ކުރީގެ ރައީސް ނަޝީދަށް ދިން ހަމަލާ އަށް ފަހު ސިފައިން ހަތިޔާރާ އެކު: އައްޑޫގައި ވެސް އަންނަނީ ބޮޑު އޮޕަރޭޝަނެއް ހިންގަމުން -- ފައިލް ފޮޓޯ: މިހާރު
15 މެއި 2021 - 13:47
8 comments
ފުލުހުންނާއި ސިފައިން ގުޅިގެން އައްޑޫގައި ކުރިއަށް ގެންދާ ޓެރަރިޒަމާ ދެކޮޅު ބޮޑު އޮޕަރޭޝަނެއްގައި ހަތް މީހަކު މިއަދު ހައްޔަރުކޮށްފި އެވެ.
އައްޑޫން ބަޔަކު ހައްޔަރުކޮށްފައިވާ ކަމަށް ފުލުހުންގެ މީޑީއާ އޮފިޝަލް ވިދާޅުވި ނަމަވެސް އެކަމުގެ ތަފުސީލެއް އަދި ނުދެއްވަ އެވެ.
އެނގިފައިވާ ގޮތުގައި މިއީ ކުރީގެ ރައީސް އަދި ރައްޔިތުން މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން މި މަހުގެ ހަ ވަނަ ދުވަހުގެ ރޭ މާލޭގައި ދިން ޓެރަރިސްޓް ހަމަލާއާ އަށް ފަހު، ފުލުހުންނާއި ސިފައިން ގުޅިގެން ކުރިއަށް ގެންދާ ޓެރަރިޒަމާ ދެކޮޅު ހަރަކާތެކެވެ.
މާލޭގެ އިތުރުން ބައެއް ރަށްރަށުގައި ވެސް ފުލުހުންނާއި ސިފައިން ހަތިޔާރާއެކު ފޯރިމަރަމުން އަންނަ ކަމަށް މިދިޔަ ބުރާސްފަތި ދުވަހުގެ ރޭ އެމްއެންޑީއެފުން ވަނީ ބުނެފަ އެވެ.
ނަޝީދަށް ހަމަލާ ދިނީ ގެކޮޅު ގ. ކެނެރީގެއިން ނުކުމެވަޑައިގެން ކާރުކޮޅަށް އަރައިވަޑައިގަންނަވަނިކޮށް މި މަހުގެ ހަ ވަނަ ދުވަހުގެ ރޭ 8:30 ހާއިރު އައިއީޑީއެއް ގޮއްވާލައިގެންނެވެ. ހަމަލާގައި ނަޝީދަށް ލިބުނު ސީރިއަސް ޒަހަމްތަކާ ގުޅިގެން އޭޑީކޭ ހޮސްޕިޓަލުގައި ބޮޑެތި ސާޖަރީތަކެއް ހެދުމަށް ފަހު މިހާރު ވަނީ އިތުރު ފަރުވާ އަށް ޖަރުމަނަށް ވަޑައިގެންފަ އެވެ.
ނަޝީދު އަވަހާރަކޮށްލަން އައިއީޑީ ގޮއްވާލައި ދިން ހަމަލާއާ ގުޅިގެން މިހާތަނަށް ތިން މީހަކު ހައްޔަރުކޮށް، އެކަމާ ގުޅޭ ގިނަ މައުލޫމާތުތަކެއް ފުލުހުން ވަނީ އާންމުކޮށްފަ އެވެ. އަދި ތަހުގީގަށް ބަންދުގައި ބައިތިއްބަން ވަނީ ކޯޓުން 15 ދުވަހުގެ މުއްދަތެއް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަސްޓިސް ވޮރިއަރ
16 May 2021
ލ.ގަމުގައިވެސް ހަރުކަށި ފިކުރު އިންތިހާއަށް ފަތުރާ މީހުން އެބަތިބި. ވަކި ޖަމާއަތް ހަދައިގެން ނަމާދުކުރުމާއި މުޖުތަމަޢުގައި އުޅޭ ކުށްކުރާ މީހުން ބްރެއިން ވޮޝްކޮށްގެން އެ މީހުންގެ ބައިގަނޑަށް ވައްދާ. މި ފަހުން ސުމާ ގެއްލުވާލި މައްސަލައިގައި ހިމެނޭ އިބްރާހީމް ފަޟީލްއާއި ނިޒާރު މަރު މައްސަލައިގައި ދަޢުވާކުރި މީހަކުވެސް އުޅެނީ އެ ގުރޫޕާއެކު. މީ ވަރަށް ނުރައްކާހުރި ނިޝާނެއް. މި ކުދިން ލައްވާ އެމީހުން ކޮންމެ ފަދަ ކަމެއްވެސް ކޮށްފާނެ.
ޒުއްބަ
15 May 2021
ހަމަ ތިޔަގޮތަށް ފުލުހުންނާ ސިފައިން މޫނު ނިވާކޮށްގެން ނިކުމެ މަރުތަކުގެ އަޑީގަ ތިބި މީހުން ހޯދަނީކަމަށް ބުނެ ބަޔަކު ހައްޔަރު ކުރި އެވެސްވީި ޖަމަލު ފޮޑިއަކަށް
ބިލް ކުލިންޓަން
15 May 2021
ހައްޔަރުކުރާނެ. އަދި އެއަށްފަހު ދެދުވަހެއްތެރޭގާ ދޫވެސްކޮށްލާނެ.
ޕާޓޭންގެ މިނިވަންކަން
15 May 2021
އަހަރަމެން މިއުޅެނީ މިއުޅޭ ޕާރޓޭންނާއި ހެދީ ގޭގައި އުޅެންނުކެރި ގޭގައިއުޅެން ދަތިވެގެން އަޅެކީއްވާނީ ހަމަތިގޮތަށް އެމީހުންތައް ހޯދާ ހައްޔަރުކުށް ކުށެއްނެތް ޢާއްމުރައްޔިތުންނަށް ހަމަޖެހިލައިގެން އުޅެ ނިދަންކެރޭނެގޮތް ހަދައިދިނިއްޔާ. އެމީހުންއެދަނީ މިނިވަންކަމާއިއެކު އައްޓިތައްހަދައިގެން އެވިއްކާ އަދި އެތަންތާނގައި ބޮމުން އެމީހުންނާއިދިމާލަށް ބަލާލިމީހަކަށްވެސް ހަމަލާދީ ކަތިލަމުން. އެކަމަކު އެކަންބަލާ ހުއްޓުވަން ނިކުންނާނެ އިދާރާއެއް ނެތް
އަފްޣާނިސްތާނުގެ ހާމިދު ކަރުޒާއީ
15 May 2021
އައްޑޫގާ އުޅޭކަމަށްކިޔާ މުހައްމަދު "އައުލާކީ"އެއް. "ޖިހާދަށް" ފުރުމުގެކުރިން "މުޖާހިދު" އެންމެފަހުން ބައްދަލުކުރާމީހާއަކީ އޭނާކަމަށްބުނޭ. މިއައުލާކީ ހައްޔަރުކުރެވުނުބާ؟
ރެޑްބިއާޑް
15 May 2021
އަސްތައްވެސް ހައްޔަރު ކުރާތި!
އިންޓެލިޖެންޓް
15 May 2021
ތިކަހަލަ އިންޓެލިޖެންސް... ބަތްކައްކާ އިންޓެލިޖެންސް..
އަރުތަ
16 May 2021
ތިޔަ އިންޓެލިޖެންސް އޮއްވާ މިހުރިހާ ކަމެއްވެސް މިވަނީ، ފިނިފެންމާ ލޯންޗުގަ ފަޓާހެއް ގޮއްވަލީވެސް ހަމަ ތިޔަ އިންޓެލިޖެންސް އޮއްވާ، ދެރަކަމެއްދޯ.