މީގެ ކުރިން ބޭއްވެވި މީޑިއާ ބްރީފިންގައި ރައީސް އިބްރާހިމް މުހައްމަދު ސޯލިހު ވާހަކަފުޅުދައްކަވަނީ.-- ފައިލް ފޮޓޯ:/ މިހާރު
16 ޖުލައި 2021 - 16:01
36 comments
ރައީސް އިބްރާހިމް މުހައްމަދު ސޯލިހު ޗައިނާގެ ރައީސް ޝީ ޖިންޕިން އަށް މިއަދު ގުޅުއްވައި ދެ ގައުމު ގުޅިގެން މަސައްކަތްކުރުމާ ގުޅޭ ގޮތުން މަޝްވަރާ ކުރައްވައިފި އެވެ.
އެ މަނިކުފާނު ކުރެއްވި ޓްވީޓުގައި ވިދާޅުވީ އެ ފޯނު ކޯލަށް ފަހު ދެ ގައުމުގެ ގުޅުން އިތުރަށް ހަރުދަނާވެގެންދާނެ ކަމަށް އުއްމީދުކުރައްވާ ކަމަށެވެ. އަދި ރާއްޖޭގެ ތަރައްގީ އަށް އެ ގައުމުން ވެދޭ އެހީތެރިކަމަށް ޝުކުރު އަދާކޮށް ކުރިއަށް އޮތް ތަނުގައި ވެސް ދެ ގައުމު ގުޅިގެން މަސައްކަތްކުރުމާ ބެހޭގޮތުން މަޝްވަރާކޮށްފައިވާ ކަމަށް ރައީސް ވިދާޅުވި އެވެ.
Looking forward to reinvigorated Maldives-Sino relations following my phone conversation with President Xi Jinping of China this afternoon. I thanked President Xi for China’s support to Maldives’ development and discussed ways to further enhance cooperation between us.
— Ibrahim Mohamed Solih (@ibusolih) July 16, 2021
ކުރީގެ ރައީސް އަބްދުﷲ ޔާމީންގެ ވެރިކަމުގައި އެންމެ ގާތް ގުޅުމެއް ބާއްވަމުން ދިޔައީ ޗައިނާއާ އެވެ. ރާއްޖޭގައި މިހާތަނަށް ހިންގި އެންމެ ބޮޑު މަޝްރޫއު، ސިނަމާލެ ބްރިޖަކީ ވެސް އެ ގައުމުގެ ބޮޑު އެހީއަކާ އެކު ހެދި ބްރިޖެކެވެ. އެކަމަކު، މި ސަރުކާރާ އެކު އެ ގުޅުން ހީނަރުވެ، އިންޑިއާއާ އެކު ދިޔައީ ހާއްސަ ގުޅުމެއް ބާއްވަމުންނެވެ.
މިިދިޔަ ބުދަ ދުވަހު އިންޑިއާގެ ބޮޑުވަޒީރު ނަރެންދްރަ މޯދީ ވެސް ރައީސަށް ގުޅުއްވައި ޕްރޮޖެކްޓުތަކާ ބެހޭގޮތުން މަޝްވަރާކުރެއްވި އެވެ.
ރާއްޖޭގައި މިހާރު ވެސް އިންޑިއާގެ އެހީގައި ތަރައްގީގެ ބޮޑެތި މަޝްރޫއުތައް އެބަ ހިންގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗާލުނަހުލާ
17 July 2021
ހަތަރު އުދަރެސް ފެނުޖެހިފަ
މުޙުއްމާ
17 July 2021
ދުނިޔޭގެ ދެވަނައަށް އެއްމެ ބޮޑު އިޤްތިސާދާ އައްނީ ބުންޏަސް ދެކޮޅުވެގެން އުޅެވޭ ވަރަށްވުރެ ކުޑަޤައުމެއް މިއީ. އައްނިޜުޅިއަޔަސް އަދި މޯދީ ރުޅިއަޔަސް އެބަ ޖެހޭ އެމީހުނާ ގުޅުން އުފައްދަން. ޗައިނާއަކީ އިންޑިއާ ކަހަލަ އަމިއްލަ އެދުމުން ފުރިގެންވާ ވެރިން ތިބި ޤައުމެއް ނުން. ޗައިނާ ސަފީރަކީ އިންޑިއާ ހައިކަމިޝަނަރހެން. މިރާއްޖޭގެ ހޯމް މިނިސްޓަރ ހެދިގެން އޫޅޭ މީހެއްނުން.
ޢަޖައިބު
17 July 2021
ޖަޕާނު ބަޔަކަށް ދީބަލަ. ނުލާހިކު އަވަހަށް ނިންމާނެ!
ޙިނި
17 July 2021
ބީޖޭޕީ އާ ޕީޕީއެމް އާ ހުރި ތަފާތަކީ ކޮބާތަ؟
އަހްމަދުރޒ
17 July 2021
ހަހަހަ ކޮބާ އިންޑިޔާއިން ދޯކާ ދިނީމަ އެންމެ ފަހުން ޗައިނާއަކަށނު ގުޅަން ޖެހުނީ. ތި އިންޑިޔާ މީހުން ނުކޮށްދޭނޭ ކަމެއް، ވިލމާލެ ބްރިޖު ގަނޑުވެސް ނުވިއެއްނު
މިވަރެއްނެތް
17 July 2021
އެންމެފަހުން އުނބަށް ޖަހަންޖެހުނީދޯ؟ ޖިގަރީ ދޯސްތު މޯޑީގެ އަތުން ވެކްސިން ކޮޅެއް ގަންނަންވެސް ނުލިބުނުދޯ؟ އިންޑިޔާގެ ކުންފުންޏަކަށް ޕްރޮޖެކްޓެއް ދިނަސް ކަމެއްވެސް ނުނިމޭދޯ؟ އިސާހިތަކު ފެންނާނެ އެއްކަލަ ބެވި ޗައިނާގެ ކުންފުނިތަކަށް އަނެއްކާވެސް ޕްރޮޖެކްޓްތައް ދޭތަން
ހަސަނު
17 July 2021
ޗައިނާ އަކީ މިރާއްޖެ ގުޅުން ބަދަހިކޮށް ބާއްވަން މުހިންމު ގައުމެއް...
ށަވިޔަނި
17 July 2021
ވަރަށް އަވަހަށް ޗައިނާއަށް ރަސްމީ ދަތުރެއް ކުރާނެ ކަމުގެ އުއްމީދުކުރަން.
އަލީ
17 July 2021
ދޮންކަލޯ އެއީ ފޮރިންމިނިސްޓަރުގެ ޕޮލިސީއެއް ނޫން. އެއީ ރައީސް މައުމޫނުގެެ ޕޮލިސީ. ފޮރިން މިނިސްޓަރަކަށް ހަމަ އެކަނި ކުރެވޭނެ ކަމަކީ ރައީސްގެ ޕޮލިސީ ތަންފީޒުކުރުން. ވަރަށް ސަލާން
އަބުދުލް ޤާދިރު
16 July 2021
ފުރަތަމަ މޯދީއާ ގުޅާފަ ޕްރާނާދޯސްތު އޯކޭ ވީމާ ޗައިނާގެ ރައީސާ ގުޅީ. ވެދާނެ އެގޮތަށް އެއްބަސްވީ އިންޑިއާއަށް ދައްކަން ޖެހޭ ލޯނު އަދާ ކުރަން ޗައިނާއިން ލޯނެއް ލިބޭތޯ މޯދީޖީ ބުނެގެން މަސައްކަތް ކުރަނީ ކަމަށް ވެސް.