މިދިޔަ އަހަރުގެ ލޮކްޑައުން ތެރޭގައި ފިހާރައަކުން ބަޔަކު ވިޔަފާރި ކުރަނީ: ހުއްަ ނުލިބޭތީ ބޮޑެތި ބައެއް ފިހާރަތައް އަދިވެސް ނުހުޅުވޭ-- ފޮޓޯ: ނިޝާން އަލީ / މިހާރު
26 މެއި 2021 - 11:48
30 comments
ކޮވިޑާ ގުޅިގެން މިއަދު އެޅި ފިޔަވަޅުތަކާ އެކު، ވިޔަފާރި ކުރުމުގެ ހުއްދަ އާއި މުވައްޒަފުންނަށް ދޭން ޖެހޭ ހުއްދަތައް ނުލިބި ބައެއް ފިހާރަތައް މިއަދު ބަންދުކުރަން ޖެހިއްޖެ އެވެ.
ކޮވިޑް-19 ކޮންޓްރޯލް ކުރުމަށް މިއަދުން ފެށިގެން އަޅާފައިވާ ފިޔަވަޅުތަކުގެ ތެރޭގައި ފިހާރަތަކަށް ވިޔަފާރި ކުރެވޭނީ ހުއްދަ ލިބިގެންނެވެ. މި ހުއްދަ ހޯދުމަށް އެދި އިކޮނޮމިކް މިނިސްޓްރީ އަށް ހުށަހެޅުމުގެ ފުރުސަތު އިއްޔެ ހުޅުވާލި އެވެ.
"މިހާރު"އާ ވާހަކަދެއްކި ބައެއް ވިޔަފާރިވެރިން ބުނީ އަދިވެސް ހުއްދަތައް ނުލިބޭ ކަމަށެވެ. އެހެންކަމުން ފިހާރަތައް ނުހުޅުވި ދަތިތަކާ ދިމާވާ ކަމަށް ވިޔަފާރިވެރިން ބުނެ އެވެ.
ރާއްޖޭގައި އެންމެ ފުޅާ ދާއިރާއެއްގައި ހޯލްސޭލް އަދި ރީޓެއިލް ކުރާ ވިޔަފާރިވެރިއަކު ބުނީ އެ ކުންފުނިން ހުއްދަ އަށް އެދިފައިވާތާ 24 ގަޑިއިރަށްވުރެ ގިނަ އިރު ވެފައިވާ ކަމަށެވެ. ނަމަވެސް އަދިވެސް ހުއްދަ ނުލިބޭތީ ފިހާރަތައް ނުހުޅުވޭ ކަމަށާއި މީގެ ސަބަބުން ކުންފުނީގެ އިތުރުން އާއްމުންނަށް ވެސް ދަތިތައް ކުރިމަތިވެފައިވާ ކަމަށް އޭނާ ބުންޏެވެ.
"އަދިވެސް ވާނުވާއެއް ނޭނގޭ. ޕްރޮސެސްގައި ކަމަށް ބުނަނީ. ފިހާރަތައް އަދިވެސް ނުހުޅުވޭ. އާއްމުންނަށް މިއަދު ބޭރަށް ނުނުކުމެވޭ އިރު އެ މީހުންނަށް ވެސް ހިދުމަތް ނުލިބެންޏާ ކިހާ ދަތިވާނެ،" ނަން ހާމަ ނުކުރުމަށް އެދި ވިޔަފާރިވެރިއަކު ބުންޏެވެ.
އެހެން ވިޔަފާރިވެރިއަކު ބުނިގޮތުގައި މިހާރު ވެސް ގިނަ ބަޔަކު އޯޑަރުތައް ދެމުން އަންނަ ކަމަށެވެ. ނަމަވެސް ހުއްދަ ނުލިބުމުގެ ސަބަބުން އެ ފިހާރައިގެ އޯޑަރުތައް ވަނީ ކެންސަލް ކުރަން ޖެހިފަ އެވެ.
"މިއަދު ވެސް އެތައް ބަޔަކު ގުޅައިފި ފިހާރަތައް ނުހުޅުވައިގެން. ޑެލިވަރީގެ ހިދުމަތް އެކަނި ދޭން ޖެހުނަސް އެ ހިދުމަތް ވެސް ދެވޭނީ ހުއްދަ ލިބިގެން. ބައިވަރު އޯޑަރުތައް ކެންސަލް ކުރަން ޖެހުނު ހުއްދަ ނުލިބޭތީ،" ވިޔަފާރިވެރިއަކު ބުންޏެވެ.
ބައެއް ވިޔަފާރިތަކުން ހުއްދަ ނުލިބޭތީ ފިހާރަތައް ނުހުޅުވި ނަމަވެސް ބައެއް ވިޔަފާރިތަކަށް މިހާރު ވަނީ ހުއްދަ ލިބިފަ އެވެ.
އިކޮނޮމިކް މިނިސްޓްރީން ބުނީ ވިޔަފާރިތަކަށް ހުއްދަ ދިނުމުގެ ކަންކަން މިހާރު ވެސް ކުރަމުން އަންނަ ކަމަށެވެ. ނަމަވެސް ފުލުހުންގެ ފަރާތުން ލަސްތަކެއް އުޅޭތީ ފާސްތައް ދޫކުރުމުގައި ލަސްތަކެއް ދިމާވަނީ ކަމަށް އެ މިނިސްޓްރީން ބުންޏެވެ.
ވިޔަފާރިތަކުން ހުއްދަ އަށް އެދި އިކޮނޮމިކް މިނިސްޓްރީ އަށް އެދުމުން އެ މިނިސްޓްރީން ބެލުމަށްފަހު އެޕްރޫވް ކުރުމުން ހުއްދަތައް ދޫކުރަނީ ފުލުހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރީރު
26 May 2021
އެންމެން ޙާލުގައި ޖެހި އަތްމަތި ހުސްވީ ދުވަސްވަރު ތިޔަ މިނިސްޓަރ ވިސާ ފީ ބޮޑުކޮށް އިންޝޫރަންސް ބޮޑުކޮށް ބޭރު މީހުންނާ ބެހޭ އެތައް ޤަވާޢިދެއް ހަދާ ރައްޔިތުން އިދަޖައްސައިފި. ޢާއިލާގެ އެންމެންނަށް ބަދަލުދީ ސަރުކާރު ހުސްކޮށްފި. މަޖިލީހަށް މީނާ ޙާޟިރު ކުރި ދުވަހު ވެސް ދެއްކީ ވިސާފީ ނުދައްކާ ވާހަކަ. ޑިޕޮސިޓް ރިފަންޑް ނުދީ ހުރި ވާހަކަ ނުދައްކާ.އެތައް މިލިއަން ރުފިޔާ ނުދީ އެބަހުރި.
އާދަނު
26 May 2021
ލޮކްޑައުނަކަށް ދިޔައީ ކުއްލިއަކަށް ނޫން. ހަވީރު 4 ޖަހައިރު ލޮކްވާންފެށިތާ ކިތައްމެދުވަހެއް. މިފިހާރައިން އޭރު ހެއްދި ފާސްތަކަށް މިހާރުވެސް ޑެލިވަރީ ކުރަނީ. ފިހާރަ ހުޅުވާކަށް ފާސް ހައްދާކަށް ނުޖެހޭ. އަބަދުވެސް ސަރުކާރު ބޮލަށް ކަނޑާލާ ގޮތައް ވާހަކަ ނުދައްކާ. ނޫސްވެރިންވެސް އެބަޖެހޭ ތަންކޮޅެެއް ތަންދޮރު ފިލަން
ފަރުތޮޅި
26 May 2021
ސާދަމަސް ދުވަސް މިކަމެއްގަ ފާއިތުވިއިރު މިފަހަރު މީގެސާދަ މަސް ކުރިޔައްވުރެ ހުއްދައިގެ ކަންތައް އޮތީ ވާނުވާގަ ކަމަށް ލަފާކުރެވޭ. ހުއްދަ އަށް އެދިފައިވާތާ 24 ގަޑިއިރަށްވުރެ ގިނަ އިރު ވެއްޖެ އަދިހަމަ މިހުރެވެނީ ވާނުވާނޭގި. ބަސްއަހައިގެން ތިބޭމީހުން ވިޔަފާރިތައް ބަންދުކޮއްފަ ގޭގަ. އަނެއްބަޔަކު ވަގިވަގުތެއް ނެތި އަވަދިނެތި ވިޔަފާރިކޮއްލް ކޮއްލާ.
ހާސަރުދ
26 May 2021
ވިޔަފާރިވެރިން ރުޅިއަންނަނީ ލޮކްޑައުން ކުރީމަ. ފާސް ނުލިބުނީމަކާ ނޫން. ރޯދަމަހު ބިހާ އަލުވި ފިޔާ އެސްޓީއޯ އިން ވިއްކީމަ ކިހާ ބެވުމެއް ވިޔަފާރިވެރިން ބެވީ. މިހުރިހާ ދުވަހު ފާސް ނުހައްދާ ތިބީ ކީއްވެބާ
މޫޗީ/މީދޫ
26 May 2021
ތިބޭފުޅުން ސަޅިކެޑީވެސް ޑިޖިޓަލްކޮށް ހުރިހާކަމެއް ކޮވިޑް19އާއި ގުޅިގެން ތަރައްގީކުރެވި ކަންކަން ކުރެވޭކަމަށް. ކޮންކަމެއްތޯ ފަސޭހަވީ ދެއަހަރު މިކަމުގައި ހޭދަވީއިރު. ވަކަމެއް ހަރާމް.
ބަދަލު
26 May 2021
ގެއްލުމުގެ ބަދަލު ލިބޭނެ. އެންމެނަށްވެސް ލިބޭނެތާ.
ސެޓް
26 May 2021
ގަމާރުންގެ އަތްމައްޗަށް ދައުލަތެއް އަރާފަ މި އޮތީ! ބުނާނެ އިތުރު އެއްޗެއްނެތް!
އަރުތަ
26 May 2021
ސެޓް ތިބުނާ ބީދާއިންނަމަ ކޮވިޑްގެ ބަލިމަޑުކަމުގަ މުޅި ދުނިޔެވެސް އޮތީ ގަމާރުންގެ އަތްމަތީގަ، ކޮން ޤައުމެއްބާ މިނޫން ހާލަތެއްގަ އޮތީ، މެލޭޝީއާ އެއްކޮށް ލޮކްޑައުން، އޮސްޓްރޭލިއާ އެއޮތީ ކޮންފަދަ ހާލެއްގަ، އަވަށްޓެރި ސްރީލަންކާ އެއޮތީ މިހާރުވެސް އެއްކޮށް ލޮކްޑައުންކޮށްފަ، ކާފިއު ހިންގާފަ މުޅި ޤައުމުގަ.......
ނޯޓީ
26 May 2021
އެނގޭ ފިހާރަތަކުން އެއްޗެއް ނުލިބޭނެކަން. އެހެންވެ ލޮކްގެ 2 ދުވަސް ކުރިން ފިހާރައަކާ ދިމާލަށް ބަލާވެސް ނުލަން މި ހުންނަނީ.
ފުލުސް
26 May 2021
ހުރިހާ ކަމެއް ފުލުހުން ބޮލަށް ކަނޑައިގެން ނިންމާ ޤައުމެއް!
އާރީ
26 May 2021
ދުރާލާ ތަށްޔާރު އެއް ނުވާ. ވަގުތު ޖެހުނީމަ ހުރިހާކަމެއް ކުރަށް ހަދާގެން ރަށްއިތުމީހާ އަށް ފޫނުބެއްދޭ ވަރު ގެއްލުން މިވަނީ. އިސްތިއުފާ ދީބަލަ ކަންކަން ނުވަންޏާ
އަރުތަ
26 May 2021
ފިހާރަ ހުޅުވަން ކޮން ހުއްދައެއް ހޯދާވާހަކަބާ މި ވިޔަފާރިވެރިން މިދައްކަނީ، ކުރިންދީފަ ހުރި ޑެލިވަރީ ހުއްދަ ބޭނުން ކޮށްގެން ކިތަންމެ ފިހާރައަކުން އެދަނީ މިހާރުވެސް ޑެލިވަރީ ކޮށްދެމުން.
އޭސީ
26 May 2021
އެބުނާ މިނިސްޓްރީ އަކުން ގުޅެނީ ކީ ނޫން ވާގޮތެއް އެނގެނީކީ ނޫން ! މުވައްޒަފަކު ވަޒީފާއަށް ނުކުންނަން ބުނެފިނަމަ ކުއްވެރިވޭ ! ސަރުކާރުން ކުންފުނިތަކުގެ މުވައްޒަފުންނަށް މުސާދޭނަމަ މައްސަލައެއް ނެތް ! ސާބަސް އަދިވެސް ބުނޭ މިނިސްޓްރީއިން ނޭ ފާސްދެނީ ! މިހާރު 6 މަސްވީ ތިއުޅޭ ބިދޭސީންގެ ވޯރކް ޕާަރމިޓް ނުހެދޭތާ ގުޅާލީމާ ބުނާނެ ނިއު ޕޯރޓަލްއިން އޯލްޑް ޕޯރަޓަލް އަށް އަޕްލޯޑް ކުރާށޭ! ވިސާފީ ބަރާބަރަށް ނެގޭ ! ހަމަ ވާނުވާއެއްނޭގޭ
އެމްސް
26 May 2021
މިނިސްޓަރަކީ ކަމަށް ޤާބިލް މީހެއް ނޫން! 6 މަސް ދުވަސްތެރޭ ޤަވާޢިދާއި ޚިލާފަށް އުޅޭ ބިދޭސީންގެ ކަންތައް ޙައްލު ނުކޮށްދެވިއްޖެއްޔާ އިސްތިޢުފާ ދޭން ބުނީވެސް ހަމަ ތިޔަ މިނިސްޓަރ ނުން!