"ކޮންމެ ފަހަރަކު ނޫސް ކޮންފަރެންސްތަކަށް އަރާ އަޅުގަނޑުމެންގެ ތައުރީފު ކުރޭ. އެކަމަކު އަޅުގަނޑުމެންގެ ހައްގުގައި ކަމެއް ކުރަންވީމަ ނުވެފަ އޮންނަނީ"
ރިސޯޓެއްގެ މުވައްޒަފަކު، ރެސްޓޯރެންޓު ބޭރުގައި ދެ ޓޫރިސްޓަކަށް ހިދުމަތް ދެނީ-- ފައިލް ފޮޓޯ: ނިޝާން އަލީ/ މިހާރު
02 ޖުލައި 2021 - 06:02
16 comments
ކޮވިޑް-19ގެ ސަބަބުން ރާއްޖޭގައި ރައްކާތެރިކަމުގެ ފިޔަވަޅު އެޅި ފަހުން ރިސޯޓު މުވައްޒަފުންގެ ޝަކުވާއަކީ ޗުއްޓީ އަށް ރަށަށް ނުދެވުމެވެ. އެންމެން ވެސް އުއްމީދުކޮށްގެން ތިބީ ވެކްސިން ފުރިހަމަ ކުރުމުން ކަރަންޓީން ނުވެ ރަށަށް ދެވޭނެ ކަމަށެވެ. ނަމަވެސް މިދިޔަ އަންގާރަ ދުވަހު ސަރުކާރުން ބޭއްވި ނޫސްވެރިންގެ ބައްދަލުވުމާ އެކު އެ އުއްމީދު ވެސް ގެއްލި ރިސޯޓު މުވައްޒަފުން މާޔޫސްވެއްޖެ އެވެ.
ރިސޯޓް މުވައްޒަފުން އުއްމީދުކޮށްގެން ތިބީ ކޮވިޑް-19ގެ ސަބަބުން އަޅާފައިވާ ފިޔަވަޅުތަކަށް ދިން ލުޔާއެކު ވެކްސިންގެ ދެ ޑޯޒު ޖަހާފައިވާ މީހުންނަށް ދަތުރު ކުރުމުގައި ލުއިތަކެއް ލިބޭނެ ކަމަށެވެ. ނަމަވެސް ސަރުކާރުން ނިންމީ ދެ ޑޯޒު ޖެހިޔަސް ދަތުރު ކުރާ މީހުން 14 ދުވަހު ކަރަންޓީން ވާން ޖެހޭ ގޮތަށެވެ.
ޓޫރިޒަމް މިނިސްޓްރީން ނެރުނު ތަފާސްހިސާބުތައް ދައްކާގޮތުގައި ރިސޯޓު މުވައްޒަފުންގެ ތެރެއިން 70 ޕަސެންޓަށްވުރެ ގިނަ މީހުން ވަނީ ދެ ޑޯޒު ފުރިހަމަ ކޮށްފަ އެވެ. އަދި ބައެއް ރިސޯޓުތަކުގެ 100 ޕަސެންޓް މުވައްޒަފުން ވަނީ ދެ ޑޯޒު ފުރިހަމަ ކޮށްފަ އެވެ.
"މިހާރު"އާ ވާހަކަދެއްކި ރިސޯޓު މުވައްޒަފަކު ބުނީ ސަރުކާރުން އެއްވެސް ގޮތަކަށް ރިސޯޓު މުވައްޒަފުންނާ މެދު ނުވިސްނާކަން މިހާރު ހާމަވެއްޖެ ކަމަށެވެ. އެގޮތުން، ރިސޯޓު މުވައްޒަފުން އަހަރެއްހާ ދުވަހު ކުރި އުއްމީދުތައް ސަރުކާރުން ފުނޑުފުނޑު ކޮށްލައިފި ކަމަށް އޭނާ ބުންޏެވެ.
ރިސޯޓެއްގެ މުވައްޒަފަކު ޓޫރިސްޓުން ރިސީވް ކުރަނީ: މަސައްކަތް ކުރީ ވަރަށް ބޮޑު ރިސްކެއްގެ ތެރޭގައި -- ފައިލް ފޮޓޯ: މިހާރު
"އަޅުގަނޑަށް އަނބިދަރިން ކައިރިއަށް ނުދެވޭތާ ހަ މަހަށްވުރެ ގިނަ ދުވަސް ވެއްޖެ. ވަރަށް އުއްމީދު ކޮށްގެން ހުރީ މި މަހު ރަށަށް ދެވޭނެ ކަމަށް. އެކަމަކު ހުރިހާ އުއްމީދެއް ފުނޑުފުނޑުކޮށްލައިފި." ނަން ހާމަ ނުކުރުމަށް އެދި މައުލޫމާތު ދިން ރިސޯޓު މުވައްޒަފަކު ބުންޏެވެ.
"މި ޕެންޑެމިކްގައި އެންމެ ކުރީ ސަފުގައި މަސައްކަތް ކުރާ އެއް ބަޔަކީ އަޅުގަނޑުމެން. ކޮންމެ ފަހަރަކު ނޫސް ކޮންފަރެންސްތަކަށް އަރާ އަޅުގަނޑުމެންގެ ތައުރީފު ކުރޭ. އެކަމަކު އަޅުގަނޑުމެންގެ ހައްގުގައި ކަމެއް ކުރަންވީމަ ނުވެފަ އޮންނަނީ."
އެހެން މުވައްޒަފަކު ބުނީ އޭނާ މަސައްކަތް ކުރާ ރިސޯޓުގެ ހުރިހާ މުވައްޒަފުން ވެސް ވެކްސިން ފުރިހަމަ ކޮށްފައިވާ ކަމަށެވެ. އޭނާ ބުނީ ދުނިޔޭގެ ބޮޑެތި ގައުމުތަކުގައި ވެކްސިން ފުރިހަމަ ކޮށްފައިވާ މީހުންނަށް ލުއި ދެމުން އަންނައިރު ސަރުކާރުން އެ މީހުންނަށް ލުއި ނުދިނުމަކީ ރިސޯޓު މުވައްޒަފުންނާ ދޭތެރޭގައި ވި ބޮޑު ނާއިންސާފެއް ކަމަށެވެ.
"ކޮންމެ ކަމެއްގައި ވެސް ރިސޯޓު މުވައްޒަފުންނާ ދޭތެރޭ ކަންތައް ކުރަނީ ނާއިންސާފުން. ވެކްސިން ޖަހާށޭ ލުއި ދޭނަމޭ ބުނީ. ހުރިހާ އެންމެން މިތިބީ ވެކްސިން ޖަހައިގެން. ލިބުނު ލުޔެއް ނެތް. ރަށަށް ދަންޏާ މި ޖެހެނީ ޕޮޒިޓިވް ވެގެން، ރަނގަޅުވެގެން ދާން. އެ ނޫން ގޮތެއް ނެތް،" އެ މުވައްޒަފު ބުންޏެވެ.
ކަރަންޓީން ވާން ވެސް ރަށަށް ނުދެވޭ
ކޮވިޑް-19އާ ގުޅިގެން ސަރުކާރުން ވަނީ ރިސޯޓު މުވައްޒަފުންނަށް ޗުއްޓީ ދޭއިރު ޗުއްޓީގެ އިތުރުން ކަރަންޓީން ވާން 14 ދުވަސްދޭން ވަގުތީ ގާނޫނެއް ހަދައިފަ އެވެ. މި ސަންސެޓު ގާނޫނަށް ގިނަ ރިސޯޓުތަކުން އަމަލު ނުކުރާ ކަމުގެ ޝަކުވާތައް ވެސް ވަނީ އިތުރުވެފަ އެވެ.
ރިސޯޓު މުވައްޒަފަކު ބުނީ އޭނާ ޗުއްޓީ އަށް ދާން އެދުމުން ވެސް މެނޭޖުމަންޓުން ޗުއްޓީ ދޭން ދެކޮޅު ހަދާ ކަމަށެވެ. އެގޮތަށް ކަންތައް ކުރަނީ ކަރަންޓީނުގެ 14 ދުވަސް ދޭން ޖެހޭތީ ކަމަށް މެނޭޖުމަންޓުން އޭނާ ކައިރީގައި ބުނި ކަމަށް ވެސް އޭނާ ބުންޏެވެ.
ރިސޯޓު މުވައްޒަފަކު މަސައްކަތުގައި: ކޮވިޑް ތެރޭގައި ބުރަ މަސައްކަތްތަކެއް ކުރި -- ފޮޓޯ: ރިސޯޓް ވޯކާސް މޯލްޑިވްސް
"އަޅުގަނޑަށް ކުރިން ކޮންމެ ތިން މަހުން އެއްފަހަރު ރަށަށް ދެވޭ. އެކަމަކު ރިސޯޓު އަލުން ހުޅުވިފަހުން ރިސޯޓުގައި ތާށިވެފައި ހުންނަން މިޖެހެނީ. ސާދަ ދުވަސް ދޭން ޖެހޭތީ ޗުއްޓީ ވެސް ނުދިން. ވެކްސިން ފުރިހަމަ ކުރި މީހުންނަށް ލުއި ދިނީމަ ދެވޭނެ ކަމަށް ހުރީ. އެ ފުރުސަތު ވެސް ސަރުކާރުން ނުދިން،" ރިސޯޓު މުވައްޒަފަކު ބުންޏެވެ.
ރިސޯޓު މުވައްޒަފުންނަށް ރަށަށް ނުދެވޭތީ އެކަމަށް ހައްލު ހޯދައިދިނުމަށް އެދި "ރިސޯޓު ވޯކާސް މޯލްޑިވްސް" އިން ވަނީ ރައީސަށާއި ކަމާ ބެހޭ ފަރާތްތަކަށް ޕެޓިޝަނެއް ހުށަހަޅަން ވެސް ތައްޔާރުވެފަ އެވެ. މި ޕެޓިޝަނުގައި 600 އަށްވުރެ ގިނަ ރިސޯޓު މުވައްޒަފުން ވަނީ ސޮއި ކޮށްފަ އެވެ.
ޓޫރިޒަމް ދާއިރާގެ މުވައްޒަފުންގެ ހައްގުގައި މަސައްކަތް ކުރާ ޖަމިއްޔާއެއް ކަމަށްވާ "ޓީމް" އިން ވެސް ވަނީ މިކަމާ ގުޅިގެން ކަންބޮޑުވުން ފާޅުކޮށްފަ އެވެ. އަދި ވީހާ ވެސް އަވަހަށް އެޗްޕީއޭގެ ގަވާއިދުތަކަށް ބަދަލު ގެނެސް، ރިސޯޓު މުވައްޒަފުންނަށް ރަށަށް ދެވޭ ގޮތް ހަދައިދޭން އެ ޖަމިއްޔާއިން ވަނީ ސަރުކާރުގައި އެދިފަ އެވެ.
ހަގީގަތަކީ މި ކޮވިޑް ތެރޭގައި ރިސޯޓްތަކުގެ މުވައްޒަފުން ވަރަށް ބޮޑު ރިސްކެއް ނެގި ކަމެވެ. ބައެއް ރިސޯޓްތަކަށް އެއްވެސް ހުރަހެއް ނެތި ޓޫރިސްޓުން އައިސް، މާސްކް ވެސް ނާޅައި އުޅެމުން ދިޔަ އިރު މުވައްޒަފުން ދިޔައީ ބަރާބަރަށް ޑިއުޓީ އަދާކުރަމުންނެވެ. ބައެއް މުވައްޒަފުން ބުނި ގޮތުގައި އެއީ ގައުމަށް ޓަކައި ކޮށްދިން ހިދުމަތެކެވެ. އެކަމަކު އެ މުވައްޒަފުން މިއަދު ސުވާލުކުރަމުން ދަނީ، ގައުމުން އެ މީހުންނަށް ކޮށްދިނީ ކޮން ކަމެއް ހެއްޔޭ އެވެ؟
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
02 July 2021
ތިކުދިން "ޤައުމީ އުފެއްދުންތެރިކަން އިތުރުކުރުމަށާއި ފަތުރުވެރިންގެހިދުމަތުގައިއުފުލާ މުހިންމުޒިންމާ ނޭގޭބަޔަކު" ތިބެދާނެ. އެވެސް މައްސަލައެއްނޫން. އަމިއްލަޙައްޤަށް ތެދުވެ އަޑުއުފުލާ. ޑރ ކަލާމް ވިދާޅުވެފައިވަނީ You Should not give up. and we should not allow the problem to defeat us. މިހެން. # ވަޒީފާއިންދުރަށްދާން ނުވަތަ ރިޓަޔަރ ކޮށްލަންއެދޭމީހުން ގުޅިގެންނަމަވެސް ވަޒީފާ ދޫކޮށްލުމުގެ ކުރިން މިސެކްޓަރގައިހުރި އުނިކަންކަން މީޑިއާ އަށް ޙިއްސާކުރޭ.
ރިސްކްބޯ
02 July 2021
އަދިވެސް ވޯޓްދީ އެމްޑީޕީއަށް
ނިކަމެތި ރިސޯޓް ބޯއީސް
02 July 2021
ފުލުހުންގެ ޚިދުމަތުން ތަހުޤީޤކުރުމަށް ރިސޯޓްތަކަށް އަރައި ގެސްޓުންނާ ބައްދަލުކޮށް ބަޔާން ނަގައި، ރިސޯޓުން ހެސްކިޔާފައި ކާލައިގެން އަދި ދާ މަގުމަތީގައި އެދަނީ ރިސޯޓުން ޕިއްޒާ، ބާގާ ފަދައެއްޗެހި ހިފައިގެން ރަށަށް. އެ ފުލުހުން އެދަނީ ޑިއުޓީ ނިންމާފައި ގެއަށް. ހަމަ އޯކޭ. ކޮވިޑްއެއް ނުފެތުރޭ ފުލުހުންވީމައެެއް. ހަމަ އެރިސޯޓުން އެރަށަށް ރިސޯޓް ބޯއީސް ދާންވީމައި ނުދެވޭ މައިމޫނައްތަ ނުގަބޫލުވާތީ. މިއީވެސް ހަމަ އިންސާފް ތޯ؟
ރިސޯޓް ބޯއީ
02 July 2021
ދެވޭނީ އާބާދީގެ %75 ވެކްސިން ފުރިހަމަ ކުރުމުން!!!! ގިނަރިސޯޓް ތަކަކީ އާބާދީގެ %100 ދެ ޑޯޒް ފުރިހަމަ ކޮއްފަ ވާ ރިސޯޓް ތައް. ވީއިރު ރަށުން އައިސް އަނެއްކާ ރިސޯޓްގަ ކަރަންޓީނު ވާންޖެހެނީ ކީއްވެތޯ؟؟؟؟ ކޮންމެ ރަށަކީ ވަކިން އޮންނަ ރަށެއް ނަސީމް އައް ހެދޭ ނުހއދޭ އެނގި ނުލައް ވަނީތޯ؟؟؟ ނޫނީ ރިސޯޓް ބޯއީން ރަށުގަ 14 ރަސޯޓްގަ 14ޖަހަން ބޭނުން ވަނީ ތޯ؟؟
ނޫރާ
02 July 2021
ހަގީގަތަކީ މައުސޫމު ހުންނަވަނީ އަޑަފިކޮޅު ހިފައިގެން ދުފަން! އެމިނިސްޓްރީ އަކީ ރިޒޯޓެއްގެ އެޗު އާރަކީ އެއްކަން. ޓޫރިޒަމް މިނިސްޓްރީ އަށްވެސް ދެވެނީ އެޗުއާރު ހުންނަމީހާ އަށް ދެވޭވަރަށް ޖަވާބު. މިހާރުވެސް އިތުރަށް ރިސޯޓު މުވަޒަފުން ރުޅިއަރުވަން ބިދޭސީ މުވަޒަފުން ވިލާގެ ރިޒޯޓު ތަކުގައި ފައިސާ ދީގެން ކަރަންޓީނު ވާގޮތަށް ހަދަން އުޅެނީ. ހުސް ކޮރަޕްށަން. ހުރިހާ އުދުގުލެއް ރިޒޯޓު ވޯކަރުންނަށް. 2023ގަ ފެންނާނެ ނަތީޖާ. މިއަދު އަހަރެމެންނަކީ ކަންބަޅި!
ރައްދެ
02 July 2021
ސަރުކާރުން ނުބުނޭ ކަންނޭގެ އެކަކުވެސް ރިސޯޓަށްދާށޭ, އަމިއްލަޔައް ދިޔައީދޯ, ދެންތިތާތިބޭ އަހަރެމެން ރިސޯޓައްނުގޮސް މިތިބެނީ ރަށަށް ދާން ބޭނުންވާ ކޮންމެފަހަރަކު ރަށަށް ނުދެވޭނެކަން އެގޭތީ..
ނޫރާ
02 July 2021
ނޭގެ ކަންކަމުގެ ތެރެޔަށް އަގަނުކޮޕުމަކީ ބުއްދިވެރިކަމެއް. އަހަރަމެންނަށް އެކަން ދަސްކޮށްދީނީ ރިޒޯޓު ތަކުގެ ޕުރޮފެށަނަލް މާހައުލުނެ. ސަލާމް.
އެދުރުބެ ވަތުކިބަ
02 July 2021
ސަރުކާރުން ނުބުނޭ ރާއްޖޭގަ މި މަންޖެ ދިރިއުޅޭށެކޭވެސް. ދޭބަލަ ހަނދަށް. މީހުން ލާރިހޯދަން ކުރާ ބުރަމަސަތްތަކަށް ޖޯކުޖަހާ މިކަހަލަ ޖާހިލުންގިނަވުން މިއީ މިގައުމުގެ ހަލާކު.
ޙަބީބު
02 July 2021
މީގަދެރަތަންކޮޅަކީ ހުޅުލެ އެއާޕޯޓުގަ ވަޒީފާ އަދާކުރާމީހުންނައް ޑިޔުޓީ ނިންމާލާފަ މާލެދެވޭ މާލެޔައް ބަލިފެތުރުމުން ދެންމިޖެހެނީ ހުރިހާ ރަށެއްގެ ރައްޔިތުން މިސްކިތްތައް ބަންދުކޮއް ސްކޫލުތައް ބަންދުކޮއްގެން ތިބެން މިއައްވުރެ ރަނގަޅުވާނެ ހުޅުލޭގަ ރަނގަޅު ވަގުތީޓެންޓުތަކެއް ގާއިމުކޮއްފަ ޑިޔުޓީނިންމާފަ އެތާ އެމުވައްޒަފުން ބޭތިއްބުން ދެމަސްވީމަ ކަރަންޓީނައްލާފަ ދާންބޭނުން ރަށަކައް ފޮނުވާނީ ހުރިހާ ރަށެއް އަމާންވީ އޭރުން
ނޫރާ
02 July 2021
އަދި މާރަގަޅުވާނެ ބޭފުޅާ އާއިލާ ގޮވައިގެން ފަޅުރަށަކަށް ވަޑައިގަތީމަ.
މީހުންމ
02 July 2021
ރިސޯރޓް މުވައްޒަފުން ހިފަހައްޓައިގެން މައިމޫނާ އުޅޭ އުޅުމުގުގެ ނަތީޖާ އެއްގެ ގޮތުން ރިސޯރޓް މުވައްޒަފުން ހިތްހަމައެއް ނުޖެހޭ
މުހަންމަދު ރިސޯޓު މުވައްޒަފު
02 July 2021
ހަގީގަތަކީ ރިސޯޓުތަކުގަމަސައްކަތްކުރާ މުވައްޒަފުން މަސައްކަތްކުރަމުންދަނީ ވަރއް ދަތިހާލުގަކަން ގިނަރިސޯޓުތަކުން ގެސްޓު އެރައިވަލުގަ ގެސްޓުންގާތު ބުނަމުންދަނީ އެމީހުންމާސްކުއަޅަންނުޖެހޭނެކަމައް މީހަގީގަތް، ވަރައްމަދު ރިސޯތެއްގަނޫނީ އޮފްޑޭކޮޅާ ޕަބުލިކުހޮލިޑޭކޮޅުވެސް ރިސޯޓުގަބާތިއްބާގެން ނައްގުވާ ހުސްކުރުވާ ދެންއެހެންވީމަ މިއޮނަނީ ހަމައެކަނި އަހަރީޗުއްޓީ އެކަނި ދެންއަހަރުންކަރީގަބުނަނީ ޗުއްޓީއް އަދެވޭނީ ކަރަންޓީނުން ކަޑާކޮތަށޭ އަހަރުންނަކީ ދެވަނަދަރ
އެލެކުސް އޮބި
02 July 2021
ކޮންމެއް ސަރުކާރަކުންވެސް ރިސޯރޓް މުވައްޒަފުން ގެންގުޅެނީ ގުބޯ ހައްދައިގެން އަޅުންގެ ގޮތުގަ، ވޯޓަށް ވީމަ ބުނާނެ ތިޔައޭ ގައުމުގެ މައިބަދައޭ ދިރުމޭ އެކަމަކު އާހިރުގަ ހުރިހާ ހިއްދަތިކަމަކާއި ކެކުޅުމެއް ތަހައްމަލުކުރަނީ އަހަރަމެންނާ އަހަރެމެންގެ އާއިލާތައް، ގުލާނުކޮށްގެ ލިބޭ ނަގުދު ބޯޖެހި ނޫޓް ފެނުމުން މޭކަރައި ބޭނުންހާ ގޮތެއްހެދިދާނެ ކަމަށް ކޮންމެއް ސަރުކާރަކުންވެސް ހީކުރުން މީ ގޯހެއް ތޮށިގަނޑު ފަލާފަ ނުކުތުމުން އިގުތިސާދޭ ލޭނާރޭ ނުކިޔާތި.....