ނަޝީދުގެ ސެކިއުރިޓީ ބްރީޗްވި ގޮތުގެ އިންކުއަރީގައި ސިފައިންގެ ޗީފާ އަނެއްކާވެސް ސުވާލުކޮށްފި

ރައްޔިތުންގެ މަޖިލީހުން ކުރިއަށް ގެންދާ އިންކުއަރީގައި ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލާ ސުވާލުކުރަނީ. ފޮޓޯ: ރައްޔިތުންގެ މަޖިލީހުގެ އިދާރާ

މުހައްމަދު ނަސީމް، މިހާރު

20 ޖޫން 2021 - 20:19

4 comments

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ސެކިއުރިޓީ ބްރީޗްވެ، އެ މަނިކުފާނު އަވަހާރަކޮށްލަން މިދިޔަ މަހު ހަމަލާދިން މައްސަލާގައި ރައްޔިތުންގެ މަަޖިލީހުން ކުރިއަށް ގެންދާ އިންކުއަރީގައި ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލްއާ އަނެއްކާވެސް ސުވާލުކޮށްފި އެވެ.

މި މަހުގެ ހަ ވަނަ ދުވަހު ވެސް ޝަމާލް 241 ކޮމިޓީގެ އިންކުއަރީ އަށް ވަނީ ހާޒިރުކޮށްފަ އެވެ.

މި ޕާލަމެންޓްރީ އިންކުއަރީ ކުރިއަށް ގެންދަނީ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އިންނެވެ. އެ އިންކުއަރީގައި އެކި ބޭފުޅުންނާ ސުވާލުކުރުމަށާއި މަޝްވަރާކުރުމަށް ކޮމިޓީން މިހާތަނަށް ގިނަ ބައްދަލުވުންތަކެއް ވަނީ ބާއްވައިފަ އެވެ. އެހުރިހާ ބައްދަލުވުމެއް ވެސް ކުރިއަށް ގެންދިޔައީ ސިއްރުންނެވެ.

ކޮމިޓީން މިއަދު ބޭއްވި ބައްދަލުވުމެއްގައި ވައިސް ޗީފް އޮފް ޑިފެންސް ފޯސް ބްރިގޭޑިއާ ޖެނެރަލް އަބްދުއްރަހީމް އަބްދުއްލަތީފާ ވެސް ސުވާލުކުރި އެވެ. އޭނާއާ ވެސް ކުރިން ސުވާލުކުރި އެވެ.

ރައްޔިތުންގެ މަޖިލީހުގެ ރައީސަށް ދެމުން ގެންދާ ސަލާމަތާއި ރައްކާތެރިކަން ބްރީޗްވިގޮތް ހޯދުމަށް 241 ކޮމިޓީން ކުރިއަށް ގެންދާ ޕާލަމެންޓަރީ އިންކުއައިރީގައި ޗީފް އޮފް ޑިފެންސް ފޯސް، މޭޖަރ ޖެނެރަލް ޢަބްދުﷲ ޝަމާލް އާ ސުވާލުކުރުން pic.twitter.com/qirUBcdyaW
— People's Majlis (@mvpeoplesmajlis) June 20, 2021

މަޖިލީހުގެ އިންކުއަރީ އަށް ސިފައިންނާއި ފުލުހުންގެ އިސްވެރިންގެ އިތުރުން، އެ ހަމަލާދިން ވަގުތު ނަޝީދުގެ އަރިހުގައި ތިބި ސެކިއުރިޓީ އޮފިސަރުން މީގެ ކުރިން ހާޒިރުކޮށް ސުވާލުކުރި އެވެ. އަދި އެމްއެމްއޭގެ ގަވަރުނަރު އަލީ ހާޝިމް ހާޒިރުކޮށް އޭނާއާ ވެސް ސުވާލުކުރި އެވެ.

ރައްޔިތުންގެ މަޖިލީހުގެ ރައީސަށް ދެމުން ގެންދާ ސަލާމަތާއި ރައްކާތެރިކަން ބްރީޗްވިގޮތް ހޯދުމަށް 241 ކޮމިޓީން ކުރިއަށް ގެންދާ ޕާލަމެންޓަރީ އިންކުއަައިރީގައި ވައިސް ޗީފް އޮފް ޑިފެންސް ފޯސް، ބްރިގޭޑިއަރ ޖެނެރަލް ޢަބްދުއްރަޙީމް ޢަބްދުއްލަޠީފްއާ ސުވާލުކުރުން pic.twitter.com/GdNvNpXJYe
— People's Majlis (@mvpeoplesmajlis) June 20, 2021

މިިދިޔަ މަހުގެ ހައެއްގައި ބޮމެއް ގޮއްވާލައިގެން ނަޝީދަށް ދިން ޓެރަރިސްޓް ހަމަލާގެ ތަހުގީގު ފުލުހުން އަންނަނީ ހިންގަމުންނެވެ. އޭގެ ތެރޭގައި އެ ހަމަލާ އަށް ބަޔަކު ފަންޑުކުރި ނަމަ އެ ބަޔަކު ހޯދުން ވެސް ހިމެނެ އެވެ. ހަމަލާ ދިނުމަށް ރާވާއި އަމަލީ ގޮތުން ބައިވެރިވި ކަމަށް ތުހުމަތުކުރެވޭ ހަތަރު މީހަކު އެ މައްސަލައިގައި ކުރިން ވަނީ ހައްޔަރުކޮށްފައިވެ އެވެ.

ރައީސް މުހައްމަދު ނަޝީދު ބޮމުގެ ހަމަލާ ޓެރަރިޒަމް ރައްޔިތުންގެ މަޖިލިސް ޓެރަރިސްޓް ހަމަލާ މަޖިލިސް 241 ކޮމެޓީ ލެފްޓިނަންޓް ޖެނެރަލް އަބްދުﷲ ޝަމާލް ނަޝީދަށް ދިން ޓެރަރިސްޓް ހަމަލާ

4 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު.

21 June 2021

ސިފައިންގެ އިންކުއަރީޔާ ސުވާލުކުރިޔަސް ކުރާނެ މާބޮޑު ފައިދާއެއްނެތް ކުރީގެ ރައިސް ޔާމީނައް ލޯންޗުގަ ބޮންގޮއްވީމަ ސިފައިންގެ ތެރެއިން ޓިޔުނުދިމާނުވާ ބަޔަކު އެކަހެރި ކުރުމުން ކިޔަމުން ދިޔަލަވަޔާ ރާގާ ދިމަލެއްނުވޭ އަދީބު އެހެރީ ހަދިޔާއެއްގެ ގޮތުގަ ގޭގަ ބަހައްޓާފަ މިހިރީ ލޮލައް ފެންނަ ހަގީގަތް އެކަންވަނީ ބޭޒާރުވެސް ވެފަ އެކަންކުރި މީހާގެ ދުލުން އެފަނި އެޅުވީ ތިމަންނާކަމައް ދެންއިންސާފުގަ ދިޔާހަކުރުލައިގެންތިބޭ ތަތްވެފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

21 June 2021

ތަހުގީގުން އަސްލު ފެންނަގޮތާއި ފެންނަން ބޭނުންވާގޮތް ފުށުއަރާތީ މިހާރުމިއުޅެނީ.. ބޭނުންވަނީ ސިޔާސީގޮތުން މިމައްސަލައިގެ ފައިދާނަގައިގެން ވެރިކަން ވައްޓާލާށޭވެސް ރަށުތެރޭކިއާ.