ޖުމްހޫރީ ޕާޓީގެ ލީޑަރު ގާސިމްއާ މައުމޫން ބައްދަލުކުރެއްވުމަށްފަހު ބޭއްވި ނޫސްވެރިންގެ ބައްދަލުވުމުގައި މައުމޫން ވާހަކަފުޅުދައްކަވަނީ.-- ފޮޓޯ: ނިޝާން އަލީ/ މިހާރު
24 ނޮވެމްބަރ 2016 - 17:20
4 comments
ސިޔާސީ ޕާޓީތަކުގެ މަގާމުތަކުގެ މައުލޫމާތު ހިއްސާކުރާނީ އެ ޕާޓީއަކުން ކަމަށް ބުނެ، މައުމޫން އަބްދުލްގައްޔޫމަކީ ޕީޕީއެމްގެ ރައީސްކަން އަންގައިދޭ ލިޔުމެއް ހޯދަން އެ މަނިކުފާނު ހުށަހެޅުއްވި ސިޓީގެ ޖަވާބު އިލެކްޝަންސް ކޮމިޝަން (އީސީ) އިން މިއަދު ދީފި އެވެ.
އެ ކޮމިޝަންގެ ސެކްރެޓަރީ ޖެނެރަލް އަހުމަދު އަލީ ސޮއިކުރައްވައި ކުރީގެ ރައީސް މައުމޫނަށް ފޮނުއްވި ސިޓީގައި ވިދާޅުވެފައި ވަނީ ސިޔާސީ ޕާޓީތަކުގެ މައުލޫމާތު ހިއްސާ ކުރަންވާނީ އެ ޕާޓީއަކުން ކަމަށާއި އެކަމަކު ޕާޓީން މައުލޫމާތު ނުލިބިއްޖެ ނަމަ ކޮމިޝަނަށް އެހީތެރި ވެވިދާނެ ކަމަށެވެ.
މައުމޫނަކީ ޕީޕީއެމްގެ ރައީސްކަން އަންގައިދޭ ލިޔުމެއް ހޯދަން ހުށަހެޅީ ސިވިލް ކޯޓަށް ހުށަހެޅުއްވި މައްސަލައަކާ ގުޅިގެން، އެ ކޯޓަށް ލިއުން ބޭނުންވާތީ ކަމަށް، ދެ ބައި ވެފައިވާ ޕީޕީއެމްގައި ރައީސް މައުމޫނަށް ތާއީދުކުރާ ފެކްޝަނުން ވަނީ ބުނެފަ އެވެ. މި ލިއުމުގެ އިތުރުން، ޖެނުއަރީ 2013 ގައި ބޭއްވި ޕީޕީއެމްގެ ފުރަތަމަ ގައުމީ ޖަލްސާގެ ޔައުމިއްޔާގެ ކޮޕީއެއް ލިބޭނެ ގޮތް ހައްދަވައިދެއްވަން ވެސް މައުމޫން އެދިވަޑައިގެންފައިވެ އެވެ.
މައުމޫން ފޮނުއްވި ސިިޓީގެ ޖަވާބު ހޯދުމަށް އެމަނިކުފާނުގެ ފެކްޝަނުން އިއްޔެ ވަނީ އިލެކްޝަންސް ކޮމިޝަނަށް ގޮސްފަ އެވެ.
ޕީޕީއެމް ދެ ބައިވެ، ރައީސް އަބްދުﷲ ޔާމީންގެ ފެކްޝަންގެ މެންބަރުންތަކެއް ކޯޓަށް ހުށަހެޅި މައްސަލައެއްގައި ސިވިލް ކޯޓުން ވަނީ ޕާޓީގެ ރައީސްގެ ބާރުތައް، ކައުންސިލުން ވަކި ގޮތެއް ކަނޑައަޅަންދެން ޕާޓީގެ މުސްތަޝާރާ ހަވާލުކުރަން ހުކުމް ކޮށްފަ އެވެ. އެ ހުކުމަށް ފަހު ކައުންސިލުން ނިންމާފައި ވަނީ ރައީސްގެ ބާރުގެ މުސްތަޝާރު ރައީސް ޔާމީނާ ހަވާލުކުރުމަށެވެ. ނަމަވެސް މައުމޫންގެ ފަރާތްޕުޅުން ވަނީ ކައުންސިލްގެ އެ ނިންމުން ޕާޓީގެ އަސާސީ ގަަވައިދާ ހިލާފު ކަމަށް ބުނެ ކޯޓަށް ހުށަހަޅައިފަ އެވެ. އަސާސީ ގަވައިދު ބުނާ ގޮތުން މުސްތަޝާރަކީ ޕާޓީ ހިންގުމުގެ އެއްވެސް ބާރެއް ނޯންނަ ރަމްޒީ މަގާމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުލައިމާން
25 November 2016
ދެން ކީއްވެތޯ ޔާމީން ފެކްޝަނުން ރައީސް މައުމޫން ގޮވައިގެން ކޯޓަށް ދިޔަ މަޖިލިސް މެމްބަރުން ޝާހިދު އާއި ޝިޔާމް އަށް ކޯޓައްގެންދަން އެއީ ޕާރޓީ މެންބަރުންނޭ ކިޔާފަ އީސީން ލިއުން ދިނީ. ރައީސް މައުމޫން އެދި ލެއްވީމަ ތޯ ޕާރޓީން މައުލޫމާތު ހޯދަން ތި ބުނަނީ؟ ޔާމީން އެދޭ އިރަށް ޕާރޓީ ރަޖިސްޓްރީ ވެސް ބާތިލް ކޮށް ޔާމީން އަކީ މަސްއޫލުވެރިޔެކޭ ލިޔެ އަދި އާޒިމާ ޕާރޓިން ވަކިވެފައި ވަނިކޮށޤ އެއީވެސް މަސްއޫލު ވެރިއެކޭ ލިޔެފަ ޖަމްއިއްޔާ ތަކުގެ ރަޖިސްޓްރީ ދޫކުރާ ހެން ތި ދޫކުރީ. ޕީއޭގެ ސުލައިމާން ގެ ރައިސް ކަމުގަ ވަރައް އިންސާފުން ހިނގާ ތަނެއް ކަމަށް ފެނޭ ތި އީސީ އަކީ. މިހާރު ތިދާ ވަރުން ވޯޓްލިޔަސް ނުލިޔަސް ޔާމީން އަކީ 2018 ގެ ގައުމުގެ ރައީސް އޭ ކިޔާފަ ތިތަނުން އިއުލާން ކުރާކަށް ފަސް ނުޖެހޭނެ ކަމުގެ ނިޝާން ތައް ތިފެންނަނީ. އެކަމަކު ޔާމީން 2018 ގަ ވޯޓަކުން ނުހޮވޭނެ އިންޝާﷲ. އެހާ ހިސާބުން ތި އެންމެން ތިތަނުން ބާކީ ވާނެ.
ގެރިކޮށި
25 November 2016
ޔާމީނުގެ ނަންވެއްޖެއްޔާ މައްސަލައެއް ނެތް. އެހެންނޫނީ އެއީ އެ ޕާޓީއެއްގެ ކަމެއް. މިނިވަންވާނީ ތިހާކަތްހާ ވަރަށް! ދެރައީ ދައިވެސް ރައްޔިތުން ކުރިމައްޗަށް ނިކުންނަން ލަދުނުގަންނާތީ!
އަލިދީދީއައްޑޫސިޓީ
24 November 2016
ޕީޕީއެމްގެ ލެޓަރހެޑް ގައި، ރައީސް މައުމޫނު އަމިއްލަފުޅަށް ސޮއިކުރައްވައި، އެމަނިކުފާނަކީ، ޕްރޮގްރެސިވް ޕާރޓީ އޮފް މޯލްޑިވްސް ގެ ޢާއްމު މެންބަރުންގެ ވޯޓުން ހޮވިވަޑައިގެން ހުންނެވި، އެޕާރޓީގެ އިންތިޚާބީ ރައީސް ކަމުގައި، ކޯޓަށް ލިއުން ހުށަހެޅުއްވުމުން ކޯޓުން ޤަބޫލު ކުރައްވާނެބާ؟ ދެން އޮތީ އެކަން ސާބިތުކުރުމަށް ހުށަހަޅަންޖެހޭ ޔައުމިއްޔާ، "މުދާ ވަގަށް" ގެންދިޔައިރު ލިޔެކިއުން ތައް ގެންގޮސްފައި ވުމުން ޔައުމިއްޔާ ގެ ކޮޕީ އެއް ހޯދުމަށް އީސީ ގައި އެދި ވަޑައިގަތީ، އެކަމިޝަނުގައި ޔައުމިއްޔާގެ ކޮޕީ އޮންނާނެތީވެ. އެ ދެއްވިބާ؟ ނުދެއްވާނަމަ ނުދެއްވީ ކީއްވެބާ؟
ރަދީފް
24 November 2016
ލަދުގެ ކަންފުޅެއްވެސް ނެތް ބައެއްކަން ސާބިތު ކޮށްދިނީތީވެ ތިޔަ ކޮމިޝަނަށް ވަރަށް ވެދުން.