އަނެއްކާވެސް އައިޖީއެމްއެޗުން ބޮޑެތި ހިދުމަތްތަކެއް، މި ފަހަރު ދަރިމައިވުމާއި ކިޑްނީގެ ބަލިތަކަށް ހާއްސަ

އައިޖީއެމްއެޗުގައި އަލަށް ހުޅުވި ސެންޓަރުން މިއަދު ބަޔަކު ފަރުވާ ހޯދަނީ: ދަރިމައިވުމާއި ކިޑްނީގެ ބަލިތަކާއި ކުޑަކަމުދާ ނިޒާމުގެ ބަލިތަކަށް މި ސެންޓަރުން ފަރުވާ ދޭ-- ފޮޓޯ: މުހައްމަދު ޝަރުހާން/ މިހާރު

އާމިނަތު ޝިފްލީން، މިހާރު

20 ނޮވެމްބަރ 2016 - 12:21

17 comments

ދަރިމައިވުމުގައި ދިމާވާ މައްސަލަތަކާއި ކިޑްނީގެ ބަލިތަކާއި ކުޑަކަމުދާ ނިޒާމުގެ ހާއްސަ ބަލިތަކަށް ފަރުވާ ދޭ، ވަކި ސެންޓަރެއް އައިޖީއެމްއެޗުގައި މިއަދު ހުޅުވައި ހިދުމަތް ދޭން ފަށައިފި އެވެ.

ދަރިމައިވުމުގައި ދިމާވާ މައްސަލަތަކާއި ކިޑްނީގެ ބޮޑެތި ބަލިތަކަށް އެ ހޮސްޕިޓަލުގައި އަލަށް ފަރުވާ ދޭން ފެށި ނަމަވެސް ކުޑަކަމުދާ ނިޒާމުގެ ބަލިތަކަށް ކުރިން އެތަނުގައި ފަރުވާ ދިނެވެ. އެކަމަކު އެ ހިދުމަތް މެދުކެނޑިފައި އޮންނަތާ ވަރަށް ގިނަ ދުވަސް ވެއްޖެ އެވެ.

އިންޑިއާގެ އެންޔޫ ހޮސްޕިޓަލާ ގުޅިގެން، "ނެޝަނަލް ޔޫރޯ ރީނަލް އެންޑް ފާޓިލިޓީ ސެންޓަރު"ގެ ނަމުގައި އަލަށް ހުޅުވި ސެންޓަރުގައި އެ ހޮސްޕިޓަލުގެ ޑޮކްޓަރުން ވެސް ފަރުވާ ދެ އެވެ.

އައިޖީއެމްއެޗުގެ ޕަބްލިކް ރިލޭޝަންސް އެންޑް މީޑިއާ ޔުނިޓުގެ ޑިރެކްޓަރު އަހުމަދު މައުސޫމް ވިދާޅުވީ ކުޑަކަމުދާ ނިޒާމުގެ ބަލިތަކަށް ފަރުވާ ދިނުމަށް ނަން ނޯޓުކުރަން ހުޅުވާލި ފުރުސަތުގައި 260 އަށް ވުރެ ގިނަ މީހުން ނަން ނޯޓުކުރި ކަމަށެވެ. އެހެންވެ ދެ ޝިފްޓަކަށް ބަހާލައިގެން ދުވާލަކު 40 މީހުންނަށް އެތަނުން ހިދުމަތް ދޭނެ ކަމަށް އޭނާ ވިދާޅުވި އެވެ.

އައިޖީއެމްއެޗުގައި އަލަށް ހުޅުވި ސެންޓަރުގައި މިއަދު މަސައްކަތް ކުރަނީ: ދަރިމައިވުމާއި ކިޑްނީގެ ބަލިތަކާއި ކުޑަކަމުދާ ނިޒާމުގެ ބަލިތަކަށް މި ސެންޓަރުން ފަރުވާ ދޭ.--- ފޮޓޯ: މުހައްމަދު ޝަރުހާން/ މިހާރު

ކުޑަކަމުދާ ނިޒާމުގެ ބަލިތަކަށް ހާއްސަ އެޕޮއިންޓްމެންޓް ޑިސެމްބަރު 8 އާ ހަމައަށް ވަނީ ފުލްވެފަ އެވެ.

މައުސޫމް ވިދާޅުވީ އެ ބައްޔަށް އައިޖީއެމްއެޗުން ފަރުވާ ނުކުރެވޭތީ ގިނަ މީހުން ދާން ޖެހެނީ ރާއްޖޭން ބޭރަށް ކަމަށާއި އެކަމަކު މިހާރު ރަނގަޅު ވަސީލަތްތަކަކާ އެކު، ވަކި ސެންޓަރެއް ގާއިމްކުރުމުން އޭގެ ފަސޭހަ ގިނަ ބަޔަކަށް ލިބޭނެ ކަމަށެވެ.

މި ސެންޓަރުގައި ފަރުވާ ދެނީ ސުޕަ ސްޕެޝަލިސްޓް ޑޮކްޓަރުންނެވެ.

މައުސޫމް ވިދާޅުވި ގޮތުގައި ކިޑްނީގެ ބަލިތަކަށް ކުރިން ނުދޭ ގިނަ ފަރުވާ ތަކެއް މިހާރު ލިބޭނެ އެވެ.

ކިޑްނީގެ ބަލިތަކަށް އެ ސެންޓަރުގައި ސުޕަ ޝްޕެލިސްޓް ޑޮކްޓަރު އިބްރާހިމް ޝިހާމްގެ އިތުރުން ވެސް ހާއްސަ އެހެން ޑޮކްޓަރުން މަސައްކަތް ކުރައްވާނެ ކަމަށް އައިޖީއެމްއެޗުން ބުނެ އެވެ.

އައިޖީއެމްއެޗުގައި އަލަށް ހުޅުވި ސެންޓަރުން ހިދުމަތް ހޯދުމަށް މިއަދު ދިޔަ ބައެއް މީހުން: ދަރިމައިވުމާއި ކިޑްނީގެ ބަލިތަކާއި ކުޑަކަމުދާ ނިޒާމުގެ ބަލިތަކަށް މި ސެންޓަރުން ފަރުވާ ދޭ-- ފޮޓޯ: މުހައްމަދު ޝަރުހާން/ މިހާރު

"ކުރިން ޑރ. ޝިހާމް ޗުއްޓީ ނެންގެވީމައި ކިޑްނީގެ އެއްވެސް ބައްޔަކަށް ފަރުވާއެއް ނުދެވޭ. އެކަމަކު މިހާރު ސެންޓަރުގައި ހިދުމަތް މި ފެށީ އޭނާ އާއި އިތުރު ޑޮކްޓަރުންނާ އެކު. އެހެންވީމަ ހިދުމަތް މެދުނުކެނޑި އަބަދު ވެސް ލިބެމުންދާނެ،" މައުސޫމް ވިދާޅުވި އެވެ.

ދަރިމައިވުމުގައި ދިމާވާ މައްސަލަތަކަށް ވެސް ގިނަ ފަރުވާތަކެއް އާ ސެންޓަރުން ދޭ ގޮތަށް ވަނީ ހަމަޖައްސައިފަ އެވެ.

މައުސޫމް ވިދާޅުވީ އެ ސެންޓަރު ގާއިމް ކުރީ ހަމައެކަނި ޑޮކްޓަރަށް ދައްކާލާފައި ނިންމާ ގޮތަށް ނޫން ކަމަށާއި ބަލިމީހާއަށް އިތުރަށް ފަރުވާ ބޭނުންވާ ނަމަ އޭގެ ހުރިހާ މައުލޫމާތަކާއި ހަދާނެ ގޮތް ވެސް ކިޔައިދޭނެ ކަމަށެވެ.

"ބަލިމީހާ މިތަނަށް އައިމަ އޭނާއަށް ދިމާވެފައިވާ މައްސަލަ އެންމެ ފުރަތަމަ ބަލާނީ މެޑިކަލް އޮފިސަރެއް. ސުޕަސްޕެޝަލިސްޓް ޑޮކްޓަރަށް، ބަލީގެ ހުރިހާ ތަފްސީލާއި އޭގެ މައުލޫމާތު ދޭނީ އެ މެޑިކަލް އޮފިސަރު. ހުރިހާ ކަމެއް ވެސް މިތަނުގައި ކުރިއަށް ގެންދާނީ ވަރަށް ޕްލޭންކޮށްގެން،" މައުސޫމް ވިދާޅުވި އެވެ.

އައިޖީއެމްއެޗު ބަލިތައް ކިޑްނީ ދަރިން ނުލިބުން ސިއްހީ ޚިދުމަތް

17 ކޮމެންޓް, 81 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

4 ދަރިންގެ މަމް

22 November 2016

1. ސުޕަސުޕަސެލިސްޓް ބޭނުން އަދަދަކަށް ދުވާލަކު ނަމްބަރުނދޫކުރަނީ. 2. ބަލިމީހާއަށް ވަގުތުން ދޭންޖެހޭ ފަރުވާަ 5 މަސްދުވަހު ކިއުގަ ހުރެގެން. މިއީތޯ ޚިދުމަތް ދިނުމަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންޓޭނަރު

21 November 2016

މަބުނީ މާލޭގަ ހުރެގެން ބޮޑު ކުލި ދައްކައި، ޖަލެއްގައި އުޅުމަށްވުރެ، އެހެން ޤައުމަކަށް ގޮސް، ބޮޑުފީ ދައްކައިގެން ނަމަވެސް ޖުމްލަ ޚަރަދު ކުޑަކޮށް، ހަށިގަނޑަށްވެސް އާރޯކަން ލިބިގެން ހޯދާ ފަރުވާ މާ ރަނގަޅުވާނެ އަމިއްލަ ޤައުމުގަ، އަމިއްލަ ބިމުގަ ގަނަތެޅުމަށްވުރެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާ

21 November 2016

"އެއީ އެކަން އޮންނަންޖެހޭ އުސޫލު.. ވާނުވާ ނޭނގުމަކީ ޒާގެ މައްސަލަ" ކަމަށް ހުސެން ތިބުނީއެވެ. ހުސެންއެވެ. އެއީ ޒާގެ މައްސަލައެއް ނޫނެވެ. ބަލިވެގެން އައިޖީއެމް އެޗަށް ދާން ޖެހޭކަމީ ޒާގެ މައްސަލައެވެ. އަދި އާސަންދަ ފުލްކޮށް ލިބެނީ އެތަނުން ކަމަށްވާތީ ރާޢްޖޭގެ ހުރިހާ ރައްޔިތުން އެތަނަށް ދަންކަން އެހާ ހާލުގައި އުޅެންޖެހުމަކީ އެމީހުންގެ މައްސަލަތޯ ނުވަތަ ހުސެންގެ މައްސަލަތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅިޔަނު

20 November 2016

ޢައިޖީއެމް ހޮސްޕިޓަލުގައި މަސައްކަތް ކުރައްވާ ސުޕަރ ސްޕެޝަލިސްޓަކަށް ދުވާލަކު އޮންނަނީ 8ޕޭޝަންޓުން ހެދުނު 8ން މެންދުރުފަހު 4އަށް. ހަމަ އެޑޮކްޓަރު އޭޑީކޭގައި ރޭގަނޑު 2ގަޑިއިރު ބައްލަވަން 18ޕޭޝަންޓުން 400ރފ އަށް. ރަގަޅުދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

20 November 2016

އަހަރެންގެ މަންމަގެ ލޮލުގެ ބައްޔަކަށް ފަރުވާ ހޯދަން ރަށުގައި ހުރި މަންމަ ގެންނަންވެގެން އެޕޮއިންޓްމަންޓަކަށް އެދުމުން މެސެޖެއް ފޯނަށް އައި. އޭގާ އޮތް މަރުހަބާއޭ މިހާރު އޮތީ ނޯޓް ކުރެވިފައޭ. ދުވަހާއި ގަޑި އަންގާލާނަމޭ މެމޯހައްދަން. އެހެންވެ މަންމަ މާލެ ގެނެސް 28 ދުވަސް ވީތަނާ ވަރަށް ބޮޑަށް ލޯ ސަކަރާތް ވެގެން ހުރެފައި އެންމެފަހުން އޭޑީކޭއަށް ދައްކާފައި އޮފަރޭޝަނެއް ކުރީ. މަންމަ ރަނގަޅުވެގެން ދޫކޮށްލީމާ ދިޔައީ ރަށަށް. އޭދެ މަހެއްހާ ދުވަސްފަހުން އައިޖީއެމް އެޗުން ގުޅާލާފައި ބުނި އެޕޮއިންޓްމަންޓް ހަމަޖެހިއްޖެއޭ މެމޯ ހައްދަން އަންނާށޭ. އަރާގަތް ރުޅިން ނޭންގެ ކިޔުނު އެއްޗެއްވެސް. އެހެރީ އެތަނުންދޭ އެޕޮއިންޓްމަންޓްގެ ހާލަތު،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅިޔަނު.

20 November 2016

އަހަރެން މައިނާރުގެ މައްސަލައެއްގައި އެޕޮއިންޓްމަންޓަކަށް އެދުނީމައި އައި މެސެޖުގެ އިންތިޒާރުގައި 2015 ޑިސެންބަރުންފެީގެން ހުއްޓާ 2016 އޮގަސްޓްމަހު އެންގީ އެޕޮއިންޓްމަންޓް އޯކޭ ވެއްޖެޔޯ. ރަގަޅު ދޯ މިވަރުވެސް. މަ ނުދަން ވިއްޔާ އިންޑިއާއަށް ލާރިނެތީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާ

20 November 2016

ތިބުނީ ބަލިމީހާ އައިމާ ފުރަތަމަވެސް ބަލާނީ އެނަތުގެ އާދައިގެ މެޑިކަލް އޮފިސަރެކޭ. އޭނާ ދޭ ރިޕޯޓަކަށް ބަލާފައޭ ދެން ސްޕަސްޕެޝަލިސްޓެއް ބަލާފައި ފަރުވާ ދޭނީ. ތިޔަހެން ވިއްޔާ ހުންނާނީ ހަތަރެސްކަން ހަމަވެ ފުރިހަމަ ފަރުވާ ދެފައިހެން ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސެން

21 November 2016

އެއީ އެކަން އޮންނަންޖެހޭ އުސޫލު.. ވާނުވާ ނޭނގުމަކީ ޒާގެ މައްސަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާ

22 November 2016

ތިޔެއް އެނގޭނީ ޙުސެންއަށް ނުވަތަ ޙުސެންގެ ތިމާގެ މީހެއް ބަލިވެގެން ދިޔައިމަ އަތް އަނބުރާލާފަ އުޅޭ މެޑިކަލް އޮފިސަރަށް ގޯހެއް ހެދުނީމަ! އިނގިއްޖެ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

20 November 2016

ތަނުގެ ފާރުތައްތަޅާފަ ތަންތަނުގަ ތަށިމުށި ޖެހުމަކުން ތަނުގެ ޚިދުމަތަކަށް ބަދަލެއް ނާންނާނެ ! ފާޑު ފާޑުގެ ނަންކިޔާފާ ސިސްޓަމްތައް ހުރިކަމުގައި ބުނިނަމަވެސް ފަރުވާއެއް ހޯދަން ދާއިރަށް ތި ކަމަށް އެޕޮއިންޓްމަންޓް ލިބެނީ ދެހަފްތާފަހުންނޭ ބުނެގެން އެއީ ޚިދުމަތް ރަގަޅުކުރެވެނީ ކަމަކަށް ޤަބޫލެއް ނުކުރަން ! އެޕޮއިންޓްމަންޓް ލިބެންދެން ބަލިމީހާ ދެމިދެމި އޮންނަންވީދޯ ؟ މީތަ ތިކިޔާ ޚިދުމަތަކީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔާ

20 November 2016

ޖެހިގެން މިއޮންނަ ޓްރިވެންޑްރަމްގެ ހޮސްޕިޓާލްތަކުގަިވެސް ޑޮކަޓާރަކު ދުވާލަކު އެބަބަލާ 60 ނުވަތަ 70 ނުވަތަ 80 މީހުން އެއް ސްޕެޝަލިސްޓަކު. ޕްރޮގފެސަރަކު އެބަބަލާ 200 މީޙުން ހެނދުނު 6 އިން ރޭގަނޑު 12 އަށް. އެއީ ޚިދުމަތަކީ. ކީއްވެތޯ އައިޖީއެމްއެޗް ސްޕެޝަލިސްޓަކަށް ދުވާލަކު 60 ހަކަށް މީހުން ނުބެލެންވީ. ބަލަންވާނީ. ތަން ހިންގަން އިނގޭޏީ ޑޮކްޓަރުންނަކަށް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

20 November 2016

ބަލަ ދުވާލަކު 60 މީހުން ތިތަނުގެ ޑޮކަޓަރުން ބަލާގޮތަށް ހަމަޖައްސަބަލަ. އޭރަށް ނުޖެހޭނެ އެޕއިންޓްމެންޓް ނުލިބި 3 މަހު ކިޔުގައި ޖެހިގެން ހުްނނާކަށް ޑޮކަޓަރަށް ނުދެއްކި،. ބޮޑު ވޭނެއް ތިޔައީ ސްޕެޝަލިްސްޓަކަށް ދައްކަން ވެއްޖިއްޔާ. މީހާ މަރުވާއިރުވެސް ސްޕެޝަލިސްޓަކަށް ނުދެއްކޭ ތިއޮންނަ ކިޔުއަކާހެދި. އެހެން އެވަނީ ޑޮކްޓަރަކު ބަލާ ބަލި މީހުން މަދުކަމުން. ބޮޑު މުސާރަ ދީފައިތިބޭ ޑޮކަްޓަރުންނަކަށް ނޫން އިނގޭނީ ކިތައް މީހުންތޯ ބަލާނީ ދުވާލަކަށް. ދުވާލަކަށް ކޮންމެ ޑޮކަޓަރަކު ބަލަން ޖެހޭނެ މަދުވެގެން 60 މީހުން. ތިހެން ކިތައްމެ ސެންޓަރެއް ހެދިޔަސް ބަލި މީހާ ޑޮކަޓަރާ ހަމައަށް ނުދެވެންޏާ ކީއްކުރާ ސެންޓަރެއްތޯ.