27 މެއި 2021 - 23:17
43 comments
ހުޅުމާލޭ ދެވަނަ ފިޔަވަހީގައި އަޅާފައިވާ "ހިޔާ" ފްލެޓަށް މަހަކު ދައްކަން ޖެހޭ ކުލީގެ އަގު ކުޑަކުރަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާއި މާލެ ސިޓީ ކައުންސިލް ގުޅިގެން ބައްދަލުވުންތަކެއް ބާއްވަން ރައީސް އިބްރާހިމް މުހައްމަދު ސޯލިހު ނިންމަވާފައިވާ ކަމަށް މާލޭގެ މޭޔަރު ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.
މުއިއްޒު، ރައީސްއާއެކު މިއަދު ބޭއްވި ބައްދަލުވުމުގެ ތަފްސީލް ހިއްސާ ކުރައްވަން ބޭއްވި ނޫސްވެރިންގެ ބައްދަލުވުމުގައި މުއިއްޒު ވިދާޅުވީ ހިޔާ ފްލެޓަށް 8،500ރ. ދައްކަން ރައްޔިތުންނަށް ދަތިވާނެ ކަމަށާއި ފިނިޝިންގެ މަސައްކަތްތަކަށް ވެސް ބޮޑު ހަރަދެއް ރައްޔިތުން ކުރަން ޖެހޭނެ ކަމަށް ރައީސަށް ދަންނަވާފައިވާ ކަމަށެވެ.
"އަޅުގަނޑު ދެންނެވިން އަޅުގަނޑަށް އަންދާޒާ ކުރެވޭ ގޮތުގައި ދެ ލައްކައެއްހާ ރުފިޔާ ހަރަދުވާނޭ މިހާރު ނިންމަން ޖެހޭ މަސައްކަތް ކުރަން. އާންމު ރައްޔިތުންނަށް އެވަރު ހަރަދެއް ނުކުރެވޭނެ. ކޮންމެވެސް މީހަކަށް ދަރައިގެން އެ ފައިސާ ހަރަދު ކުރަން ޖެހޭނީ،" މުއިއްޒު ވިދާޅުވި އެވެ.
މިކަމުގެ ހައްލެއްގެ ގޮތުން އޭނާ ވިދާޅުވީ އިމާރާތުގެ ފިނިޝިން މަސައްކަތަށް ދާ ހަރަދު، ފްލެޓުގެ ޖުމްލަ އަގުން އުނި ކުރެވޭ ގޮތަށް ހެދުމަށް ފަހު ސަރުކާރުން އެ މަސައްކަތް ކުރުމެވެ. އޭގެ އިތުރުން މަހަކު ދައްކަން ކަނޑައަޅާފައިވާ 8500ރ. ވެސް އެއަށް ވުރެ ކުޑަ ކުރުމަށް ރައީސް އަރިހުން އެދިވަޑައިގެންނެވި ކަމަށް މުއިއްޒު ވިދާޅުވި އެވެ.
އޭނާ ވިދާޅުވީ، އެކަމާ ގުޅޭގޮތުން ރައީސް އިބްރާހިމް މުހައްމަދު ސޯލިހު ދެއްވީ ވަރަށް އުންމީދީ ޖަވާބެއް ކަމަށާއި ކުލިބޮޑުކަން އެމަނިކުފާނު ވެސް ގަބޫލު ކުރެއްވި ކަމަށެވެ. އެހެންވެ، ސިޓީ ކައުންސިލާއި ރައީސް އޮފީސް އަދި އެޗްޑީސީ ގުޅިގެން މަޝްވަރާތަކެއް ފައްޓަވާނެ ކަމަށާއި ހިޔާ ފްލެޓްގެ އެ އަގުތައް އައި ގޮތާއި އޭގެ ތަފްސީލް މަޝްވަރާކޮށް، އެ އަގު ކުޑަ ކުރެވޭނެ ގޮތް ހޯދަން މަޝްވަރާ ބައްދަލުވުންތަކެއް ހަމަޖައްސާ ދެއްވާނެ ކަމުގެ ޔަގީންކަން ރައީސް ދެއްވި ކަމަށް މުއިއްޒު ވިދާޅުވި އެވެ.
"އަޅުގަނޑު އުންމީދު ކުރަނީ ހިޔާ މަޝްރޫއުގެ ފްލެޓްތައް ލިބުނު ފަރާތްތަކަށް އެ އަގު ކުޑަ ވެގެން ދާނެ ކަމަށް،" މުއިއްޒު ވިދާޅުވި އެވެ.
އޭނާ ވިދާޅުވީ ކުރީގެ ރައީސް އަބްދުﷲ ޔާމީންގެ ވެރިކަމުގައި ހިޔާ ފްލެޓްގެ ހިސާބުތައް ހަދާފައި ވާނީ މަހު ކުލީގެ ގޮތުގައި 5،500ރ. ދައްކާ ގޮތަށް ކަމަށެވެ. އަދި އެ އަގުގައި އެތަން ދޫކޮށްގެން އެޗްޑީސީއަށް ގެއްލުމެއް ނުވާނެ ކަމަށް ވިދާޅުވި އެވެ.
އެޗްޑީސީ އާއި މާލެ ސިޓީ ކައުންސިލުން ގުޅިގެން ބާއްވާ ބައްދަލުވުންތައް ފެށުމުން ހިޔާ ފްލެޓްގެ އަގު ކުޑަ ކުރެވޭނެ ކަމަށް އުންމީދު ކުރައްވާ ކަމަށް ވެސް މުއިއްޒު ވިދާޅުވި އެވެ.
އެޗްޑީސީން މިހާރު ކަނޑައަޅާފައި ވަނީ ހިޔާ ފްލެޓަށް 25 އަހަރު ވަންދެން މަހު ކުލީގެ ގޮތުގައި 7،500ރ. އަދި މެއިންޓަނަންސް ފީގެ ގޮތުގައި ކޮންމެ މަހަކު 1،000ރ. ދައްކުމަށެވެ. އަދި ޑައުންޕޭމަންޓުގެ ގޮތުގައި އެއްވެސް ފައިސާއެއް ނުނަގަން ނިންމިޔަސް، ފްލެޓް ލިބުނު ފަރާތަކުން ޑައުންޕޭމަންޓުގެ ގޮތުގައި ފައިސާ ދައްކަން ބޭނުންވެއްޖެ ނަމަ، އެ މީހުންނަށް އެ އިންތިޒާމުތައް ހަމަޖައްސައިދޭނެ ކަމަށް ވެސް އެޗްޑީސީން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރުތަ
29 May 2021
މިހާރުގެ ރައީސްމީހާއާ މާލޭ ސިޓީގެ މޭޔަރާ ބައްދަލުކުރެވޭއުތަ، މީގެ ކުރިން ނުވާކަމެއް، ތީ ހެޔޮފާލެއް.
އައުޓުބެ
28 May 2021
ގޭތަކުގެ ކުލިކުޑަކުރަންވީ. ހަމައެކަނި ފުލެޓެއްގަނޫން މީހުން ދިރިއުޅެނީ. އެކަން ނުކުރަންޔާ މުއިޒު އިސްތިއުފާދީ. މުއިޒު އައުޓު
ޑޮކްޓާރ. ބަނާނާ
28 May 2021
ބޭޅާ ހާދަވަރަކަށް ދެން ތިޔާ އުޅުއްވަނީ. ބޭޅާ ހައުސިންމިނިސްޓަރ އަކަށް ހުނެނެވިއިރު ރައްޔިތުން ނޭ ވިދާޅުވެ ބިލްތަކާއި ކުލި ކުޑާ ނުކުރެއްވުމުގެ ރެކޯޑް އޮތީ ތީވެ ހިތާމަކުރަން!
ޢަހުމަދު މުޖ
28 May 2021
ސާބަސް މޭޔަރު މުއިއްޒު. މަނިކްފާނުގެ ޕާރޓީދެކެ ކިތަންމެ ރުޅިއެއް އަޔަސް މަނިކްފާނު ތިކުރައްވާ މަސައްކަތް ހިތުގެ އެންމެ ފުށްމިނުން ބަލައިގަންނަން. ތީ ރައްޔިތުންގެ މީހުނަކީ.. އުންމީދުކުރަން ރައީސް ސޯލިހުވެސް ފުރިހަމަ އެއްބާރުލުން ދޭނެކަމަށް.
ބޭބެ
28 May 2021
ޑރ މުއިޒް ރައްޔިތުންގެ ކަންކަމުގައި ތިޔަ ކުރައްވާ ހީވާގިމަސައްކަތައް އައްސަރިބަހާއި ސާބަސް މިހާރު ސިޓީކައުންސިލެއް އޮތްހެން އެބަ ހީވޭ
އިމަނާ
28 May 2021
ކަލޯ ޕާޓީން ވަކިގޮތެއް ނިންމިކަމަށް ބަލާފަ އެކަމަށް ތާއީދުނުކޮށްބަލަ، ރައިއްޔަތުންގެ މިއަދުގެ ހާލަތަށްވިސްނާބަލަ. އަދި ރަގަޅުގޮތެއްވިއްޔާ، ތިޔަ ޖެލަސް ކޮމަންޓްތައް ކުރާމީހުންވެސް އުފާކުރާނެ. މަވެސް އުފާކުރާނަން. ރައީސް ޞާލިހްވެސް ކުރިން ބުނުއްވި ވާހަކައެއްއެއީ. އެހާކަންހާވަރަށް އަގުތައް ބަހައްޓަދެއްވާނަމޭ. ރައީސް އަބަދުވެސް އެއްބާރުލުން މިކަމުގައި ދެއްވާކަން އަޅުގަނޑު ފާހަގަކުރަން.
20 ޕަރސެންޓް
28 May 2021
ތިއީ މިފަދަ ނާޒުކު ހާލެއްނެތި މުޅިގައުމު ހިތަކަށް ހިފައިގެން ތިބިއިރު މުއިއްޒުމެން ކާރިން ރައްޔިތުން އެދުނު ކަންކަން .. މުއިއްޒުމެން ވެސް ނުކުރީކީނޫން އެއްފަހަރާ ސިންގަޕޫރު ކޮށްލެވޭވަރު ގައުމުގަ ނެތީ.. ކިތަންމެ ވަރަށް ފެލިޔަސް އެއިގަ ހުރި އެއްޗެއް ނުކުންނާނީ.. މިއަދު ވާނެތަ.. ތީ ފިތުނަ ފަސާދަނުން ކޮން ކަމެއްތޯ؟
އަރުތަ
29 May 2021
ފިތުނަ މޭޔަރު މިނިސްޓަރަކަށް ހުރި އިރު މިހާވަރަށް ދަނޑިދިގު އުނދުޅި ހެދިގެން ނޫޅުނީ ކީއްވެބާ!
ސަޖޯ
28 May 2021
މުއިއްޒު އަކީ ހާދަ ޔަހޫދީކަން ބޮޑު މީހެކޭދޯ. މިމީހުންގެ ވެރިކަމުގަ ކާޑު ވެސް އަގުބޮޑުކުރީ. ދެންވެސް ބެލީ ހުރިހާ އެއްޗެއް އަގުބޮޑު ކުރެވޭތޯ. މިހާރު މޭޔަރު ކަމަށް އަރާ ކޮންމެހެން ސަރުކާރަށް ޖެއްސުން ކުރަން އުޅޭނެކަމެެއް ނެތް.
ޣހގގގ
28 May 2021
އަހަންނަކީ މުއިއްޒުގެ މިނިސްޓަރު ކަމުގަ ފްލެޓްލިބުނު މީހެއް. މިފަހަރު ހާލަތުބެލިގޮތުން ފްލެޓްގެއްލުނީ. ދިރިއުޅުމުގެ ހާލަތަށް އަހަންނަށްލިބުނީ 12 އަހަރެންގެ ފިރިމީހާއަށް 23 ލިބުނު ދެމީހުން އުޅެނީ އެއްތަނެއްގަ ތިބިދަރިންނަކީ 10 އަހަރުންދަށުގެ ދަރީން ދަރީންނަކީ ދެމީހުންގެވެސްދަރިން. ފިރިމީހާއަށް ވެސްފްލެޓެއްނުލިބިކެޓީ އެއްމެ ޕޮއިންޓަކުން. އަހަރމެންނަކީ މާލޭގަކުށްޔަށްއުޅެ މީހުންނަށްވާތީ ދިބެހިގައުމުބަލައިގަންނަބައެއްނޫން. ގެދޮރުހުރިމާލޭމީހާއަށްފްލެޓ
ޙޯހޯ
28 May 2021
މުއިއްޒު މިނިސްޓަރ ކަމުގަ ތިބުނީ ލިބުނޭ... ދެން ކީކޭ ތިކިޔަނީ..
ތެދު
28 May 2021
މުއިއްޒު މިއަދު ގޮވާލަފާނެ މާލޭ ރައްޔިތުންނަށް ކޮންމެ މަހަކު އެލަވަންސެއް ދޭންވެސް. ޢެއީ ސަރުކާރަށް ބޮޑު ބުރައަކަށް ވިއަސް މުއީޒަށް ކޮންކަމެއް. މުއިއްޒު އެއުޅެނީ ފިތުނަ އުފައްދަން.
ފުންނަ
29 May 2021
މުޢިއްޒު ހިލޭ ދޭ ވާހަކައެއް ނުދައްކާ. މާ ބޮޑަށް ސަރުކކާރަށް ތާއީދު ކުރާ މީހަކަށް ނުވެބަލަ