10 މެއި 2021 - 13:46
11 comments
ލޯތްބާއި އޯގާތެރިކަމާ އެކު ކުޑަކުދިން ތަރުބިއްޔަތުކުރަން ޖެހޭނެ ކަމަށާއި އިހްތިރާމާއި ކިޔަމަންތެރިކަން ކުދިންނަށް ދަސްވާނީ އޭރުން ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
މިއަދު ފާހަގަކުރާ ރާއްޖޭގެ ކުޑަކުދިންގެ ދުވަހުގެ މުނާސަބަތުގައި ދުވަހުގެ ހެޔޮ އެދުމާއި ތަހުނިޔާ ފޮނުއްވައި ނެރުއްވި ހިތާބުގައި ރައީސް ވިދާޅުވި މުޖުތަމައުއަށް ބޭނުންތެރި، ބަސްވިކޭ ބަޔަކަށް ކުޑަކުދިން ހެދޭނީ އެ ކުދިންނާ މުއާމަލާތްކުރުމާއި ގޭތެރެ އާއި ބޭރުގައި އުޅޭއިރު ވެސް އެ ކުދިންނަށް ރީތި ނަމޫނާ ދެއްކި މިންވަރަކުންނެވެ.
އޯގާތެރިކަމާއި ކުލުނާއި ލޯތްބާއި އަޅައިލުމާއި އަދި އެކުވެރިކަން ފަދަ ދިރިއުޅުމުގެ އެންމެ މުހިންމު ސިފަތަކަށް އެކުދިން ހާނުވާއިރު، ހާއްސަ އިސްކަމެއް ދީގެން އިސްލާމްދީނުގެ ސައްހަ އަގީދާގެ މަތީގައި އެކުދިން ތަރުބިއްޔަތު ކުރުމަށް ވެސް ރައީސް އެދިވަޑައިގަތެވެ.
ކުޑަކުދިންގެ ހައްގުތައް ރައްކާތެރިކުރުމުގެ ގާނޫނަށް މިދިޔަ އަހަރު ކުރީކޮޅު އަމަލުކުރަން ފެށިކަން ފާހަގަކުރައްވަމުން ރައީސް ވަނީ ވިދާޅުވީ ސަރުކާރުން ކުޑަކުދިންގެ ހައްގުތައް ރައްކާތެރިކުރުމަށާއި އަދުލު އިންސާފު ހޯދައިދިނުމަށް މުހިންމު މަސައްކަތްތަކެއް ކުރާ ކަމަށެވެ.
ކުޑަކުދިންގެ ހައްގުތަކާ ގުޅިފައިވާ މައްސަލަތަކަކީ ހަމައެކަނި ގާނޫނަކުން ހައްލުކުރެވޭނެ ކަންކަމެއް ނޫން ކަމަށާއި އެއަށް ވުރެ މާ ފުޅާ ދާއިރާއެއްގައި އެކަމަށް މަސައްކަތް ކުރަންޖެހިފައިވާ ކަމަށް ވިދާޅުވި އެވެ. އެފަދަ މައްސަލަތައް ހައްލުކުރުމުގައި ސަރުކާރާއި ރައްޔިތުންގެ މަޖިލީހާއި ޝަރުއީ ދާއިރާ އަދި މުޅި ދައުލަތުގެ ބައިވެރިވުން ބޭނުންވާނެ ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންކާރި
11 May 2021
މިގައުމުގަ އިހްތިރާމް ކުރުން ގެއްލުނީ ކީއްވެތޯ ބަލަންޏާ އަމިއްލަ ޕާޓި އެކަމުގައި އަދާކުރި ދައުރާމެދު ވިސްނާލުން ބުއްދިވެރި
ގުޑުގުޑާ
10 May 2021
އެއްމެފުރަތަމަ ތިމާއިސްލާހުވާންވީ ދެއް އެހެއްމީހުއްގެވާހަކަދައްކައްވާނީ
ޗައިނަ
10 May 2021
ދިވެހިންނީ ޒަމާނުން ސުރެ އަހުލާގު ރަނގަޅުބައެއް. ފާޑެެގެ އެމްޑިޕީ ކިޔާ ޕާޓީއެއް އައިސް ޤައުމު ފުނޑާލަނީ.
ސަންޕައްތަ
10 May 2021
ތިޔަކަން ހަވާލުކުރަންވީ އެމްޑީއެން އާ. މިހާރުވެސް އެމީހުން ލައްވާ ނުރަސްމީކޮށް ތިޔަކުރަނީ އެކަމެއްނޫންތޯ..
ސަންޕަދަރި
10 May 2021
ތިޔަބޭފުޅުން ހާއްސަކޮށް ރީނދޫ މީހުން އިހްތިރާމް އާއި ގަދަރުގެ ވާހަކަ ދެއްކީމާ ބަނޑު ކައްކަނީ... މުޅިގައުމު ހަލާކުކޮށްފަ މުޅިގައުމާ ރައްޔިތުންގެ ގަދަރާއިއްޒަތް ހަރާބު ކޮށްފަ މިއަދު ތިޔަހެން ކީމަ އެނގޭ މީހަކު ލިޔެލާފަ ދިނީމަ ހަމަ ކިޔާލީކަން.. މާދަން މަގުމަށްޗަށް ނިކުމެ ތިބޭނީ ނަގޫއަނބުރަން.
ޔެސް
10 May 2021
ވެރިންނަށް ކުރާ އިހްތިރާމް ކަނޑުވާލި ބަޔަކަށް މިއަދު އެކަން މުހިއްމުވެފަ އެއޮތީ. މައުމޫނޭ ކިޔައިގެން ނުކިޔާކަށް އެއްޗެއް ނެތް، ނުކުރަހާކަށް ދަށުދަރަޖައިގެން ކާޓޫނެއް ނެތް. ހަދާނެ އެއްޗެއް ހަދާފަ މިހާރު ވާހަކަ ދެއްކިއަސް އެއޮތީ މާ ބޮޑަށް ވަގުތު ފާއިތުވެފައި. ކޮންމެ ހައްދަކަށް ގޮސްގެންވެސް ބޭނުންވާ ކަންތައް ކުރި. މިއަދު އެއްކަލަ ނުބައި ޑިކްޓޭޓަރާއެކީ ހަމަ އެތިބެނީ. އެއިރު ހެދި ގޯހެއް ނެތްފަދަ..
ފަހުދު
10 May 2021
ދިވެހިންގެ އިޖްތިމާއީ ފޭރާން ވީދާ ކުދިކުދިކުރި މީހުން ކީކޭތަ މިހާރު މިއޮއްގެން ކިޔަނީ؟
ބެލެނިވެރިންގެ އެދުމެއް
10 May 2021
ޢިއްޒަތްތެރި ރައީސް، އަދި އެޑިއުކޭޝަން މިނިސްޓަރަށް އިސްލާހު ކޮށްދެއްވުން އެދި ދަންނަވަން ސްކޫލް ޓެބް ތަކުގަ ޕޭރަންޓަށް ކޮންޓްރޯލް ނެގޭނެ ގޮތެއް ނެތް ސެކިއުރިޓީ އެހާމެ ދަށް ޓެބްތަކެއް ދީގެން، ނުވަދެވޭ ސައިޓެއް ނުކުރެވޭކަމެއް ނޯވެ. މިކަމަކާހެދި ކުދިން ގޭގަ ތިބެ ހަލާކުވަނީ. ބެލެނިވެރިންވެސް އެހާ ބިޒީ. 100% މުސްލިމު ގައުމެއްގަ ވިޔާނުދާ ސައިޓްތައް ބްލޮކް ކުރަންޖެހޭނެ ހުރިހަައި އެންމެނަށްވެސް ނުވެދެވޭހެން
ނުބެލޭ
10 May 2021
ޓެބްތަކުން ކުދިން އެކްސެސްވާ ސައިޓްތައް ނުބެލޭ ގޮތަށް ހުންނަނަމަ އެއީ އެޑިއުކޭޝަންގެ ވަރަށް ބޮޑު އިހުމާލެއް.
ބަހާއުއްދީނު
10 May 2021
ޢެކަން ކުރާނީ ހޯރައިއްބެ ކުރިގޮތައްތޯ
އަސްރަފް
10 May 2021
އަނެއްކާ އަނެއްކަންތައް