އައްޑޫގައި 100،000 ރުއް އިންދުމުގެ ޕްރޮގްރާމެއް ފަށައިފި

އަހުމަދު އަދްޝަން، މިހާރު

05 ޖޫން 2021 - 14:19

މިއަދު ފާހަގަކުރާ ދުނިޔޭގެ ތިމާވެށީގެ ދުވަހާ ގުޅުވައިގެން، އައްޑޫގައި 100،000 ރުއް އިންދުމުގެ ޕްރޮގްރާމެއް ފަށައިފި އެވެ.

މިއީ އައްޑޫ ސިޓީ ކައުންސިލާއި އެންވަޔަމަންޓް ޕްރޮޓެކްޝަން އެޖެންސީ (އީޕީއޭ) ގެ އިތުރުން އައްޑޫ ނޭޗާ ޕާކް ގުޅިގެން ކުރިއަށް ގެންދާ ޕްރޮގްރާމެކެވެ. މިއަދު ހެނދުނު، ހިތަދޫގައި ހުންނަ ނަ އައްޑޫ ނޭޗާ ޕާކްގައި ބޭއްވި ރަސްމިއްޔާތެއްގައި ހުރިހާ ކައުންސިލަރުންނާ ބައިވެރިވެ ރުއް އިންދުމާ އެކު އައްޑޫގެ ނާސަރީގައި ވެސް ގަސް އިންދާފައިވެ އެވެ.

އައްޑޫގައި 100،000 ރުއް އިންދަން ކުރިއަށް ގެންދާ ޕްރޮގްރާމްގެ ދަށުން ހުރިހާ އަވަށެއްގައި ވެސް ރުއް އިންދަން ހަމަޖެހިފައިވެ އެވެ.

މީގެ ކުރިން 2019 ގައި ވެސް އައްޑޫގައި ރުއް އިންދުމުގެ ޕްރޮގްރާމެއް ކުރިއަށް ގެންދިޔަ އެވެ. އެއީ މިހާރުގެ ސިޓީ ސްކެއާ ސަރަހައްދު ތަރައްގީކުރަން އެތަނުން ނެގި ރުއްތަކުގެ ބަދަލުގަ އެވެ. އަދި ފޭދޫގެ ހިއްކި ބިމުގައި ވެސް ރުއް އިންދުމުގެ ޕްރޮގްރާމެއް ކުރިން ކުރިއަށް ގެންގޮސްފައިވެ އެވެ.

ތިމާވެށި ސ. ހިތަދޫ އައްޑޫ ތިމާވެށީގެ ދުވަސް އައްޑޫ ސިޓީ ކައުންސިލް އީޕީއޭ އައްޑޫ ނޭޗާ ޕާކް

6 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަމީތާބު

05 June 2021

ވަރައް ރަނގަޅު ކަމެއް އަނބުގަސް ބަނބުކެޔޮގަސް ސައްކެޔޮގަސް އިންދަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮސްގެ ބޮސް

05 June 2021

ކޮންމެސް ކޮންމެސް އެއް ލައްކަ ކޮންސިއުލޭޓް ނުއިންދާތި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިތޮށި

05 June 2021

މިއީ ރަށްފުށުމީހުން ހައްދަން ތަރައްގީގެ ނަމުގަ މާލޭމީހުން ކުރުވާ ކަންތައް ޒަމާނުއްސުރެ. އެއްތާކު ހުންނަ ރުއް އުފުރައިގެންގޮސް އަނެއްތާ މިއިންދަނީ، މިކަމުން ނިކުންނަ ނަތީޖާއަކީ ހެދިހެދި ހުއްޓާ އުފުރައިގެންގޮސް އިންދީމަ ދެބައިކުޅަ އެއްބައި މަރުވާނީ. މާލޭގަ ހުޅުމާލޭގަ ރައްޔިތުން ނެރިގެން މިކަހަލަ ސަކަރާތެއް ނުޖަހާ އެވެރިންނެއް، އަމުދުން ރުކެއް ނީންދާ. ގަހެއް އިންދަންވެއްޖިއްޔާ އޯޑަރުކޮށްގެން ބޭރުންގެނެސް އިންދަނީ ބަޔަކުލައްވާ ދައުލަތުގެ ފައިސާއިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

05 June 2021

ހަމައެކަނި "ނަމަކަށް" މިކަންނުކޮށް މިފަދަކަންކަން ކުރާންވާނީ ޙަޤީގީ މަޤުސަދެއްއޮވެގެން މަޤުސަދު ހާސިލްކުރެވޭ މިންވަރުބެލޭނެ ފުރިހަމަ ނިޒާމެއްގެތެރެއިން. # ރުކުގެ އިތުރަށް އައްޑޫގައި ފަސޭހައިން އާލާކުރެވޭނެ ބަނބުކެޔޮ ގަހާއި ސައްކެޔޮ އަދި ސަބުދެލި ފަދަ ގަސްތަައް ވެސް އިންދައި އާލާކުރެވޭތޯ ބަލާންޖެހޭ. ސަރުކާރު އިދާރާ ތަކުގައި މިފަދަ ގަސްތައް އިންދަވާ. # ނަތީޖާއެއްގެ ގޮތުން "އައްޑޫގެ ރަމްޒެއްގެ ގޮތުގައި ހިމެނޭ ދޮންދީނި" އާލާވުމަށް ފުރުސަތު ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުން999

05 June 2021

މިކަމަކީ ވަރަށް ރަނގަޅުކަމެއް. އެކަމަކު އައްޑޫގައި ކޮވިޑް ނެތީބާ؟؟ ކޮވިޑް އޭ ކިޔައިގެން ކޮންވާހަކައެއް މިދައްކަނީ. މިގޮތަށް އެމީހަކު އުޅޭނެ ގޮތަކަށް އުޅެން ދޫކޮށްލަބަލަ.