ފިނޭންސް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު އަމީރު ވާހަކަދައްކަވަނީ--
23 ޖޫން 2021 - 22:52
11 comments
ރާއްޖޭގެ އިގްތިސާދު 2019 ވަނަ އަހަރު އޮތް ހާލަތަށް، މި އަހަރު ނިމޭއިރު އަނބުރާ ރުޖޫއަ ކުރެވޭނެ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
ކޮވިޑް-19 ގެ މި ދަތި ހާލަތުން އަރައިގަތުމަށް ކުދި އަދި މެދުފަންތީގެ ވިޔަފާރިތަކަށް ސްޓިމިއުލަސް ލޯނު ޕެކޭޖު ތައާރަފު ކުރައްވައި އަމީރު ވިދާޅުވީ، އޭގެ ބޭނުމަކީ ރާއްޖޭގެ އިގްތިސާދު އަލުން އިޔާދަ ކުރުމަށް ބާރު އެޅުން ކަމަށެވެ. އެގޮތުން 2019 ގައި އިގްތިސާދު އޮތް ހާލަތަށް ރުޖޫއަ ކުރުމަށް ކުރެވެން ހުރި ހުރިހާ ހަރަދެއް ކުރައްވާނެ ކަމަށް އޭނާ ވިދާޅުވި އެވެ.
އަމީރު ވިދާޅުވީ ރާއްޖޭގެ އިގްތިސާދީ ދުވެލި މިހާރު އޮތް ހާލަތަށް ބަލައި މި އަހަރު ނިމޭއިރު އިގްތިސާދު 18 ޕަސެންޓު ކުރިއަރާނެ ކަމަށެވެ. އިންޓަނޭޝަނަލް މަނިޓަރީ ފަންޑު (އައިއެމްއެފް) އިން ވެސް ލަފާ ކޮށްފައިވާ ގޮތުގައި މި އަހަރު ނިމޭއިރު ރާއްޖޭގެ އިގްތިސާދު 18 ޕަސެންޓު ކުރިއަރާނެ އެވެ.
"ސަރުކާރުގެ އަމާޒަކީ 2019 ވަނަ އަހަރު، ކޮވިޑް-19 އައުމުގެ ކުރިން އޮތް އިގްތިސާދަށް ވާސިލުވުމަށް ކުރަން ޖެހޭ ހުރިހާ ހަރަދެއް ކުރަމުން ގެންދިއުން. އަޅުގަނޑުމެންނަށް ލަފާކުރެވޭ ގޮތުގައި މި އަހަރު ނިމޭއިރު އެ ހިސާބަށް ވާސިލު ވެވޭނެ،" މިނިސްޓަރު ވިދާޅުވި އެވެ.
ކޮވިޑް-19އާ ގުޅިގެން މިދިޔަ އަހަރު ރާއްޖޭގެ އިގްތިސާދަށް ވަނީ ވަރަށް ބޮޑު އަސަރެއް ކޮށްފަ އެވެ. އިގްތިސާދު 34 ޕަސެންޓު ދަށްވެފައިވާއިރު ލަފާކުރި އާމްދަނީ ވެސް ވަނީ 15 ބިލިއަން ރުފިޔާ އަށް ދަށް ވެފަ އެވެ.
އިގްތިސާދު ކުރިއަރުވަން ވިޔަފާރިތަކަށާއި އާއްމުންނަށް އެހީވުމުގެ ގޮތުން ކޮވިޑް-19ގެ ހާލަތުގައި ސަރުކާރުން ވަނީ މިހާތަނަށް 1.7 ބިލިއަން ރުފިޔާގެ ރިލީފް ލޯނުތައް ދޫކޮށްފަ އެވެ. މިއީ ވީހާ ވެސް އަވަހަކަށް އިގްތިސާދީ ކާރިސާ އިން އަރައިގަނެ 2019 ގައި އޮތް އިގްތިސާދީ ހާލަތަށް ރުޖޫއަ ވާން މަގުފަހިކުރުމުގެ ގޮތުން ދޫކުރި ލޯނުތައް ކަމަށް އަމީރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަސްވެރިޔާ
24 June 2021
ދަރަނިބޯ. އަރާހަމަވާނީ "ދަރަނިބޯ" ޒަމާނާ.
ތިލަދުންމަތި
24 June 2021
މީހަކު ކޮމެންޓެއްގައި ބުނެފައިވާ ފަދައިން ތީ ނިކަމެތި ރައްޔިތުންނަށް ކުރާ މަލާމާތެއްތަ؟ ހަގީގަތަކީ، އިހަށް ދުވަހުވެސް ގިނަބަޔަކު އާމްދަނީ ދަށްވެ ބިކަވެފައިވަނިކޮށް، އެގްރީމަންޓާ ވެސް ޚިލާފުވެފައި ވަނިކޮށް މިހާރުގެ ބްރޯގެ ބޭބެއަށް ތިޔަދިނީ 15000000ރ އެއީ މަހަކު 6000ރ އާމްދަނީ ކުރިން ލިބުނު 2500 މީހުންނަށް 1 ފަހަރު ދެވިދާނެ ވަރު! މުދާކޮޅެއް ގެންނަން ޑޮލަރު ގަންނަން ޖެހެނީ 19.50ރ އަށް! ކުރިން ރުފިޔާ އަޅައަޅާފައި މަހަކު ކިތަންމެ ގިނައިން ޑޮލަރު ހަދަން ދޫކޮށްފައި ހުރި ބީއެމްއެލް ދެހާސް، ތިންހާސް، ހަތަރު ފަސްހާހުގެ ކްރެޑިޓް ލިމިޓްތަކުގެ ކާޑުތަކަށް މިހާރު މަހަކު އެންމެ 250ޑޮލަރު! ބާޒާރުގައި ގިނަ ވައްޔަރުގެ މުދާ ހުސްވެ ނުވަތަ އަތް ނުފޯރާ ފަށުގައި! ގައުމު އަތްދަށުލާން ސަމާލުވެގެން އޮތް ހިންދުކަރައިން މިލިއަން މިލިއަން ޑޮލަރުގެ ލޯނު ދަންތުރާގައި ޖައްސަނީ! އެ ގައުމުގެ ސިފައިން ރާއްޖޭގެ އުތުރާ، މެދާ، ދެކުނުގައި ވަކިހިތްޕައިގެން! މީ އަދި މިހާރު ކަލޭމެން ގައުމަށް ހަދާލާ ގޮތުގެ ކުޑަ ވަރެއް!
ސަރުކާރު
24 June 2021
ބަލަ ގައުމުދަނީ ފހަތަށްތޯ. 2019 ޔޯ.
ފަހުދު
24 June 2021
މިއީ ނިކަމެތި ރައްޔިތުންނައް ކުރާ މަލާމާތެއް
ކަކުނިބޯ
24 June 2021
ޢަހަރުނިމޭއިރު ރަނގަޅަށް އިންޑިޔާގެއަޅުވެތިކަމަށް ފުރިހަމަޔަށް ދެވޭނެޔޭ ކީއްކޭނުބުނީ؟ މިހެން މިބުނި ސަބަބަކީ ކޮވިޑުގެ މިހާލަތުގައި ރިކަރަންޓްހަރަދު ކުޑަކުރަނީއްޔޭ ކިޔާ އެތަށްހަރަދެއްކުޑަކޮށްފި މިސްކިތު ކަރަންޓްބިލް ފެންބިލް މިފަދައެތައްކަމެއް އެކަމުކައުންސަރުން އަދި ކައުސިލް ޑިރެކްޓަރޖެނެރަލް މުސާރަ ބަލާލާ އަދި ކޮވިޑް އެލަވަން ނުފޯރާފޮތިން ފޫގަޅާފަ ގުޅިފަޅު ބުރިޖު އަދި ޕޯޓު، ހދ އެއަރޕޯޓް އައްޑޫބިންހިއްކުން ހަމައެކަނި އިންޑިޔައަށް އަޅުވެތިކުރުމަށް
އެމެރިކާ
24 June 2021
ކަލޭ މޮޅުވާހަކަ ނުދައްކާ ރައްޖެގެ މިނިވަންކަން ގެއްލެނީ
އިންޑިޔާ..
24 June 2021
އިގުތިސޯދު ކިހިނެއް ކޮޅައްޖަހަނީ.. ކަލޯ ތިއޮއްގެން ރާޅު އަރަނީ ތިޔގެންގުޅޭ އެކްސެލް ފައިލުގަ ރިސްކް ހިމަނާފަ ބަލާބަލަ އިގުތިސޯޓު ހުރީ ކޮޅައްތޯ؟
ކިނބޫ
24 June 2021
ޓިއުޝަން ޓީޗަރ ބުނެދެނީ ފަހަތަށް ހިނގަންތަ ކަލޯ!
އެމްސް
24 June 2021
އަމީރުމެން މަދު ބަޔަކަށް ތީގެ ފައިދާ އޮތީ، ޢާއްމުމީހާ ވަނީ ބިކަ!
ޝޯމޭން
23 June 2021
ވިޔަފާރިވެރިން ލޯނުނެގިޔަސް މައްސަލައެއްނެތޭ. ކަލޭމެން ދައުލަތުގެ ނަމުގަ ލޯނުނުނަގާ ވާނެ އެއްވެސް ފޯމިއުލާއެއް ނުވިސްނޭތަހަމަ؟ މިހަމަ އެއްވެސް ސަރުކާރަކަށް ނުވިކަމެއްދެން. ކީކޭދޯ ބުނާނީ.