއް ނޫން ތިބެނީ ރެއާލްގަ
ވެން ބާސްޓަން.
15 April 2021
ތިރީސްއަހަރަށް ފަހު ކޮވިޑާ ހެދި ނުކުޅެދޭ ސީޒަނެއްގަ ތަށި ނެގެގިން ހާދަ ފޮނެއް އެރުވިޔޭ މިއުޅޭ ފޫލް ކުދިން. ކުރިއަށް އޮތް ދިހަ އަހަރު ތިމަންނަމެންނޭ ދެން ލީގާ ޔޫރަޕް ޑޮމިނޭޓް ކުރާނީ. ދެން ދޭ މިއަންނަ ސީޒަނުގަ ޔޫރަޕާ ކުޅެން. ކަލޭމެންގެ ސައިޒް އެއީ.
މެޑްރިޑް އައްޅޯ
15 April 2021
ކޮބާ ލިވަފޫލް ކުދިން. މިއީ ބާސެލޯނާއެއް ނޫނޭ ކޮއްކޮމެންނޭ. މިއީ ދުނިޔޭގެ ކްލަބް ފުޓްބޯޅައިގެ ކިންގުން. ނުކުޅެވޭނެ އަހަރުމެންނަކާ ޔޫރަޕްގަ. އެންޑީ ރޮބްޓްސަން ކައިރީ ބުނޭ ކަސެމީރޯ ކައިރީ ވައްތަރެއް ނުޖެއްސޭނޭ އޭނަޔަކަށް. ފުލަމް ކުދިން ކައިރި އޭނައަށް ސައިޒް ދެއްކޭނީ. ހަލަ މެޑްރިޑް.
ރަދީފްއޮފިޝިއަލް
15 April 2021
ކާމިޔާބީގަ ހިތްތިރިކޮށް ވާދަވެރިންނަށް ހަމްދަރުދީގެ ބަހެއް ބުނެލިނަމަ ވަރަށް ރަނގަޅު ޕާސަނަލިޓީއެއްގެ ގޮތުގަ ލޭބަލް ކުރުމުގެ ފުރުސަތު ބޮޑު.ނަމަވެސް ބޮޑާކަމާ ކިބުރުވެރިކަން ކުރިއަށް ނެރެ ކޮމެންޓްކުރީމަ އަސްލު މަނަޒަރު ސާފް.ވ.ވެދުން
މެޑްރިޑް އައްޅޯ
15 April 2021
ރަދީފް ކަލޭ މާ ހިތްތިރި މީހަކަށް ވެގެން މިތަނުގަ ސީދީ ހެދެން ނޫޅޭ. ފޫލް އެއީ ކަލޭގެ ސަތޭކަ ބާވީސްވަނަ ޓިްމ ދޯ.