މިޝްކާގެ މަރުގެ މައްސަލަ ހެލްތު މިނިސްޓްރީ އާއި އެޗްއާރުސީއެމުން ބަލަނީ

އިފްރާޒް އަލީ، މިހާރު

02 ޖޫން 2021 - 14:07

ކޮވިޑް ބަލީގައި މާލޭގައި ރޭ އުމުރުން 10 އަހަރުގެ ކުއްޖާ ނިޔާވީ، އެމްބިއުލާންސް ލަސްވެ، އަވަސް ފަރުވާ ނުދެވުމުން ކަމަށް ބުނާ މައްސަލަ ހެލްތު މިނިސްޓްރީ އާއި އެޗްއާރުސީއެމުން ބަލަން ފަށައިފި އެވެ.

ހދ. ކުޅުދުއްފުށި، ލާޖަހާގޭ ފާތިމަތު މިޝްކާ މުހައްމަދު ނިޔާވުމާ ގުޅިގެން، ހެލްތު މިނިސްޓްރީން ކުރި ޓުވީޓެއްގައި ބުނީ އިމަޖެންސީގައި ގުޅި މީހަކު ބަލާ ދިއުމަށް އެމްބިއުލާންސް ދިއުން ލަސްވި މައްސަލައެއް ރިވިއު ކުރަމުން އަންނަ ކަމަށާއި މިކަން ހިނގި ގޮތް ބަލައި ތަކުރާރު ވިޔަ ނުދިމަށް ވަގުތުން ފިޔަވަޅު އަޅާ ކަމަށެވެ. އެ މިނިސްޓްރީން ނެރުނު ބަޔާނެއްގައި ވެސް ބުނީ، އެ މައްސަލަ ބަލަމުން އަންނަ ކަމަށެވެ.

ކުއްޖާގެ އާއިލާއަށް ތައުޒިއާ ފޮނުވުމަށް އެޗްއާރުސީއެމުން ކުރި ޓުވީޓެއްގައި ބުނީ، ކުއްޖާ އަށް ލިބެންޖެހޭ ޚިދުމަތް އަވަހަށް ފޯރުކޮށް ނުދެވިގެން ފުރާނައެއް ނެތިދިއުން އެ ކޮމިޝަނުން ކުށްވެރިކުރާ ކަމަށެވެ.

"ކޮވިޑް-19ގެ މި ހާލަތުގައި ސިއްހީ ފަރާތްތަކުން ދެއްވަންޖެހޭ ފަރުވާ ވީހާ ވެސް އަވަހަކަށް ދެއްވުމަށް މަސައްކަތް ކުރެއްވުމަށް އިލްތިމާސް ކުރަމެވެ،" އެޗްއާރުސީއެމްގެ ޓުވީޓުގައި ވެ އެވެ.

މީގެ ހަތް ދުވަސް ކުރިން ކޮވިޑަށް ޕޮޒިޓިވްވި، އިމާދުއްދީން ސްކޫލުގައި ކިޔަވަމުން އައި މިޝްކާ ނިޔާވީ ކުއްލިއަކަށް މާ ބޮޑަށް ހާލު ދެރަވެ، ރޭ އައިޖީއެމްއެޗުގެ އިމަޖެންސީ ރޫމަށް ގެންދިޔަތާ އިރުކޮޅެއްވީ ފަހުންނެވެ.

Mishka ge vakivun: Gellunee javaahireh!

The most trusted news source in the Maldives

Mihaaru

އާއިލާ އިން ބުނާގޮތުގައި، އެމްބިއުލާންސަށް ގުޅީ ރޭ ނުވައެއް ޖަހާކަން ހާއިރު އެވެ. އެކަމަކު އެމްބިއުލާންސް ދިޔައީ ގާތްގަނޑަކަށް ތިން ގަޑިއިރު ފަހުން 11:40 ހާއިރު ކަމަށް އާއިލާގެ މީހަކު ކުރި ޓުވީޓެއްގައިވެ އެވެ. އެޗްޕީއޭގެ ހޮޓްލައިން 1676 އަށް ތަކުރާރުކޮށް ގުޅުމުން ވެސް، "އެމްބިއުލާންސް މިހާރު ހިނގައްޖެ" ކަމަށް ބުނި ކަމަށާއި ދިއުން ލަސްވާތީ އައިޖީއެމްއެޗްގެ އެމްބިއުލާންސަށް ވެސް ގުޅި ކަމަށް އޭނާ ބުންޏެވެ.

"ކޮވިޑަށް ޕޮޒިޓިވްވެ މަންމަ އާއި ބައްޕާ އެކު [މިޝްކާ] ގޭގައި ކަރަންޓީނު ކޮށްފައި ހުރީ. ބަލިޖެހުނު ފަހުން ހުން އައި ނަމަވެސް މިކްޝާގެ ހާލު އިއްޔެއާ ހަމައަށް ރަނގަޅު،" އާއިލާގެ މީހަކު ޓުވިޓާގައި ލިޔެފައިވެ އެވެ.

"ނޭވާ ލާން އުނދަގޫވެ ރޭ ނޭފަތުން ލޭ ވެސް އައި."

ކުއްޖާ ބަލާ އެމްބިއުލާންސް ދިޔައިރު ކުއްޖާ އޮތީ ހޭނެތި، ހާލު ވަރަށް ބޮޑަށް ސީރިއަސް ވެފައި ކަމަށް އާއިލާ އިން ބުންޏެވެ.

މަރު ހެލްތު މިނިސްޓްރީ އެޗްއާރުސީއެމް ހިއުމަން ރައިޓްސް ކޮމިޝަން މިޝްކާގެ މަރު

12 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގޯތިއާދަނު

02 June 2021

ބަލަން ނުތިބެ ކޮނޑަލައިގެން ހިގާފަދިޔަ ނަމަވެސް މާލޭގެ ކޮންމެ ހިސާބަކުން 30 މިނެޓުން ހޮސްޕިޓަލަށް ދެވޭނެ. މުޅި ގައުމު ރޯގާގެ ކުއްލި ހާލަތުގައި މަރުވެގެން ވަލުލަން ގެންދާ މީހުނާ ބަލި މ،ީހުން އުފުލުމުގައި އަވަދި ނެތި އުޅޭއިރު އެންބިއުލެންސް އަންނާންދެން 3 ގަޑިއިރު މަޑުކުރާކަށް ވެސް ނުޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

02 June 2021

ކިތައްމައްސަލަތޯބެލީ ؟ ކޮންކަމެއްތޯ ވީ ؟ ޒިއްމާ ވާ ވިބަޔަކު ތިބިތޯ؟ މާފަށް އެދުމުންފުރާނަ އަބުރާ ލިބޭތޯ ! މިހާރު ނަސީމް އިސްތިއުފާ ދެއްވާ ! ލަދުކޮބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜަސެނަ

02 June 2021

ކަނޑާލަން ޖެހޭ މީހަކީ ބަންދު ސަލީމް މީނާ އަށް އައިޖީއެމްއެޗް ނުހިންގޭ. މިކަހަލަ ކިތައް ކަންތައް ވެއްޖެ؟ އޭނާ ހުންނަނީ ރެކިގެން ފިލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

02 June 2021

މިހާތަނަށް ބެލިއެއްްވެސް މަރެއްގެ އިޙްމާލްވި ފަރާތެއްނެތެވެ. އެހެން ކަމުން ބޮޑުގޯސްތަކެއްގެ ވެރި މި ސަރުކާރު އިސްތިޢުފާ ދިނުން ނޫންގޮތަކަށް އެއްކަމެއްވެސް ދެން ހައްލުނުވާނެއެވެ. މި ކޯލިޝަނަކީ ބޮޑު މުސީބާތެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

02 June 2021

އިބޫ އިސްތިއުފާ ދޭންވީ. އެމްޑީޕީވެސް އިސްތިއުފާ ދޭންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާ

02 June 2021

މިހާތަނަށް ތިޔަބުނާ ބަލައިގެން ވީކަމެއް، ކުރި ކަމެއް، ކުރެވުނު ކަމެއް ނޫނީ ނިކުތް ނަތީޖާ އެއް ދައްކަބަލަ. ކަމެއްވާއިރަށް ބަލަނީ ބަލަނީ ބަލަނީ ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

02 June 2021

ތިބަސްކޮޅު ގެ ގަދަ އަޑެއް ހުރިނަމަ އިވޭނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ ބޮޑޭ

02 June 2021

ތިޔަ އެޗް ޕީ އޭ ގެ ފަހަތައް އަދި ދެތިންހަތަރު އަކުރު އިތުރުކޮއްލަނިކޮއް ރަނގަޅުވެދާނެ!އެމްބިއުލާންސު އައުމައްވެސް ތިންގަޑިއިރު! ރައްޔިތުންގެ ބައްތެލީގަ އައީމަ ވާނީއެހެންތާ! ދެންއަވަހައް ފާޑުފާޑައް ލިޔެލިޔެފަ ބަޔާންތައް ނެރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިޔަދޫނާ

02 June 2021

ތިހެން އަޑު އަރުވާލައިފައި އާއިލާގެ ބޮލަށް ޖަހާނެ. ބަޔާނެއް ނުކުންނާނެ އިރުކޮޅަކުން އައިޖީއެމްއެޗުން ތިމަންމެންގެ ކުށެއްނެތޭ ކިޔަފައި. ދުވަސް ނުފުރައި ވިހޭ ކުއްޖާގެ ކަންތައްވެސް ވަޔަށް. ބަލަބަލަ ތިބެނީ ހުރިހައި ބޭފުޅުންވެސް. ހަނާވަނީ ރައްޔިތުން. ބޮލުގައި ރިހުމަައިނވޭން ކަނޑައިގެން ނުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކަރު މުއައްސަސާތައް އުވާލާ

02 June 2021

އެޗްއާރސީއެމަކީ ވާނެ އެެއްޗެއް ވެ ނިމިނީމަ މޮނިޓަރކުރަން ތިބޭ ބައެއް. މިފަދަ ހިތާމަވެރި ކަމެއް ދިމާވުމުގެ ކުރިން ސަރުކާރުގެ ސިޔާސަތުތައް ހިނގާނުހިނގާގޮތް ބެލުމަކީ އެޗްއާރސީއެމަށް ހަރާން ކަމެއްތަ؟