ސްޓޭލްކޯގެ މެނޭޖިން ޑިރެކްޓަރު ހަސަން މުޣުނީ ރަސްމިއްޔާތެއްގައި ވާހަކަދައްކަވަނީ-- ފައިލް ފޮޓޯ: ނިޝާން އަލީ/މިހާރު
15 ޖުލައި 2021 - 15:11
11 comments
އޭޝިއާ ބައްރުގެ ކުންފުނިތަކުގެ ތެރެއިން ރާއްޖޭގެ ސްޓެލްކޯގެ މެނޭޖިން ޑިރެކްޓަރު ހަސަން މުޣުނީ އަށް ނަމޫނާ ލީޑަރުގެ އެވޯޑް މިއަދު ލިބިއްޖެ އެވެ.
އޭނާ އަށް މި އެވޯޑު ލިބުނީ 19 ވަނަ އޭޝިއަން އެޗްއާރު އެވޯޑްސްގަ އެވެ.
އޭޝިއާގެ ކުންފުނިތަކުގެ ނަމޫނާ ލީޑަރުގެ އެވޯޑް މުޣުނީ އަށް ލިބުނީ ގިނަ ކުންފުނިތަކުގެ ވެރިންގެ ތެރެއިން ރޯލް މޮޑެލެއްގެ ގޮތުގައި އޭނާ ފާހަގަ ކުރެވޭތީ ކަމަށް ސްޓެލްކޯ އިން ބުންޏެވެ.
އެ ކުންފުނިން ބުނިގޮތުގައި "އެގްސެމްޕްލަރީ ލީޑާ އޮފް ދަ އިޔާ" އެވޯޑު މުޣުނީ އަށް ލިބުނީ ގިނަ ސަބަބުތަކާ ހުރެ އެވެ.
ފާހަގަކޮށްލެއްވޭ ބައެއް ކަންތައްތަކުގެ ތެރޭގައި މަގާމާ ހަވާލުވެވަޑައިގެންނެވި ފަހުން ސްޓެލްކޯގެ މާލީ ހާލަތު ރަނގަޅު ވުމާއި ޕީސީބީން ކުންފުނިތައް ރޭންކު ކުރާ މިންގަނޑުގެ "އޭ" ކެޓަގަރީގައި ސްޓެލްކޯ ހިމެނުމާއި ހަކަތަ އުފެއްދުމުގައި ތެލަށް ބަރޯސާވާން ޖެހޭ މިންވަރު ކުޑަކުރުމަށް ކުރަމުން އަންނަ މަސައްކަތްތައް ހިމެނޭ ކަމަށް ސްޓެލްކޯ އިން ބުނެ އެވެ.
މުޣުނީ، 2018 ގެ ފަހުކޮޅު ސްޓެލްކޯއާ ހަވާލުވި ފަހުން، ހަކަތަ އުފެއްދުމުގައި ތެލަށް ބަރޯސާވާ މިންވަރު ކުޑަ ކުރުމަށް ވަނީ ގްރީންލައިފް އިނީޝިއޭޓިވްއެއް ފަށައިފަ އެވެ. މި އިނޝިއޭޓިވްގެ ދަށުން އެ ކުންފުނިން އަންނަނީ ސޯލާ ޕެނަލް ވިއްކައި 100 ޕަސެންޓު އިއާދަ ކުރަނިވި ހަކަތައިން ކަރަންޓު ފޯރުކޮށްދޭ ބަސް ސްޓޮޕަކާއި ފްލޯޓިން ސޯލާ ޕޮޑެއް ވެސް ހަދައިފަ އެވެ.
މީގެ އިތުރުން ކޮވިޑް-19 ގެ ނާޒުކް ހާލަތުގައި މެދުނުކެނޑި ހިދުމަތް ދިނުމަށް ކުންފުނި ހިންގުމަށް އަޅާފައިވާ ފިޔަވަޅުތައް ހަރުދަނާ ވުމާއި މި ހާލަތުގައި ވެސް ބޮޑެތި މަޝްރޫއުތައް ކުރިއަށް ގެންދިއުމާއި ކުންފުނީގެ ހިދުމަތްތައް އައިއެސްއޯ 9001:2015 މިންގަނޑަށް ސެޓިފައި ކުރުމަކީ ވެސް މުޣުނީ އަށް އެވޯޑު ލިބުނު ސަބަބެއް ކަމަށް ސްޓެލްކޯ އިން ބުންޏެވެ.
ކޮވިޑް-19އާ ގުޅިގެން މާލެ ލޮކްޑައުން ކުރުމާ ގުޅިިގެން ސްޓެލްކޯ އިން އެޅި ފިޔަވަޅުތަކާއެކު އެ ކުންފުނީގެ އެއްވެސް މުވައްޒަފަކު އެ ބައްޔަށް ޕޮޒިޓިވް ނުވުމަކީ ވެސް ކާމިޔާބެއް ކަމަށް ސްޓެލްކޯ އިން ބުނެ އެވެ.
އޭޝިއަން އެޗްއާރު އެވޯޑްސްގެ "އެގްސެމްޕްލަރީ ލީޑާ އޮފް ދަ އިޔާ" ގެ އެވޯޑު މުޣުނީ އަށް ލިބިފައިވާއިރު މިދިޔަ އަހަރު "އޭޝިއާސް ބެސްޓް އެމްޕްލޯޔާ ބްރޭންޑް އެވޯޑްސް" އިން ދިން "އިމާޖިން ލީޑާ އޮފް ދަ އިޔާ"ގެ އެވޯޑު ވެސް އޭނާ ހޯއްދެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސިސް
17 July 2021
ލޮލް
ރަށުމީހުން
16 July 2021
އެންމެ މުސާރަ ބޮޑު އެމްޑީ.
ފާރިހަތު ޖަލީލު
16 July 2021
ފާރިދެކޭގޮތުގައި މުޣުނީއަކީ އެންމެ ތައުލީމީ، އެންމެ ގާބިލް އަދި ރައީސް ސޯލިހުއަށާއި ރައީސް ނަޝީދަށްވެސް އެންމެ ހެޔޮ އެމްޑީ. މީގެ އިތުރުން ގާސިމް އިބްރާހިމްގެ ސިޔާސީ ކަންކަން ކުރުމަށްވެސް އެންމެ ގާބިލް އެމްޑީ.
އަރުތަ
15 July 2021
ފައިސާދީފަ ގަތް އެވޯޑެއް ކަމަށް އެބައޮތް އެހެން ނޫހެއްގަ، ފެނަކަ ސައީދުއާ މުޣުނީއާ ދެމީހުންނަކީ މިފަދަ އެވޯޑުތައް އެންމެ ގިނައިން ގަންނަ ދެމީހުންކަމަށްވެސް ބުނެފަ އެބައޮތް.
ހަސަން (ބކކ)
15 July 2021
އަހަރެން ދެކޭގޮތުގައި ޙަޞަން މުޣުނީއަކީ ނަމޫނާ އެމްޑީއެއް. މެލޭޝިޔާއިން ބިޒްނަސް ދާއިރާއިން ޑިގްރީ ހާޞިލް ކުރުއްވުމަށްފަހު އެމެރިކާ ސަރުކާރުގެ ފުލްބްރައިޓް ސްކޮލަރޝިޕެއްގައި އިކޮނޮމިކްސް އާއި މެނޭޖްމަންޓް ދާއިރާއިން މާސްޓަރޒް ހާސިލްކުރެއްވީ ދުނިޔޭގެ ނަން މަޝްހޫރު ޔުނިވަރސިޓީއެއް ކަމުގައިވާ ބްރެންޑިސްއިން. ފަހުން މާލެ ވަޑައިގެން، އެމްޑަބްލިއުއެސްސީ އާދި އެމްޓީސީސީފަދަ ކުންފުނިތަކުގައި އިސްމަގާމްތަކެއް އަދާކޮށްފައިވޭ. މަރުހަބާ މުޣުނީ. (ހަސަން-ބކކ)
ނާޖިހު ބްރެކެޓް
15 July 2021
މީގެ އިތުރުން މުޣުނީއަކީ އަމިއްލަ ޖަމިއްޔާތަކަށް އެހީތެރިކަން ފޯރުކޮށްދީ، ޚާއްޞައެހީއަށް ބޭނުންވާ ފަރާތްތަކަށް ވަޒީފާގެ ފުރުޞަތުދޭ އެމްޑީއެއް. އިޤްތިޞާދީގޮތުންނާއި އިޖްތިމާޢީ ރޮނގުން ބެލިކަމުގައި ވިޔަސް ޤައުމެއް ބޭނުންތެރި ދަރިއެއް!
އަހުލާމް ޝަރީފް
16 July 2021
ނަން މަޝްހޫރު ބުރެންޑިސް އޭ ކޮންތަނެއް؟. ހާވަރޑް، ޕްރެންސްޓަން، ސްޓެމްފޯޑް، ކޮލަމްބިއާ މިހިރީ ނަން ހިނގާ މަޝްހޫރު ތަންތަނަކީ. ތިބުނާ ތަން ފުރަތަމަ 50 ގަ ކީއްކުރަން 80 ގަ ވެސް ލައްވާނުލާ.
ސެލްފް ކްލެއިމްޑް އެވޯރޑް
15 July 2021
ފައިސާ ދީ އެކިއެކި ތަންތަނުން އެވޯރޑް ގަތުން ހުއްޓުވުމަށް ދައުލަތުގެ ކުނފުނިތަކުގެ އޯޑިޓް ކޮމިޓީއަށް ގޮވާލަން، މިކަންކަމަށް ޚަރަދުކުރަނީވެސް ތަނުގެ ފައިސާއިން.
ޟާ124
15 July 2021
މުޅިކުންފުނި ގަޑުބަޑުކޮށްފި ކުުންފުނީގެ އެތެރޭގެ ހާލަތު ބަލައިބަލަ
Mumthaz Ahmed
15 July 2021
މަހީނހީހަލާކު.
އީސާ ހަލީމް
15 July 2021
ނަމޫނާ ލީޑަރަށް މަރުހަބާ. ދެން ހެނދުނު އެގާރަ ބާރައިގެން ކުރިން އޮފީހަށް ވަޑައިގަންނޭވޭނެ ކަމަށް އަދި ގަޑިއަކަށް ޖަލްސާއަކަށް ކިޔައިފިއްޔާ އެތާ ތިބޭ މީހުން ބައިގަޑި މަޑުކުރަން ނުޖެހޭނެ ކަމަށް ހީކުރަން. އެހެން ނޫނީ ތިދެއްކެވެނީ އަދި ނަމޫނާ އެއްކަމަކަށް ބެލެންނެތް. ރައްޔިތުންގެ ލާރި އެވޯރޑް ނުހޯދާ ތިމާގެ އުޅުން ރަނގަޅުވީ އޮޓަމެޓިކުން އެވޯރޑް ލިބޭނެ. ވަރަށް ސަލާމް