ކުރީގެ ރައީސް ޔާމީން، ފެބްރުއަރީ މަހުގެ 2 ވަނަ ދުވަހު، ފުލުހުންގެ އިދާރާ އަށް ހާޒިރުކުރުމަށް ފަހު، މާފުށީ ޖަލަށް އަނބުރާ ގެންދަނީ.---ފޮޓޯ: ނިޝާން އަލީ/މިހާރު
18 އެޕްރީލް 2021 - 12:32
20 comments
މަނީ ލޯންޑަރިންގެ ކުށް ސާބިތުވެ، ފަސް އަހަރަށް ޖަލަށް ލާފައިވާ ކުރީގެ ރައީސް އަބްދުﷲ ޔާމީން ފުލުހުންގެ ތަހުގީގަކަށް މިއަދު މާލެ ގެނެސްފި އެވެ.
ފުލުހުންގެ މީޑިއާ އޮފިޝަލް ވިދާޅުވީ، ޔާމީން މާލެ ގެނައީ އެމްއެމްޕީއާރުސީގެ ހިޔާނާތާ ގުޅޭ މައްސަލައެއްގައި ސުވާލުކޮށް، ތަހުގީގަށް ބަޔާން ނެގުމަށް ކަމަށެވެ.
ފުލުހުންގެ އިދާރާގައި މިވަގުތު ވެސް ޔާމީން ހުންނެވިއިރު، އެ މަނިކުފާނާ ސުވާލުކުރުން ނިމޭނެ ވަކި އިރެއް ނޭނގޭ ކަމަށް ފުލުހުންގެ މީޑިއާ އޮފިޝަލް ވިދާޅުވެ އެވެ.
އޭނާ ވިދާޅުވިގޮތުގައި ފުލުހުންގެ ތަހުގީގުގެ މިއަދުގެ ބައި ނިމުމާއެކު، ޔާމީން އަނބުރާ ގެންދަާނީ މާފުށީ ޖަލަށެވެ.
މިދިޔަ ފެބްރުއަރީ މަހުގެ 14 ވަނަ ދުވަހު ވެސް އެމްއެމްޕީއާރުސީގެ ހިޔާނާތާ ގުޅިގެން، ފުލުހުން ތަހުގީގުކުރަމުންދާ މައްސަލައަކާ ގުޅިގެން ޔާމީން، މާލެ ގެންނަ ގޮތަށް ހަމަޖެއްސި އެވެ. އެ ދުވަހު ނިންމީ ތަހުގީގުގައި ޔާމީނާ ސުވާލު ކުރުމަށް ފަހު، ހަތަރު ގަޑިއިރަށް އެ މަނިކުފާނު ގެކޮޅަށް ގެންދިއުމަށެވެ. އެކަމަކު އެ ދުވަހު، މާލެ ގެނައުމަށް ނިންމި ނިންމުން ފަހު ވަގުތު ކެންސަލްކުރީ އެވެ.
މިދިޔަ ފެބްރުއަރީ މަހުގެ ދެވަނަ ދުވަހު ވެސް ފުލުހުންގެ އިދާރާ އަށް ޔާމީންް ހާޒިރުކުރި އެވެ. އެ ދުވަހު ހާޒިރުކޮށްފައި ވަނީ އެމްއެމްޕީއާރުސީގެ ހިޔާނާތާ ގުޅޭ އިތުރު ރަށެއްގެ މައުލޫމާތުތަކާ ބެހޭގޮތުން ސުވާލު ކުރުމަށެވެ.
އެމްއެމްޕީއާރުސީގެ ހިޔާނާތާ ގުޅިގެން ކުރި މަނީ ލޯންޑްރިންގެ ދައުވާ ސާބިތުވެ ފަސް އަހަރު ދުވަހުގެ ޖަލު ހުކުމެއް ޔާމީން ތަންފީޒު ކުރައްވަމުން ގެންދަވާއިރު އެ މަނިކުފާނުގެ ފަރާތްޕުޅުން ހައި ކޯޓުގައި މައްސަލަ އިސްތިއުނާފް ވެސް ކުރި އެވެ. އެކަމަކު އެ ކޯޓުން ވެސް ނިންމާފައި ވަނީ ޔާމީނަށް ކްރިމިނަލް ކޯޓުން އިއްވި ހުކުމް ދެމެހެއްޓުމަށެވެ.
ޔާމީންގެ މައްޗަށް ދައުލަތުން އުފުލާފައިވާ މަނީ ލޯންޑްރިން އާއި ރިޝްވަތު ގަބޫލުކުރުމުގެ ދެ ދައުވާއެއް މިހާރު ވެސް ކްރިމިނަލް ކޯޓުގައި ކުރިއަށް އެބަދެ އެވެ. އެ މަނިކުފާނު ވަނީ ދައުވާތަކަށް އިންކާރު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
19 April 2021
ޔާމީނުގެ ތަހުގީގު ގެންދަވާހާ ބާރު މިނުގަ އެހެން ތަހުގީގުތައްވެސް ގެންދަވާނަމަ ހާދަހާ ރަގަޅޭ! މިހާރު މިވާގޮތުން ހީވަނީ ޔާމީނު ފަހަތުން ނެއްޓެއް ނޭގިގެން މި ސަރުކާރު އުޅޭހެން.
ސުމަތުރާ
19 April 2021
ފުލުހުންގެ ތަހުގީގަށްތަ؟ ނޫނީ ބަރުލަމާނީ ޑިސްކަޝަންތަކަށްތަ؟
ނަރުދަމާ
18 April 2021
މިވާ ގޮތުން ރައިސް ޔާމިންގެ ތާއީދު އިތުރުވަނީ
ނޫސް ކިޔާމީހާ
18 April 2021
ކެތްތެރި ރައީސެއް.ޕާޓީ މެމްބަރުންލައްވާ އެވެނި ކަމެއް ނުބައިކޮށް ކުރުމަށް ހިތްވަރެއް ނުދޭ.ބުނަނީ ކެތްތެރިވާށޭ.އެކަމަކު މި ސަރުކާރުގައި ތިބޭ ބަޔަކަށް ރޔާމީނު ޖަލަށް ލައިގެންވެސް ކެތެއް ނުކުރެވޭ.ބޭނުންވަނީ ކޮންމެވެސް އެއްޗެކޭ ކިޔައިގެން ޖަލުން ނެރި އަދި ތަޅުވައި ނޫސްތަކުގެ ފަލަ ސުރުހީ އަށް ލުން.ހީވަނީ ބަޔަކަށް ކަމެއް ހަނދާން ކޮށްދޭން އުޅޭހެން.މި ގައުމުގެ ކިތައް މީހުންނަށް އަދީބުގެ މަތިން މިހާރު.ހަނދާންވަނީ ؟
ރައްޔިތުސޮރު
18 April 2021
އޯކޭ ޔާމީނަކީ ހުރިހާ ކަމެއްގެ އަޑީގަ އިންމީހާ. އޭނާއަށް ހައްޤު އަދަބު ދޭންވާނެ. އެކަމަކު ދެންކޮބާ އެހެންވަގުންތައް! ސަރުކާރަށް ޔާމީނު ނޫން މީހަކު ވައްކަން ކުރިކަމަކަށް ނުފެނުނުތަ؟ މީތަ ތިބުނާ އިންސާފަކީ؟؟؟ އެންސްޕާ، އެސްޓީއޯ، އެޗްޑީއެފްސީ، ފެނަކަ ތަންތަނުން ވައްކަންކުރި މީހުން އިންސާފުގެ ކުރިމައްޗައް ނުގެނެވެނީ ކީއްވެ؟
ކަނަމަނަ
18 April 2021
ކިތައްމެސުވާލެއްކޮއް ކިތައްމެދުވަހެއްވަންދެން ޖަލުގަބެއިންދިޔަސް ރ ޔާމީނު ޑީލްހަދާފަ ރާއްޖެއިންބޭރަކައްނުދާނެ ގިނަދުވަސް ވަންދެން ޖަލުގަ އިއްނަވަރަކައް މިސަރުކާރުވާނީ ބަލިކަށި
ހަސަނު
18 April 2021
އެމްއެމްޕީއާރުސީ މެދިވެރިކޮށް ދައުލަތުގެ ހަޒާނާ ލޫޓުވާލީ ޔާމިނު އެކަންޏެއް ނޫން.. ކޮބާ ދެން ތިބި މީހުން؟
ފޮނިޓައްޕުހަސަނު
18 April 2021
ގަބޫލު ކޮށްފިންތާ ލޫޓުވާލިކަމަށް. ހަސަނަށް ބުނެލަން އޮތީ ލޫޓުވުމުގެ މޭސްތިރިއަކީވެސް އަދި ލީޑަރަކީވެސް ހަމަ ތި ބުނާ ޔާމީނޭ.
ރަދީފްއޮފިޝިއަލް
18 April 2021
މީހަކު ކަމެއް ކުރިއޭ ކިޔާފަ އެކަމަށް ރައްދުދީ ތިމާ ހަލާކުގެ ތެރެއަށް ވެއްޓިގެން ނުދިއުމަށް ގޮވާލަން. ރޯދަ މަހު ހެޔޮގޮތުގަ ގުނަވަންތައް ބޭނުންކުރުމަށް ނަސޭހަތްތެރިވަން.
ތުއްތުކަލޯ
18 April 2021
ދެންތިބީ ވަރަށް ބަލި ކުދިން
ގަބޭ
18 April 2021
ޔާމީން އެކަންޏެއްނޫން، އެކަމުގަ ޔާމީންވަނީ ވަރަށް ގިނަމީުުން ބައިވެރި ކުރުވާފަ.
މޮޔައިން
18 April 2021
އެބުނާ ފަނި އެޅުވިމީހާ މިހާރު ހުދުކާފޫރަށްވީތަ؟
ރަދީފްއޮފިޝިއަލް
18 April 2021
އެއްވެސް ބޭފުޅަކު ރޯދައަށް އަދި ރޯދަމަހުގެ ހުރުމަތަށް އުނިކަން އަންނާނެފަދަ ގޮތަކަށް ކޮމެންޓްތައް އިބާރާތް ނުކުރެއްވުން އެދި ނަސޭހަތެރިވެ ވަސިއްޔަތްކުރަން.ވ.ވެދުން
ފޮނިޓައްޕު ހަސަނު
18 April 2021
ރަހުމެއް ހަމްދަރްދީ ވުމެއް ނެތި އަމިއްލަ ދޮށީ އުމުރުގެ ބޭބެފުޅާއި އަދި އެތަކެއް ނިކަމެތިން ޖަލަށް ލައިގެން އުޅުނު މީހާ ޖަލުގައި ގެންގުޅޭތަން ފެނުމުން ހިތަށް ފިނިކަން ލިބިގެން ދޭ. މާތްﷲ މީހަކު މަތިވެރި ކުރެއްވުމަށް ވެސް އަދި ނިކަމެތި ކުރެއްވުމަށް ވެސް މާގިނަ ވަގުތުތަކެއް ނުނަގާ.
ކައްކާޅު
18 April 2021
އަސްލު ތީ އެއްވެސް ވާހަކައެއް ނޫން. ޖަލައްލީ ކުށެއް ކުރީމަ ސާބިތުވެގެން. އެއީ ޔާމީނު ކުރިކަމެއް ނޫން އެކަންކަން ކުރާނީ ކޯޓުތަކުން. ޔާމީނުވެސް ކުށެއް ކުރިޔަސް ނުކުރިޔަސް ސާބިތުވެގެން ޖަލަށްލީ، ހަމަ އެގޮތަށް މައުމޫނުވެސް އަންނިވެސް އިމްރާންވެސް. އަދިވެސް އަދިވެސް މާދަމާ ތިބޭފުޅާއަށް ކަމެއް ވީމަ އުފާކުރާނެ ބަޔަކުވެސް ތިބެދާނެ. ކާކަށް އިނގެނީ
ފޮނިރުބާ
18 April 2021
އިންސާފަކީ ހަމައެކަނި މުގުރިހަ ކެއުންކަމަށް ދެކިގެން ބިންމަތީ އާވާޜާވެގެން ތެޅިފޮޅޭ ފޮނިޓައްޕުމެން މާދަމާ ވަރަށް ނިަކމެތިހާލުގައި އޮވެ މަރުގެންނެވުމަކީވެސް ﷲ ކުލަދުންވަންތަކަމުގެ ތެރޭގައި ހިމެނޭ ކަމެއްކަން ހަދާންކުރަންޖެހޭ. މާގިނަ ވަގުތެއް އެކަމަށް ނުނަގާނެ!
ޯއަޒްރާ ޒެނަކާ
18 April 2021
ޔާމީނުގެ ވައްކަން ތަހުގީގު ކުރާހާ ބާރަށް ސިންގަޕޫރު ކުންފުންޔަކަށް ވެކްސިންގަންނަން ދިން 700،000 އެއްހާ ޑޮލަރުގެ ވެކްސިން އަދިވެސް ރާއްޖެއަށް ނާންނަ މައްސަލައާ ވެންޓިލޭޓަރު މައްސަލަ ތަހުގީގު ނުކުރެވެނީ ކީއްވެތޯ؟ މި ދެކަމަކީ މިވަގުތަށް މާ މުހިންމު ދެކަންކަމެއް ނޫންތަ؟