ވެލާ ރިސޯޓުގެ އިންފިނިޓީ ޕޫލް: މިއަހަރުގެ މިހާތަނަށް ތިން މަހު އެ ރިސޯޓުން ވަނީ ސާވިސް ޗާޖު ލިސްޓުގެ ކުރި ހޯދާފައި -- ފޮޓޯ: ވެލާ ޕްރައިވެޓް އައިލެންޑް
06 މެއި 2021 - 10:19
8 comments
ރާއްޖޭގެ ރިސޯޓުތަކުގެ ތެރެއިން އެންމެ ގިނައިން ސާވިސް ޗާޖު ބެހި ލިސްޓުގެ ކުރިއަށް ވެލާ ޕްރައިވެޓް އައިލެންޑް އަނެއްކާވެސް މަހަކަށް ފަހު އަރައިފި އެވެ.
"ރިސޯޓު ވޯކާސް މޯލްޑިވްސް" ގެ ފޭސްބުކް ޕޭޖުގައި އާއްމުކޮށްފައިވާ ހިސާބުތަކަށް ބަލާއިރު މިިދިޔަ އޭޕްރީލް މަހު ވެލާ އިން ވަނީީ ކޮންމެ މުވައްޒަފަކަށް ސާވިސް ޗާޖުގެ ގޮތުގައި 2،779.64 ޑޮލަރު (42،862ރ.) ބަހައިފަ އެވެ. މިއީ މިދިޔަ މާޗު މަހާ އަޅާ ބަލާއިރު 7،350ރ. އިތުރު އަދަދެެކެވެ.
މި އަހަރު ފެށި ފަހުން މާޗު މަސް ފިޔަވައި އެހެން ހުރިހާ މަހެއްގައި ވެލާ އިން ވަނީ ސާވިސް ޗާޖު ލިސްޓުގެ ކުރި ހޯދައިފަ އެވެ. މާޗު މަހު އެންމެ ގިނައިން ސާވިސް ޗާޖު ބެހީ ވަލްޑޯފް އޮސްޓްރިއާ އިތާފުށިންނެވެ.
އިތާފުށިި ވަނީ މިދިޔަ މަހު ލިސްޓުގެ ތިންވަނަ އަށް ވެއްޓިފަ އެވެ. އެ ރިސޯޓުން މިދިޔަ މަހު ސާވިސް ޗާޖުގެ ގޮތުގައި ބަހާފައި ވަނީ 2078.27 ޑޮލަރު (32،046ރ،) އެވެ.
މިދިޔަ މަހު ދެވަނަ އަށް އެންމެ ބޮޑު ސާވިސް ޗާޖެއް ބަހާފައި ވަނީ ޝެވަލް ބްލާންކް ރަންދެލިންނެވެ. އެ ރިސޯޓުން ވަނީ މުވައްޒަފަކަށް 2728.27 ޑޮލަރު (42،069ރ.) ބަހައިފަ އެވެ.
ރާއްޖޭގެ ރިސޯޓުުތަކުގެ ތެރެއިން މިދިޔަ މަހު 12 ރިސޯޓަކުން ވަނީ 1،000 ޑޮލަރަށް ވުރެ ބޮޑު ސާވިސް ޗާޖެއް ބަހައިފަ އެވެ.
"ރިސޯޓު ވޯކާސް މޯލްޑިވްސް" ގެ ފޭސްބުކް ޕޭޖުގައި މި ހިސާބުތައް އާންމުކުރަނީ އެކި ރިސޯޓުތަކުގައި މަސައްކަތް ކުރާ މުވައްޒަފުންގެ ފަރާތުން އެ ޕޭޖަށް ލިބޭ މައުލޫމާތުތަކަށް ބަލައިފަ އެވެ.
ރާއްޖޭގެ ހުރިހާ ޓޫރިސްު ފެސިލިޓީއަކުން ސާވިސް ޗާޖުގެ ގޮތުގައި 10 ޕަސެންޓު ނެގުން މިހާރު ވަނީ ގާނޫނީ ގޮތުން މަޖުބޫރު ކޮށްފަ އެވެ. ސާވިސް ޗާޖު ނުދީފި ނަމަ ވަޒީފާ ދޭ ފަރާތް ބައި ލައްކަ ރުފިޔާ އަށް ވުރެ ބޮޑު ނޫން އަދަދަކުން ޖޫރިމަނާ ކުރުމުގެ ބާރ ލޭބާ ރިލޭޝަންސް އޮތޯރިޓީ (އެލްއާރުއޭ) އަށް އޮވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާ.
06 May 2021
ރާއްޖޭގައި އއެންމެފުޅާކޮށް ގެސްޓް ހައުސް ހިންގާ މާފުށީގެ ބޮޑެތި ގެސްޓް ހައުސްތަކުގެ ސާރވިސް ޗާޖް އާއްމުކޮށް އުޅެނީ 150 އާއި 200 ޑޮލަރާ ދެމެދުގަ. 18، 20 ގަޑި އިރު މަސައްކަތް ކުރުވާފަ އޯޓިގަނޑުވެސް ނުދޭ!! ސާރވިސް ޗާޖަކީ ޤާނުނެއްގަ ލިޔެގެން ވިޔަފާރިވެރިންނައް ނަގައިދޭ އެއްޗެއް.
ނާޑުވާ
06 May 2021
ކޮބާ, ވިލާ, ސަންސިޔާމް. ތްރީ އޭ, ޗަމްޕާ. ދިވެހި ވިޔަފާރިވެރިންނަށް ފުރުސަތު ނުލިބިގެން ތެޅިބާލަނީ. ޓުއަރިޒްމަ މިނިސްޓްރީ ޒިންމާދާރުނަމަ މުއައްޒަފުނަށް ރަނަގަޅު ގޮތް މެދުވެރި ވާނީ. އެކަމަކު ކަޓް ކައިގެން ފްރީ ހޮލިޑޭ ހަދައިގެން އުޅޭ ބަޔަކަށް މިކަމެއް ނުވާނެ.
ޒަމާންވީ
06 May 2021
ކޮބައިތޯ ރާއްޖޭގަ ޒަމާންވީ އުނގު ބޮޑުކުރާ ވިޔާފާރި ވެރިން ލަދުގަނޭބާ؟
އައްޔާބެއްޔާ
06 May 2021
ތިހެން ޖަހާލަ ދީބަލަ ކިތަށް ސްޓާފް އިންތޯ ތިބީ ކެސުއަލް ކޮއް 550 ޱޮލަރު ގަނޱު ދީފަ ކިތަށް ސްޓާފް އިނތޯ ތިބީ ޕާމަނެންޓކޮއް ކިތައް ސްޓާފް އިންތޯ ތިބީ 18 ގަޑި އިރުމަސައްކަތް ކުރަން ކިތައް ސްޓާފް އިންތޯ ތިބީ ސިކް ވީމާ ސިކް ލީވް ނަގަން ނުކެރިފަ ކިތައް ސްޓާފް އިންތޯ ތިބީ އެމެޖަންސީ ވީމަ އެމަޖަންސީ ނަގަން ނުކެރިފަ ވަޒީފާގެ ބިރަށް
ގުލްޒާރު
06 May 2021
ރައްޔިތުންނޭވެ! ދާންވީ ވެލައަށް!
ރިސޯޓް ބޯއީ
06 May 2021
ބަލަ. ވެލާ ޕްރޮމޯޓް ކުރާއިރު ބަލާލަން ރަނގަޅު، ވެލާގަ ކިތައް ސްޓާފުންތޯ ކެސުއަލް ނުވަތަ ސާވިސަ ޗާރޖް ނުލިބޭ ގޮތައް ގެންގުޅެނީ، 300 ސްޓާފުންގެ ތެރެއިން 50 ސްޓާފައް ސާވިސް ޗާރޖް ބަހަންވީމަ ބޮލަކަށް ޖެހޭނެ މިލިއަނުންވެސް. މީ ކިހިނެއް ވާ ކަމެއްތޯ ބަލާލަން އަވަސްގެ ނޫސްވެރިންނަށް ކެރޭނެބާ.
ހަމަބުއްދި
06 May 2021
ރިސޯޓް ބޯއީ ކަލޭ ހަމައިގަ ހުރެ ވާނުވާ އެނގިގެން ވާހަކަ ދަށްކާބަލަ،ތީ ހުސް ފޭކް ވާހަކަ،ކަލޭ އޮވޭ ނޫސްވެރިންނަށް ނޭގެނީއޭ މަށައް އެނގެއޭ މަމޮޅުވާނޭ ކިޔަކިޔާ،ހަހަހަ
ހަމަތެދެއް..
06 May 2021
އަދިވެސް އެއްވެސް ވަރަކަށް ސާރވިސް ޗާރޖް ނުދޭ ކޮމްޕެނީތައްވެސް އުޅޭ. އެ ކޮމްޕެނީތަނުގެ ވާހަކަ ނުދައްކަނީ ކީއްވެތަ؟ އެތައްބައެއްގެ ޙައްޤު ގެއްލިގެން އެބަދޭ. އިދުހާމް ނިކަން އެކަން ކޮށްލަދޭބަލަ