ޚަބަރު / ނަޝީދަށް ދިން ޓެރަރިސްޓް ހަމަލާ

ނަޝީދުގެ ގިނަ ސާޖަރީތަކެއް ކޮށްފިން، އަދި އެއް ޕްރޮސީޖާ އެބަ އޮތް: އޭޑީކޭ

މާލެ: މޭ 7، 2021: ރައްޔިތުންގެ މަޖިލީހުގެ ރައީސް މުހައްމަދު ނަޝީދު ކާރުކޮޅަށް އަރުއްވަނިކޮށް އެ މަނިކުފާނަށް އަމާޒުކޮށް، އެއްޗެއް ގޮއްވައިލުމުގެ ސަބަބުން ނަޝީދަށް އަނިޔާވުމާ ގުޅިގެން ފުލުހުންގެ އެލާޓް ލެވެލް ތިނަކަށް މަތިކޮށް މާލޭގެ އެކި ސަރަހައްދުތަކުގައި ސިފައިން ހަތިޔާރާއެކު ފޯރިމަރަނީ: ނަޝީދަށް ހަމަލާ ދީފައި ވަނީ އެ މަނިކުފާނު ދިރިއުޅުއްވާ ގެކޮޅު ކަމަށްވާ ގ.ކެނެރީގެ ހުންނަ، ކެނެރީމަގުގެ ކޮޅުން މަޖީދީމަގުގައި ކުރީގެ އެމެޓީ ފިހާރަ ހުންނަ ކަންމަތިން. މި ހަމަލާގައި ނަޝީދުގެ މޫނުފުޅަށް ކޮންމެވެސް ވަރެއްގެ ޒަހަމްތަކެއް ލިބިވަޑައިގަތަސް ފުރާނފުޅަށް ނުރައްކާވާ ވަރުގެ އެއްވެސް ގެއްލުމެއް ލިބިވަޑައެއް ނުގަންނަވައި ކަމަށް ނަޝީދަށް ފަރުވާދެމުން އަންނަ އޭޑީކޭ ހޮސްޕިޓަލުން ވަނީ ބުނެފައި. އެ ސަރަހައްދު ބަންދުކޮށް ފުލުހުންނާއި ފުލުހުންގެ ފޮރެންސިކް ޓީމުން އަންނަނީ މި ހާދިސާ ހިނގި ސަރަހައްދުން ތަހުގީގަށް ބޭނުންވާ ހެކި އެއްކުރަމުން.-- ފޮޓޯތައް: ނިޝާން އަލީ /މިހާރު

މުހައްމަދު ނަސީމް، މިހާރު

07 މެއި 2021 - 13:37

3 comments

ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް މާލޭގައި ރޭ ދިން ހަމަލާގައި އެމަނިކުފާނަށް ލިބިފައިވާ ގެއްލުންތަކަށް ފަރުވާކުރުމަށް، މިހާތަނަށް ގިނަ ސާޖަރީތަކެއް ކާމިޔާބުކަމާ އެކު ކޮށްފައިވާ ކަމަށާއި އަދި އެއް ޕްރޮސީޖާ ކުރިއަށް ގެންދަން ޖެހޭ ކަމަށް އޭޑީކޭ އިން މިއަދު ބުނެފި އެވެ.

ނަޝީދުގެ ސިއްހީ ހާލުކޮޅާ ބެހޭ ގޮތުން އޭޑީކޭ އިން ކުރި ޓްވީޓެއްގައި ބުނެފައި ވަނީ ދެން އޮތީ ކޮންމެހެން ކުރިއަށް ގެންދަން ޖެހޭ އެއް ޕްރޮސީޖާ ކަމަށެވެ. އެއީ ސާޖަރީއެއް ކަން ނުވަތަ އެހެން ފަރުވާއެއް ކަމެއް ނުބުނެ އެވެ.

"މިހާރު" އަށް އެނގިފައިވާ ގޮތުގައި ނަޝީދުގެ ލިވަ އާއި ފުއްޕާމެޔަށް ވެސް ވަނީ ގޮއްވާލި އެތިން ބުރައިގެން ދިޔަ އެތިކޮޅުތަކުން ގެއްލުންވެފަ އެވެ. އެމަނިކުފާނުގެ މޭކަށިތަކަށް ވެސް ގެއްލުން ވެފައިވާ ކަމަށް މައުލޫމާތު އެނގޭ ބައެއް ފަރާތްތަކުން ބުންޏެވެ.

ނަޝީދުގެ އަރިސް ބައެއް ބޭފުޅުން ސޯޝަލް މީޑިއާގައި ހާމަކޮށްފައި ހުރި މައުލޫމާތަށް ބަލާއިރު ލިވަ އަށް ލިބުނު ގެއްލުމާ ގުޅިގެން ފެށި ސާޖަރީތަކަށް ކުރިން ލަފާކުރި ހަތް ގަޑިއިރަށް ވުރެ ވެސް އިތުރަށް ވަނީ ވަގުތު ހޭދަވެފަ އެވެ. .

ނަޝީދަށް ރޭ ބަޔަކު ހަމަލާދިނީ ނީލޯފަރު ހިނގުމުން ހިންގަވާފައި ވަޑައިގެން، ކާރުކޮޅަށް އަރާވަޑައިގަންނަަވަން އުޅުއްވަނިކޮށެވެ. އެއްޗެއް ގޮއްވާލައިގެން ދިން އެހަމަލާއަކީ ސީދާ ނަޝީދަށް އަމާޒުކޮށްގެން ދިން ހަަމަލާއެއް ކަން މިހައިތަނަށް ކުރި ތަހުގީގުން އެނގިފައިވާ ކަމަށް ފުލުހުން ބުންޏެވެ.

އެ ހަމަލާގެ ތަހުގީގަށް ފުލުހުންނަށް ލިބެން ހުރި ފޮރެންސިކް ހުރިހާ ވަސީލަތެއް ބޭނުންކުރަމުން އަންނަ ކަމަށާއި ތަހުގީގުގައި އޮސްޓްރޭލިއާ ފުލުހުން ބައިވެރިވެ އަދި އިނގިރޭސި ވިލާތުން ވެސް އެހީތެރިކަން ލިބޭ ކަމަށް ފުލުހުން ބުންޏެވެ.

ހަމަލާއާ ގުޅޭ ގޮތުން އެއްވެސް މައުލޫމާތެއް ލިިބިފައިވާ ނަމަ ފުލުހުންގެ ނަންބަރު 9704000 އަށް ގުޅައި އެކަން ހިއްސާކުރަން ފުލުހުން އެދޭ ކަމަށާއި ދޭ މައުލޫމާތު ސިއްރުކަން ހިފަހައްޓާނެ ކަމަށް ވެސް ބުންޏެވެ.

ފުލުހުން ހަމަނުޖެހުން ޓެރަރިޒަމް އޭޑީކޭ ހޮސްޕިޓަލް ޓެރަރިސްޓް ހަމަލާ ނަޝީދަށް ދިން ޓެރަރިސްޓް ހަމަލާ

3 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ށަވިޔަނި

07 May 2021

ތިހަމަލާ ދިން ބާވަތުގެ އެންމެން ހޯދާ ހިފާ ހައްޔަރުކޮށް ޖަލަށްލާ. ތިވާނީ ހަމަ ބާވަތެއްގެ ބައެއްގެ ހަޑިމުޑުދާރު ފިނޑި އަމަލެއްކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައި

07 May 2021

މިނަޝީދު ކަވަރުކޮށްގެން ހުރި ބޮޑީގާޑަށް ވުރެން ބޮޑުވަރު ނަޝީދަށްވެފައިވަނީ ކިހިނަކުންތޯ ބަލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަލަ

07 May 2021

ތިޔަ ހަމަލާ ދިން ބަޔަކު ތަހުޤީގަށް ހައްޔަރުކޮށްފައި ޖަލުގައި ދެތިން ދުވަހު ގެންގުޅެފައި ރަށުތެރެއަށް ދޫކޮށްލާ، އޭރުން ވެރިކަން ކުރެވޭ ކަމަށް ވާނީ. މިއީ ވާ ޤައުމެއް. އަމުނު ނުބެލެހެއްޓޭ ތަނެއް ތޮއްްޖައްސާ ސިޔާސަތު ގެންގުޅޭ ގައުމެއް މިނޫނީ ނުދެކެން. ކަނޑި ބަޑި އާއްމުން ގެންގުޅޭ ހިސާބަށް ނުގޮސް މިކަން މައިތިރި ކުރުމުގެ ޒިންމާ ބޭރުމީހުން ބޮލުގައި އަޅުވައިގެން ތިބެންވީތަ؟