ކުރީގެ މީޑީއާ ބްރީފިންއެއްގައި (ކ-ވ) އޭސީސީގެ ރައީސް ޝިއުނާ، ރިކަވަރީ ކޮމިޝަންގެ ރައީސް އަސްއަދު، ޕޮލިސް ކޮމިޝަނަރު ހަމީދު އަދި އެސިސްޓެންޓް ކޮމިޝަނަރު ރިޔާޒް ބައިވެރިވެވަޑައިގަންނަވަނީ.---ފޮޓޯ: ހުސައިން ވަހީދު/މިހާރު
13 މެއި 2021 - 22:58
10 comments
އެމްއެމްޕީއާރުސީގެ ބޮޑު ހިޔާނާތުގެ ތަހުގީގަށް އެންޓި ކޮރަޕްޝަން ކޮމިޝަން (އޭސީސީ) އިން އެސެޓް ރިކަވަރީ ކޮމިޝަނަށް ދޫކޮށްފައިވާ ހަތް މުވައްޒަފުން އޭސީސީގައި ތިބެގެން މަސައްކަތް ކުރަން ނިންމިޔަސް އެ ތަހުގީގުން އެ މުވައްޒަފުން ވަކި ނުކުރާނެ ކަމަށް އެ ކޮމިޝަނުން މިއަދު ބުނެފި އެވެ.
ރާއްޖޭގައި ފަހުގެ ތާރީހެއްގައި ހިންގި އެންމެ ބޮޑު ހިޔާނާތުގެ ތަހުގީގު އޭސީސީ އާއި އެސެޓް ރިކަވަރީ ކޮމިޝަން އަދި ފުލުހުން ގުޅިގެން ކުރަން ފެށުމާއެކު، އޭސީސީގެ ހަތް މުވައްޒަފަކު ވަނީ އެ ތަހުގީގުގެ ބޭނުމަށް އެސެޓް ރިކަވަރީ ކޮމިޝަނަށް ދޫކޮށްފަ އެވެ. އެ ހަތް މުވައްޒަފުން މިހާތަނަށް މަސައްކަތް ކުރަމުން އައީ އެސެޓް ރިކަވަރީ ކޮމިޝަންގައި ތިބެގެން ކަަމަށް ވިޔަސް މި މަހުގެ 23 އިން ފެށިގެން އެ މީހުން ނުކުންނާނީ އޭސީސީ އަށެވެ.
އެކަމަކު އެ މުވައްޒަފުން އަނބުރާ އޭސީސީ އަށް ގެންދަން ނިންމާފައިވާ ކަމަށް ބުނެ މީޑިއާގައި މިރޭ ދައްކާ ވާހަކަތަކާ ގުޅިގެން އެ ކޮމިޝަންގެ އިސް އޮފިޝަލަކު "މިހާރު" އަށް ވިދާޅުވީ، އޭސީސީގެ އޮފީސް ސަކީނާމަންޒިލް އަށް ބަދަލު ކޮށްފައިވާއިރު، އެ މުވައްޒަފުން އެ އިމާރާތުގައި ތިބެގެން މަސައްކަތް ކުރަން މާ ކުރިން އޮތީ އެސެޓް ރިކަވަރީ ކޮމިޝަނާއެކު އެއްބަސްވެފައި ކަމަށެވެ.
"އޭސީސީގައި ތިބެގެން އެ މުވައްޒަފުން މަސައްކަތް ކުރަން ފެށިޔަސް އަދިވެސް ކުރާނީ އެސެޓް ރިކަވަރީ ކޮމިޝަނުން ހިންގާ އެމްއެމްޕީއާރުސީގެ ހިޔާނާތުގެ ތަހުގީގުގެ ކަންކަން. އެ މީހުން އެސެޓް ރިކަވަރީ ކޮމިޝަންގައި ސްޓޭޝަން ވެގެން ތިބެގެން މިހާތަނަށް މަސައްކަތް ކުރަމުން އައީ ކުރިން އެގޮތަށް އެއްބަސްވެފައި އޮތީމާ،" އޭސީސީގެ އޮފިޝަލް ވިދާޅުވި އެވެ.
"އެކަމަކު، އަޅުގަނޑުމެންގެ އޮފީސް ސަކީނާމަންޒިލް އަަށް ބަދަލުކޮށް، ޖާގަ ވެސް ތަނަވަސްވުމުން އެސެޓް ރިކަވަރީ ކޮމިޝަނާ ވެސް ވާހަކަ ދެއްކެވިގެން ނިންމީ އޭސީސީގައި ސްޓޭޝަން ވެގެން ތިބެއޭ ދެން މަސައްކަތް ކުރާނީ،" އޭސީސީގެ އޮފިޝަލް ވިދާޅުވި އެވެ.
އޭނާ ވިދާޅުވި ގޮތުގައި އެމްއެމްޕީއާރުސީގެ ހިޔާނާތުގެ މައްސަލަ އެ ތިން އިދާރާ އިން "ޖޮއިންޓް އިންވެސްޓިގޭޝަން" އެއްގެ ގޮތުގައި ކުރިއަށް ގެންދާއިރު، އެ ތަހުގީގުގައި އެންމެ އިސް ދައުރެއް އަދާކުރާ ފުލުހުން ވެސް މަސައްކަތް ކުރަނީ އެސްޓް ރިކަވަރީ ކޮމިޝަންގައި ސްޓޭޝަން ވެ ތިބެއެއް ނޫނެވެ.
"އެހެންވީމާ މިކަމުގައި ވަކި ތަފާތެއް އަޅުގަނޑަކަށް ނުފެނޭ،" އޮފިޝަލް ވިދާޅުވި އެވެ.
އޭނާ ވިދާޅުވީ، އެމްއެމްޕީއާރުސީގެ ހިޔާނާތުގެ މައްސަލަ ބަލާ ތަހުގީގު ޓީމުގައި ހިމެނޭ އޭސީސީގެ މުވައްޒަފުން އޭސީސީގައި ތިބެގެން މަސައްކަތް ކުރާ ގޮތަށް އޮތީ މާކުރިން ނިންމައިފައި ކަމަށެވެ.
"އެއީ ދެ ފަރާތުން މަޝްވަރާކޮށް ނިމިފައިވާ ކަމެއް،" އޮފިޝަލް ވިދާޅުވި އެވެ.
އެމްއެމްޕީއާރުސީގެ ހިޔާނާތުގައި ބައިވެރިވި ކަމަށް ބުނާ 200 އަށް ވުރެ ގިނަ މީހުންގެ ނަން ހިމެނޭ ލިސްޓެއް އެސެޓް ރިކަވަރީ ކޮމިޝަނުން ރައްޔިތުންގެ މަޖިލީހުގެ އިދާރާ އަށް ދޫކުރުމުން، އެ ލިސްޓް ދިރާސާކުރި ކޮމިޓީން ފާސްކޮށް، ލިސްޓް ވަނީ އާންމުންނަށް ދޫކޮށްލައިފަ އެވެ. އެކަމަކު، ލިސްޓުގައި ހިމެނޭ ގިނަ މީހުންގެ ތަހުގީގު އަދިވެސް ނުނިމެ އެވެ. ތަހުގީގު ނުނިމޭ އަދި ގިނަ މީހުންނާ މިހާތަނަށް ސުވާލެއް ވެސް ނުކޮށް، އެ މީހުންގެ ނަންތައް ހާމަކުރުމުން ގިނަ ބައެއްގެ ފާޑުކިޔުން ވަނީ އަމާޒުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަތްނެތްކުއްޖާ
14 May 2021
ބޮޑު ވައްކަމުން ފައިސާ ފޮއްޗެއްގެ މިންވަރުވެސް މި ނުލިބުނީ ނިކަމެތި ފަޤީރު މީހާއަށް ދޮތަ! އެކަމަކުވެސް އެ ސޮރުގެވެސް ޙިއްސާވާ ޙަޒާނާ ތަކުން ނާއި ރައުސުލްމާލުން ދޮތަ އެވެރިން އެބުނާ ވައްކަމެއް އެކުރީ! ޔަޤީނުންވެސް އެސޮރެއް ދުވަހަކުވެސް އެފަދަ ބަޔަކަށް މަޢާފެއް ނުކުރާނެކަން ޔަޤީން. އެސޮރުގެ ދަރިން ނާއި ދަރިންގެ ދަރިންގެ ޙައްޤު ތަކަށްވެސް އެފަދަ މީހުން އެތިބީ އަރައިގަނެގެން ދޮތަ!
އިބްރ
14 May 2021
ރާއްޖޭގެ ދައުލަތް އެމްޑީޕީން އޮރިޔާންކުރަނީ. ނާޤާބިލް ބަޔަކަށް ވެރިކަން ދިނީމާ ވާނެ ހައެތި މިވަނީ
ައިބުރޭ
14 May 2021
ތިން އަހަރާ ގާތްވަނީ. އަދިވެސް އިންފޮމޭސަން އެއްކުރަނީ. ޥެދުންސަލާމް.
ޝަފީރު
14 May 2021
އަނިޔާވެރި މަސައްކަތްތަކެއް ކުރުމަށް ހަވާލުވެ ތިއްބެވި ބޭފުޅުންކޮޅެއް. ތިބޭފުޅުންގެ މަސައްކަތުން ހޯދާ ކަންކަމުގެ އަލީގައި އެއްބަޔަކު ރައްކާކޮށް ފޮރުވަދީ އަނެއްބަޔަކަށް އަނިޔާކޮށް ޤައުމު ފިތުނަ ވެރިކުރުވުން އޮތީ.
ވީގޮތަކީ
14 May 2021
ކޮންބޮޑު ހިޔާނާތެއްތަ. ޙިޔާނާތް ވާނީ ހިޔާނާތައް. ކަރަޕްޝަން ވާނީ ކަރަޕްޝަންށް. މޭޔާ ޝިފާއަށް ދައުވާ ކުރެވޭވަރަށް ހެކިހުރިއިރު ތި ރިބެނީ ކީއްވެފަ ހޭ
ރަދުން999
14 May 2021
މިހާރު ވަރަށް ސާފު ތިޔަ ތަހްގީގު ދާގޮތް. އެންމެ އިސްކޮށް އުޅޭ ޕޮލިސްވެސް މަސައްކަތް ކުރަނީ ކޮމިޝަނުގައި ތިބެގެން ނޫން. ޢޭސީސީ ވެސް މަސައްކަތް ކުރަނީ ކޮމިޝަނުން ބޭރުގައި ތިބެކަމަށްވަނީ. ހީވާގޮތުގައި ކޮމިޝަން މެމްބަރުންވެސް ކޮމިޝަނުން ބޭރުގައި ތިބެގެން. ތަހްގީގު އެހާ ބާރަށް ފުރިހަމައަށް ކުރިޔަށް ތިދަނީ އެހެންވެ. ތަހްގީގަށް ކޮމިޓްމެންޓް ދެވޭލެއް މާބޮޑީ. މަސައްކަތް ގޯހެއްނޫން ގިނަ ބައެއްގެ އަބުރު ކަތިލެވިއްޖެ.
ލައިލަކް
14 May 2021
މިމައްސަލަ ބަލާ ޝަރީއަތަށް ފޮނުވުމާއި ހަމައަށް ކުރަންޖެހޭ މަސައްކަތް ކުރުމުގައި ފުލުހުންނާ އެސެޓްރިލަވަރީ ފެއިލްވެފައިވާކަން މީ އެންމެންދަންނަ ހަގީގަތެއް. ތިތާގަ ތިހުންނަ ރިޔާޒް އިސްވެހުރެގެން މިހާތަނަށް ފުލުހުން ކުރި ތަޙްޤީގެއްގައި ފުރިހަމަ އިންސާފެއް ލިބުންތަނެއް ފެނިފައިނެތް. މިމައްސަލަ ބެލުމަށް ބޭރުގެ ފަރާތަކާއި ހަވާލުކުރުން ބުއްދިވެރި
ޕަވީލީ
13 May 2021
އޭސީސީ އަދި ތިޔަ ކޮމިޝަންތަކަކީ ސީދާ ހަރުބީ އެމްޑީޕީގެ ތެރޭގައިވާ މޫލާފައިވާ ކަރަޕްޝަންގެ ބޮޑުން ނަންތަކެއް ދީގެން އައްޔަން ކުރި ވަޒީފާއަށް ސަލާންޖަހަން މެންބަރުން ކައިރިއަށް ދުވި ބައެއް. މިކަން ސިޔާސީ ކަންކަން ގާތުން ބަލަމުން ދާ މީހުންނަށް ސާފުވާނެ! ދެން ތިޔަ ދެތަނުން ނުކުންނާނެ އެއްޗެއްސާއި ނުނުކުންނާނެ އެއްޗެހި ސާދެއްތޯ؟
ޗޮސްބެ
13 May 2021
ބަލަ ތީން ކޮންމެ މީހަކުވެސް ބުނާނެ އަދީބު ދިން ފައިސާޔަކީ ވަގުފައިސާކަމެއް ނުދެނެހުރީމޭ. ދެން ކިހިނެއް ސާބިތުކުރާނީ.
އިސްތިއުފާ
13 May 2021
އޭސީސީގެ ރައީސް އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ އިސްތިއުފާ