މަޖިލީހުގެ ރައީސް ނަޝީދު ޖަރުމަނުގައި.-- ޓްވިޓާ ފޮޓޯ: ނަޝީދު
27 ޖޫން 2021 - 01:23
39 comments
ބޮމުގެ ހަމަލައިން ލިބުނު އަނިޔާތަކާ ގުޅިގެން ހަޔާތްޕުޅުގެ ބާކީ އޮތް ބައި އުޅުއްވަން ޖެހިވަޑައިގަންނަވާނީ "ބަޅު މެދު އިނގިއްޔަކާ" އެކު ކަމަށް ވިދާޅުވެ، ކުރީގެ ރައީސް އަދި ރައްޔިތުން މަޖިލީހުގެ ރައީސް މުހަންމަދު ނަޝީދު އެ މަނިކުފާނުގެ ސިއްހީ ހާލުކޮޅު ރޭ ތަފުސީލުކޮށް ދެއްވައިފި އެވެ.
އެމްޑީޕީގެ 16 ވަނަ އަހަރީ ދުވަހާ ގުޅިގެން، 800 އަށް ވުރެ ގިނަ މީހުންނާއެކު ބޭއްވި އެ ޕާޓީގެ "ކްލަބް ހައުސް ހަރުގެ" ގައި ވާހަކަފުޅު ދައްކަވަމުން ނަޝީދު ވިދާޅުވީ، އެ މަނިކުފާނުގެ ހާލުކޮޅު ޖުމުލަކޮށް ރަނގަޅު ކަމަށާއި އެތެރެހަށީގެ ހުރިހާ ގުނަވަނެއް ހުރީ ރަނގަޅަށް ކަމަށެވެ. ނަމަވެސް މައްސަލައެއް އުޅެނީ އިނގިއްޔާއި ފައި އަދި ކަންފަތް ފަދަ ތަންތަނުގައި ކަމަށް އިތުރު ފަރުވާ އަށް މިހާރު ޖަރުމަނުގައި ހުންނެވި ނަޝީދު ވިދާޅުވި އެވެ.
މިދިޔަ މޭ 6 ވަނަ ދުވަހުގެ ރޭ ނަޝީދު އަވަހާރަ ކޮށްލަން ދިން ޓެރަރިސްޓް ހަމަލައާ ގުޅޭ ގޮތުން އެ މަނިކުފާނު ވިދާޅުވިގޮތުގައި، ކަނާތުގެ ބޮޑުވާ އިނގިއްޔާއި ޝަހާދަތް އިނގިލި އަދި މެދު އިނގިލި މިހާރު ހުންނަނީ އައްސި ވެފަ އެވެ. އަދި އެ މަނިކުފާނުގެ މެދުވާ އިނގިލި ވެސް ހުންނަނީ ބަޅުވެފައި ކަމަށް ވިދާޅުވި އެވެ.
"ޑޮކްޓަރު ބުނީ އެހެން އޮޕަރޭޝަނެއް ކޮށްގެން ބެލިދާނެއޭ [އިނގިލި ރަނގަޅު ކުރެވޭތޯ]. އަޅުގަނޑު ދަންނަވައިފިން މިހާރު [އުމުރުން] 54 އަހަރޭ. ދެން ބަޅު މެދު އިނގިއްޔަކާ އެކީގައި ބާކީ އޮތްބައި އުޅެން ނިންމާނީއޭ،" މަޒާޖީ ރާގަކުން ނަޝީދު ވިދާޅުވި އެވެ.
އެ މަނިކުފާނުގެ ވާތު ކަންފަތް އަޑު އިވުމުގައި މައްސަލައެއް ހުރި ކަމަށް ވެސް ނަޝީދު ވިދާޅުވި އެވެ. އެ ކަންތައް ރަނގަޅު ވަމުން އަންނަ ކަމަށާއި ނަމަވެސް މުޅިން ރަނގަޅު ކުރުމަށް އަންނަ ނޮވެމްބަރު މަހު އިތުރު އޮޕަރޭޝަނެއް ކުރައްވަން ޖެހިދާނެ ކަމަށް ޑޮކްޓަރުން ލަފާދީފައިވާ ކަމަށް ނަޝީދު ވިދާޅުވި އެވެ.
"އަޅުގަނޑަށް މަލާމަތްކުރާ މީހުން ބުނޭ ކަލޭ ކޮން އިރަކުހޭ އަޑު އެހީ. އަޅުގަނޑު އަބަދު ވެސް ކަނުލައި އަޑު އަހަން އިންނަން. ވާތުގެ ކަންފަތުގެ ތޫރި އަށް ލިބިފައި ހުރި ގެއްލުމެއް، ދެ ލޯވަޅެއް އިނީ،" ނަޝީދު ވިދާޅުވި އެވެ.
ނަޝީދު ވިދާޅުވިގޮތުގައި، އެ މަނިކުފާނުގެ ވާތް ފަރާތުގެ ވަރަށް ގިނަ ތަންތަން ވަނީ އައްސިވެފަ އެވެ. ނަމަވެސް މައިގަނޑު ތަންތަން ރަނގަޅަށް ހުރި ކަމަށް ވިދާޅުވި އެވެ. އެ ކަންކަން ވެސް ރަނގަޅުވާން އަދި ދުވަސްކޮޅެއް ނަގާނެ ކަމަށާއި އުންމީދަކީ ރަނގަޅު ވެގެން ވީހާ ވެސް އަވަހަކަށް އެނބުރި ރާއްޖެ ވަޑައިގަތުން ކަމަށް ނަޝީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިތްއުފާ
28 June 2021
މިއަށް ވުރެ ރީތިކޮށް ސުރުޚީގައި މިވާ ވާހަކަ ހަމަ ނުބުނެވޭނެތަ؟
ނަސީބުގެ ކަތީބު
28 June 2021
ތިޔަހެންވެސް އަމިއްލަފުޅަށް ވިދާޅުވިކަން ނަސީބު. އެހެންނޫންނަމަ އިނިގިލި އެހެން ފެނިގެން އެގޮތަށް އިން އިނގިއްޔެކޭ ބަޔަކު ބުނިނަމަ މަޖްލިސް އިތުރު 4 މަސްވަންދެން ހޭލާ ތިބެ ކުރިއަށް ގެންދާނެ. މިތަނުގެ ކޮމެންޓްގައި އެ ބަސް ލިއެވޭއިރަށްވެސް ކޮމެންޓް އެދަނީ ޑަސްބިނަށް.
ޙިމާރުލްޤައުމު
28 June 2021
އޮންރަބުލް އަފީފުދީދީއަކީ ކެނެރީގޭ މޭޒުކޮޅުމަތީ ތިންއިރު ފަރީއްކޮޅުހުންނަ މީހެކެވެ.
ކައުންސެލަރު
27 June 2021
އެހެންވީމާ ދެން އާންމުންގެ މެދުގައި މަޝްހޫރުނަން ބަދަލުވީ ދޯ؟
ރައްޓާ
27 June 2021
މެދު އިގިލި ބަޅިއްޔާ މަޖިލީހަށް ކުފޫ ހަމައެއް ނުވާނެ. އަވަހަށް އިސްތިއުފާ ދެއްވާ.
މަހޭބެ
27 June 2021
މިދެން ބޮޑުވެއްޖެ ކަމެއް މިގައުމުގައި މީނަ ނޫންމީހަކު ނޫޅެނީތަ ؟ މީނަގެ ސަބަބުން މިގައުމަށް ލިބުނު ގެންލުމުގެ ވާހަކަ ލިޔަންވީނު ގައުމުގެ އިޖުތިމާޢީ އަދި އަޚްލާޤީ ފޭރާން ފޫއަޅުވާލީ މީނަ، ރައްޔިތުންގެ މެދުގައި ނަފުރަތު އުފެއްދީ މީނަ، ދިވެހި ގައުމު އިންޑިޔާއަށް ހަދިޔާކުރީ މީނަ، ހުރިހާ މައްސަލައަކީ މީނަ
ނަޝީދާ
27 June 2021
ނޫސްތަކުގެ ސުރުޚީއަށް އަރަން އުޅޭ މީހެއް މީ ހަމަ.
މަލީ
27 June 2021
ރައްޔިތުންގެ ހިތްތަކުގައި މަނިކުފާނަށް އޮތް އިތުބާރާއި މަގްބޫލުކަން ގެއްލޭތީ ކޮންމެ ދުވަހަކުވެސް މޮޅު ވާހަކައެއް ދާއްކާފައި ފަލަ ސުރުހީއަށް އަރަން ބުނާ އެއްޗެއް ގޮވާނީ މަނިކުފާނުގެ އަތަށް.
ޟާ124
27 June 2021
ނަޝީދަކީވއަނިޔާވެރި ވެރިއެއްނޫން އޯގާތެރިއެއް މާތްﷲ ގެ އޯގާތެރިކަމުން ސަލާމަތް ކުރެއްވީތީ ހަމްދުކުރަން
ފުލުސްމީހާ
28 June 2021
އެއްވެސް މީހެއްގެ މަރުގެ ވަގުތު ނޭނގޭނެ. ވަގުތުޖެހުމުގެ ކުރިން ތަޢުބާ ވުން ރަގަޅު.
ގިލިގިލި
27 June 2021
އަޅުގަނޑު މަންމަގެ އަތް އުފުލާނުލެވޭތާ ވަރަށް ދުވަސްވެއްޖެ ތަދުވާވަރުން. ރަނގަޅަށް ނުވެސް ހިނގޭ. އުމުރުން އަދިވީ 52. އެކަށީގެންވާ ފަރުވާއެއް ލިބޭނެ ހިސާބަށް ނުދެވިގެން މި އުޅެނީ އަދި...