ތިމަރަފުށީ ދާއިރާގެ މެމްބަރު އަބްދުﷲ ރިޔާޒު ދަނގެތި ދާއިރާގެ މެމްބަރު މުހައްމަދު ނާޒިމާއެކު: ރިޔާޒު ވަނީ މިއަދު ޖޭޕީއިން ވަކިވެވަޑައިގެންފައި -- ފޮޓޯ: ހުސެއިން ވަހީދު/ މިހާރު
11 ޖުލައި 2021 - 22:40
17 comments
އާ ސިޔާސީ ޕާޓީއެއް ހައްދަވާތީ ކުރީގެ ޕޮލިސް ކޮމިޝަނަރު އަދި ތިމަރަފުށީ ދާއިރާގެ މެމްބަރު އަބްދުﷲ ރިޔާޒު ޖުމްހޫރީ ޕާޓީން ވަކިވެވަޑައިގެންފި އެވެ.
ރިޔާޒްގެ ވަރަށް ގާތް ބޭފުޅުއް ކަމަށްވާ ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު އަދި ކުރީގެ ޑިފެންސް މިނިސްޓަރު މުހައްމަދު ނާޒިމް އިސްވެ ހުންނަވައިގެން ސިޔާސީ ޕާޓީއެއް އުފައްދަވަން ނިންމަވައި، 3،000 މެމްބަރުންގެ ސޮއި މިހާރު ވަނީ ހޯއްދަވައިފަ އެވެ. އެނގިފައިވާ ގޮތުގައި ރިޔާޒަކީ ވެސް އެ ޕާޓީގެ އިސް ބޭފުޅަކަށް ވާނެ އެވެ.
ޖުމްހޫރީ ޕާޓީގެ ރައީސް ގާސިމް އިބްރާހިމަށް ރިޔާޒް ފޮނުއްވި ސިޓީއެއްގައި ވިދާޅުވެފައި ވަނީ ސިޔާސީ ޕާޓީއެއް އުފައްދައިގެން ގައުމަށާއި ރައްޔިތުންނަށް ހިދުމަތް ކުރައްވަން ބޭނުންވާތީ މިއަދުން ފެށިގެން ޖުމްހޫރީ ޕާޓީން ވަކިވާ ކަމަށެވެ.
"ސިޔާސީ ޕާޓީއެއް އުފައްދައިގެން ދިވެހި ގައުމަށާއި ރައްޔިތުންނަށް ހިދުމަތް ކުރުމަށް އަޅުގަނޑު ނިންމާފައިވާތީވެ، މިއަދުން ފެށިގެން ޖުމްހޫރީ ޕާޓީގެ މެމްބަރު ކަމުން އަޅުގަނޑު ވަކިވި ވާހަކަ ދެންނެވީމެވެ." ޖޭޕީގެ ލީޑަރު ގާސިމްގެ އެޑްވައިޒަރެއްގެ ގޮތުގައި ވެސް ހުންނެވި ރިޔާޒުގެ ސިޓީގައިވެ އެވެ.
އޭނާ ވަނީ ޖުމްހޫރީ ޕާޓީން އޭނާއަށް ލިބިވަޑައިގެންނެވި އެހީތެރިކަމާއި އެއްބާރުލުމަށް އެ ޕާޓީގެ ހުރިހާ މެމްބަރުންނަށް ޝުކުރު އަދާކުރައްވައިފަ އެވެ.
ނާޒިމް އިސްވެ އުފައްދަވާ ޕާޓީގައި ރިޔާޒުގެ އިތުރުން މަޖިލީހުގެ މިނިވަން ތިން މެމްބަރު ހިމެނޭނެ ކަމަށް ވަނީ އެނގިފަ އެވެ. ނަމަވެސް، އެއީ ކޮން މެމްބަރުންނެއް ކަމެއް އަދި އެނގިފައި ނުވެ އެވެ.
ނާޒިމާއި ރިޔާޒު ސިޔާސީ ޕާޓީއެއް އުފައްދެވުމުގެ މަސައްކަތް ކުރައްވަމުން ގެންދަވާއިރު، ގައުމީ އެއްބައިވަންތަކަމުގެ ޕާޓީ ނުވަތަ ނޭޝަނަލް ސޮލިޑާރިޓީ ޕާޓީ (އެންއެސްޕީ) ގެ ނަމުގައި ޕާޓީއެއް އުފައްދަން، ރައީސް މައުމޫން އަބްދުލް ގައްޔޫމްގެ ސަރުކާރުގެ މިނިސްޓަރުކަން ކުރެއްވި އަބްދުﷲ ކަމާލުއްދީން މިހާރު ވަނީ އިލެކްޝަންސް ކޮމިޝަނަށް ހުށަހަޅުއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން
12 July 2021
ސިފައިންގޭގައި ދުވަސްކޮޅަކު ނާޒިމުއާއެކު އަޅުގަނޑު މަސައްކަތްކުރިން، ނާޒިމު އަދި ރިޒާރު މިލިޓުރީ ތަޖުރިބާހުރި ވަރުގަދަ ދެ ފަހުލަވާނުން، އަދި މިވަގުތު ރާއްޖޭގެ ސިޔާސީ މައިދާނުގައި ތިބި އެންމެ ޑިސިޕުލިން އެންމެ ހަރުދަނާ އިތުބާރުކުރެވޭ މަދުމީހުންގެ ތެރޭގައި ހިމެނޭ ދެމީހުން.. މިޕާޓީއުފެދުމަކީ ރާއްޖޭގެ ސިޔާސީކަންކަމަށް ލިބޭނެ ދިރުމެއް! ގައިމު އޮށްޓަރެއްހުރި ވެރިންތިބި ޕާޓީއެއް އޮންނާނެ ކަންކަމާ ބަސްބުނަން..!
ކޫދެތާ
12 July 2021
މި ދެކުދިން ކުރިން ކުޅުނު ކުޅިގަނޑުގެ ވަބާއިން އަދިވެސް ގައުމަށް އަރާނުގަނެވޭ. ވަހީދު އެހެރީ ތާށިވެފަ.
ނަސްރު45
12 July 2021
ބާގ ޕާރޓީ އަށް މަވެސް ވަންނަން ބޭނުން
އެކްސްްް
12 July 2021
ގާސިމަށް ދުވަހަކުވެސް އެއްޗެއް ވިސްނޭނެބާ؟ މިމީހުން ކައިރިކޮށްގެން އެތައް ފައިސާއެއް ޚަރަދުކޮށްގެން އާޚިރުގައި މިލިބެނީ ކޮޅުކެހި.
މުޙުއްމާ
12 July 2021
މިސަރުކާރުން މޯދީއަށްދިން މިނިވަންކަން އަބުރާ ދިވެހިންނަށް ހޯދާނެކަމުގެ ގެރެންޓީ ދޭ ވެރިއަކަށް 2023 ގަ ވޯޓް ލާގޮތަށް ދިވެހި ރައްޔިތުންގެ މެޖޯރިޓީ ތިބީ.
އޮނަރަބްލް އަފީފު ދީދީ
12 July 2021
ޕާލަމެންޓަރީ ނިޒާމާއިދިމާލަށް ލޯ ތައް އެބުރިގެންދާއިރު ޤއ އާއި ޤާނޫނުތަކަށް އެބަދަލުތައް ގެންނާންޖެހޭ. # މިބަދަލު އަންނައިރު ޤއ ގެ 72 ހ އަދި ށ ގައިވާގޮތަށް މަޖިލީހަށް މެންބަރުން އިންތިޙާބުވެސް ކުރާންވާނެ. ޤާނޫނު އަސާސީގައިވަނީ މަޖިލީހަށް ހޮވާންވާނީ އެދާއިރާތަކުގެ ރަށްވެހިންކަމަށް. # ސާފުބަހުން ޤއ ގައި ލިޔެފައިއޮތީ ކޮންމެ އިދާރީދާއިރާ "އަކުން" މެންބަރަކު ހޮވާންވާނެކަމަށް، ފަހަރެއްގައިވެސްނެތް އިދާރީ ދާއިރާ "އަކަށް" މެންބަރަކު ހޮވާންވާނެކަމަކަށް.
އޮނަރަބްލް އަފީފު ދީދީ
12 July 2021
އެމްޑީޕީ ސުޕަރމެޖޯރިޓީ ޕާލަމެންޓްގައި ޑިމޮކްރަސީއާއި މަލްޓިޕާޓީސިސްޓަމް އަދި ލާމަރުކަޒީނިޒާމް ނެތިނުދާނެގޮތަކަށް ޤއ އާއި ޤާނޫނުތަކަށް ބަދަލުގެންނާންޖެހޭ. # މިގޮތުން "ސަރަހައްދީ ޕާޓީ" އުފައްދާންޖާގަދީ ޕާޓީއެއްގައި 2000 މީހުންތިބިނަމަ ޕާޓީ ދެމިއޮންނަގޮތަށްހެދުމަށާއި ޕާޓީގެ ދަފުތަރުގައިހިމެނޭ "ބޮލަށް" ފައިސާދިނުމުގެބަދަލުގައި "ޕާޓީގެފަރާތުންހޯދާ އިންތިޙާބީ ގޮނޑިތަކަށް" ފައިސާދޭގޮތަށްހަދާ. ޢަދި ރާއްޖެ އިދާރީ ޤާނޫނީ 3 ޕްރޮވިންސަކަށް ހިންގާންފައްޓަވާ.
އުދެލި
12 July 2021
ކޮންމެ ރެއަކު މިމީހުނަށް ބަރުލަމާނީގެ ހުވަފެން ފެންނަނީ. ކޮބާ އެފްއޭ އާއި ޕާޕާ.
ރޭނިގެ އާދަނު
12 July 2021
ރިޔާޒް ލައިގެން ބަގާވާތް ކުރެވުނަސް ތިކަމެއް ނުކުރެވޭނެ. ސިޔާސީ ޕާރޓީއެއް ޕާރޓީއަކަށްވާނީ މީހުން ގަބޫލްކުރާ މީހުން ލައިގެން ޕާރޓީ ހެދީމަ. އޭކޭ ޕާރޓީ މާ ހިގާނެހެން ހީވަނީ.
ސަފުން
12 July 2021
ޛުމްހޫރު އިހުނަށް ވުރެވެސް ގެއްލުނީ