ބީއެމްއެލް ކާޑު ބޭނުންކޮށްގެން ފައިސާ ދައްކަނީ-- ފޮޓޯ: ބީއެމްއެލް
17 ޖުލައި 2021 - 08:56
22 comments
ބީއެމްއެލްގެ ކްރެޑިޓް ކާޑުތައް ބޭނުން ކޮށްގެން ރާއްޖެ އިން ބޭރުގެ މުއާމަލާތުތައް ހިންގޭ ލިމިޓު މިއަދުން ފެށިގެން 500 ޑޮލަރަށް ބޮޑުކޮށްފި އެވެ.
އެ ބޭންކުން ވަނީ ކޮވިޑް-19އާ ގުޅިގެން ރާއްޖެ އަށް ޑޮލަރު ލިބުމުގައި ހުރި ދަތިތަކުގެ ސަބަބުން މިދިޔަ އަހަރުގެ ސެޕްޓެމްބަރު މަހުން ފެށިގެން ރާއްޖެ އިން ބޭރުގައި ކްރެޑިޓް ކާޑުގެ ލިމިޓު މަހަކު 200 ޑޮލަރަށް ކުޑަކޮށްފަ އެވެ. މިއީ ރާއްޖެ އިން ބޭރުވާ ޑޮލަރުގެ އަދަދު މަދުކުރުނަށް ބީއެމްއެލުން އެޅި ފިޔަވަޅެކެވެ.
މިއަދު ގެނައި ބަދަލާއެކު، ކްރެޑިޓް ކާޑު ބޭނުން ކޮށްގެން ބޭރުގެ މުއާމާލާތުތައް ހިންގަން ކޮންމެ މަހަކު 500 ޑޮލަރު ބޭނުން ކުރެވޭނެ އެވެ.
ބީއެމްއެލުން ބުނީ، އެ ބޭންކުގެ ކާޑުގެ ޕްރައިމަރީ އެކައުންޓުގެ ގޮތުގައި ދިވެހި ރުފިޔާ އެކައުންޓް ކަނޑައަޅާފައިވާ ޑެބިޓް ކާޑަށް މިހާރު ވެސް ދީފައިވާ 250 ޑޮލަރުގެ ލިމިޓް ބޭނުންކުރެވޭނެ ކަމަށެވެ. ޑެބިޓް ކާޑުގެ ޕްރައިމަރީ އެކައުންޓްގެ ގޮތުގައި ޔޫއެސް ޑޮަލަރު އެކައުންޓް ކަނޑައަޅާފައިވާ ނަމަ ކަސްޓަމަރުންނަށް ދުވާލަކު 3،000 ޑޮލަރާ ހަމައަށް ބޭނުންކުރެވޭނެ ކަމަށް ބޭންކުން ބުންޏެވެ.
ރާއްޖެ އިން ބޭރުގައި ދިރިއުޅޭ ބީއެމްއެލްގެ ކަސްޓަމަރުންނަށް މިހާރެކޭ ވެސް އެއްގޮތަށް ކޮންމެ ކާޑަކުން، މަހަކަށް 750 ޑޮލަރުގެ ލިމިޓެއް ލިބޭނެ އެވެ. އަދި ބޭސްފަރުވާ އާއި ތައުލީމާ ގުޅުން ހުރި ކަންކަމުގައި ފައިސާ ދެއްކުމަށް ކާޑަށް ވަގުތީ ލިމިޓް ދެމުންދާއިރު، ލިމިޓް އިތުރު ކުރުމަށް އެދި ކަސްޓަމަރުންނަށް އިންޓަނެޓް ބޭންކިން މެދުވެރިކޮށް ލިޔެކިޔުންތައް ހުށަހެޅޭނެ އެވެ.
ބޭންކުން ބުނިގޮތުގައި، ހާލަތަށް އަންނަމުންދާ ބަދަލުތައް ބަލައި ކުރިމަގުގައި ވެސް އިތުރު ބަދަލުތައް ގެންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަގީރުމީހާ
17 July 2021
ރާއްޖޭގަ ވިއްޔާ ނޫނީނޯވޭ ރައްޔިތުން ހަލާލުގޮތުގައި ބުރަމަސައްކަތް ކޮއްގެން ހޯދާ ފައިސާ ވަކިބަޔަކު ބޭނުންވާގޮތައް ކޮންޓުރޯލް ކުރާތަނެއް. ބީއެމްއެލް އޭކިޔާފަ މުއްސަދިންނާ ފަގީރުންގެ މެދުގައި ޑިސްކުރިމިނޭޓް ކުރަނީ، މުއްސަދިން ބިޒްނަސް އެކައުންޓު ހުޅުވައިގެން އަންލިމިޓެޑް ކޮން ރާއްޖެއާއި ރާއްޖޭން ބޭރުން ޑޮލަރުގެ މުައާމަލާތްތައް ހިންގާކަމީ އެންމެން ދަންނަ ބޮޑު ސިއްރެއް، އެހެން ގެންނަ މުދާ ބޮޑުއަގުގަ އެެއްކަލަ ނިކަމެތި ފަގީރުމީހާ އަށް މިވިއްކަނީ.
ހަސަނު1
17 July 2021
ފަގީރުންނެއް ނޫޅޭ ބޭރުން އެއްޗެހި ގަންނަން ޑޮލަރު ނުލިބިގެންނެއް. އެހެން ވެއްޖިއްޔާ އެއީ ފަގީރެއް ނޫން. އަހަރެން ދަންނަން ނިކަމެތި ފަގީރުން. އެމީހުން ބޭނުންވަނީ ކާނެ އެއްޗެއް، ގެ ހިޔާކޮށްލާނެ ގޮތެއް، ދަރިންނަށް އަންނައުނު. ކޮންމެހެން ފަގީރޭ ކިޔައިގެން މޮޅުވާހަކަ ދައްކާނެކަމެއްނެތް.
މުހައްމަދު
17 July 2021
އެމް.އެމް.އޭ އިން ބުނެދޭންވާނެ ކުރެޑިޓް ކާޑުގެ ލިމިޓުގެ މާނަ. މިއޮތީ ވާ ޤައުމެއް. މި ޤައުމަށް ޑޮލަރު ނުވަންނާތީއެއްނޫން މައްސަލަޖެހެނީކީ. މައްސަލައަކީ ލިބޭ ޑޮލަރުކޮޅުވެސް ވަކިބަޔަކު ނާޖާއިޒު ފައިދާނަގަން ނިޒާމު އެބިއުސްކުރާތީ. އެމް.އެމް.އޭ ނެވާރ ފެއިލްޑް އިން މޭކިންގ އަސް އެންގްރީ އެންޑް ހެލްޕްލެސް އޭޒް އޯލްވޭސް.
ކާޑު ހޯލްޑަރ
17 July 2021
ބޭންކުން ދޫކޮށްފައި ހުރި ކްރެޑިޓް ކާޑުތައް އެންމެ ބޭނުންޖެހޭ މީހުންނަށް، އޭގެ ކްރެޑިޓް ލިމިޓްގެ 98 ޕަސަންޓް ކަންޑާލާފައި ބޭއްވުމަށް ފަހުގައި އެތަށް މަސްތަކެއް ފަހުން އެއަށް ތިޔަ އިތުރުކުރީ އެންމެ 3 ޕަސެންޓެވެ. މާނައަކީ އަދިވެސް ވަނީ 95 ޕަސަންޓް އުނިކޮށެވެ. އެކަމަކު ކާޑުތަކުގެ އެނުއަލް ފީއިން އެންމެ ލާރިއެއް ވެސް ކަނޑާނުލައެވެ. ވީމާ، ތީ އާދައިގެ ކާޑުހޯލްޑަރުންނަށް ކުރާ މަލާމާތަކީ ހެއްޔެވެ؟ މިއާ އެކު ސަރުކާރާއި ބާރުގަދަ ފަރާތްތަކަށް 20-50 ހާސްޑޮލަރާ ދޭޔެރޭގެ ކްރެޑިޓް ލިމިޓް ތައް އޭގެ ގިނަ މީހުންނަށް ފުލްކޮށް ދީފައި ހުރުމާ، ހަމަ ފޯންކޯލަކުން ލިމިޓް މަތިކޮށްލަ ދޭ މީހުންވެސް އޭގެތެރޭގައި ވުމަކީ ގިނަ ބަޔަކު ދަންނަ ބޮޑުސިއްރެވެ.
ހަސަނު1
17 July 2021
20-50 ހާސް ޑޮލަރަށް އެކަުންޓުގައި މިލައަނުން ޑޮލަރު ހުރި މީހެއް ފިޔަވާއި ދޭފައެއް ނުހުރޭ، ތިދައްކަނީ 20-50 ހާސް ރުފިޔާގެ ވާހަކަ، އެކަމަކު އެމީހުންނަކީ އެވަރުގެ މުސާރައާއި ފައިސާ އެކައުންޓަށް ވައްދާ މީހުން. އެމީޙުންނާ އެއްވަރަކަށް ކްރެޑިޓެއް ނުދެވޭނެދޯ؟
ބޭބެ
17 July 2021
މަހުޖަނުން ...މުއްސަދިކުރުން....ސަރުކާރުގެ...ބޭނުމަކި
ބޭކާރު
17 July 2021
ރާއްޖޭގެ ކަރަންސީ ޑޮލަރަށް ބަދަލުކުރަން ފެންނަނީ
ދާލު
17 July 2021
މިއީ 2021، އަދިވެސް ތިޔަބޭންކަށް ގުޅައިގެން 45މިނިޓް އެއްގަޑިއިރު ފަހުން ފޯނު ނަގަނީ، އަހަރަކު އެތައް މިލިއަން ފައިދާވާއިރު ކީއްތަވާނީ ރަނގަޅު ސިސްޓަމެއް ގާއިމުކޮށްފަ މުވައްޒަފުން އިތުރުކުރިއްޔާ ކޯލްސެންޓަރަ އަށް.
ސަހަރޯ
18 July 2021
އޮންލައިން އެޕް ބޭނުންކޮއްގެން އަމިއްލަޔައް ހިދުމަތް ލިބޭނެ ގޮތް ހަދައިދީފަ ހުރެ 2021ގަ ތިކިޔަނީ ފޯނާ ފޯނު ނަގާނެ މުއައްޒަފުން އިތުރު ކުރަން. ބޯ ހަލާކު
ޒިން
19 July 2021
ތިއީ ހަމަ 100 ގެ ވާހަކައެއް.
ގުދުގުދާބެއްޔާ
17 July 2021
ބޭންކުން އެބުނަނީ ކައިގެންނޭ ފުރާނީ ނުކައެއް ނުފުރާނަމޭ! ގިނަ މީހުންގެ އެކައުންޓްއަކީ ވިސާ ޑެބިޓްކާޑް ކުރެޑިޓްކާޑް އޮންނަނީ ގިނައިން ފިޔަފާރި ކުރާ ވިޔަފާރިއެއް އޮންނަ މީހުންގެ، މަދުން ނަމަވެސް ނޯންނަ ވާހަކައެއްނޫން! މަ ހީކުރީ ވިސާޑެބިޓްކާޑްގެ ލިމިޓް އިތުރު ކޮއްދޭނެކަމަށް! މިއުޅެނީ ނެޓްފުލިކްސް އަށް ވެސް ފައިސާ ނުދެއްކިގެން! އެވަރުވެސް މަގޭ ބޭންކޭ ކިޔާ އަޑުއަރުވާ ބޭންކައް ނުވި!
ހުސެންބޭ
17 July 2021
ނެޓްފްލިކްސް ބަލާކަށް ނުޖެހޭ
ތްރީޑީ
17 July 2021
ހަހަހަހަ ބޯ ހަލާކު
ހަސަންބޭ
17 July 2021
ހުސެންބޭ ނުބަލަ ހުރޭ އަހަރުމެން ބަލާނަން ނެޓްފްލިކްސްވެސް އަދި އެހެން ސައިޓުތަކުންވެސް
ހުސެން32432432
17 July 2021
500 ޑޮލަރައް ބޮޑު ކުރީމަކާއެއް ކްރެޑިޓް ކާޑްގެ ބޭނުމެއް ނުހިފޭ ! ކްރެޑިޓް ކާޑައް ދީފައި އިންނަ ލިމިޓައް މަހަކު 1 ފަހަރު ނަަމަވެސް އެބަޖެހޭ ދޫކޮއްލަން ! މިސާލަކައް 2000 ޑޮލަރު އަކީ އެމީހެއްގެ ކްރެޑިޓް ލިމިޓް ވެއްޖެޔާ އެ 2000 ޑޮލަރު މަހަކު ބޭނުން ކުރެވޭގޮތް ހަދަން އެބަޖެހޭ ! ކްރެޑިޓްކާޑް ބޭނުން މިހާރު ބަޓަރ ޖަހަންގެންގުޅޭ ވަޅި އެއްގޮތައް ބޭނުން ކުރިޔަސް މާ ފުދޭނެ !
ހަސަނު1
17 July 2021
މަހަދު 2000 ޑޮލަރު ޚަރަދު ކޮށްލާނީ ހާދަ މުއްސަނދި ވީމައޭ.. ތިފަދަ މީހަކަށް ޑޮލަރު ކޭޝް ލިބޭނެ.
ޙައިދަރުބެ
17 July 2021
ގައުމަށް ވަންނަ ޑޮލަރު 50 ޕަސެންޓް ރުފިޔާއަށް ބަދަލުކުރަން ބޭންކުތަކަށް އަންގާބަލަ. އޭރުން ނިކަމެތި ރައްޔަތުމީހާ ތިވަރަށް ނުފެލުވާ ހަމަޖެއްސޭނެ. އެހެނަސް ޑޮލިރުން ޢާނމުދަނީ ލިބޭ މަހުޖަނު ނުރުހޭނެ. ވީމާ ސަރުކާރަށް އެހަށްލު ކަމަޖުނުދާނެ. އަބަދުވެސް ރައްޔަތުމީހާ ހަފުސްކޮށްލާ ސިޔާސަތު. ވޯޓް ހޯދަންވީމާ ރައްޔަތު މީހާ އެއީ ގައުމުގެ ވެރިންނޯ!!
ވިސްނާތި
17 July 2021
ބީއެމްއެލް ރަނގަޅުވުމުން ރައްޔިތުންނަށް ފައިދާވަނީ އެކަމަކު މިސަރުކާރުގެ ސަބަބުން ބީއެމްއެލް އަށް ވަނީ ގެއްލުން އިންޑިއާ އިން ނަގާ ބޮޑެތި ލޯން ދައްކަން ޖެހެނީ އިންޑިއާ ބޭންކަށް ބަދަލުގައި ސަރުކާރުން ބީއެމްއެލް އަށް ލޯނެއް ބޭރު ބޭންކަކުން ނެގި ނަމަ މިއަދު ބީއެމްއެލް އިން ރިސޯރޓް ހަދަން ލޯން ވެސް ދެވުނީ ނޫންތޭ..