ކައުންސިލްތަކުން ހުއްދަ ދިނަސް، އީޕީއޭގެ ހުއްދަ ނެތި ރުއްގަސް އުފުލާ ނަމަ ފިޔަވަޅު އަޅާނަން: އީޕީއޭ

ރިސޯޓަކަށް ގެންދިޔަ ރުއްތަކެއް: ކައުންސިލްތަކުން ހުއްދަ ދިނަސް، އީޕީއޭގެ ހުއްދަ ނެތި ރުއްގަސް ގެންދާ ނަމަ ފިޔަވަޅު އަޅާނެ ކަމަށް އީޕީއޭ އިން ބުނޭ --- ފޮޓޯ/މިހާރު

މުއިއްޒު އިބްރާހިމް، މިހާރު

11 ޖޫން 2021 - 12:57

6 comments

ރަށްރަށުން ރިސޯޓްތަކަށް ރުއްގަސް ގެންދަން ލޯކަލް ކައުންސިލްތަކުން ހުއްދަ ދިނަސް، އެންވަޔަރްމަންޓް ޕްރޮޓެކްޝަން އޭޖެންސީ (އީޕީއޭ) ގެ ހުއްދަ ނެތި އެކަން ކުރާ ނަމަ ފިޔަވަޅު އަޅާނެ ކަމަށް އީޕީއޭ އިން ބުނެފި އެވެ.

އީޕީއޭ އިން އިއްޔެ ނެރުނު ބަޔާނެއްގައި ވަނީ ތިމާވެށި ރައްކާތެެރިކޮށް ދެމެހެއްޓުމުގެ ގާނޫނުގެ ދަށުން ރުއްގަސް ނަގައިގެން އެހެން ތަންތަނަށް ގެންދެވޭނީ އީޕީއޭގެ ހުއްދަ ލިބިގެން ކަމަށާއި އެކަމަކު ބައެއް ފަރާތްތަކުން ކައުންސިލްތަކުން ދޭ ހުއްދައަކަށް އެކަނި ބިނާކޮށް އެ މަސައްކަތް ކުރަމުންދާ ކަމަށެވެ. އެހެންވެ، ރިސޯޓްތަކުގައި އިންދަން ރުއްގަސް ގެންދަނީ އެ ރަށެއްގެ ކައުންސިލުން ދޭ ހުއްދައިގެ އިތުރުން އެ އޭޖެންސީގެ ހުއްދަ ލިބިގެން ކަން ކަށަވަރުކުރަން އެ ބަޔާނުގައި އެދިފައިވެ އެވެ.

އެގޮތުން އެ މަޝްރޫއަކަށް ދޫކޮށްފައިވާ އެންވަޔަރްމެންޓަލް އިމްޕެކްޓް އެސެސްމަންޓް (އީއައިއޭ) ގެ ޑިސިޝަން ސްޓޭޓްމަންޓްގައި ރުއްގަސް ނަގަން ދީފައިވާ ހުއްދަ އާއި ރުއްގަސް ނަގަން ހުއްދަ ދީފައިވާ އަދަދާއި އެ ހުއްދަ ދީފައިވާ ސަރަހައްދުގެ ބޮޑުމިން ބެލުމުގެ އިތުރުން ރުއްގަހާ އެކު ރަށްރަށުން ކަޅު ފަސް ބޭރުކުރިޔަ ނުދޭން އެ ބަޔާނުގައި އެދިފައިިވެ އެވެ. އަދި ރުއްގަސް އުފުލާ ފަރާތްތަކާއި އުޅަނދުތަކުގައި ވެސް އެކަމަށް ދޫކޮށްފައިވާ ހުއްދަތަކެއް ހުންނަން ޖެހޭނެ ކަމަށް އެ ބަޔާނުގައިވެ އެވެ.

އެ ބަޔާނުގައި ވަނީ އެކަންކަން ފުރިހަމަ ނުކޮށް، ރުއްގަސް އެހެން ރަށްރަށަށް ގެންދާ ފަރާތްތައް އީޕީއޭ އިން ހުއްޓުވައި، ފިޔަވަޅު އަޅާނެ ކަމަށެވެ.

ހުއްދަ ނެތި ރަށްރަށުން ރިސޯޓްތަކަށާއި ރާއްޖެ އިން ބޭރަށް ގިނަ އަދަދަކަށް ރުއްގަސް ގެންދިއުމުގެ މައްސަލަ މީގެކުރިން ފެންމަތިވެފައިވެ އެވެ.

ތިމާވެށި ލޯކަލް ކައުންސިލްތައް އީޕީއޭ

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަބޫ

11 June 2021

ނުސީދާ ގޮތަކަށް ތިބުނަނީ އަހަރުމެންނަށްވެސް ބަޔެއް އަޅާފަޔޭ ގެންދެވޭނީ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

11 June 2021

ދޫނިބިސް އަޅާ ފިނޮޅު ތަކާ ބައެއް ފަޅު ރަށް ތައް ރިސޯޓް ތަކަށް ހެދި އިރު ފިޔަވަޅެއް ނޭޅުނެވެ. މިހާރު މާލެ ކައިރިންހިމާޔަތް ކޮށްފަ ވާދޫން ޔެއްނުފެނެއެވެ. ގެދޮރު ނެތި ފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

11 June 2021

އެ ރުއްތަށް ހެދުމުގައި އީޕޭއޭގެ ދައުރެއް ނެތްއިރު ރުށް ކެނޑުމުގައި ނުވަތަ އެހެން ރަށަކަށް ގެންދިއުމުގައި އީޕީއޭގެ ދައުރެއް އޮންނަންޖެހޭބާ؟ ބާންޑާރަ ރުކަށް އީޕީއޭ ބާރުފޯރުވުން މައްސަލައެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަދު

11 June 2021

ރައްށުން ރުއްގަސް ބޭރުކުރުމަށް ހަދަންޖެހޭ އެސެސްމަންޓަކީ ހަމައެކަނި އީޕީއޭ ގަތިބި މީހުނަށްނޫނީ ހަދަންއެނގޭއްނޫން އެމީހުނަށް ގިނައިންލާރިދިންވަރަކަށް އެކަންފަސޭހަވޭ އެއީ އެމީހުން ނަހަމަގޮތުގައި ލާރިހޯދަން ކުރުވާކަމެއް މިއީ އަމިއްލަތަޖުރިބާއިން ބުނާއެއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަދު

11 June 2021

މީހުން ދިރިއުޅޭރަށްރަށުގައި ހުރި އެމީހުންގެ އަމިއްލަމުދާ ވިއްކައިގެން އެއިންފައިދަހޯދުމަކީ ކޮންޤާނޫނަކުން މަނާކޮށްފައި އޮތްކަމެއްތޯ? ރުއްގަސް އިންދާ ހައްދަނީ ރަޢިއްޔަތުމީހާ ރާއްޖޭގެ ރައްރަށުގެ ތިމާވެސީގެ ހާލަތު ވަޒަންކޮށް ތި އޭޕީއޭ އިންކުރި އެއްކަމެއްބުނެދީބަލަ ކުޑަމިނުން ހޭޅިފަށެއްގައި އިންދާނެ ގަހެއްނުދިންތާ ގިރަމުންދާރަށެއްގެ ގޮޑުދޮށުގައި ވެލިބަސްތާއެއް ޖަހާލަދެވުނުތޯ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތާހިރު

11 June 2021

މި ބަޔާން ނެރުނީ މަ އެނގެނީ ތިޔަބުނާ އީޕީއެއްގެ ދަތެއް ނެތްކަން. ގާނޫނުން މިހާރުވެސް ފިޔަވަޅު އެޅެން އޮންނަ އިރު އަދިވެސް ބަޔާން ނެރެނީ ފިޔަވަޅު އަޅަން ނުކެރިގެން.