ރ. ދިގަލީގައި ހުޅުވާ މަތީ ފެންވަރުގެ ރިސޯޓަށް 380 މުވައްޒަފުން ހޯދަނީ

ރ. ދިގަލީ ހަދާ ރިސޯޓްގެ ވިލާއެއް: އަންނަ އޭޕްރިލް މަހު މި ރިސޯޓުގައި ތަފާތު އެކި ފެންވަރު 180 ވިލާ ހުރޭ. ފޮޓޯ: ޔުނިވާސަލް އެންޓަޕްރައިސަސް.

އަބްދުﷲ ޖަމީލު، މިހާރު

18 ނޮވެމްބަރ 2016 - 15:11

10 comments

ރ. ދިގަލީ އަންނަ އަހަރުގެ އޭޕްރިލް މަހު ހުޅުވާ މަތީ ފެންވަރުގެ ރިސޯޓަށް 380 ވަރަކަށް މުވައްޒަފުން ހޯދުމުގެ މަސައްކަތް ފަށައިފި އެވެ.

ރާއްޖޭގައި އެންމެ ގިނަ ރިސޯޓް ހިންގާ، ޔުނިވާސަލް އެންޓަޕްރައިސަސް ހިންގަން ފަށާ "ދިގަލި މޯލްޑިވްސް"ގައި ވަޒީފާ އަދާކުރަން ޝައުގުވެރިވާ ފަރާތްތަކަށް ކުރިމަތިލުމުގެ ފުރުސަތު މިހާރު ވަނީ ހުޅުވާލައިފި އެވެ. އެ ރިސޯޓް ހުޅުވަން ނިންމާފައި ވަނީ އަންނަ އަހަރުގެ އޭޕްރިލް އެއްވަނަ ދުވަހު އެވެ.

ރާއްޖޭގެ ކުންފުންޏެއް ކަމަށްވާ ކޮރަލް އެޖް ޕްރައިވެޓް ލިމިޓެޑުން ތަރައްގީކުރި ރިސޯޓްގެ ތިރީހަކަށް ދާއިރާއަށް މުވައްޒަފުން ހޯދަން ވަނީ ނިންމައިފަ އެވެ. އެގޮތުން ވެއިޓަރުންނާއި ރޫމް ބޯއިން އާއި އުޅަނދުފަހަރުގެ ކެޕްޓަނުންނާއި ފަޅުވެރިންނާއި ގެސްޓް ސާވިސް ޓީމް އަދި ފްރޮންޓް އޮފީސް މެނޭޖަރުންނާއި އެޗްއާރު ކޯޑިނޭޓަރުންނާއި އެކައުންޓެންޓުން ފަދަ މަގާމުތަކަށް މީހުން ހޯދަން އިއުލާންކޮށްފައިވެ އެވެ. އޭގެ އިތުރުން ވެސް ކައްކާ މީހުންނާއި އައިޓީ އަދި ރިޒަވޭޝަންސް އެޖެންޓުންނާއި ސްޕާ ތެރަޕިސްޓުން ވެސް އެ ރިސޯޓަށް ބޭނުން ވެގެން އިއުލާންކޮށްފައިވެ އެވެ.

ރިސޯޓެއްގެ ގޮތުގައި ތަރައްގީކުރަމުން އަންނަ ރ. ދިގަލި. މި ރިސޯޓް އަންނަ އަހަރުގެ އޭޕްރިލް މަހު ހުޅުވާނެ. ފޮޓޯ: ޔުނިވާސަލް ރިސޯޓްސް

ރ. މީދޫ ކައިރީގައި އޮންނަ ދިގަލި އަކީ ހިތްގައިމު ފަޅެއް އޮންނަ، ތަފާތު އެކި ކެޓަގަރީތަކުގެ 180 ވިލާ ހިމެނޭ ރިސޯޓެކެވެ. އެގޮތުން 19 ބީޗް ބަންގަލޯ އާއި 24 ވޯޓާ ވިލާ، 33 ބީޗް ޑިލަކްސް ބަންގަލޯ، 64 ބީޗް ވިލާ، ޕޫލާއެކު 20 ބީޗް ވިލާ، ޕޫލާއެކު 16 ލެގޫން ވިލާ، ޕޫލާއެކު 3 ބީޗް ސުއިޓް އަދި ދިގަލި ސުއިޓްގެ ނަމުގައި ހާއްސަ ސުއިޓެއް ވެސް ހުރެ އެވެ. އޭގެ އިތުރުން ޓޫރިސްޓުންނަށް ބޭނުންވާ ކެއިން ބުއިމުގެ ހިދުމަތް ދޭ ތަފާތު އަށް ރެސްޓޯރަންޓް އާއި ބާ ހުރެ އެވެ.

ދިގަލީގައި 12 ޓްރީޓްމަންޓް ރޫމް ހިމެނޭ ސްޕާއަކާއި މޫދު ކުޅިވަރުތަކާއި ޑައިވިން އަދި ފިޓްނަސް ސެންޓަރެއްގެ ހިދުމަތް ވެސް ލިބެންހުރެ އެވެ.

ރ. އަތޮޅުގައި މިހާރު ވެސް ދެ ރިސޯޓް ހިންގަމުން އެބަދެ އެވެ.

ޓޫރިޒަމް ވަޒީފާ ރިސޯޓްތައް

10 ކޮމެންޓް, 62 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރ.އަތޮޅުވެރިޔާ

10 March 2017

ރ. އަތޮޅުގަ 2 ރިސޯޓެއް ނޫން 3 ރިސޯޓް މިހާރުވެސް އޮޕަރޭޓް ކުރޭ .. މައުލޫމާތު ސާފު ކުރައްވާފަ ލިޔެލާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން އަޚްބާރު

19 November 2016

މީހުން އެތެރެކުރާނެ ރޫޓު އޮތީ ހުޅުވިފައި، ޕްރޮޕަގަންޑާއެއް! ތިބޭނީ ހުސް ބޭރުމީހުން، ތިމީހުންގެ ހަޤީޤަތް އަހަރުމެން ދަންނަން، ބޭރުމީހުން ވެސް އިމްޕޯޓް ކުރާނީ ސަރުކާރުތެރޭން. ފުރަތަމަ މަރުހަލާ ތިއޮތީފެށިފައި. ނޫހުގަޖެހުން. އިންޓަރވިއުއަށް ގެންގޮސްފަ ބުނާނެ ބޭނުމިއްޔާ އަންގާލާނަމޭ. ދެންގެންނާނީ ނިފާސް ކަމުގެ ސެޓްފިކެޓް ހިފައިގެން ތިބޭ ބޭރުމީހުން. އެމީހުންގެ ފެންވަރު ހުންނާނީ އިގިރޭސިބަހުން ބީއޭފާސް. ކިޔާނީ ޔޫކަމިންޓައިމް އައިބްރިންގް. ނިކަން މިހާރުވެސް ރިސޯރޓްތަކަށް ގޮސް ބައްލަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިކީ

19 November 2016

ދިވެހިރާއްޖެގެ ހުރިހާ ރަށްތަކެއް ކޮލިގޭ މީހުންނަށާއި އަފީފުގެ އައިލާ އަށާއި ލިލީގެ މައްލާ ނާސިރަށާއި ސަން ސިޔާމަށާއި ދެން އޮތްހާ ރަށެއް ވެސް ވިއްކާ ހުސްކުރާނެ. ކީކޭ ބުނާނީ. ލާހިކު ކުޅަދާނައެއް ނުވާނެ އާދައިގެ ވިޔަފާރިވެރިއަކަށް ރަށެއްދޭކަށް. ޒުވާން ވިޔަފާރިވެރިއަކަށް ތީގެން ރަށެއް ދުލެއް ނުކުރާނެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލިދު

19 November 2016

ސަރުކާރަކުންނޫން ރިސޯޓްތަށްހަދަން ފުރުސަތުދެނީ އަޅެއަަމިއްލައަށް ރިސޯޓެއް ހަދާބަލަ ސަރުކާރުން ހުއްދަނުދެނިސް އެއީހަމަ ސަރުކާރުން އުފައްދާ ވަޒީފާ މޮޔަވެ