މިދިޔަ 40 އަހަރަށް ބަލާއިރު އެމްޓީސީސީ އަށް 2020 ގައި ވަނީ ރެކޯޑު އަދަދަކަށް ފައިދާ ވެފައި. ސާފު ފައިދާގެ ގޮތުގައި އެ އަހަރު 190 މިލިއަން ލިބުނުއިރު، މިއީ 2019 އާ ބަލާއިރު ދެގުނަ އިތުރު އަދަދެއް.
އާޒިމް "މިހާރު" އަށް އިންޓަވިއު ދެއްވަނީ: ކުންފުނީގެ ފައިދާ އިތުރުވުމާއެކު ހިއްސާގެ ފައިދާގެ ގޮތުގައި ބޮޑު އަދަދެއް ބަހަން ވަނީ ނިންމާފައި--ފޮޓޯ: ނިޝާން އަލީ/ މިހާރު
30 އެޕްރީލް 2021 - 14:43
21 comments
މިދިޔަ އަހަރު އެމްޓީސީސީ އަށް މާލީ ގޮތުން ރެކޯޑު އަދަދަކަށް ފައިދާ ވެފައިވާކަން އެ ކުންފުނީގެ އަހަރީ ރިޕޯޓުން ދައްކައިފި އެވެ.
އެ ރިޕޯޓު ދައްކާގޮތުް މިދިޔަ އަހަރު ނިމުނުއިރު، ސާފު ފައިދާގެ ގޮތުގައި 190.7 މިލިއަން ރުފިޔާ ލިބިފައި ވެ އެވެ. މިއީ އެމްޓީސީސީގެ 40 އަހަރުގެ ތާރީހުގައި ނުލިބޭ ވަރުގެ ކުރިއެރުމެކެވެ. އަދި މިއީ 2019 ވަނަ އަހަރާ އަޅާ ބަލާއިރު ދެގުނަ އިތުރު އަދަދެކެވެ.
ޓެކްސް އަށް ކެނޑުމުގެ ކުރިން އެ ކުންފުންޏަށް ލިބިފައިވަނީ 224.72 މިލިއަން ރުފިޔާގެ ފައިދާއެކެވެ. މިއީ 2019 ވަނަ އަހަރާ އަޅާ ބަލާއިރު ވެސް 253 ޕަސެންޓުގެ ކުރިއެރުމެކެވެ. އެ އަހަރު ފައިދާގެ ގޮތުގައި ލިބުނީ 63.6 މިލިއަން ރުފިޔާ އެވެ.
އެހެން އަހަރުތަކާ އަޅާ ބަލާއިރު ހުރިހާ ގޮތަކުން ވެސް އެމްޓީސީސީ ވަނީ ކުރިއަރައިފަ އެވެ. އެގޮތުން، މިދިޔަ އަހަރު އެ ކުންފުނިން ވަނީ 1.34 ބިލިއަން ރުފިޔާގެ ވިޔަފާރި ކޮށްފަ އެވެ. މިއީ އެ ކުންފުނިން ހިންގާ ޕްރޮޖެކްޓުތަކާއި ކުރާ އެހެނިހެން ވިޔަފާރިތަކުން ލިިބުނު އާމްދަނީ އެވެ.
ޖެނުއަރީ 21، 2020 ގައި އެމްޓީސީސީގެ ސީއީއޯ ކަމަށް އައްޔަން ކޮށްފައިވާ އާދަމް އާޒިމް މީގެ ކުރިން ވިދާޅުވެފައިވާ ގޮތުގައި މިދިޔަ އަހަރު އެ ކުންފުނިން ވަނީ ގިނަ އަދަދެއްގެ މަޝްރޫއުތަކެއްގެ މަސައްކަތް ފަށައިފަ އެވެ. އާމްދަނީ އާއި ފައިދާ އިތުރުވުމުގެ އެންމެ ބޮޑު ސަބަބަކީ އެއީ ކަމަށް އޭނާ ވިދާޅުވި އެވެ.
ރެކޯޑު އަދަދެއްގެ ފައިދާއަކާއެކު އަހަރު ނިންމައިލެވުމާއެކު، އެމްޓީސީސީން ވަނީ އެ ކުންފުނީގެ ހިއްސާގެ ފައިދާގެ ގޮތުގައި ވެސް ބޮޑު އަދަދެއް ބަހަން ނިންމައިފަ އެވެ. އެ ކުންފުނީގެ ބޯޑުން ނިންމާފައި ވަނީ މިދިޔަ އަހަރުގެ ހިއްސާގެ ފައިދާގެ ގޮތުގައި ހިއްސާއަކަށް ތިން ރުފިޔާ ބެހުމަށެވެ. މިއީ އެ ކުންފުނީގެ ތާރީހުގައި ހިއްސާގެ ފައިދާގެ ގޮތުގައި ބަހަން ނިންމި އެންމެ ބޮޑު އަދަދެވެ.
އެމްޓީސީސީން ބުނިގޮތުގައި، އެ ކުންފުނިން އަންނަނީ ވިޔަފާރި ފުޅާކޮށް، ހިންގުން ހަރުދަނާކުރުމަށް އަޅަން ޖެހޭ ހުރިހާ ފިޔަވަޅުތަކާއި އިސްތިރާޖީ ޕްލޭންތަށް އެކުލަވައިލަމުންނެވެ. މާކެޓުގެ ހާލަތަށް ބަލައި އެ ކަންކަން މުރާޖައާ ކުރުމުގެ މަސައްކަތް ވެސް ކުރަމުން އަންނަ ކަމަށް އެ ކުންފުނިން ބުނެ އެވެ.
ކޮވިޑް-19ގެ ހާލަތުގައި ވެސް އެކަށީގެންވާ ފިޔަވަޅުތަށް އަޅައި، މާލީ ނަތީޖާ ނެރުމަށް މަސައްކަތް ކުރަމުން އަންނަ ކަމަށް އެމްޓީސީސީން ބުންޏެވެ. ހިއްސާދާރުންނަށް ފައިދާވާ ގޮތަށް ހުރިހާ ވިޔަފާރިތައް ކުރިއަރުވަން މަސައްކަތް ކުރާ ކަމަށް ވެސް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސިސް
03 May 2021
ސަރުކާރުނ 100 މިލިއަން ސަބްސިޑީ ނަގައިގެން ބޮޑު އަގުގަ ސަރުކާރު ޕްރޮޖެކްޓް ހިންގައިގެން ރިކޯޑު ފައިދާ ހެދިދާނެ... ލަދް
ރައީސްގެ އެންޑޯޒްޑް ކެންޑިޑޭޓް
01 May 2021
އަސްލު ކީކޭ މިކަޔަނީ؟ ކޮބާ ފާއިދާއަކ؟ ކަންމަތި ފިހާރައިން 1 ލައްކައިގެ ވިޔަފާރިކޮށްފައި 10ރ ފާއިދާވީމައި ޖެހޭނީ ކޮންތާކު؟ ސަރުކާރުން މިލިއަނުން ސަބްސިޑީ ނަގައިގެން ސަޕްލަޔަރުންގެ ބިލުތަކަށް ލާރި ނުދީ ޕޮރުޖެކްޓްތައް ނިންމާ ޕަސެންޓް އޮޅުވާލައިގެން ސަރުކާރަށް ހެސްކިޔާފަ ބިލުކޮށް ކުންފުނީގެ ހިސާބު އޮޅުވާލާފައި އަދި އެބަ ކިޔާ ފާއިދާއޭ! ކޮބާ ލަދު
ޝިއުނާ ސ
01 May 2021
މިކަހަލަ ލިޔުންތަކަށް ޕޮސިޓިވް ކޮމެންޓްކޮށް ލައިކް ޖަހަން ބޮޑު ޕީއާރު ޓީމެއް އެމްޓީސީސީގައި އެބައޮތްކްން ރައްޔިތުންނަށް ހަނދާންކޮށްދެން. މި ތަފާތު ސަރުކާރު އެހެން ކުންފުނިތަކުގެ ހަބަރަށް އަންނަ ކޮމެންޓާއި އެމްޓީސީސީ އަށް ލިބޭ ރިއެކްޝަނާއި އަޅުވާކިޔާލީމަ ފެންނާނެ. ނޫސްވެރިންނާއި ރައްޔިތުން ސަމާލުވުމަށް ދަންނަވަން.
ސަތޭކަ
01 May 2021
ހެހެހެ އެހެން އަދި ތެޅުނަކަސް ހައްދައިގެން އުލެވޭނީ އިބޔ ސޯލިހާއި އަސްލަމު ދޯ ރައްޔިތުންނެއް ނޫން
ފައިދާ
30 April 2021
އެ ކުންފުނީގެ ބޯޑުން ނިންމާފައި ވަނީ މިދިޔަ އަހަރުގެ ހިއްސާގެ ފައިދާގެ ގޮތުގައި ހިއްސާއަކަށް ތިން ރުފިޔާ ބެހުމަށެވެ. ރެކޯޑް އަދަދަކަށް ފައިސާ ލިބުނީމާވެސް ހިއްސާއަކަށް އެންމެ 3 ރުފިޔާ. ބަލަގަ މީގެ ކުރިން އެބަހުރި ހިއްސާއަކަށް 20ރުފިޔާ 30 ރުފިޔާވެސް ލިބިފައި.... އެއީ މިއަށްވުރެ ފައިދާ ކުޑައިރުވެސް...
އެމްސް
30 April 2021
އެމްޓީސީސީ އަކީ ވާދަވެރި އެއްވެސް ވިޔަފާރިއެއް ކުރާ ބަޔަކީބާ؟ ވެންމަސް ވެނައް ދީގެން ފައިދާވަންޏާ ވަނީ!
ބަގުޑި
30 April 2021
އާދަނީ އިހްލާސްތެރި މީހެއް ... މިގައުމަށް ބޭނުންވަނީ މިކަހަލަ މީހުން. މިފްކޯ ކަހަލަ ކުންފުނިތަށް ބަނގުރޫޓް އެވަނީ މުޅި އާއިލާ އައި ރަށްޓެހިން މަގާމު ތަކަށް ލައިގެން ވަންކަން ކުރާތީ. ސޯލިހު އަކީ ވަރަށް ފިނޑި މީހެއް ، ކޯލިޝަން ވެރިން ރުޅިއައިސްދާނެތީ ވެންޓިލޭޓަރު މައްސަލައިގަވެސް ވަކިކުރަން ނުކެރިފަ ތިބި ދެޑެޕިޔުޓީ މިނިސްޓަރުން އެބަތިބި. ދައުލަތަށް ލިބުނު 30 މިލިޔަން ހޯދޭނެ ގޮތެއްވެސް ނެތް.
ސަވީ
01 May 2021
ވަރަށް އިހުލާސްތެރިވީމަ ދޯ އަމިއްލަ ޕާޓީ އޮއްވާ ހޭވައްޓާލާފަ އެންޑީޕީ ކެންޕޭނުގަ އުޅުނީ. ހިހޫތަނުން ކައިގެން ޔާމީނާއި ވަހީދުއަށް އަށް ސަނީ ކިޔާފަ މިހާރު އުޅޭ ވައްތަރު. ލޮލް ބޭފުޅާއަށް އިނގޭތަ ކިތައް މައްސަލަކަން އޭސީސިގަ އޮތީ
ބަހަބަރު
30 April 2021
ކޮންމެ މީހަކަށްވެސް އަނގަހުޅުވާފަ ބުނެވިދާނެ ކޮންމެ ވާހަކައެއްވެސް...
ކުމާރުބެ
30 April 2021
ރިކޯޑް އަދަދަކުނަ ފައިދާވި އިރު ލިބުނީ 63 މިލިޔަން, އެއްމެ ޕްރޮޖެކްޓްގެ ވެލިއު އުޅެނީ ތިޔައްވުރެ ބޮޑުކޮށް . ތިވަރު ލިބޭ މަޖިލިސް މެއްބަރަކަށް ހާއްސަ ވޯޓް ނަގާދުވަހު ނުސީދާ ގޮތަކަށް އަތް ހިއްލާލިޔަސް.@ މަޖިލިސް
ކުމާރުބެ 3.0
30 April 2021
ކުމާރުބެ ރަނގަޅަށް ހަބަރު ކިޔާފަ ކޮމެންޓް ކޮށްލިނަމަ! 63 މިލޔަނަކީ 2019 ވަނައަހަރު ލިބުނު ފައިދާ
ސަކްސެސް
30 April 2021
އަޅުގަނޑު ދެކެންބޭނުންވާ ދުވަހަކީ މިބޭފުޅާ މިފްކޯހިންގުމާ ހަވާލުވާދުވަސް ، ސަބަބަކީ އަޅުގަނޑު ދުނިޔެއަށް އައިސްސުރެ ގެއްލުމުގަ ބަރާބަރަށް ހިންގާ ކުއްފުންޔެއްމަދުވާނެ އެނުނީ!
ކޮރަލް
30 April 2021
އެހެން ކުންފުނިތަކަށް ފައިދާ ނުވާ ސަބަބު އެނގޭނީ މިނިވަން އޮޑިޓެއް ކޮށްލީމަ އެވެ.