15 ޖޫން 2021 - 21:57
13 comments
އައްޑޫ ހިތަދޫގައި ކޮވިޑް-19 ގެ ކޭސްތައް އިތުރުވާތީ، އެ ބަލި ފެތުރުން ކޮންޓްރޯލް ކުރުމަށްޓަކައި އަންނަ ބުރާސްފަތި ދުވަހުން ފެށިގެން ކާފިއުގެ ވަގުތު އިތުރުކުރަން ނިންމައިފި އެވެ.
އައްޑޫ އިމަޖެންސީ އޮޕަރޭޝަން ސެންޓަރު (އީއޯސީ) އިން މިރޭ ބޭއްވި ނިއުސް ކޮންފަރެންސެއްގައި މޭޔަރު އަލީ ނިޒާރު ވިދާޅުވީ، ބުރާސްފަތި ދުވަހުން ފެށިފެން ކޮންމެ ދުވަހެއްގެ ހެނދުނު 8 އިން އަނެއް ދުވަހުގެ ފަތިހު 4 އާ ހަމައަށް ހިތަދޫގައި ބޭރަށް ނުކުމެވޭނީ ހާއްސަ ހާލަތުތަކެއްގައި އެކަނި ކަމަށާއި އަދި އެކަމަށް ހާއްސަ ފާހެއް ވެސް ބޭނުން ވާނެ ކަމަށެވެ.
ހިތަދޫގެ ކޮންމެ ގޭބިސީއަކަށް ދެ ފާސް ދޫކުރަން ވަނީ ނިންމައިފަ އެވެ.
މި ފާސްތައް ދޫކުރާނީ އީއޯސީ އަށް ހުށަހަޅައިގެން ފުލުހުން މެދުވެރިކޮށެވެ. ގޭބިސީތަކަށް ދޫކުރާ ފާސްތަކުގެ ތެރެއިން އެއް ފާހުގައި އެކަކަށް ހެނދުނު 8:00 އިން މެންދުރު 12:00 އަދި އަނެއް ޕާމިޓްގައި މެންދުރު 12:00 އިން ހަވީރު 4:00 އަށް ބޭރުގައި އެކަކަށް އުޅުމުގެ ފުރުސަތު އޮންނާނެ އެވެ.
ހިތަދޫގެ ކާފިއު ވަގުތު އިތުރުކުރަން ނިންމި އިިރު އައްޑޫގެ އެހެން އަވަށްތަކުގައި މިދިޔަ މަހުން ފެށިގެން ކާފިއު ހިންގަމުން އަންނަނީ ހަވީރު 4:00 އިން ފަތިހު 4:00 އަށެވެ.
ހިތަދޫގެ ކޮވިޑް ކޭސްތައް އިތުރުވާތީ އައްޑޫގެ ގުޅިފައިވާ އެހެން އަވަށްތަކުން ވެސް ދެން ހިތަދު އަށް ވަރަށް ޒަރޫރީ ބޭނުމެއްގައި ނޫނީ ނުދިއުމަށް މޭޔަރު އެދިވަޑައިގަތެވެ. މިހާރު ވެސް އެއް އަވަށުން އަނެއް އަވަަށަށް ދަތުރުކުރެވެނީ ހާއްސަ ހުއްދައެއް ހޯދައިގެންނެވެ.
ހިތަދޫގައި ކޮވިޑްކޭސްތައް އިތުރުވަމުންދާ އިރު މިއަދު ވެސް އައްޑޫން ކޮވިޑްގެ ކޭސްތައް ފެނިފައި ވަނީ ހިތަދޫން އެކަންޏެވެ. އެ 15 މީހުންގެ ތެރޭގައި ހިމެނެނީ ޑައިރެކްޓް ކޮންޓެކްޓުންގެ 11 މީހަކާއި ރޭންޑަމް ސަވައިލަންސްގެ 4 މީހެކެވެ.
ކޮވިޑް-19 އަދާހަމަ, 15 ޖޫން 18:00 ގެ ނިޔަލައް!#StayHome #WashYourHands #WearAMask pic.twitter.com/Ke8RGwMYZ7
— Addu Emergency Operations Center (@EOCaddu) June 15, 2021
ހިތަދޫގައި ކޮވިޑްގެ އެކްޓިވް ޖުމުލަ ކޭސްތަކުގެ އަދަދު މިހާރު 77 އަށް އަރަ އެވެ. މީގެ ތެރޭގައި ބިދޭސީންގެ އަދަދު ގިނަ އެވެ. ހިތަދޫގެ ބިދޭސީ ކްލަސްޓާ ބޮޑުވަމުންދާތީ ބަލީގެ ހާލަތު އިތުރަށް ގޯސްވެދާނެ ކަމަށްޓަކައި ބަލި ޖެހޭ މީހުން ކަރަންޓީނުކުރަން މިހާރު ވަނީ ގަމުގެ ދޫގަސް ހަމަޖައްސާފައި ކަމަށް މޭޔަރު ވިދާޅުވި އެވެ. އެގޮތުން އެތަނުގައި 60 ވަރަކަށް މީހުން ބޭތިއްބޭނެ އިންތިޒާމު ހަމަޖެހިފައިވާނެ ކަމަށް ވިދާޅުވި އެވެ.
އައްޑޫގައި މި ވަގުތު ކޮވިޑްގެ ހާލަތަށް ބަލާއިރު މީދު އާއި މަރަދޫފޭދޫގައި އެއްވެސް ކޭހެއް ނެތެވެ. ނަމަވެސް ހުޅުދު އާއި މަރަދޫން ކޮންމެ އަވަށެއްގައި ދޭއް އަދި ފޭދޫގައި އެއް ކޭހެވެ.
މިހާރު މުޅި އައްޑޫގެ އެކްޓިވް ކޭސްތަކުގެ އަދަދަކީ 82 އެވެ. ބަލިން ރަނގަޅުވި މީހުންގެ އަދަދަކީ 298 އެވެ. މި ވަގުތު އެކަކު އެޑްމިޓްކޮށްގެން ފަރުވާދޭ އިރު، މިދިޔަ އެޕްރީލް މަހުގެ ފަހުކޮޅުން ފެށިގެން މިހާތަނަށް އައްޑޫން ކޮވިޑް ޖެހުނު މީހުންގެ އަދަދަކީ 382 އެވެ.
އަދި ބަލީގައި ދެ މީހަކު އައްޑޫން މަރުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެކުނުމީހާ
16 June 2021
ހިތަދޫ އާބާދީގެ ބޮޑޫބައެއް ވެކްސިން 2 ޑޯޒު ފުރިހަމަ ކޮށްފި، ހިތަދޫ އިން ފުރަތަމަ ފެނުނު 20 މީހުނަކީ އެއް ކްލަސްޓަރ އެއް. އެއިގެ ފަހުންވެސް ޕޮސިޓިވް ވެފައިވަނީ ހަމަ އެކްލަސްޓަރ. ކާވް އޮތީ ބޮޑުކޮށް ފްލެޓްވެފައި، ކައުންސިލަރުން ކަންކަން ނިންމަނީ ހިތައް އެރި ގޮތަކަށް. އެޗްޕީއޭ އިން އަންގާވަފައިވާ ގޮތައް އުފައްދާފައިވާ ޓާސްކްފޯސް އެއް ނެތް. އެއްވެސް މަޝްވަރާއެއް ނެތި މޭޔަރު އާއި ޑިޕިއުޓީ ހިތު ހުރި ގޮތަކަށް ނިންމާލަނީ. އައްޑޫ ކޮވިޑް މުއިއްޒުވެއްޖެ
އޮނަރަބްލް އަފީފު ދީދީ
16 June 2021
ކީއްކުރަންތޯ ބިދޭސީ ފެސިލިޓީޒް އަކަށް ދޫގަސް ހަދާންވީ؟ އޭގެ ބަދަލުގައި ދައުލަތަށް ދައްކާންޖެހޭ ކުލި ދެއްކުމެއްނެތި އައްޑޫގައި ރިސޯޓް ބަންދުކޮށް ބާއްވާފައިއޮތް ހެރެތެރެ ސަރުކާރަށް ނަގައި އެތަނަކީ ސަރަޙައްދީ ކޮވިޑް ފެސިލިޓީސް އެއްގެ ގޮތަށް ހަދާންވީ ނޫންތޯ. # އަދި މާބަނޑު މީހުނާއި ކުޑަކުދިން ދާއިމީ ބައްޔަކަށް ބޭސްކުރާ މީހުނާއި އޭޖް ނުވަތަ ސީނިއަރ ސިޓިޒަނުންގެ ފެސިލިޓީޒް އަކަށް ކުރީގެ ރީޖަނަލް ހޮސްޕިޓަލް ހަދާންވީ ނޫންތޯ.
އައްލާބޭ.
16 June 2021
ޑރ ސޯލިޙް އިކްއިޓޯރިއަލް ހޮސްޕިޓަލް ގައި ކުރާންޖެހޭ އެންމެ މުހިންމު މަސައްކަތަކީތަނުގެ އޯޕީޑީ އަށް ޑޮކްޓަރުން ހަމަކުރުމައި އޯޕިޑީގައި ބަލިމީހުން ބެލުން ހެދުނު 8:00 އިން ރޭގަނޑު 8:00 އަށް ހެދުން. ހޮސްޕިޓަލަށް ޑޮކްޓަރަށް ދައްކާން އަންނާނީ ހަމައެކަނި ގުޅިފައިވާ އަވަށް ތަކުގެ މީހުނެއްނޫން. ހުޅުދޫމީދޫ އަވަށާއި މުލައް އަދި ހުވަދުއާއި ލާމު އަތޮޅުންވެސް ބަލިމީހުން މިހާރުވެސް އާދޭ. އެމީހުނަށް ފަސޭހަގޮތް ހަދާންޖެހޭ.
ހުންގާނު
15 June 2021
ތިން ލައްކަ މީހުން ތިބި މާލެއަށް ނުކުރާވަރު 95 ވެކްސިން ޖަހާފަ އޮތްތަނެއްގަ ކުރަންޖެހޭބަ.
ހުންގާނި ދީނާ
16 June 2021
ބައްލަވާ ކައުންސިލްގެ އަސްލު މަސައްކަތް ނުކޮށް މުސާރަ ބަރާބަރަށް ލިބި، ދައުލަތުގެ ފައިސާއިން 3 އިރު ކައިގެން މަޖާ ނަގަން އީއޯސީ އާއި އެސްއެސްޑީ ހަދައިގެން ތިބެވޭނެ ނޫންތޯ. ދުނިޔެ މިހާރު އެއޮތް ހުޅުވާލަނީ ވެކްސިނޭޓް ކުރެވޭ މިންވަރަކުން. މަމެން މިއުޅެނީ ރައްޔިތުން ބަންދުކޮށް ނާޗަރަންގީ ކުޅެން އިގިއްޖޭ
ފަހުދު
15 June 2021
މާލޭގައި ކަމެއް ކޮއްފިއްޔާ ޖެހޭނެ އައްޑޫގައި ކުރަން. ވަރިހަމަ އެންމެ ކޭސް އެއް ނެތަސް
ރީނާ
15 June 2021
ާ މޭޔަރު ކުރެން ަަަަަަަަަަަަަަަަަަަަަަަަަަަަަަަަަަަަަަަަަައަހާލަން އޮތީ ހިތަދޫ މީހުންނޫޅޭ ނޫޅޭހިސާބު ިވަލުތެރޭ އެއުޅޭ ބަންގާޅީން ތައް އެއީ ކީއްކުރާ ބަޔެއްހޭ؟ވަށާޓިނުޖަހައިގެން އެމީހުން އެތަންތާ އެކުރަނީ ކޮން ކަމެއްހޭ؟
އޮނަރަބްލް އަފީފު ދީދީ
15 June 2021
އިކްއިޓޯރިއަލް ހޮސްޕިޓަލްގެ ސީއީއޯ ކަމުގެ މަޤާމަށް ޑރ ސޯލިޙް އައްޔަން ކުރުމުން "އައްޑޫގެ ސިއްޙީ ހާލަތަށް ހެޔޮބަދަލެއް އަންނާނެކަމަށް އުއްމީދުކޮށް" ސޯލިޙްއަށް މަރުޙަބާކިޔާ ޑރ ސޯލިޙަކީ އުއްމީދީ ބަދަލު ގެންނާނެ މީހެއްކަމަށް މިތަނުގައި ކޮމަންޓް ކުރިން. # ނަމަވެސް މަޤާމަށް އަހަރުވުމާއި ކައިރިވަމުންދާއިރުވެސް އެންމެ ކުޑަމިނުން ހޮސްޕިޓަލްގެ އޯޕީޑީގެ ކީއޫ އާއި ސްކޭން، އެމްއާރއައި އަދި ލެބޯޓަރީގެ ހިދުމަތްވެސް އަވަސް ކުރެވޭނެ ގޮތެއް ހޯދާ ނުދެވުނު.
ކޮއްކަލެފުތާ
16 June 2021
އެނގޭ ތިކަން . ކުރިންވެސް މާލޭ ކޮޅުގަވެސް ތިކަން ވީގޮތް ތީ. މޮޅަށް މެޑިކަލް ބައި ކިޔަވާ އަދި އެއިން މަތިން ފާސްވިޔަސް ޕްރޮފެޝަންލްކޮށް ހިންގުމާއި ޓީމްވޯކް އުފެއްދުމާއި ދެމެހެއްޓުން އަދި މުޅިންވަކިކަމެއް އެ ހުނަރު ނެތިއްޔާ..އާދަޔާ ޚިލާފް ޝަވްގުވެރިކަމާއި، ރައްޔތުންގެ ކަންތައްތައް ކޮމްޕްރޮމޮއިސް ނުކޮށް އެއްވާނެއްގައި ކޮންމެ ދުވަހަކުވެސް މަސައްކަތުގައި ދެމި ތިބުމުގެ ވިސްނުމާއި ހިކްމަތްތެރިކަން ހުންނަ މީހުނަށް ތިޔަ ބާވަތުގެ ކަންތައްތައް ކުރެވޭނީ.
ގުއްދޫސު.
16 June 2021
ކޮއްކަލެފުތާ ތިބުނީ ހަމަ ރަނގަޅަށް. ޑރ ސޯލިޙް އަކީ ރައީސް ސޯލިޙްފަދަ ސްލޯ މީހެއް. ކޮންމެ ދުވަހަކު ދިހައެއް 11 ޖަހާއިރު އޮފީހަށް ދައްކާލަނީ. ހަވީރު ގެއަށް ނައްތާލާމީހާ ދެން އަނެއްކާވެސް ފެންނާނީ އަނެއް ދުވަހު. ރަސްމީ ބަންދު ދުވަސްދުވަހު މިތަނުން ހިދުމަތް ނުދޭތީ މިތާގައި އުޅޭ ކުދިންނަށްވެސް މިހާރު ހީވެފައި އޮންނަނީ މިއީ ސަރުކާރު އޮފީހެއް ކަމަށް. ދެކުނުގެ 5 އަތޮލަށް ހިދުމަތް ދޭން ހުޅުވި ތަނުން ހަމައެކަނި ހިތަދޫ މީހުނަށްވެސް ހިދުމަތް ދެވޭވަރުނުވޭ..
އޮނަރަބްލް އަފީފު ދީދީ
15 June 2021
އައްޑޫގައިތިބި ޤާނޫނާއި ޙިލާފު ބިދޭސިން ބޭރުނުކުރެވިގެން އުޅެނީ ކައުންސިލްގައި ކުރިން އަދި މިހާރުވެސްތިއްބެވި ބޭފުޅުންގެ މަސްލަހަތު އެކަމުގައިހިމެނޭތީ. # އަލަށް އިންތިޙާބުވި މޭޔަރަކީވެސް ހޮޓާހިންގުމާއި މަސްކެއްކުމާއި ދަނޑުވެރިކަމާއި ލޮޖިސްޓިކް މަސައްކަތުގެއިތުރުން މަސްމާރުކޭޓްވެސް ހިންގަވާބޭފުޅަކަށްވެފައި ވަގުތީ މުވައްޒަފުންގެ ގޮތުގައި ނުވަތަ ގަނޑި މަސައްކަތަށްނަމަވެސް މޭޔަރުގެ މަސްލަހަތު އޮންނަ ވިޔަފާރިތަކުން މިފަދަ މީހުން ބޭނުންކުރުމަކީ ގޯހެއް.
އަހައްމަދު.
15 June 2021
ތެދުވާހަކައެއް. ބޭނުން ނަމަ ފޮތޯ އާއި ވީޑިއޯވެސް ޙިއްސާކުރެވިދާނެ. މޭޔަރަށް މިކަން ދޮގު ކުރެވޭކަށް ނޯންނާނެ.
މޫޒިވުން
16 June 2021
ހިތަދޫ މީހުނަށް ހިތަދޫ ދެކުނު ދާއިރާގެ ކުރީގެ މަޖިލިސް މެމްބަރު އިނގޭނެ. އިންތިޚާބީ ފޯރީގައި، އިންތިޚާބީ ޖޯށުގައި ކުރެވުނު ކަންތަކާއި މެދު ބައެއް ފަރާތްތަކުން ހިތާމަކުރާ މަންޒަރު ސިފަވޭ. ކައުންސިލް އިދާރާދޮށުގައި މުޒާހަރާ ނުކުރެވޭނެ ހަމަ އެކަނި ގޮތަކީ ލޮކްޑައުން. އެމީހުން އަމިއްލައަށް އިއުލާނު ނެރި އެއޮތީ އެކަން ކޮށްފައި