މާލޭގެ ހައި ކޯޓު: އެ ކޯޓުގެ ދެކުނު ގޮފިން ވަނީ ހުށަހެޅުނު މައްސަލަތަކުގެ ބޮޑު ބައެއް ނިންމާފައި --މިހާރު ފޮޓޯ/ނިޝާން އަލީ
17 ނޮވެމްބަރ 2016 - 21:32
2 comments
އައްޑޫގައި ހުންނަ ހައި ކޯޓުގެ ދެކުނު ގޮތްޕަށް ހުށަހެޅުނު މައްސަލަތަކުގެ ތެރެއިން 93 އިންސައްތަ މައްސަލަ ނިންމައިފި އެވެ.
ސ. މީދޫގައި ހުންނަ ހައި ކޯޓުގެ ދެކުނު ގޮފިން އާންމުކުރި ތަފާސް ހިސާބުތައް ދައްކާ ގޮތުން މިދިޔަ މަހުގެ ނިޔަލަށް 135 މައްސަލައެއް އެތަނަށް ހުށަހެޅުނުއިރު އޭގެ ތެރެއިން 115 މައްސަލައެއް މިދިޔަ މަހުގެ ނިޔަލަށް ވަނީ ނިންމައިފަ އެވެ. އެއީ ހުށަހެޅުނު މައްސަލަތަކުގެ 93 އިންސައްތަ އެވެ.
ރާއްޖޭގެ އުތުރާއި ދެކުނުގައި ހައި ކޯޓުގެ ދެ ގޮފި ގާއިމް ކުރަންޖެހޭ ގޮތަށް ކޯޓުތަކުގެ ގާނޫނަށް 2014 ގައި ގެނައި އިސްލާހުގެ ދަށުން މީދޫގައި ގާއިމްކުރި އެ ގޮފީގައި ތިއްބަވަނީ ފަނޑިޔާރު އަބްދުލްޣަނީ މުހައްމަދާއި ފަނޑިޔާރު ޝުއައިބު ހުސައިން ޒަކަރިއްޔާ އަދި ފަނޑިޔާރު ޝުޖާއު އުސްމާނެވެ.
ދެކުނު ގޮފީގެ މަސައްކަތް މިއަހަރު ކުރީކޮޅު ފެށުނަސް އުތުރު ގޮފީގެ މަސައްކަތް އަދިވެސް ނުފެށެ އެވެ. އެ ގޮފީގެ މަސައްކަތް ނުފެށެނީ ހައި ކޯޓުގެ ބެންޗުން ހުސްވެފައިވާ ދެ މަގާމަށް ބޭފުޅުން އައްޔަން ނުކުރެވި އޮތުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙްމަދު
18 November 2016
ހައިކޯޓަށް ޝޭޚް އިމްރާނުގެ މައްސަލަ އިސްތިއުނާފުގެ މައްސަލަ ކުރިޔަށް ނުދާ ސަބަބު އެގެން ބޭނުން.ދަށުކޯޓުން ހުކުމް ކުރަންވީމާ އަވަސް އަރުވައިގެން ނިންމާ އިސްތިއުނާފުގެ މަރުޙަލާ ދިގުލަ ދިއުމަކީ ޤަބޫލު ކުރެވޭނެ ކަމެއް ނޫން.ކޯޓުތަކުގެ ބެލެނިވެރި ފަރާތުން މިކަމަށް ފިޔަވަޅު އަޅަން ޖެހޭނެ.
ހަސަނު
17 November 2016
އެއީ މާބޮޑުކަމެއްތަ %100 ވެސް ނިއްމެންޖެހޭނެ، އިސްތިޢުނާފުކުރަން ހުށަހަޅާއިރު 2 ޚަސްމުންގެ ދަޢުވާ އާއި ޖަވާބު އޮންނަނީ ދަޢުވާގައި ބޭނުންވެ އެދޭގޮތް ބަޔާންކޮށްފައެވެ. ފަޑިޔާރުންނަށް ޖެހެނީ ދެގޮތުންކުރެ ކޮންމެވެސް އެއްގޮތަށް ނިޔާ އިއްވާށެވެ، މިއީ މާބޮޑު ރޮކެޓް ސައިންސެއް ނޫނެވެ، އިސްލާމީ ޝަރީޢަތާއި ޤާނޫނު އަސާސީއާއި ޤާނޫނު ތައް އޮންނަނީ ނަމެއްގައެވެ، ބޮޑުވަރަކަށް މިފަޑިޔާރުން ބައްލަވާނީ ކުރިންނިއްމާފައިވާ ދެ ތިން ޤަޞިއްޔާއެއްގެ ހުކުމަށެވެ، އެހިސާބުން މައްސަލަ ނިންމަންވާ ގޮތް އެކަޑައެޅުނީއެވެ. މިއީ ޝަރީޢަތް ކުރާގޮތެވެ