މާލެ- 31 ޖުލައި 2020: މާލޭގެ އިސްލާމީ މަރުކަޒުގައި ކުރި އަޟްހާ އީދު ނަމާދުގައި މީހުން ބައިވެރިވަނީ، ކޮވިޑް-19 ގެ ހާލަތު ރާއްޖޭގައި ގޯސްވެފައިވާތީ، މިއަދު އީދު ނަމާދު އޮތީ އިސްލާމީ މަރުކަޒާއި ހުކުރު ނަމާދުކުރާ މިސްކިތްތަކުގައި އެކަނި -- ފޮޓޯތައް: ނިޝާން އަލީ/މިހާރު
14 ޖުލައި 2021 - 11:18
5 comments
ކުރިއަށް އޮތް އަޟްހާ އީދު ދުވަހު ބޮޑު ޖަމާއަތުގައި ކުރިއަށް ނުގެންދާ ގޮތަށް އިސްލާމިކް މިނިސްޓްރީން ނިންމައިފި އެވެ.
ރާއްޖޭގައި ކޮވިޑް-19 ގެ ހާލަތު ގޯސްވުމުގެ ސަބަބުން މިދިޔަ އަހަރު މިސްކިތްތައް ބަންދުކޮށް، އީދު ނަމާދު ވެސް ބޮޑު ޖަމާއަތުގައި ނުކުރަން ވަނީ ނިންމައިފަ އެވެ. ނަމަވެސް ކޮވިޑުގެ ހާލަތު ރަނގަޅުވަމުން އައުމާއެކު އެޗްޕީއޭ އިން ވަނީ ކުރިން އަޅާފައިވާ ފިޔަވަޅުތައް އުވާލައި، ބޮޑެތި ލުއިތައް ދީފަ އެވެ. އޭގެ ތެރޭގައި މިސްކިތްތަކުގައި ޖަމާއަތުގައި ނަމާދުކުރެވޭ ގޮތް ހެދުން ހިމެނެ އެވެ.
އިސްލާމިކް މިނިސްޓަރު ޑރ. އަހުމަދު ޒާހިރު އަލީ "މިހާރު" އަށް ވިދާޅުވީ މި އަހަރުގެ އަޟްހާ އީދު ދުވަހު ބޮޑު ޖަމާއަތުގައި ނަމާދު ނުކުރަން މިނިސްޓްރީން ނިންމީ އެޗްޕީއޭގެ ގައިޑްލައިންތަކަށް ތަބާވުމުގެ ގޮތުން ގިނަ ބަޔަކު އެއްފަހަރާ އެއް ސަރަހައްދެއްގައި ތޮށްޖެހުން ކުޑަ ކުރުމަށް ކަމަށެވެ.
"ބޮޑު ޖަމާއަތް ބާއްވައިފި ނަމަ ނުކުންނަ ދޮރުގައި ތޮއްޖެހޭނެ. އެކަމުގެ ސަބަބުން ކިތަންމެ ވަރަކަށް އެޗްޕީއޭގެ ގައިޑްލައިންތަކަށް އަމަލުކުރަން އަންގާފައި ވިޔަސް އެ ގައިޑްލައިންތަކަކަށް އަމަލެއް ނުކުރެވޭނެ،" މިނިސްޓަރު ވިދާޅުވި އެވެ.
ނަމަވެސް މާލޭގައި ހުކުރު ނަމާދު ކުރާ ހުރިހާ މިސްކިތެއްގައި ވެސް އީދު ނަމާދުގެ ޖަމާއަތް ބޭއްވޭނެ ކަމަށް މިނިސްޓަރު ވިދާޅުވި އެވެ. އަދި ކޮވިޑުގެ ހާލަތު ގޯސްވެ، މޮނިޓަރިންގައިވާ ރަށްރަށް ފިޔަވައި ބާކީ ރަށްރަށުގައި އީދު ނަމާދު ޖަމާއަތުގައި ކުރެވޭނެ ކަމަށްވެސް މިނިސްޓަރު ވިދާޅުވި އެވެ.
މިދިޔަ އަހަރު ރާއްޖޭގައި ކޮވިޑުގެ ހާލަތު ގޯސްވުމުގެ ސަބަބުން މިސްކިތްތަކުގައި ޖަމާއަތް ހަދައިގެން ނަމާދުކުރުން ވަގުތީ ގޮތުން މެދުކަނޑާލި އިރު، އޭރު ހުކުރު ނަމާދާއި އީދު ނަމާދުވެސް ޖަމާއަތުގައި ނުކުރާ ގޮތަށް ވަނީ ނިންމާފަ އެވެ. ނަމަވެސް މިދިޔަ އަހަރު ހާލަތު ކޮންމެވެސް ވަރަކަށް ރަނގަޅުވެފައި ވުމާ އެކު މިދިޔަ އަހަރުގެ އަޟްހާ އީދު ދުވަހު މިސްކިތްތަކުގައި ވަނީ އީދު ނަމާދު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޅިބައިސާ
14 July 2021
ޝުކުރިއްޔާ މިނިސްޓަރ. ﷲ އަށްޓަކައި މިބިންމަތީ ބިނާކުރެވިފައިވާ މިސްކިތްތައް ދޫކޮށް އެއަށްވުރެ މާތްތަނެއްގާ ނަމާދުކުރާ ހިތްވާ މީހުން އެފަދަ ތަނެއް ހޯދައިގެން ދިއާމަ ނިމުނީ. ނަމާދު ކުރުމަށް މިސްކިތްތަކަށްވުރެ މޮޅުއިތުރު އެއްވެސް ތަނެއް ނެތްކަން އެއީ ސުންނަތް ޖަމާޢަތުގެ ޢިލްމުވެރިން އިއްތިފާގުވާ ކަމެއް. އެއާ ހިލާފުވާނީ ވައްހާބީން.
ކުނބު
14 July 2021
މިނިސްޓަރު އެހެދީ ރަނގަޅަށް މިކަންކުރީމަ “ދީނީ” މީހުން މައްސަލަޖައްސާނަ މިކަންކޮށްގެން މިސާލަކަށް ކޮވިޑް ގްރާފް މައްޗަށް ގޮސްފިޔާ ދެންތިބި އެންމެން މިނިސްޓަރު “ކާލާނެ”
ވަކަޑޭ
14 July 2021
މިސްކިތައް ދެވޭ، ހޮޓާތަކަށް ދެވޭ، ފިހާރަތަކަށް ދެވޭ، އީދު ނަމާދަށް މައިދާނަށް ނުދެވެނީ.. ލާދީނީ ސަރުކާރޭ ބުނީމަ ކުށްވެރިވާނީ އަޅުގަނޑު ތޯ؟ "ބޮޑު ޖަމާއަތް ބާއްވައިފި ނަމަ ނުކުންނަ ދޮރުގައި ތޮއްޖެހޭނެ." މިސްކިތް ދޮރުތަށް ހާދަހާ ބޮޑެއްޗޭ ދޯ؟
ގެދާނޯމޮސް
14 July 2021
ހޮޓާތަކާއި އެހެނިހެން ތަންތަނުގަ އެކުގަ މުއާމަލާތް ކުރުން ހުއްދަވާއިރު ދެމީހަކު ފައިގެ ދެތަނބިކަށި ހިނދުކޮޅަކަށް ޖައްސައިލައިގެން ހުރުމުން ބަލިފެތުރޭ ކަން ވިސްނެނީ މޮޅެތި ޑރ ންނަށެވެ.
ފެނުކެއްކި ބޮލި
14 July 2021
ކިހާ ތާހިރު! އީދު ނަމާދުގެ ބޮޑު ޖަމާއަތް ކެންސަލް. އީދު ކުޅިވަރުތައް މެކުހަށް. އީދު ކުޅިވަރު ނުބާއްވަން ބުންޏަސް ބާއްވާނެ. ބޭއްވިޔަސް ފިޔަވަޅެއްވެސް ނާޅާނެ. އީދު ނަމާދުގެ ބޮޑު ޖަމާއަތް ނުބާއްވަން އެންގެވީތީ ނުބައްވާނެ. ގަޓުވެފަ ބޭއްވިޔަސް ފިޔަވަޅުވެސް އަޅާނެ. އީދު ނަމާދުގެ ބޮޑު ޖަމާއަތް ނުބޭއްވެންޏާއި އީދު ކުޅިވަރެއްވެސް ކުޅެވިގެންނުވާނެ. އެލް.ޖީ.އޭ އިން އީދު ކުުޅިވަރު ކުޅޭ ރަށްރަށުގެ ކައުންސިލްތައް ޖޫރިމަނާކުރަން ފެނޭ.