ކުޅުދުއްފުށީގައި ރަހީނުކޮށް އަނިޔާކުރި މީހާ އައިސީޔޫގައި

އޭޑީކޭ ހޮސްޕިޓަލް-- މިހާރު ފައިލް ފޮޓޯ

މާއިދާ މުހައްމަދު ރަޝާދު، މިހާރު

31 މެއި 2021 - 10:37

ހދ. ކުޅުދުއްފުށީގައި އިއްޔެ ޒުވާނަކު ރަހީނުކޮށް، އަނިޔާކުރުމުމުގެ ސަބަބުންް އޭނާގެ ހާލު ސީރިއަސްވެ އޭޑީކޭގެ އައިސީޔޫގައި ފަރުވާދޭން ފަށައިފި އެވެ.

މިދިޔަ ހޮނިހިރު ދުވަހުގެ ރޭ، މޫނު ނިވާކޮށްގެން ތިބި ބަޔަކު 29 އަހަރުގެ ދިވެހި ފިރިހެނަކު ކާރަކަށް އަރުވައިގެން ގެންގޮސް އަނިޔާކުރި މައްސަލައެއް ފުލުހުންނަށް ރިޕޯޓްކޮށްފައި ވަނީ އެ ރޭ 8:48 ގަ އެވެ.

އެ ހާދިސާގައި އަނިޔާވި މީހާ، އެ ރޭ 9:50 ހާއިރު ކުޅުދުއްފުށީ ރީޖަނަލް ހޮސްޕިޓަލަށް ގެންގޮސް ފަރުވާދޭން ފެށި އެވެ. އެކަމަކު އޭނާގެ ބޮލުގައި ދަގަނޑަކުން ޖެހުމުގެ ސަބަބުން ނާށިގަނޑު ފަޅައިގެން ގޮސް ސިކުނޑިއަށް ލޭ އެޅިފައިވާތީ ފަރުވާއަށް މާލެއަށް ގެނައީ އިއްޔެ މެންދުރު އެވެ.

އޭޑީކޭ ހޮސްޕިޓަލުގައި މިވަގުތު އޭނާއަށް ފަރުވާދެމުން އަންނައިރު އެ ހޮސްޕިޓަލުގެ މެނޭޖިން ޑިރެކްޓަރު އަހުމަދު އަފްއާލް "މިހާރު" އަށް ވިދާޅުވި ގޮތުގައި އޭނާގެ ހާލު ސީރިއަސް އެވެ. އޭނާއަށް އައިސީޔޫގައި ފަރުވާދެމުން އަންނައިރު ކުރަން ޖެހޭ ސާޖަރީތައް ވެސް ކުރަމުންދާނެ ކަމަށް އޭނާ ވިދާޅުވި އެވެ.

އެނގިފައިވާ ގޮތުގައި އެމީހާއަށް ބަޔަކު އަނިޔާކުރީ ވައްކަމުގެ މައްސަލައަކާ ގުޅިގެން ކަމަށްވެ އެވެ.

ފުލުހުންގެ ބަހެއް ނުލިބޭތީ އެ މައްސަލައާ ގުޅިގެން މިހާތަނަށް މީހަކު ހައްޔަރުކުރިކަން ނުވަތަ ނޫންކަން ސާފެއް ނުވެ އެވެ.

ފުލުހުން އޭޑީކޭ ހޮސްޕިޓަލް ހދ. ކުޅުދުއްފުށި ކިޑްނެޕްކުރުން

10 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްބެ

31 May 2021

ތިޔަސޮރު ބަލާ ޖަރުމަނު ސަރުކާރަކުން ނާންނާނެ ރޯޔަލް ފެމެލީ މީހެއްނޫންވީމައި. އަނިޔާދިން މީހުން ހޯދަން ގަލެއް ނުފޮރުޅާނެ. 450 ފުލުހުންނެއް ތިޔަ މައްސަލަ ބަލަން އައްޔަނެއްވެސް ނުކުރާނެ. ތިޔައީ ހަރުކަށި ޓެރަރިޒަމަކަށްވެސް ނުމެވާނެ. މައްސަލަ ބަލަން ބޮޑުވަޒީރުގެ މަޖިލީހަކުން ބަޔާންތަކާއި ގަރާރުތައް ކޮމެޓީތަކެއް ނުއުފައްދާނެ. ތިޔަ ސޮރަކީ ހަކުރުބޯ ބަލިކުއްޖަކަށް ވާތީ ބޮޑުވަޒީރުބުނާނީ ބޮވެންވާނޭ. މިހާރު ކުޅުދުއްފުށިސިޓީއެއްގެ ދަރަޖަލިބި މާރާމާރީފެށުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ރަމީޒު

31 May 2021

ވަގުންގެ މައްސަލަ އަކީ ބޮޑު މުސީބާތަކަށް މިގައުމުގަ ވެއްޖެ. މީހަކު ވައްކަން ކުރުމުން ދައުލަތުން ގެއްލުންވި މީހާއަށް ބަދަލު ހޯދައި ނުދެވެއެވެ. ވައްކަން ކުރާމީހުން މި ގައުމުގަ ގިނަވެގެން ގޮސް ވައްކަން ކުރުމަކީ މޮޅު ކަމެކޭ ހީވާވަރަށް އެކަން އާންމުވެއްޖެ. ދައުލަތުގެ މަތީފަޑީގަވެސް ގިނައީ މިކަހަލަ މީހުންނެވެ އިންސާފު ނުލިބެންޏާ މިކަހަލަ ގޮތަކަށް މިކަން އާންމުވުމަކީ ވެދާނެ ކަމުގެ ބިރު އެބައޮތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮރު ފާތުމަ

31 May 2021

ވަގުން ކުރާނެ ވައްކަން.... މިގައުމުގެ ވެރިކަމުގައި އާއި ވެރިކަމުން ފޭބި މީހުން ނަކީވެސް ބޮޑެތި ވަގުން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާކުޑޭ

31 May 2021

ނޫން އެއްގޮތަކައްވެސް ހަރުކަށިވެގެންނުވާނެ އަދަބެއް ދިނަސް ދޭންވާނީ މަޑުނޫކަށި އަދަބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރުކަށި އަދަބުދީ!

31 May 2021

ވައްކަން ކުރިޔަސް މިގޮތަށް އަނިޔާ ކޮށްގެނެއް ނުވާނެއެވެ. ތިމާގެ މުދަލުން އެހެން މީހަކު އައިސް ވައްކަން ކުރުމަކީ، ބަލައި ނުގަނެވޭނެ، ވަރަށް ރުޅިއަންނާނެ ކަމެކެވެ. އަންނަ ރުޅީގައި ގުއްޓެއް އަޅާލިޔަކަސް، މިގޮތަށް ފުރާނަޔަށް ނުރައްކާ ވާފަދަ އަނިޔާ ކޮށްގެން ނުވާނެއެވެ. އަނިޔާ ކުރި މީހުންނަށް އެންމެ ހަރުކަށި އަދަބު ދިނުމަށް، ކަމާއިބެހޭ ފަރާތްތަކަށް ގޮވާލަމެވެ!