ޖުޑިޝަރީ ކޮމިޓީން މީގެ ކުރިން ބޭއްވި ބައްދަލުވުމެއްގައި މެމްބަރުން ބައިވެރިވެވަޑައިގަންނަވަނީ. ނަފުރަތު މަނާކުރާ ބިލަށް ބޮޑެތި ބަދަލުތަކެއް ގެންނަން މިއަދު ފާސްކުރި
29 ޖޫން 2021 - 20:04
30 comments
އަގީދާއާ ގުޅުވައި ނަފުރަތު އުފެއްދުން ކުށަކަށް ހަދަން ސަރުކާރުން ހުށަހަޅާފައިވާ ބިލަށް ބަދަލުތަކެއް ގެނެސް މީހަކު ކާފަރެއްގެ ގޮތުގައި ނުވަތަ މުރުތައްދުވެފައިވާ މީހެއްގެ ގޮތުގައި ސިފަކުރުން މަނާ ނުވާނެ ހާާލަތެއް އޮންނަ ގޮތަށް، ބަދަލުކުރަން ރައްޔިތުންގެ މަޖިލީހުގެ ކަމާ ބެހޭ ކޮމިޓީން މިއަދު ފާސްްްކޮށްފި އެވެ.
ނަފުރަތު އުފެއްދުން ކުށަކަށް ހެދުމަށް ޓަކައި ގާނޫނުލް އުގޫބާތަށް ބަދަލު ގެންނަން ސަރުކާރުގެ ފަރާތުން ތުޅާދޫ ދާއިރާގެ މެމްބަރު ހިސާން ހުސައިން ހުށަހަޅުއްވާފައިވާ ބިލު ދިރާސާކުރަން މަޖިލީހުގެ ޖުޑިޝަރީ ކޮމިޓީން މިއަދު ބޭއްވި ބައްދަލުވުމުގައި އެ ބިލަށް އިސްލާހުތައް ހުށަހެޅުއްވީ ކޮމިޓީގެ މުގައްރިރު އަދި މާފަންނު އުތުރު ދާއިރާގެ އެމްޑީޕީ މެމްބަރު އިމްތިޔާޒް ފަހުމީ (އިންތި) އެވެ. އެ އިސްލާހުތައް ހުށަހަޅުއްވަމުން އިންތި ވިދާޅުވީ އިސްލާހުތަކާ އެކު ބިލުގެ މާއްދާތައް އޭނާ އަލުން ޑްރާފްޓް ކުރެއްވީ އިސްލާމިކް މިނިސްޓްރީން ހުށަަހެޅި ކޮމެންޓްތަކާއި އާއްމު ހުށަހެޅި ކޮމެންޓްތަކަށް ރިއާޔަތްކޮށްގެން ކަމަށެވެ.
ކޮމެންޓްތަކަށް އެޑްރެސް ކުރައްވައިގެން ޑްރާފްޓްތަކެއް ހެއްދެވީ، އޭނާ ވިދާޅުވިގޮތުގައި ކޮމިޓީގެ މެމްބަރުންނަށް ފަސޭހައަކަށެވެ. އެއީ އޭނާ މީގެ ކުރިން ވެސް އަމަލުކުރައްވާފައިވާ ގޮތެކެވެ.
"އަޅުގަނޑު އަމިއްލައަށް ތައްޔާރުކޮށްފައި މިއޮތީ މިއީ ލިބިފައި ހުރި ކޮމެންޓްތައް ކިއުމަށް ފަހުގައި އެއަށް ރިއާޔަތްކޮށްފައި، ރިފްރޭސް ކޮށްފައި ޑްރާފްޓެއް ހަދައިގެން މިގެނައީ ތިޔަ ބޭފުޅުންނަށް ދައްކައިލުމަށް ޓަކައި. އެއީ މީގެ ކުރީގައި ވެސް އަޅުގަނޑު ބައެއް ފަހަރު އަމަލުކުރާ ގޮތެއް،" އިންތި ވިދާޅުވި އެވެ.
ބިލު ހުށަހެޅި އިރު އޭގައި އޮތީ ގާނޫނުއަސާސީގެ 124 ވަނަ މާއްދާގެ ފަހަތަށް މާއްދާއެއް އިތުރުކުރުމަށެވެ. އެގޮތުން އިތުކުރަން ހުށަހަޅާފައިވާ މާއްދާގެ އެއް ވަނަ ނަމްބަރުގައި އޮތީ ބައެއް ކަންތައްތަކަކީ ޖަލު ހުކުމެއް އަންނާނެ ކުށަކަށް ހެދުމަށެވެ. އެގޮތުން ކުށެއް ކަމަށް ކަނޑައަޅަން ފުރަތަމަ އޮތީ "އާއްމު ތަނެއްގައި، ވަކި މީހަކީ އިސްލާމްދީނާ ހިލާފަށް އުޅޭ ނުވަތަ އިސްލާމްދީނާ ދެކޮޅު މީހެކޭ ބުނުމެ"ވެ.
އިންތި މިއަދު ހުށަހެޅުއްވީ އެއަށް އިސްތިސްނާއެއް ލުމަށެވެ. އެގޮތުން ހިމަނުއްވާފައިވާ ހާލަތަކީ މީހަކު ކަނޑައެޅިގެން ކުފުރުގެ އަމަލެއް ނުވަތަ ބަހެއް ގަސްދުގައި ފާޅުކުރުމާއި، ފާޅުގައި ދީނުން ބޭރުވެ މުރުތައްދުވުމެވެ. މީހަކު ކާފަރުވެފައިވާ ކަމަށް ނުވަތަ މުރުތައްދު ވެފައިވާ ކަމަށް ބުނުން ކުށަކަށް ވާނީ އެނޫން ހާލަތްތަކުގަ އެވެ.
އެގޮތަށް ފާސްކުރަން ވޯޓު ނުދެއްވީ ދެ މެމްބަރެކެވެ.
ބިލުގައި ދެން ހުރި މާއްދާތަކަށް މާ ބޮޑެތި ބަދަލުތަކެއް ނުގެނައި ނަމަވެސް، މުޅިން ނިންމައި ތަޅުމަށް އަލުން ފޮނުވާއިރު އަދިވެސް ބައެއް ބަދަލުތައް ގެނެވޭނެ ކަމަށް މިއަދުގެ ބައްދަލުވުމުގައި އިންތި ވިދާޅުވި އެވެ.
"ދެން އަޅުގަނޑުމެން އިތުރަށް އަދި މި ބިލާ މެދު ކުރަން ޖެހޭ ބައެއް ކަންތައްތައް ހުންނާނެ. މި ބައިތަކުގެ އިތުރުން އަޅުގަނޑުމެން ކުރަން ޖެހޭނެ [ކަމެއް އެއީ] އާއްމު ތަނެއް މާނަކުރުން،" އޭނާ ވިދާޅުވި އެވެ.
އިންތި ވިދާޅުވީ އާއްމު ތަނެއް މާނަކުރުމާއި ނަފުރަތުގެ ކުށަށް ކަނޑައަޅާފައިވާ އަދަބު ފަދަ ކަންތައްތަކަށް އަދި ބަދަލުތަކެއް ގެންނަ އިރު އެކަންކަމަށް ވެސް ކޮމެންޓް އެބަހުރި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏަމްޏަމްުޔ
30 June 2021
މީހަކު ކާފަރެކޭ މުސްލިމެކޭ ގޮވައިގެން ކަމެއްވޭތަ. ފޭކު މީހުން އުޅޭ ގައުމެއްމީ.
ނޫރާ.މަރަދޫ
30 June 2021
އެއްގޮތަކުން ނުވިއްޔާ އަނެއް ގޮތަކުންވެސް ޢިބާރާތް ފުށުއަރާ ގޮތަށް ނަމަވެސް ފާސްކުރަން އުޅެނީބާ؟
ރަދީފްއޮފިޝިއަލް
30 June 2021
ދީނީމިނިވަންކަމަށް ރަސްމީކޮށް ދޮރުހުޅުވަން ފަހާ ކޯޓެކޭ ނުބުނަން މަމެން ނެތިން.
އެލެކްސްގެ ޕަޕެޓް
30 June 2021
އިސްލާމްދީނާ ޚިލާފްވާހަކަ ދެއްކުމާއި އަހަރުމެންގެ މާތް ރަސޫލާއަށް ފުރައްސާރަކުރުމާއި އިސްލާމްދީނުގައި އައިސްފައިވާ ހުކުމްތަކަށް ހަޖޫޖަހާ މީހުންނަށް ލާދީނީ އޭ ކިޔޭނެ. ކިޔާނަން. ނުވެސް ހުއްޓުވޭނެ. ކޮންމެ ޤާނޫނެއް ޕަޕެޓް މަޖުލީހުން ހެދިޔަސް. އިރާދަކުރެއްވިއްޔާ ދޫ ސަލާމަތުން ހުރިއްޔާ ކިޔާނަން.
ޖަމަލު
30 June 2021
އެއަށް ވޯޓު ނުދެއްވި ދެ އިއްޒަތްތެރިންގެ ނަންފުޅު ޖަހާ ލެވިދާނެތޯ
އެލެކުސް އޮބި
30 June 2021
އިންތި، ހަސަން އަދި ހިސާނުމެން ބޭނުންހާ އެއްޗެއް ނުހޭވޭނެ ގާނޫނު އިލުމް ލިބިފައިވިއަސް މިހާރުތީ އަހަރެމެން ގަބޫލުކުރާބައެއް ނޫން. ތިމާމެންނަށް ލިބިއޮތް ބާރެއް ނަހަމަގޮތުގައި ބޭނުންކޮށް ގައުމުގެ އެއްތަނބު މުގުރާލާ، ރައްޔިތުގެ ލޮލުގައި ތި އަޅުވަން އުޅޭ އަދުނެއް ދެނެއް ނޭޅުވޭނެ ވޯޓާ ހަމައިން ތި ބޭފުޅުންގެ ސައިޒު ފެނިވަޑައި ގެންނަވާނެ.
އޮޅިބޮޅި
30 June 2021
އެމީހުން ތިބެގެން ދިން ގާނޫނީ ލަފަޔާ އެއްގޮތަށް އަންނި އަމަލުކޮށްގެން އޭރުގެ ވެރިކަން ވެއްޓުމުގެ ސަބަބު އުފަންވީ. އެވަރުގެ ބަޔަކު ހަދާ ގާނޫނަކުން ފަހުން ނިކުންނާނެ މައްސަލަތައް މިހާރު ވިސްނައިގަންނަންވެސް ނޭނގޭނެ.
އަބްޑޫޅް
30 June 2021
މުރުތއްދު ވުމަކީ ސަރުއީ ހާލަތެއް. ވީމާ، މުރުތައްދު ވެއެއްޖެކަމުގެ ނިޔާ ކަނޑައަޅަން ޖެހޭނީ ފަނޑިޔާރުގެއިން. ނިޔާއަނިޔާ ބަލާ ނިޒާމުން ނިޔާކަނޑައެޅުމަށްފަހު، އެންމެ ފަހުގެ އިސްތިއުނާފު ނިމުމަށްފަހުގަނޫނީ، މީހަކު މުރުތައްދުވެއްޖެ ކަމުގައެއް ނުބެލެވޭނެ. މީއަކީ އައު އުސޫލެއް ނޫން. ނިޔާ ކަނޑައެޅިފައިހުރި ވަގަކަށް ނޫން މީހަކަށް ވަގަށް ގޮވުމަކީވެސް އަދަބު ދެވޭ ކުށެއް.
އަލީ އަޖްވަދް، ކެންޓީން
30 June 2021
އެއްބަޔަކައް ބަހުގެ ހަތިޔާރަކައް ހުއްދަ ތި ދެވެނީ. މީގަ މައްސަލައަކީ އަނެއްބައިމީހުންވެސް ހަތިޔާރު ނަގައިފިއްޔާ ވާނެ ގޮތް. މެދުއިރުމަތީގަ އެހެރަ ފެންނަނީ މިދިޔަ 100 އަހަރު ދުވަހު ލައިވް ކޮއް. އެހެން މިގައުމަކައް ހަދާނެ ކަމެއްނެތް. ގަމާރުކަންމަތީ ޖާހިލް ކަމުގަ ތިބޭނީތޯ ނޫނީ އަމިއްލަ ކުރިމަގު ހޯދައިގެން ގައުމު ކުރިއަރުވާނީތޯ؟ މަ ވޯޓްލީ ގައުމު ކުރިއަރުވަން މަސައްކަތް ކުރާނެ ކަމައް ބުނީމަ! ބަޔަކުދެކެ ބިރުން ކަމެއް ކުރަން ނުކުރުމަކީ ފެއިލް ވުން!
ގޭމްސް އޮފް ދަ އިޑިއަޓްސް
30 June 2021
ތި ކުޅެނީ ވަރައް ނުރައްކާ ގޭމެއް. ވަކި ބައެއްގެ ސިޔާސި އެދުމަކައް ބަހުގެ ހަތިޔާރެއް އޮފިޝަލް ކުރަނީ. އެ ހަތިޔާރު ‘ހުއްދަ’ ކުރެވެނީ! ދުނިޔެ އައް ބަލާލީމަ އެނގޭނެ ހުޅަނގުގެ މީހުން މާ ކުޅަދާނަ. އެމީހުންގެ ގޭމް މެދުއިރުމަތީގަ ކުޅެނީ ހަތިޔާރާއި، ތެލުގެ ވިޔަފާރިއައް. ދިވެހިންނަކައް ފައިދާއެއް ނެތް މި ކުޅިގަޑުގަ މަނާ ފުކެއްހެން ތެޅޭކައް. މެދު އިރުމަތީ ސިޔާސަތުން އަހަރުމެން ނުކުންނަންވީ. ސަލާމަތް ވާންވީ. މިއީ މައުލޫތުގެ ޒަމާން. ޖާހިލިއްޔާ ޒަމާނެއް ނޫން.
ބޭޒަންޓީން
30 June 2021
ބައެއްމީހުން މިހާރު ހީކުރޭނަމާދުގެ ފަހުގައި ކިޔާ ޒިކުރަށްވުރެ ބޮޑު ދަރުމަ ލިބޭކަމަށް މީހުންނަށް ލާދީނީ ގޮވިމާ. ތިމާގެ ދީންވެރިކަން ވެސް އެކަމުން މާބޮޑަށް އިތުރުވާކަމަށް.