ނަޝީދު، އިއްޔެ ޖަރުމަނުގައި (ކ) އެ މަނިކުފާނާއެކު އެ ގައުމަށް ވަޑައިގެންނެވި އަހުމަދު ޝާހިދު (ސާބެ) އާ އެކު ހިންގާލައްވަނީ.
17 މެއި 2021 - 10:58
36 comments
އެ މަނިކުފާނުގެ ފުރާނަދުއްވައިލަން ދިން ޓެރަރިސްޓް ހަމަލާ އަށް ފަހު ވެސް ރައްޔިތުން އެދޭ ގޮތަށް މަސްއޫލިއްޔަތު އަދާކުރެއްވުމުގައި ދެމިހުންނަވާނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
މަޖިލީހުގެ މި އަހަރުގެ ދެވަނަ ދައުރު ފަށައި، މިހާރު ކުރިއަށް ގެންދާ ޖަލްސާ އަށް ފޮނުއްވި މެސެޖެއްގައި ނަޝީދު ވިދާޅުވީ، އިރާދަކުރެއްވިއްޔާ މަޖިލީހުގައި އިސާހިތަކު ބައިވެރިވެވަޑައިގަންނަވާނެ ކަމަށާއި ރާއްޖޭގެ ރައްޔިތުންނާ ބައްދަލު ވެސް ކުރައްވާނެ ކަަމަށެވެ.
"މާތް ﷲގެ ހެޔޮ ރަހުމަތްފުޅާ އެކު ތިޔަ ބޭފުޅުން ތިޔަ އެދިވަޑައިގަންނަވާ ގޮތަށް އަޅުގަނޑުގެ މަސްއޫލިއްޔަތު އަދާކުރުންމަތީ ހިތްވަރާ އެކު ދެމިހުންނާންނަން،" މެސެޖްގައި ނަޝީދު ވިދާޅުވި އެވެ.
ނަޝީދު އަވަހާރަ ކޮށްލަން މި މަހުގެ ހަ ވަނަ ދުވަހުގެ ރޭ ދިން ޓެރަރިސްޓް ހަމަލައިގައި އޭޑީކޭ ހޮސްޕިޓަލްގައި ބޮޑެތި އޮޕަރޭޝަންތަކެއް ކުރުމަށް ފަހު، އިތުރު ފަރުވާ އަށް އެ މަނިކުފާނު މިހާރު ހުންނެވީ ޖަރުމަނުގަ އެވެ.
ނަޝީދުގެ މެސެޖުގައި ވިދާޅުވީ، އެ މަނިކުފާނުގެ ފުރާނަ ދުއްވައިލަން ދިން ހަމަލަ އަށް ފަހު، މި ނުރައްކާތެރި، ބިރުވެރި ހާލަތުގައި ވެސް ރައްޔިތުންގެ މަޖިލީހުގެ މަސްއޫލިއްޔަތު އަދާކުރެއްވުން މަތީގައި މެމްބަރުން ތިއްބަވާނެ ކަމާ މެދު ޝައްކު ނުކުރައްވާ ކަމަށެވެ.
"ގައުމުގެ މަސްލަހަތު އިސްކުރައްވައި، ދިވެހި ރައްޔިތުންގެ ރައްކާތެރިކަމާއި ލާބަ އާއި މަންފާ އަށް މަސައްކަތް ކޮށްދެއްވާނެކަން އަޅުގަނޑަށް ޔަގީން،" އެ މަނިކުފާނު ވިދާޅުވި އެވެ.
ނަޝީދަށް ދިން ޓެރަރިސްޓް ހަމަލައިގެ ތުހުމަތަށް މިހާތަނަށް ތިން މީހަކު ހައްޔަރުކޮށް، ތަހުގީގު ކުރިއަށް ގެންދާއިރު އެ މައްސަލައިގެ މާ ބޮޑު ތަފުސީލެއް ފުލުހުން އަދި ނުދެ އެވެ. ފުލުހުން ބުނެފައިވާ ގޮތުގައި އެ ޖަރީމާ ހިންގީ ދީނީ ގޮތުން ހައްދު ފަހަނައަޅާފައިވާ ފިކުރަށް ތަބާވާ ބައެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
17 May 2021
އިއްޒަތްތެރި ރައީސް. ހަމައެކަނި މަސްއޫލީއްޔަތު އަދާކުރުމުގައި "ދެމިހުރުމުގެ ބަދަލުގައި" އަވަސް ކަމާއިއެކުގައި ރައްޔިތުން އިސްކޮޅަށް ދެމިގަތުމަށްޓަކާ ކުރާންޖެހޭ މައިގަނޑު ކަންކަން ފުރިހަމަކޮށްދިނުމަށްޓަކާ ލާމަރުކަޒީ ޤާނޫނުގައިބުނާ އެންމެހާކަންކަން މަޖިލީހުގެ ތެރެއިން ފުއްދަވާ ދެއްވާ. # އަދި ރާއްޖެ އިދާރީ ޤާނޫނީ 3 ރީޖަނެއްގެ މައްޗަށް ހިންގޭނެ ގޮތަކަށް ދައުލަތުގެ ބަޖޭޓް ފަރުމާކުރުމަށް ސަރުކާރަށް އަންގާ މަޖިލީހުން އެގޮތަށް ބަޖޭޓް ފާސްކޮށް ދެއްވަވާ.
ކަޑަ
17 May 2021
މި އުނދަގުލުން ދިވެހިން ސަލާމަތްވަނީ އަޅޭ ކޮންދުވަހަކުން
ދަރަނި ދަންތުރަ
17 May 2021
ނަސީދު ކުރި ހިދުމަތްތަށް އެއްމެ ރަނގަޅަށް އެނގޭނީ މައުމޫނަން ނޫސްވެރިން މައުމޫނު އާ ސުވާލު ކޮށްލަބަލަ ....
ގެދާނޯމޮސް
17 May 2021
އިނގިރޭސީވިލާތުގަ ހުރިނަމަ ތިއިބާރާތުން ބަސްމަގު ނުބެހެއްޓޭނެއެވެ.
1828
17 May 2021
މަސްއޫލިއްޔަތެއް ނޫން. އަމިއްލަ އެދުމާއި އާރާއިބަރު ގައި ހުންނަން ބޭނުންވަނީ. 2004ން ފެށިގެން ކުރަމުން އައީ ކުރިން މިބުނި ކަންތައް. ނަޝީދަކީ ދިވެހި ރައްޔިތުންގެ ތެރޭގައި މަޤުބޫލް މީހެއްނޫން. އެމްޑީޕީ ތެރެއިންވެސް ނަޝީދުގެ ނަން އެދަނީ ދުވަހެއް ދުވަހަކަށް ފަނޑުވަމުން. ނަޝީދަކީ ރަތްލާ ޖެހި ހުދުމުހާތު ވެރިއެއް.
ރަންބުއްދި
17 May 2021
އެންމެން ރައީސް ނަޝީދާއި ދިމާކޮށްލައިގެން ނޫޅޭ. ޢެމަނިކުފާނު ޤައުމަށް ކޮށްދެއްވިހިދުމަތްތައް އެހާއަވަހަށް ހިތުން ފިލައިގެން ދިޔައީތޯ؟ ރައްޔިތުންނަށްޓަކައިި އެމަނިކުފާނު ކޮށްދެއްވި ކަންތައްތަކު ގެ ބަދަލުގައި މި ލިބުނީި ޓެރަރިސްޓު ޙަމަލާއެއް! ދިވެހިން މީި ކޮންކަހަލަ ބައެއް؟
ބަގުޑި
17 May 2021
ކީއްކުރަނީ ގިނަ ދިވެހިން މިއަދު ހަދާނެށްނެތް ރަން 30 އަހަރު އުޅުން ގޮތެއް. މިދައްކަނީ އަދި އެންމެ 14 ވަރަކަށް އަހަރު ކުރީގެ ވާހަކަ.
4563
17 May 2021
ކޮން ޚިދުމަތެއްތޯ މަނިކްފާނު މި ޤައުމަށް ކޮއްދެއްވީ.
ބަގުޑި
17 May 2021
މޭޒު ދޮށުގަ ފިލާއޮވެ ތިހެން ކޮމެންޓެއް ލިޔެލަން ވަރަށް ފަސޭހަދޯ ... ކެކެކެ.
1828
17 May 2021
2012 ފެބްރުއަރީ 08ގައި ޖެހި ބޮޑު ހުޅު.
މޮހިތު
17 May 2021
ދިވެހިން މައި މީހާ މަތިންވެސް ހަނދާން ނެތޭނެ މާގިނަދުވަސް ވެއްޖެއްޔާ!
ހާދަހެޔޮފުޅު
17 May 2021
މަނިކުފާނުގެ ޚިދުމަތްތައް ބޮޑުކަމުން ގޮސް އެންމެ ފަހުން ކެނެރީގޭ ހުންނަ މަގުން ދުއްވާ އެއްޗަކަށް ނުދުއްވޭ. ރައީސުލްޖުމްހޫރިއްޔާގެ އޮފީސް ވަށައިގެން ދުއްވާ އެއްޗެހި ދުއްވޭ. މީ ދެން ފުކެއް ބޮޑުވަރު.
ބަގުޑި
17 May 2021
ކެނެރީގެ ހުންނަ ގޯޅިން ދުއްވޭ ... ޕާކު ނުކުރެވެނީ.
އިބްރ
17 May 2021
މާލެއިން ފުރާވަޑައިގެންނެވިއިރު ކުރަންހުރި ހުރިހައި އޮޕަރޭޝަނެއްވެސް ވަނީކޮށްފައެވެ. ނަމަވެސް ބޯ އޮޕަރޭޝަން ކުރައްވަން އިސްތަށިފުޅު ބާލުއްވާފައި ނުވެއެވެ. ނަމަވެސް ޖަރުމަނަށް ވަޑައިގެން ބޯ ބާލުއްވާފައިވަނީ މިއީ ކިހިނަކުން ވީކަމެއްތޯ؟
މޫސަ
17 May 2021
ފަހުރޭ ކޮންމެ އެއްޗެއް ލިޔުނަސް ހަގީގަތަކީ އެއީ. ޕާޓީ ކުރިއަރުވަން ބޭނުން ގޮތެއްހެދީ . އޭގެ ނަތީޖާ އަކީ ރައްތަކައް ކޮވިޑު ފެތުރުން. ތީ ރީދޫ ... އެފިކުރު ހުރިމީހަކު ގަބޫލެއްނުކުރާނެ.