މަންދު ކޮލެޖު މިހާރު ހިންގާ އިމާރަތް. އެމްއީއެސް އިމާރާތް އަތުލުމުން ބަދަލުގެ ގޮތުގައި 15 މިލިއަން ރުފިޔާ ދޭން ވަނީ އެއްބަސްވެފައި.- މިހާރު ފައިލް ފޮޓޯ
29 އެޕްރީލް 2021 - 15:27
18 comments
މަންދު ކޮލެޖަށް 15 މިލިއަން ރުފިޔާގެ ބަދަލު ދޭން ލަފާ ދިނީ އެޓާނީ ޖެނެރަލް (އޭޖީ) އޮފީހުން ކަމަށް، އެޑިއުކޭޝަން މިނިސްޓްރީން މިއަދު ބުނެފި އެވެ.
އެޑިއުކޭޝަނުން މިހެން ބުނީ މަންދު ކޮލެޖުން ކުރި ދައުވާއާ ގުޅިގެން ސިވިލް ކޯޓުގެ ޑިސްޕިއުޓް މަރުހަލާގައި 15 މިލިއަނުގެ ބަދަލަކަށް އެއްބަސްވުމަކީ އެޑިއުކޭޝަން މިނިސްޓްރީގެ ސްޓޭންޑް ކަމަށް އޭޖީ އޮފީހާ ހަވާލާދީ "މިހާރު" ގައި ޝާއިއުކުރި ޚަބަރަކާ ގުޅިގެންނެވެ. އެ ޚަބަރަށް އެޑިއުކޭޝަންގެ ބަހެއް ހޯދަން ކުރިން މަސައްކަތްކުރި ނަމަވެސް ޖަވާބެއް އޮތީ ނުލިބި އެވެ.
މަންދު ކޮލެޖު ހިންގާ މާލެ ހައި ޕްރައިވެޓް ލިމިޓެޑަށް އެމްއީއެސް ހިންގި އިމާރާތް ދޫކޮށްފައި ވަނިކޮށް 2015 ވަނަ އަހަރު ސަރުކާރުން ވަނީ އެއްބަސްވުމާ އެއްގޮތަށް އިންޓަނޭޝަނަލް ސްކޫލެއް ހިންގާފައިނުވާ ކަމަށް ބުނެ އެ ތަން އަތުލައިފަ އެވެ. އެކަމަކު ހައި ކޯޓާއި ސުޕްރީމް ކޯޓުން ނިންމާފައިވަނީ އެ އެއްބަސްވުން ބާތިލްކުރީ ގޯސްކޮށް ކަމަށެވެ.
އެ ކަމާ ގުޅިގެން މަންދު ކޮލެޖުން ވަނީ ބަދަލުގެ ގޮތުގައި 18 މިލިއަން ރުފިޔާ ހޯދަން ދައުވާކޮށްފަ އެވެ.
"މި ނިންމުމަކީ [15 މިލިއަނުގެ ބަދަލު ދިނުމަކީ] އޭޖީގެ ލަފާ،" އެޑިއުކޭޝަން މިނިސްޓްރީގެ އިސް އޮފިޝަލަކު ވިދާޅުވި އެވެ.
އެޑިއުކޭޝަން މިނިސްޓްރީން އޮގަސްޓް 23، 2020 ގައި ފޮނުވި ސިޓީއާ ގުޅިގެން އޮޑިޓް އޮފީހުން ވަނީ ގެއްލުމުގެ ބަދަލުގެ މިންވަރު ކަނޑައެޅުމަށްޓަކައި އެސެސްމަންޓް ރިޕޯޓެއް ވެސް ތައްޔާރުކޮށްފަ އެވެ. އަދި އޮޑިޓް އޮފީހުން ވަނީ އެ މިނިސްޓްރީގެ އެދުމާ އެއްގޮތަށް މިދިޔަ ސެޕްޓެމްބަރުގެ ތެރޭގައި އެސެސްމެންޓް ރިޕޯޓް ފޮނުވައިފަ އެވެ. އެ އެސެސްމަންޓުން ދެއްކީ މާލެ ހައި ކުންފުންޏަށް ބަދަލުގެ ގޮތުގައި އެންމެ ގިނަވެގެން ދޭންޖެހޭނީ 1.5 މިލިއަން ރުފިޔާ ކަމަށެވެ.
ނަމަވެސް ބަދަލުގެ ގޮތުގައި 15 މިލިއަން ރުފިޔާ ދޭން ސިވިލް ކޯޓުގެ ޑިސްޕިއުޓުގައި ދައުލަތުން އެއްބަސްވުމުން އެއް މަސް ދުވަހުގެ ތެރޭގައި އެ ފައިސާ ދެއްކުމަށް މިދިޔަ ހަފުތާގެ ހޯމަ ދުވަހު ހުކުމްކޮށްފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
29 April 2021
އޭޖީ ޕީޖީ ކިޔާނެ ކަމެއް ނެތް! ތި ރައްޔިތުންގެ ފައިސާ ބަހާ ހުސްކުރަނީ މާ އިޚްލާސްތެރިކަން ދެއްކިގެން އުޅޭ ނާގާބިލު ވެރިއެއްގެ ސަބަބުން. ބައިތުލްމާލު ބަހާ ހުސްކުރިޔަސް އޭނަ އެއްޗެކޭ ނުބުނާނެ. މިހުރިހާ ނުބައެއްގެ ޒިންމާ ރައީސް ނަގަންވާނެ
ފޫހޮ
29 April 2021
އޭޖީން ގަސްދުގައި މަންދު އަށް މި މައްސަލަ ދޫކޮށްލީ.
މިއަދު
29 April 2021
މިއޮތީވާ ލާރިބަހާ ޒީރޯ ޓޮލަރަންސް ސަރުކާރެއް ބައިމީހުންނަށް ބަހާހުސްކޮށްފި
ޢިބޫ
29 April 2021
ގިނަމީހުން ތުހުމަތު ކުރާގޮތުގަ މިސަރުކާރު އައިންސުރެ އެތަށް މިލިޔަން ބަދަލުގެ ގޮތުގަ ދިނީ އޭޖީގެ ލަފާގެ މަތިން. އަދި އޭޖީ އަކީ މިހާރުގެ ބުރޯގެ ވަރަށް ގާތް ބޭފުޅެކޯ އެއީ ތެދެއްބާ؟
މުންޑުބުރި
29 April 2021
މިނިވަން އޮޑިޓަރ ޖެނެރަލްގެ ލަފާ އޮޅާލާފައި ޕާޓީ ކުދިންނަށް ލާރިދޭން ޕާޓީ ކުދިން ލަފާދިނީ ދޯ. ތިވަރަށް ނަޒާހަތްތެރި ވެވޭނީ.
ަބުބުޗީ
29 April 2021
މިއޮތީ އަނެއްކާވެސް ޕިންގް-ޕޮންގެ ގޭމެއް ފަށާފަ. ދެން ރަށްޔިތުން ތިބޭނެ ދެކޮޅަށް ލޯއުކައުކަ. މީމީ ޒީރޯޓަލަރެންސުގެ ވައްތަރެއް ... ކެކެކެ.
ގުޅިގެން
29 April 2021
ތިއީ ގުޅިގެން ހިންގާޖަރީމާއެއް ދަައުވާކުރާނަން!!!
ނިކަމެތި ރައްޔިތުމީހުން
29 April 2021
ސުކޫލެއް ހިންގަން ދިނީމަ، އެކަން ނުކޮށް އެހެންކަމެއް ކުރާތީ އެގްރީމެންޓް ބާތިލު ކުރީމަ ރައްޔިތުންގެ ފައިސާއިން މިޖެހެނީ ގަވާއިދާ ހިލާފުން ކުރި ކަންތަކުގެ ބަދަލުދޭން. ކިހާ ދެރަވަރުގެ ކަންތައް.
އަހުމަދުބޭ
29 April 2021
މިހާރު އެބައިންގޭ ވާއެއްނުވާއެއް، އެހެން ވެގެން ރައްޔިތުން އެގޮވަނީ ބަދަލް ދިނުމަކީ ގުޅިގެން އެންމެން ކުރާ ވައްކަމަކޭ ކޯޓުތެރެއިން،
Happy 321
29 April 2021
15 މިލިޔަން ދެވިގެންނުވާނެ...ދައުވާވެސް ކުރާނަން!