ހެލްތު މިނިސްޓަރު އަހުމަދު ނަސީމްް--
02 ޖޫން 2021 - 23:53
51 comments
ރަޝިއާ އިން އުފައްދާފައިވާ "ސްޕަޓްނިކް ވީ" ވެކްސިން ގަތުމަށް ސަރުކާރުން މަސައްކަތް ކުރަމުން އަންނަނީ އެ ވެކްސިންގެ 500،000 ޑޯޒް ހަދިޔާ ކުރުމަށް ރާއްޖޭގެ އަމިއްލަ ކުންފުންޏަކުން ސަރުކާރަށް ހުށަހަޅާފައި ވަނިކޮށް ކަމަށް ދެކެވޭ ވާހަކަތައް ހެލްތު މިނިސްޓަރު އަހުމަދު ނަސީމް މިރޭ ދޮގުކުރައްވައިފި އެވެ.
އެޗްއީއޯސީގެ ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ، ރާއްޖެ އަށް 500،000 ޑޯޒް ހަދިޔާކުރުމަށް ހުށަހަޅާފައި ވަނީ ޑެލްޓާ ޝިޕިން ކުންފުނީގެ ފަރާތުން ކަމަށެވެ. އެކަމަކު އެކަމުގެ ލިޔެކިޔުންތައް ލިބުމުން ޝައްކުތަކެއް އުފެދިގެން ރާއްޖޭގެ ފޮރިން މިނިސްޓްރީ މެދުވެރިކޮށް ބެލި ބެލުމުން އެއީ ފޭކް ޑޮކިއުމަންޓްތަކެއް ކަމަށް ރަޝިއާ ސަރުކާރުން އަންގާފައިވާ ކަމަށް މިނިސްޓަރު ވިދާޅުވި އެވެ.
"އެއީ އާންމު ގޮތެއްގައި އަޅުގަނޑުމެންނަށް މައުލޫމާތު ލިބިފައި މި އޮންނަނީ އެ ޕްރޮޑިއުސް ކުރާ ކުންފުނި، ނުވަތަ އެ ކުންފުންޏަކުންނޭ އެ [ވެކްސިން] ވިއްކަނީ. ދެވަނަ މެދުވެރިއެއް ނޯވެއޭ. ދެން ކުންފުނި މެދުވެރިކޮށް ސަރުކާރާއި ސަރުކާރު [ދެ ގައުމުގެ] ގުޅިގެން އަޅުގަނޑުމެން މި މަސައްކަތް ކުރަނީ،" ނަސީމް ވިދާޅުވި އެވެ.
"ދެން ކުއްލިއަކަށް ފަސް ލައްކަ ޑޯޒް [ބަޔަކު] ދޭނެ ކަމަށް އެންގުމުން އަޅުގަނޑުމެން މި ޑޮކިއުމަންޓްތައް ފޮނުވީ ފޮރިން މިނިސްޓްރީ އަށް."
ސްޕަޓްނިކް ވީ ވެކްސިންގެ 200،000 ޑޯޒް ގަތުމަށް ސަރުކާރުން މަސައްކަތް ކުރަމުން އަންނައިރު ރާއްޖޭގައި އެ ވެކްސިން ބޭނުން ކުރުމުގެ ހުއްދަ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ދީފައި ވަނީ މިދިޔަ މަހު 12 ގަ އެވެ.
އެ ވެކްސިން މިހާތަނަށް ރާއްޖެ އަށް ލިބިފައި ނުވި ނަމަވެސް މިފަހުން އެ ގައުމުގެ ފޮރިން މިނިސްޓަރު ވަނީ ރާއްޖެއިން ވެކްސިން ހޯދުމަށް ކުރާ މަސައްކަތް އަވަސްކޮށްދޭނެ ކަމުގެ ޔަގީންކަން ދެއްވައިފަ އެވެ.
ރާއްޖެ އިން މިހާރު ވެސް ވަނީ 1،000،000 ޑޯޒްގެ ވެކްސިން ހޯދަން އެކި ފަރާތްތަކަށް ފައިސާ ދައްކައިފަ އެވެ. އޭގެ ތެރޭގައި ހިމެނެނީ ސިންގަޕޫރުގެ އެސްޓްރާޒެނިކާ އިން 700،000 ޑޯޒް އާއި އިންޑިއާގެ ސިރަމް އިންސްޓިޓިއުޓުން 300،000 ޑޯޒް އެވެ. ނަމަވެސް އޭގެ ތެރެއިން ލިބިފައި ވަނީ އިންޑިޔާގެ ސީރަމް އިންސްޓިޓިއުޓުން 300،000 ޑޯޒް ވެކްސިން އެވެ. ބާކީ ހުރި ވެކްސިންތައް ވެސް ވަރަށް އަވަހަށް ލިބޭނެ ކަމަށް ސަރުކާރުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންފުތާ
03 June 2021
އޮޅުމެއްނޫންބާ
ޝަފީރު
03 June 2021
ވެކްސިން ފޭކުނުވަނީވިއްޔާ ދިވެހިން ތިބީއުފަލުން. ޢަނެއްކަމަކީ ދިވެހިރައްޔިތުންނަށް ހަދިޔާއެއްގެ ގޮތުގައި އޮޅުވާލައިގެން ބޮޑުއެހީއެއް ދިނުމަށް ހުށަހެޅީ ދޮގު ޑޮކިއުމެންޓްތަކެއް ކަމުގައިވާނަމަ ތިޔަވަރުގެ ނުބައިނުލަފާ ބަޔަކު ގެމައްޗަށް ދައުލަތަށް އޮޅުވާލާ ހީލަތާ މަކަރު ހެދުމުގެ ދައުވާ ކުރައްންޖެހޭނެ. ތިޔަވަރަކުން މިނިސްޓަރގެ ބޯދަމައިގަންނަން ދޫކުރާކަށް މިއަދު ދިވެހިން ބޭނުމެއްނުވޭ. ސާބިތުކޮށްދެއްވާ. ނޫނީ ކުންފުނިން ދައުވާކޮށް ތެދު ސާބިތުކޮށްދެއްވާ.
ކަކުނިބޯ
04 June 2021
ކަޓުނެގެންއޮތީ ގަނެގެނޭ އަހަރެމެން ހިލޭއެއްބޭނުމެއްނޫނޭ މަގޭޖީބު ދިިވެރައްޔިތިންގެ ވެކްސިން
ޝަފީރު
03 June 2021
ތިޔަވާހަަކަ މިނިސްޓަރ ހާމަކުރަން މާބޮޑަށް ލަސްވެއްޖެ.މި ނިސްޓަރަށް އިތުބާރުކުރެވޭވަރަށްވުރެ މާގިނަދޮގުތައް ކޮވިޑާގުޅުގެން ހާމަވަމުންގޮސްނިމިއްޖެ
އުދުހޭ
03 June 2021
ސްކޭމް ގެ ވަރަށް ގިނަ ވައްތަރު އުޅޭ. މިހާރު ވެކްސިން ސްކޭމް ވެސް ތިޔަ ފެށުނީ. މިކަން ކުރާމީހުން ގިނަ ފަހަރަށް އުޅެނީ ނައިޖީރިޔާގަ. ކުޑަ އިންޓަރެސްޓެއްގައި ލޯނުވެސް ދޫކުރަމޭ ކިޔައިގެން ވަކި ހިސާބަކުން ބުނަނީ "އެޑްމިން ޗާޖް" ގެ ގޮތުގައި ވަކި އަދަދެއްގެ ފައިސާ ދެއްކީމައޭ ލޯނު ލިބޭނީ. މިފަދަ ކޮންމެވެސް ކަމެއް ތީގަވެސް މިމެނޭނެ. ބެލެވޭގޮތުގައި ޝިޕިންގ އަށޭކިޔާފަ ފައިސާ އަތުލަން ތިއޮތީ ރާވާފަ. އެއީ ކުންފުނީގެ ނަމުގަ ޝިޕިންގ އިނީމަ.
ޝާހިދު .....
03 June 2021
ޑެލްޓާ ޝިޕިންގ އިން ފޭކު ޑޮކިމަންޓް ހުށަ އަޅާ ސަރުކާރަށް އޮޅުވާލަން އުޅުނު މައްސަލަ ސީރިއަސް މައްސަލައެއްގެ ގޮތުގަ ބަލަން ޖެހޭނެ...
އަރުތަ
03 June 2021
ޑެލްޓަ ޝިޕިންގ ގެ ފަރާތުން، އެމީހުން ހުށަހެޅީ ފޭކު ޑޮކިއުމެންޓެއް ނޫންކަން ސާބިތުކޮށްދިނުމަކީ މިދަނޑިވަޅުގަ ވަރަށް މުހިއްމު ކަމެއް، އެހެންނޫނީ ކުންފުނި ބަރަހަނާވާނެ.
ކަހުރަބު
03 June 2021
ޑޮކިއުމަންޓް ސައްހަތޯ ބަލާކަށް ނުޖެހޭ، ބަޔަކު އެއްޗެއް ހަދިޔާ ކުރަން އުޅުނީ ރައްޔިތުންނަށް ނަސީމަކަށް ނޫން.. ސަރުކާރުން ގަންނަ ވެކްސިންއަކާ މިކަމާ ހުރި ގުޅުމެއް ނުވިސްނޭ.. ހުއްދަ ދިންނަމަތާ އެނގޭނީ ..
ކަހުރަބުޖިންނި
03 June 2021
ޑެލްޓާ ވަސީމް ނޭގިގެން ތިއުޅެނީ. އެޢީ ތިވަރުކަމެއް ކޮއްދޭނެ މީހެއްނޫން. ފަހަރެއްގަ ވެދާނެ ސަރުކާރަު ބޮލަށް ވަދެގެން ރަށެއް ހޯދަން ޖެހި ޗައްކަރަކަށްވެސް.
އަރުތަ
03 June 2021
ކަހުރަބުގެ ތިހުންނަނީ ކޮންޒާތެއްގެ ވިސްނުމެއް، ބަލަންޖެހޭ އެހެންނޫނީ އާޚިރުގަ ތިކަން ގޯހުން ގޯހަށް ގޮސްފިއްޔާ ތިކަންވާނީ ވަރަށް ބޮޑު މައްސަލައަކަށް، ޑެލްޓާއާ ސަރުކާރާ ގުޅިގެން ހިންގި ބޮޑުޖަރީމާއަކަށް ވެގެންދާނީ.........
ފަހުދު
03 June 2021
ކުރަން އުޅުނު ވައްކަމެއް މީޑިޔާއިން ފަޅާއަރުވާލީމަ ކީކޭ ތިކިޔަނީ؟ ދިވެހި ދައުލަތައް ތިވަރުގެ ދޯކާއެއް ދޭންއުޅުނު ބައެއްގެ މައްސަލަ ކީއްވެ ފުލުހުންނައް ރިޕޯޓު ނުކުރެވިގެން ތިއުޅެނީ؟
ފުފޫ
03 June 2021
ސަރުކާރުތަކުން ވެކްސިން ހޯދަން ތަޅާފޮޅާއިރު އަމިއްލަ ބަޔަކަށް 5 ލައްކަ ޑޯޒް ލިބިދާނެ ކަމަކަށް ނުބެލެވޭ. ކޮނެމެވެސް އެހެންނިޔަތެއްގަ އުޅުނު ބަޔަކާ ވައްތަރީ.
ސެލްބީ
03 June 2021
އަސްލު ނުލިބޭނެ. ވެކްސިން ދެވޭނީ އެއްގައުމުން އަނެއް ގައުމަށް ނޫނީ ކޮވެކްސް މެދުވެރިކޮށް.
އޯކޭ
03 June 2021
ފޭކް ޑޮކިއުމެންޓް ހުށަހަޅައިގެން ސަރުކާރަށް އޮޅުވާލަން އުޅުނު މައްސަލަ ބަލާނެ ކަމަށް ހީކުރަން. އެހެން ނޫނީ ތިޔަ ބުނާ އެއްޗަކަށް އިތުބާރުނުކުރެވި ދާނީ. އަދި އެފަދަ އޮޅުވާލާ އޮޅުވާލުން ހަދާ މީހުންނަށް ލިބޭ ހިތްވަރަކަށްވާނީ. އަދަބު ލިބެންޖެހޭ ކަންކަން ތިޔަ ހުންނަނީ. ކޮންމެވެސް ގޮތަކުން ތިޕާޓީއާ ގުޅިފަ ނެތީވިއްޔާ ތިކަން ކުރިއަށް ގެންދެވޭނެ ކަަމަށް ފެންނަނީ.
ނަންބަރު
03 June 2021
ދެން އެކަން ކުރި ބަޔަކު ހިފާ ހައްޔަރުކޮށް އަދަބު ނުދީ ތިހުންނަވަނީޔޯ؟ މީޑިއާއިން ރިޕޯޓް ކުރުމުގެ ކުރިން ތިވާހަކަ ދައްކާ އެފަދަ ކަންކަން ނުކުރަން އިލްތިމާސް ނުކުރީޔޯ؟ އެމީހުންނަށް ޖަވާބު ދީ ތީ ފޭކް ލިޔުންތަކެއްކަން ނެއެންގީޔޯ؟ ވަގު ވެކްސިން ޖަހަން ނޫނީ ބަލި މަޑުކަމެއްގެ ތެރެއިން ފައިސާތަކެއް ހޯދަން ބަޔަކު މަސައްކަތް ކުރީމަ ފިޔަވަޅު ނާޅާ ތިހުންނަނީޔޯ؟ ތިހެން ވިދާޅުވިއިރު އެމީހުން ތިބީ ހައްޔަރުކޮށްފަ ތޯ؟ ފުލުހުން އެމައްސަލަ އެބަ ބަލާތޯ؟ ބަސްޓު ވެފަ