ކެނދިކުޅުދޫ ދާއިރާގެ މެމްބަރު އަހްމަދު އީސަގެ އަނބިކަނބަލުން އަސްރާ ނަސީމް.-- ފޮޓޯ: މަސްރަހު / ދޯ އެމްވީ
19 ޖޫން 2021 - 13:08
57 comments
ކުރީގެ ފިރިކަލުން އަދި ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ އެމްޑީޕީގެ މެމްބަރު އަހުމަދު އީސާގެ ފަރާތުން ގެވެށި އަނިޔާގެ ޝިކާރައަކަށް ވި މައްސަލައިގެ ދައުވާ ކުރިއަށް ނުގެންދަން އަސްރާ ނަސީމް ޕީޖީ އޮފީހުގައި އެދިވަޑައިގެންފި އެވެ.
އަސްރާގެ ސިޓީއެއް މިއަދު ލިބިފައިވާ ކަން ޕީޖީ އޮފީހުން ކަށަވަރުކޮށްދިން ނަމަވެސް އެ ސިޓީއާ ގުޅޭ އިތުރު ތަފުސީލެއް މީޑިއާ އަށް ނުދެ އެވެ.
ޝަރީއަތް ކުރިއަށް ނުގެންދަން އަސްރާ އެދިވަޑައިގަތް ސަބަބެއް ސާފުވާ ގޮތެއް އަދި ނުވެ އެވެ.
އޭނާ އާއި ދަރިފުޅަށް، އީސަ ގެވެށި އަނިޔާކުރި ކަމަށް ވިދާޅުވެ ބަޔާން ދެއްވުމަށް ފަހު، އަސްރާ ވަނީ އެ މައްސަލަ އިތުރަށް ކުރިއަށް ނުގެންދަން ފުލުހުންގެ ކިބައިން ވެސް ކުރިން އެދިފަ އެވެ. އޭނާ އެގޮތަށް އެދިވަޑައިގަތް ނަމަވެސް ފުލުހުން އެ މައްސަލަ ތަހުގީގު ކުރުން ހުއްޓައެއްނުލަ އެވެ.
މި މައްސަލައިގެ ޝަރީއަތް އަންނަ ހޯމަ ދުވަހުގެ ހެނދުނު 11:00 ފަށަން އޮތީ ތާވަލުކޮށްފަ އެވެ.
އީސަ އޭނާގެ ކުރީގެ އަނބިކަނބަލުން އަސްރާ އާއި ދަރިފުޅަށް ވެސް އަނިޔާ ކުރަން އުޅުނު މައްސަލަ ފުލުހަށް ހުށަހެޅީ މިދިޔަ މަހު އެވެ. ފުލުހުން އެ މައްސަލަ ބަލައި ދައުވާ ކުރަން ފޮނުވުމުން އީސަގެ މައްޗަށް މި މަހުުގެ ތިން ވަނަ ދުވަހު ވަނީ އަނިޔާއެއް ދިނުމުގެ ދައުވާ ކޮށްފަ އެވެ.
އެ ދައުވާ ސާބިތުވެއްޖެ ނަމަ އޭނާ އަށް ލިބޭނެ އެންމެ ބޮޑު އަދަބަކީ ދެ މަހާއި 12 ދުވަހުގެ ޖަލު ހުކުމެކެވެ.
ގެވެށި އަނިޔާގެ ތުހުމަތުގައި އީސަ ހައްޔަރުކުރުމުގެ އަމުރަކަށް ޕީޖީ އޮފީހުން ކްރިމިނަލް ކޯޓުގައި ވެސް އެދުނެވެ. އެކަމަކު އެ ކޯޓުން ގާނޫނީ ސަބަބުތަކާ ހެދި އެފަދަ އަމުރެއް ނެރެނުދިނެވެ.
ގެވެށި އަނިޔާގެ މައްސަލައާ ގުޅިގެން އީސަގެ އިސްތިއުފާ އަށް ވެސް ގިނަ ބަޔަކު ގޮވާލި އެވެ. މައްސަލަ ފެންމަތިވުމާ އެކު އީސަ ވަނީ އޭނާ މުގަައްރިރުކަން ކުރެއްވި މަޖިލީހުގެ އިޖުތިމާއީ ކޮމިޓީން ވެސް އިސްތިއުފާ ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުހިޤަބޫލް
21 June 2021
އަސްރާ ކަހަލަ ރީތި ކުއްޖަކު އަނެއްކާވެސް އެ އަނިޔާވެރި ކަމާއި ދިމާލަށް ދާން އުޅޭ ސަބަބާ ދޭތެރޭ ސުވާލު އުފެދޭ ހަމަ ޔަގީނުންވެސް އަޝްރާ އަށް ކޮންމެވެސް ކަހަލަ ޖަމުބޫރީ ކަމެއް ދީމާވެއްޖެ ފުލުހުން މިކަން ރަގަޅައް ތަހުގީގު ކުރަން ގޮވާލަން......
ހުސެން
21 June 2021
ބައެއްއަންހެނުން ފޭސްބުކުގަ ދަރިފުޅަށް "މައިވޯލްޑް" ޖަހާއިރު ދަރިފުޅުގެ ވޯލްޑަކީ ކޮބައިކަން މިފަދަ މީހުންނުދަނޭ!! ދެމަފިރިންގެ މެދުގައި ދިމާވާ މައްސަލަތައް ހައްލުނުކުރެވި އެކަކުއަނެކަކަށް މީޑިއާގައި ބޭޒާރުވުމަކީ ވަރަށް ހުތުރުކަމެއް އަދި އެފަދަ ޕޭރެންޓުން ހަގީގަތުގައި ދަރިންނަށް އެދެނީ ފޫނުބެއްްދޭވަރުގެ ގެއްލުންތަކެއް، ނައިބުރައީސްގެ ތިމާގެ މީހަކަށްވީއުރު މިކަމުގައި އީސަގެފަރާތުން ނުފޫޒެއްނުވަތަ ތުރަޓެއް ފޯރައިގެން ރާގުބަދަލުވީކަމަށް ނުބެލެވޭ!!
އެކްސްް
20 June 2021
އަސްރާގެ ވާހަކައިގެ ރާގު މިބަދަލުވީ އީސަގެ ނުފޫޒުންބާ؟ އަސްރާ އެދުނަސް ޖިނާއީ ދައުވާ ކުރެވޭނެ. އެއީ ދައުލަތުގެ މައްޗަށް އޮތްކަމެއް. ދެން އޮތީ ދައުލަތުގެ މުއައްސަސާއަކަށް ދޮގު ބަޔާނެއް ދިންކަމުގެ ތުހުމަތުގައި އަސްރާގެ މައްޗަށް ތަހުގީގު ހިންގުން.
ޟާ124
20 June 2021
ޤާސިމްގެ ތަޖުރިބާ ހުންނަވަރު ސާބިތު ކޮށްދީފި 4 ހަމަ ކޮށްފަ
ހުންގާނު
20 June 2021
މަޖިލީހުގެ މެމްބަރުން ރައްޔިތުންނަށް ނަމޫނާއަކަށް ވާން ޖެހޭއިރު، މިހާ ދަށުދަރަޖައިގެ ޢަމަލު ފެންނަނީ ކުފޫ ހަމަނުވާތީ.... އަނެއްކަމަކީ ޤާނޫނީ ބާރު އެންމެހާ ރައްޔިތުންނަށް އެއްވަރަކަށް ނުފޯރުމަކީ ބޮޑުންގެ އަތްދަށުގައި ނިކަމެތި ރައްޔިތުންވެ މިފަދަ ނޭއްގާނީ ކަންކަން ބޮއްސުންލައިގެން ދިއުން. ވަރިކުރިފުޅަށް ދައުލަތަކަށް ނޭންގޭނެ މައްސަލަ ނަގާކަށް. ޖިނާއީ މައްސަލައެއް ފެންމަތިވުމުން ތަހުގީގުކޮށް ފިޔަވަޅު އެޅުމަކީ ދައުލަތުގެ ޒިންމާއެއް.
ފިނރުޓޭ
20 June 2021
އެހެންނެއްނު ވާނީ އެއްވެސް ފެންވަރެއް ނެތް މީސް މީހުން މަޖްލިހާތަންތަނަށް ހޮވީމަ ތިބެނީ ފެންވަރު އޮޅިފަ! ރިޝޯޓެއްގަ ރޫމް ބޯއި އަަކަށް އުޅެފަ އައިސް އަނެއް ދުވަހު މި ވަންނަނީ މަޖްލިހަށް! ދެން ވިސްނާ ފިކުރު ކުރޭ އެ ތަނުގެ ފެންވަރު! މީ އަހަރުމެން އުޅެންވީ ގާނޫނު ހަދަން ތިބޭ ބައެއްގެ ވާހަކަ އޭ މި ދައްކަނީ!
މަވޯޓާ
20 June 2021
ދެމީހުންނަށްވެސް ދައުވާކުރަންވީ.އަސޫ އެއޮތީ ތަހުގީގީ އިދާރާއަކަށް ދޮނގުބަޔާންދީފަ.މީ އާދައިގެކަމެއްނުން..ޖަޒުބާތުގަ ޖެހިގެން މީހަކު މަރާލީމަ ކުށަކަށް ނުވޭތޯ؟މީހެއްގެ އަތެއްފަޔެއް ބުރިކޮށްލާފަވެސް ބުނަންވީތޯ ޖަޒުބާތުގަ ޖެހިގެންނޭ...ވަރަށް ހެއްވާ ކަމެއްމީ.ފުރަތަމަ ދުވަހުވެސް އީސަ ބަންދުކުރިނަމަ މިކަން މިހެންނުވީސް.މިއޮތީ ނުފޫޒު ފޯރުވާފަ.މައްސަލަ އޮއްބާލަން މަސައްކަތް ކޮށްފަ.
00000
20 June 2021
ޖިނާއީ މައްސަލައިގާ ހުށައެޅުމަށް ފަހު ދެން ނޫނެކޭ ބުންޏަސް، އެމައްސަލަ ޖެހޭނެ ތަހުގީގުކޮށް އަދަބު ލިބެން. އީސަ ކޯޓުން ބަންދު ނުކުރީމަ ވީގޮތް މީ. ނުފޫޒު ފޯރުވަނީ. އަސްލު ރަގަޅު މަޖިލީސް މެމްބަރެއް ވީމާ ދައުވާ ކޮށް ނިމެންދެން ހުންނާނީ އަމިއްލައަށް ވެސް ޖަލުގައި. އެމީހުން ޤާނޫނު ހަދަނީ. ޔެއަންދާ ޤާނޫނުހޭ އަންދާ ގާނޫނު
ޖިހާދަ
19 June 2021
ބޮޑު ޑްރާމާއެއް
އަލްއުސްތާޒު
19 June 2021
ކޮބާ އެންމެފަހުން ގާސިމް ބުނި ވާހަަކަ ގަބޫލުކުރަން މިޖެހުނީ. އަންހެނަކަށް އިތުބާރުކޮއްފަ ނުވާނެ ބޮޑު ނިންމުމެއް ނިންމާކަށް
އައްބެ
20 June 2021
ޤާސިމަކީ ފިސާރި ފިރިހެނެއް. އަދި މާފުކުރުމުގެ މިސާލެއް. އެއްދުވަހު ޤާސިމަށް ބަވާމީހާ އަނެއްދުވަހު ފެންނާނީ ޤާސިމްގެ ޕާޓީގެ އިސްސަފުގައި އުޅެނިކޮށް. އޭގެ އަނެއްދުވަހު އަނެއްކާ ކެނޑިފައި އަނެއްދުވަހު އަންނާނެ.
ތުއްތުބެ
20 June 2021
ގާސިމަށް ނޭނގުނު އެއްޗެއް އަނބިންނާ ގުޅޭގޮތުން އިނގޭނީ ވަރަށް މަދު މީހަކަށް.