އއ. މަތިވެރި-- ފައިލް ފޮޓޯ
23 އެޕްރީލް 2021 - 17:49
8 comments
އއ. މަތިވެރިން އިތުރު 67 މީހަކު ކޮވިޑް-19 އަށް މިއަދު ޕޮޒިޓިވްވެެެއްޖެ އެވެ.
މަތިވެރިން ނ. ހޮޅުދޫއަށް ދިޔަ މީހަކު ކޮވިޑަށް ޕޮޒިޓިވްވެ މަތިވެރިއަށް އަރައިފޭބުން މަނާކުރީ މިމަހުގެ 21 ވަނަ ދުވަހު އެވެ. އެ މީހާއާ ކޮންޓެކްޓުވި މީހުންނާއި ނެގި ރެންޑަމް ސާމްޕަލްތަކުގެ ތެރެއިން 11 މީހަކު އެ ދުވަހު ޕޮޒިޓިވްވި އެވެ.
އެރަށު ކައުންސިލްގެ ރައީސް އިސްމާއިލް އާތިފް ވިދާޅުވި ގޮތުގައި މިމަހުގެ 19 ވަނަ ދުވަހުން ފެށިގެން މިހާތަނަށް އެރަށުން ވަނީ 240 ސާމްޕަލެއް ނަގައިފަ އެވެ. އޭގެ ތެރެއިން 79 ސާމްޕަލެއްގެ ނަތީޖާ އަދި ނުލިބެ އެވެ.
އާތިފް ވިދާޅުވީ އެ ސާމްޕަލްތަކުގެ ތެރެއިން މިއަދު ނަތީޖާ ލިބުނުއިރު 67 މީހަކު ޕޮޒިޓިވްވެފައިވާ ކަމަށެވެ. މިއާ އެކު އެރަށުން ކޮވިޑް ޖެހުނު މީހުންގެ ޖުމްލަ އަދަދު މިވަނީ 82 އަށް އަރައިފަ އެވެ.
އެ ރަށުން ބައެއް މީހުން ސާމްޕަލް ދޭން މީގެ ކުރިން ދެކޮޅު ހެދި ނަމަވެސް މިހާރު ސާމްޕަލް ދޭން މީހުން ދެކޮޅު ނަހަދައި ކަމަށް ވެސް އޭނާ ވިދާޅުވި އެވެ.
އެ ރަށަށް ބަލި ދިޔައީ ކިހިނެއްކަން ސާފެއް ނުވެ އެވެ. އެކަމަކު މޮނިޓަރިން އަށް ލުމުގެ ކުރިން ވެސް ރަށުގައި އަރިދަފުސް ރޯގާ އުޅޭތާ ދުވަސްކޮޅެއް ވެފައިވާ ކަމަށާއި ބައެއް މީހުންނަށް ރަހަ ނުލުން ފަދަ އަލާމާތް ވެސް ފެންނަތާ ދުވަސްކޮޅެއް ވެފައިވާ ކަމަށް ކުރިން އާތިފް ވިދާޅުވެފައިވެ އެވެ. އެފަދަ އަލާމާތްތަކެއް ފެނުނަސް، ރެންޑަމް ސާމްޕަލް ނަގައިފައެއް ނުވެ އެވެ.
ރަށްރަށުގެ ކޮވިޑްގެ ހާލަތު ގޯސް ވަމުން އަންނައިރު މިހާރު ވެސް ވިހި ރަށަކަށް އޮތީ އަރައިފޭބުން މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަމް
24 April 2021
ރަށު ރައްޔިތުން ދަންނަން ޖެހޭ މުޅި ރައް ބަރޯސާ މިވަނީ ގެސްޓް ހައުސް ޑޮލަރައްކަން. ޢެހެންވީމަ، ސާންޕަލް ނަގަން ކުރިން ދެކޮޅު ހެދުން އެެއީ ރަށައް ލިދުނު ދެރައެއް. ސަރުކާރުން ހިލޭ ވެކްސިން ޖަހާދޭއިރު ރަށު އެންމެން ވެކްސިން ޖަހާ ނުނިންމިކަން ވެސް ދެރަ. ދެންވެސް އެހެން ބަޔަކު ގޯސްކުރުމުގެ ބަދަލުގަ އަވަހަސް އެންމެން ވެކްސިން ޖަހާ. ރަށު ކައުންސިލުންވެސް މިކަމުގަ ފިޔަވަޅު ބާރުކޮއްލާ.
ހޮޅުދޫ މީހާ
23 April 2021
ހޮޅުދޫ އެއް ނޫން ކުށް ރަނގަޅު ކޮށްލާ
މަތިވެރި
23 April 2021
އމޑޕ އިވެންޓައް ދިޔަމީހުުން ގެނައި ހަދިޔާއެއްކަމަށް ބެލެވެނީ. އަދިވެސް މާރަނގަޅު މޮޅޫ ބައެއްކަމަށް ދެކިގެން އަތްޖަހަން ތިބޭ. މުޅި އަތޮޅާއި ގައުމު ހަލާކޮއްލަނީ މޮޔަ ބައެއްވެރިކަމަށް އައިސްގެން.
ވަތުތަށި
23 April 2021
ކަރަންޓީނު ޕެކޭޖްގަ އަންނަ އިންޑިޔާ މީހުން އެންމެ ގިނައީ އއ އަތޮޅުގަ. ސަރުކާރުން އެމީހުންގެ ކަރަންޓީން ހަރުކަށި ކުރަންޖެހޭ. ނޫނީ އިންޑިޔާއިން އަންނަ ފްލައިޓްތައް މިވަގުތައް ހުއްޓާލާ.
ދެރަ
23 April 2021
ޑޮލަރު އެބަލިބޭންނުދޯ.
ޙަމް78
23 April 2021
ވެކްސިން ޖަހައިގެން ތިބި ނަމަ ހަމަ އޯކޭ. މަޑުމަޑު ހާރޑް އިމިއުނިޓީ އާ ހިސާބައް ދެވޭނެ.
ރަށަށް
23 April 2021
60% ވެކްސިންނުޖަހާ ރަށްތަކަށް އެހެން ފަތުރުވެރިން އެރުވުމަކީ ކިހާ ނުރައްކާ ކަމެއްކަން ހަމަ އެޗްޕީއޭއަށް ނޭނގެނީ ކަމަށްވާނީ. ރަށްތަކުގެ ޕަސެންޓް ހަމަކޮށްލެވެންދެންވެސް މަޑުނުކުރެވޭ ފަތުރުވެރިން އަރުވައިގެން ޖީބަށް ޑޮލަރު ވައްދަން. އަނެއް ދުވަހު ކޮވިޑްޖެހި ގޭގަ ބަންދުވެފަ އޮންނަންވީ.
ޢަސްލަމް
23 April 2021
ޚައުންސިލްގެ އިންތިޙާބީ ރައީސް މާލެއިން މަތިވެރި ކައިރިއށް މަހަށްޑިޔަ ލޯންޗަކުން މހަށް ގޮސް ގރނައި އެއްޗެއް ކމަށް ފެނޭ.