ޚަބަރު / މާލެ ސިޓީ ކައުންސިލް

ޖޫރިމަނާކުރަން ވާނީ ޕާކުކުރަން އެކަށީގެންވާ ޖާގަ ފަހިކޮށްދީފައި: މުއިއްޒު

ޓްރާންސްޕޯޓުން އާންމުކުރި ގަވާއިދު ބުނާގޮތުން ގަވާއިދާ ހިލާފަށް ވެހިކަލް ޕާކުކުރާ ކޮންމެ ފަހަރަކު ލައިސަންސުން ޕޮއިންޓް އުނިކުރެވޭނެ. އެއަށްފަހު ލައިސަންސުން ޕޮއިންޓް ހުސްވުމުން އެ ލައިސަންސެއް އޮޓަމެޓިކުން ބާތިލްވާނެ.

ޕާކިން ޒޯނެއްގައި ސައިކަލުތަކެއް ޕާކުކޮށްފައި.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

16 ޖުލައި 2021 - 16:53

39 comments

ޕާކިންއާ ގުޅިގެން ޖޫރިމަނާކުރަން ވާނީ އެކަށީގެންވާ ވަރަށް ޕާކުކުރާނެ ޖާގަ ފަހިކޮށްދިނުމަށް ފަހު ކަމަށް މާލޭގެ މޭޔަރު ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

އޭނާ ކުރެއްވި ޓްވީޓުގައި ވިދާޅުވީ ގަވާއިދާ ހިލާފަށް ޕާކުކުރުމުން ލައިސަންސް ބާތިލުވާ ގޮތަށް އުސޫލު ތަންފީޒުކުރުމުގެ ކުރިން، މާލޭގެ ޕާކިންގެ މައްސަލަ ހައްލުކުރަން ފަށާފައިވާ މަސައްކަތުގައި ރައްޔިތުންގެ ހިޔާލާއި މަޝްވަރާއާ އެކު ނަތީޖާ ނެރުމުގެ ފުރުސަތު ދޭންޖެހޭނެ ކަމުގައި ދެކިވަޑައިގަންނަވާ ކަމަށެވެ.

ޓްރާންސްޕޯޓް އޮތޯރިޓީން އިއްޔެ އާންމުކޮށް އަމަލު ކުރަން ފެށި އެއްގަމު އުޅަނދު ދުއްވުމުގެ ލައިސަންސް ދޫކުރުމުގެ އާ ގަވާއިދު ބުނާގޮތުން ކޮންމެ ލައިސަންސެއްގައި 100 ޕޮއިންޓް ހިމެނޭނެ އެވެ. ގަވާއިދާ ހިލާފުވާ ކޮންމެ ފަހަރަކު ލައިސަންސުން ޕޮއިންޓް އުނި ކުރެވޭނެ ކަމަށާއި އެގޮތުން ގަވާއިދާ ހިލާފަށް ޕާކުކޮށްގެން ޖޫރިމަނާ ކުރާ ކޮންމެ ފަހަރަކު ފަސް ޕޮއިންޓް އުނި ކުރެވޭނެ ކަމަށް އެ ގަވާއިދުގައިވެ އެވެ.

Adhi vehicle ethere kurevey varu control kurumattakaa beynunvaa mauloomath thah fonuvaidhinumah Transport Ministry gai edhifaivaanee. Libunuhaa avahakah Male city ah vehicle ethere kurevey varaai vehicle thakuge umuru kanda elheyne
— Dr Mohamed Muizzu (@MMuizzu) July 16, 2021

ލައިސަންސުން ޕޮއިންޓް ހުސްވުމުން އެ ލައިސަންސެއް އޮޓަމެޓިކުން ބާތިލްވާނެ އެވެ. އެގޮތަށް ލައިސަންސް ބާތިލްވެއްޖެ ނަމަ، އެ މީހަކަށް އާ ލައިސަންސެއް ލިބޭނީ 180 ދުވަސް ފަހުން ކަމަށާއި އާ ލައިސަންސް ލިބޭނީ އަލަށް ލައިސަންސް ނަގާ އުސޫލުން އިމްތިހާންތައް ފުރިހަމަ ކުރުމުން ކަމަށް ވެސް ގަވާއިދުގައިވެ އެވެ.

Gavaaidhaa khilaafah park kurumun license baathil vaa gothah hadhaifi

The most trusted news source in the Maldives

Mihaaru

މުއިއްޒު ވިދާޅުވީ ވެހިކަލް އެތެރެކުރާ ވަރު ކޮންޓްރޯލްކުރުމަށް ބޭނުންވާ މައުލޫމާތު ފޮނުވައިދިނުމަށް ޓްރާންސްޕޯޓު މިނިސްޓްރީގައި އެދިފައިވާ ކަމަށެވެ. އެ މައުލޫމާތުތައް ލިބުމުން މާލެއަށް ވެހިކަލް އެތެރެކުރެވޭ ވަރާއި ވެހިކަލްތަކުގެ އުމުރު ކަނޑައެޅޭނެ ކަމަށް ވެސް އޭނާ ވިދާޅުވި އެވެ.

އެންމެ ފަހުން ބޭއްވި ރިޔާސީ އިންތިހާބުގެ ކެމްޕެއިނުގައި ވެސް، އޭރުގެ އިދިކޮޅު ކެންޑިޑޭޓް އަދި މިހާރުގެ ރައީސް އިބްރާހިމް މުހައްމަދު ސޯލިހު ވަނީ ޕާކުކުރާނެ ޖާގަ ނުދައްކައި ޖޫރިމަނާ ނުކުރާނެ ކަމަށް ވިދާޅުވެފަ އެވެ. އެކަމަކު، އުޅަނދުތައް ޕާކުކުރުމުގައި ވަކި ހިސާބަކުން ހާލަތު ގޯސްވާން ފެށުމުން، ވަކި ހާއްސަ ސަރަހައްދުތަކުގައި ގަވައިދާ ހިލާފަށް ޕާކުކުރާ ވެހިކަލުގައި ސްޓިކާ ޖަހަން ފެށި އެވެ.

މާލެ ސިޓީ ކައުންސިލް ޓްރާންސްޕޯޓް މިނިސްޓްރީ ޓްރާންސްޕޯޓް އޮތޯރިޓީ ޕާކިން ޒޯން ޑރ. މުހައްމަދު މުއިއްޒު، މާލޭގެ މޭޔަރު

39 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަކުރިބެ

20 July 2021

މުއިއްޒުގެ ހައުސިންގ މިނިސްޓަރ ކަމުގައި ހުޅުމާލެ އެތަންމިތާ ހަދާފައި އެހުރި ކާރު ޕާރކްކުރާ ސިސްޓަމްތައް އެހެން ތިބެ ދަބަރަށްވެ ނެތިގެންދަނީ. ހަމަ ގައިމުވެސް މާލޭ ސިޓީގެ މޭޔަރުގެ ހައިސިއްޔަތުން މުއިއްޒުއަށް އެތަންތަން ބޭނުން ކުރަން ފެށޭނެ ގޮތަކަށް ހެދޭނެ. ކޮންއިރަކުން އެކަމާ އުޅޭނީ އެހެންވީމަ؟ ނޫނީ ބަހަނާ ދައްކައި ސަރުކާރު ބޮލަށް ހުރިހާ ކަމެއް ކަނޑާލުމުގައި ދައުރު ނިންމާލާނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕާކިން އަހުމަދު

17 July 2021

މާލެއަށް ނުކަތާވަރައް އުޅަނދު ރަޖިސްތްރީ ކޮށްނުދީ. ޕްރައިވެޓް ކާރަވީ ރާއްޖެއަށް ބޭނުންވާ އެއްޗެއްނޫން. ޢަމިއްލަ މީހުންގެ ޓެކްސީވެސް ބޭނުމެއް ނުޥޭ. ޓެކްސީ ހުންނަން ޖެހޭނީ ޓެކްސީ ކުންފުނީގަ. ސައިކަލް މާގިނަ. ބަސް، ޓްރޭމް، ގެ ހިދުމަތްދީ. ޢަހަރީ ފީތައް ބޮދުނުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަން

17 July 2021

ކޮންމެ މީހަކު ބޮޑު އަގުގަ ތިރީގަ ފިހާރަ ނޫނީ ކެފޭ ހިންގަން ގެ 10 ބުރިއަށް ހަދާއިރު ވެހިކަލް ޕާކްކޮށްލާނެހާ ޖާގައެއް ނުބާއްވާ. ވެރިމީހާގެ ކާރަށް ގަރާޖެއް އެކަނި ހަދާލިއަކަސް އަދި ރަގަޅެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫޖި

17 July 2021

އިންޑިޔާގެ އެއްބިލިއަން މީހުންނާ ބަންގާޅުގެ ދުއިސައްތަ މިލިއަން މީހުން ދުއްވާވެހިކަލް މި ކުޑަ މާލޭގައި ޕާކްކިރާނެ ޖާގަ ހެދުމަކީ މުސްތަހީލުކަމެއް. މިހާރު ދިވެހިންނަށްވުރެ ބިދޭސީންގެ ވެހިކަލްތައް މަދެއްނުވާނެ. ހަރުދަނާ އުސޫލުހަދާފަ ބުދޭސީންނަށް ވެހިކަލް ރަޖިސްޓްޜީކޮށްނުދިނުމަށް ހޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

17 July 2021

ދުނިޔޭގެ އެއްވެސް ގައުމެއްގައި މަގުތަކުގައި ޕާކެއްނުކުރޭ. ޢަދި އެންމެންގެ ވެހިކަލް ޕާކުކުރާނެ ތަނެއްވެސް ނުހެދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

17 July 2021

މާލެ ފުރި ބާރުވަނީ ގަވައިދާ ހިލާފު ބަންގާޅި ހާއްޔަކައް މާލެ ވެއްޖެ، ބޭރުމީހުނައް އެކަނި ވިޔަސް ކުޑަ ސިޓީ މޮޑާން ޓުވިސްޓެއް ގެނެސް ތައާރަފް ކުރަންޖެހޭ. މަގޭ ފުލްސަޕޯޓު މުއިޒައް ދޭނަން މާލޭގަ ވިސާނެތި އުޅޭ ބޭރު މީހުންގެ މައްސަލަޔައް ދާއިމީ ހައްލެއް ގެނެސް ދީފިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ

17 July 2021

ޖޫރިމަނާ ކުރުން މައްސަލައެއް ނޫން، އެކަމަކު އިސްޓިކާ ޖަހައިގެން ލައިސަންސް ގެއްލުން އެއީ ގަބޫލް ކުރެވޭނެ ކަމެއްނޫން.... ކަމެއް ކުރީމޭ ބުނަން މިނިސްޓަރު ކޮއްލިކަމެއްބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

17 July 2021

މީނަ މީ ކޮންފަދަ އިންސާނެއްތަ. ނިކަމެތި ރައްޔިތުންގެ ފްލެޓްތައް ބަހާލީ މީނަގެ ޕާޓީގެ އައުވާނުންނަށް މިނިސްޓްރީގައި ސިއްރުކޮޓަރިއެއް ހަދައިގެން ކަމަށް އެބުނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރެއްނެތް

17 July 2021

ކިޔަވިއަސް ރޯނުއެދުރަކަށް ވެދާނެދޯ! އަޅެ ދުނިޔޭގެ ކޮން ގައުމެއް/ކޮން ސިޓީއެއްގައިތޯ އެތަނެގައި ރަޖިސްޓްރީކުރާ ކޮންމެ އުޅަނދަކަށް ޕާކުކުރާނެތަނެއް ކަށަވަރުކޮށްދެނީ؟ އުޅަނދު ގަންނަ އަގު ވެރިމީހާ ދައްކާގޮތަށް އެޕާކްކުރާނެތަނެއް ހޯދުމަކީވެސް އެމީހެއްގެ ޒިންމާއެއް. އަހަރީ ފީ ދައްކަނީ އެއުޅަނދު ދުއްވާމަގުތަގެ ޚަރަދަށް އިނގޭތޯ! ޕާކިންއަކަށް ނޫން! ކޮންމެ އުޅަނދެއްގެ ވެރިއަކަށް ޕާކްކުރާނެތަނެއް ދެންޔާ އެހެން ރައްޔިތުންނަށްވެސް އެފަދަ ޖާގަދޭންޖެހޭނެދޯ؟